نصووور ابن بطوطة

**ذنـيـنـي** · 18-04-05 ||, 03:17 PM

السلام عليكم و رحمة الله و بركاته

البارحة العصر سرت مركز ابن بطوطة ويا ربيعي

و شفت انه المركز فيه اشياء تستاهل انه الواحد يصورها

و حبيت اعرض الصور الي صورتها لكم

===
المدخل الي عند القسم الصيني

هذه السفينة الصينية معروضة داخل المركز
كيف دخلوها انا ما ادري >>>> يمكن صنعوها داخل

هذا الفيل في القسم الهندي من المركز

القسم الفارسي
مسوينه بالكامل من الموزاييك, بصراحة هالقسم متعوب عليه

قسم الاندلس

الصورة هذه قبل ما اصورها تأكدت انه ما في حد يطالعني و انه المكان خالي

طبعا حاولت عدة مرات الين ما ضبطت الصورة

لكن بعد ما خلصت تفاجأت باكثر من 5 اشخاص واقفين يتطالعوني شو اسوي >>> فضيييحة

انصحكم تسيرون المركز
لأنه بصراحة اكثر من رائع

و السموحة منكم

اخوكم نصــــووور

**الاسطوري** · 18-04-05 ||, 06:37 PM

السلام عليكم ..

عاش بطوي مول ، بصراحه المول ماعليه كلام ومن برع يبين وايد عود

بس يوم بتتمشى داخله مابتحس بعمرك إلا لفيته كله فدقايق ،

والسفينه هاي اتروم اتطوف تحتها وفي فتحه

عادي اليهال يندسون فيها

وأهاليهم

مايدرون بس المول بشكل عام استايله حلو ومميز

وفيه كل الأشياء المطلوبة وأهم شي إنك

تحس عمرك في مكان ثاني

مب دار الحي

لاتنسون يسمونه

بطوي

**عنود الريف** · 18-04-05 ||, 07:20 PM

يا حافظ على بطووووي <<< عقولتك الاسطوري ..
يا هلا ومرحبا ..
المركز ما عليه اي كلام ..
لين الحين انا شايفتنه في الصور بس ...
بس ان شاء الله بسير له قريب ..
تسلم اخويه نصووور .
والسموووحه ...

**العجيبة** · 18-04-05 ||, 09:18 PM

حلووو والله

وين مكـانه ؟

تسلم بابن بطوطة

خ خ خ عم دهب وينه عنك ؟

**الغاليه** · 18-04-05 ||, 10:28 PM

ياااااااسلام عليه البطبوووووط هذا
,,,,,
احسبه شي غيــــــــــر ومميـــز

ياااربي تحمست للروووحه انا

شكرا عالصور اخويه

**أوتار القلب** · 19-04-05 ||, 01:15 AM

عليـــكم السلام

حلو المركز

بس وين موقعه بالضبط
اول مره اسمع عنه

و بعدين اسم المركز ابن بطوطه

تسلم اخويه عالصور

**أخت القمر** · 19-04-05 ||, 10:03 AM

وااااااااو

صور روووعه

تسلم اخوي

**ولد الحكومة** · 08-05-05 ||, 09:43 PM

" نصوووور "

هلا بولد عيمان ، اشحالك الشيخ ، عساك مرتاح

تسلم اخوي عالصور الحلوة . ويعطيك العافيه

نتريا ايديدك الغالي.

ولد الحكومة

**الجنيه** · 08-05-05 ||, 11:00 PM

السلام عليكم ورحمه الله وبركاته

تسلم على الصور

الصراحه المول عجييييييييييييب سرت له وودي أروح له مره ثانيه بس بعد ما يكمل
ويفتتحون المحلات كلها ...
كشكل وأستايل ما عليه كلام أما البقيه عادي يعني حاله حال كل السناتر نفس المحلات بس أغلى ( بتقولون عني زطيه بس صدق الأسعار ضو ) ...
الله يسلمكم للي يبي يعرف موقعه بالضبط
بعد مدينة دبي للأنترنت ثاني جسر خذوا شارع اليسار بيوصلكم للباركنات على طول ...
بس حالياً فيه شغله مو حلوه واللي هي أنه بعده ما جهز والأرضيه مغبره من الخاطر خيست عباتي ...
قريب من مكان شغلي عسب أسير أحوط