حفلة الثانوية [ اباكم ضروري]

[كبيرة بعيوني]

مرحبــا
شحالكم
اول مرة اطلب منكم طلب
واتمنـــــــى انكم ماتخذلوووني

مثل ماتعــرفون> اللي مايعرفون جب الحين عرفتوا لولز
كل سنة المدرسة يسوون حفل تخرج
حق طالبات الثانوية

والحفلة ينظمونهــا بنات ثاني ثانــوي

عصــرت مخي حصلت فكرتيــن بس وبعدنا نفـكر اذا بتصلح ولا

اللي أبيــه منكم انكم تساعدوني بأفكاركــم
يعني ان شالله ان شالله ما بكلفكم وايد
بس 5 دقايق تعصـــرون فيها مخكم طشوونة

وتدقون على اسمي .. وبعدين "ارسال رسالة خاصة"
وتطرشــولي الفكرة عـ الرسايل الخاصة
وانا بقراهــا وان شالله بنفذهــا
ابا افكــار مبتكرة مش تقليديــة
لان التقليديه مكودااات منها عند البناااات
سوري لو بتعبكم بس لقيتكم جدامي قلت ان شالله بتعينوني

بنات المــدارس تعرفون شو يستوي فـ حفلات التخرج فـطرشولي أي افكار سويتوها
حتى لو فـ حلفة العام .. يمكن تنفعني

اذا ما تقدرون تكتبون تفاصيل وجي .. كفاية بس تعطوني الفكرة الرئيسية
او رؤوس أقلااام مثل ما يقولون

ابا ردودكم بأســرع وقت لو تقدرون

والسمــوحة لو طولت عليكم
ولو في أي استفسار اكثر اسألوني واجاوبكم



باي

> ياخي والله حلوة هالصورة

[العجيبة]

هيهيهيهي ما عندكم مسات ينظمن الحفل

أكيد بتسون عرض بوربوينت .. انزين في هالعرض ظهروا صور البنات وهم صغار

وبعد صور البنات .. صوروا كم صورة للصفوف وهي فاضيه اونه خلاص البنات بيروحن

حطوا كلام مؤثر في صور الصفوف .. بينجلب المكان مناحة .. خ خ خ

يالله بالتوفيج

[تحفه]

عليكم السلام والرحمه

وين بتكون الحفله ؟؟ .. في المدرسه ولا فندق ؟؟

[مزن هتان]

مرحبتين
عن فكرة العجيبة وايد حلوه وان شاء الله البنات راح يسوونها(عرض البوربوينت)
بس على فكره نحن ثانويه عامه محد راح ينظمها لنا نحن بروحنا اللي نظمناها وقهر الادراة موحده لبس البنات
يا حسرة يا ام خدود وين تبين اونه فندق هم بالمدرسة وذالينا ذل

ما عندي افكار

[تحفه]

ول .. اشعنه عاااد .. يمعو بيزات و احجزو في فندق .. وخل حفلة المدرسه اتولي ..
والله ما دام الشغله فيها مذله .. بعدين الاداره روحها بتقولكم انها بتشرف على الحفله


والله مرات المدراس اتلوع الجبد .. اصلا لازم يكون شي اساسي انهم يحطون في بالهم هالحفله ..

[الحساس]

عندي شي ماادري يناسب او لا بس راح يكون ذكرى ماتنسى مول من مخ البنات...

سيري محل بيع الحيوانات.. واشتري فار لونه ابيض وعيونه حمر.. ( عنا بالتشيك الواحد بدرهم واحد رخييييص)

ووقت الحفله نزلي الفار في ارضيه الصف او مكان الحفله .. وخذي كيمره معاج وسدي اذنيج عن الصريخ وصوري الاحداث المثيره :))))))))

انا سويت هالحركه هنه بالتشيك في عيدميلاد واحد من الشباب وعازم كل الي بالدفعه من بنات واولاد.. بس زين ماراغني من الحفله!!!

[الثعلب الرمادي]

شو هالتطور اللي في المنتدى ... انزين شوفو هالفكرة مع ان الطلاب اللي في السنة اللي تخرجت فيها محد فكر فيهم بحفلة تخرج لكن علاقتنا كانت حلوة و ما اعتقد اي طالب بينسا هذي السنة طول حياته فالحفلة مب كل شي الاهم هل هذي السنة كانت مميزة او لا ... اما عن الحفلة و الافكار فاكيد بتكون الحفلة معتبر لو طلبتوا بيتزا هت تكفي كل طالبات الصف و تكون حفلة سريعة بدون كلام فاضي و اتمنى لكم التوفيق

[مزن هتان]

البنات عدنا يتبيخلن على عمارهن

[نجمة دبي]

عيبتني فكرة اخوي الحساس

ليش ما تسوون معرض .. كل وحده اتبيع مريولها وكتبها ..

سوري اختي ماعندي اي فكره ...

السموحه


اختكم

[كبيرة بعيوني]

العجيبـــة
حلوة الفكــرة
بخبر البنات وبنشوف
ومب سالفة ماشي مسات
عدنا بس نحن اللي نختار الفقرات وجي


ام خــدود
نحن فكرنا نسويها فـ المجمع الثقافي
ووافقــوا .. عقب قالت لنا الادارة الفندق احسن
والفندق وافقوا عااادي .. والمسألة مب مسألة بيزات
لان الفندق عدنـا حق المدارس يكون ببلاش عسب الوزارة اللي تدفع يعني
بس عقب بنات الثانوية ماطاعن .. مايبن اونه .. ليش !! مادري


مزن هتان
اوكي تقدرين تخبريني عن الفقرات اللي سويتوها فـ حفلتكم؟


الحساس
جي بتستوي فوضــى . بالنسبة الي انا وشلتي عادي خخخ
بس الادارة والبنات .. تعرف انته هه .. طوووط رقابة


الثعلب الرمادي
شو السالفة ؟؟ انزين خلاص البنات مستانسين عـ الحفلة .. وعايبتنهم
السموحة اخوي

نجمة دبي
مشكورة اختي بس نحن نبي فقرااات حق الحفلة وجي (=

السموحة منكم .. مشكورين على ردوودكم
بس دخيل والديكم ابا افكااار حق فقرااات .. لازم اسلمها يوم السبت

[دموع قلم]

السـلام عليكم ورحمـة الله

كبيــرة بعيـونـي ..
مرحبتيـن الغاليــة
شحـالج أنتـي؟!! عسـاج ابخير


احينـة ما عنـدي أفكـار جـديـدة ..
بـس تـذكرت في حفلـة تخـرج ثـالث إعـدادي سـويتي فقـرات بسيطـة ومنهـا
وحـدة عنـدنا كانت تصـور كل موقـف مضحـك يستـوي بيـن البنـات, وفي
حفلـة تخـرج عرضـوا هذه الصـور كلهـا على البنـات والمعلمـات, وكانت
مواقـف حلوة ومضحكـة




ينقـل الموضـوع لواحـة المـدارس والجامعـات كونهـا الأنسـب
وإن شـاء الله الأعضـاء ما بيقصـرون

[شمعة أمل]

نحن في مدرستنا الاداره ماتتدخل في اي شي نسوي كل شي بنفسنا

الحجز يكون في فندق نحجز صاله من سنتين وهم يحجوزن في جميرا بيتش يعزمون بنات سنة 12 كلها ويا المدرسات مادري شو يسون بالضبط هناك لكن اتوقع يتعشون ويا سوالف ورقص وصياح وهالخرابيط ..
عشان تخلونه شي البنات ماينسونه .. سوو كتاب نفس year book خاص فيكم انتو بس تكتبون فيه كل المواقف اذا وحده زعلت من وحده وشو صار في هالايوم وايام سالفة استوت ولا ضرابه ولا شرده ويمعو صور انتو مصورينها في المدرسه مع بعض وهاتو بنت في صفكم شاعره تكتب قصيده فيها اسم كل بنت في صفكم< صف قم اختي جي سوو وطلع وااااااايد حلو
وترومون مثلا تسون شي يكون مشترك مثلا شي ناس يسون خواتم ينكتب عليه اسمهم والسنه الى تخرجو فيهم

همممممممممممممممممممم
وبس

[الملكه الدلوعه]

السلام عليكم ورحمة الله وبركاته
هــــلا ...

اممم .. هالسنه علينا نحن نزهب الحفله لهم ..(ثاني ثانوي)..

مثلاً ....

حفل انشادي .. لقطه انشاديه من اداء الطالبات ..

..

عرض على الفلاش او البوربوينت صور للطلابات من يوم هن صغار (خذوهن من الاداره عنهم ملف كل طالبه لما دشت المدرسه ) وصورهم وهم كبار وصور عنهم بالمدرسه ..

..

بعض المسرحيات .... او اي شي ...

..

او وحدهمن الطالبات تقدم شعر من تأليفها اهداء لكل طالبات الثانويه العامه ..


امممم

ان شاء الله بيب لج افكاار وبطرشها لج ...

محبتي
ملووكه

[كبيرة بعيوني]

مشكورين والله
اكون شاكرة إلكم
كل افكاركم بعرضها عـ البنات باجر باذن الله
مشكورين والله ماتقصرون (=

[بنت الدلع]

مرحب حبووبه

توه جفت موضوعج
ما انتبهت عليه
مادري اذا سويتو الحفله ولا بعدكم

اذا ماسويتوها خبريني عشان اعطيج افكار
واذا سويتوها بعد خبريني عشان ما اتعب عمري بالكتابه

نحن حفلتنا باجر
احسها بتكوون عجيبه