رجال في حياة زوجي في اوراق وردية مبعثرة

[مخاوية الامل]

السلام عليكم ورحمـة الله وبركـاته ..

كيف اتكون حياة الزوجه .. يوم اتحس ان ريلها بعيد عنها ..

وكيف يكون موقفها يوم اتحس ان هناك من ياخذ من وقته .. فما بالكم لو كان هالشخص طرف ثالث من حياته ..

لكن هالمره هالطرف مب ا بنيه !!!

انما احد الاصدقـــــــــــاء ....

اقتربوا من عيال زايد .. علشان نكمل مشوارنا.. كي نشهد هذا المشهد الصغير .من الورقه الثانيه المبعثره . ابين ابو محمد وزوجته .. وخلونا انشوووف شو اللي داير في حياتهم الزوجيه .. من خلال هذا المشهد الدرامي ..

الزوجه : محمد ابيك في سالفه ..

شو تبين ..

انزين اقعد عسب تسمعني ..

الزوج: قولي انزيييييين شو تبين؟ ما عندي وقت .. تبين فلوس.؟

الزوجـة: بس ! هاللي همــك .. فلوس وفلوووس مشكور ماأبا فلوس

الزوجه : اش رايك نتعشى اليوم برع

الزوج: انا اليوم اربيعي عازمنيه ما اروم ..

الزوجه: وانت من متى عندك وقت ليا .. كل ما قتلك ايلس .. كل يوم والثاني اتقولي معزوووم .. وطالع .. وما عندي وقت ... .. أنا حرمــتك.. أنا أولى فيك من ربيعــك

الزوج: وشو تبيني .. أيلس وياج ف البيت أجابل ويهج 24 ساعـة!

الزوجـة: أنا ماقلت جي .. بس عاملني أوكي .. حس فيني .. مب كله ربعك وبربعك ولا كاني انا ولا عيالك جزء من حياتك ..

الزوج: والله ربيعي محد عنده ولازم أيلس وياه..

الزوجة: انزين وأنــــــــــــا؟ . وعيــالك؟ كله بس ربيعك ! عطني أنا وعيالي حقوقنــا .. بعدين تكلم عن ربعــك..

موول ما امحصلينك .. اوقاتك كلها من دوام ورقاد وطلعات ويا الربع ..

صرت انت مسؤوول عن عايله.. وزوجه وعيال .. حاول تنسى ولو اشويه انك مب اعزب .. انت صرت متزوج ..

....

هذه إحدى المواقف .. اللي تمر ف الحياة الزوجيــة..

إهمــال الزوج زوجـــته ..

ظاهـــــــرة انتشــرت بكثــرة في زمننا الحـاضر ..

والسبب .. أصدقــاء الزوج الذين لا يمتلكــون زوجــة !

الزوج .. يقضي معظم أوقــاته مع رفقــاءه العزب

ومفهوم المنزل الزوجي عنده هو كالفندق ..

ينــام ويأكــل فيـه فقـــــــــط..

الزوجــة.. تتحمــل مسؤوليـة الأبنــاء لوحــدها .. وكأنها أنجبتهــم لوحــدها .. وتنتــظر الزوج لأنصــاف الليـالي ..

الزوج .. لا مبــــــــــــــال.

إن من حق الزوج .. بأن يعطي الزوجــة حقــها ..

لأنها أم أبنــائه أولا .. وشريكــة حيــاته ثانيـــــــــا ..

والأبنــاء ..

بحــاجــة إلى آبائــهمـ أكثــر من أي شيء في الوجود ..

....

... اعلمي اختي الكريمه/ اخي الكريم ..

انها ليست غيره زوجه ..

انما احساس الزوجه بعدم الامان والاطمئنان .. وهي ترى زوجها ..

يوميا غير ابه بمن حوله .. وهمه الشاغل هو جلوسه مع اصدقائه ..

لكن.. يعطون حياتهم الزوجيــه حقـها ..

لأنه في الأول والأخيـر بيتحاسب ..

مثل ماقال الرسول :

وأعطــي كل ذي حق حقــه ..

....

بقيــادة :

مــــــــلك .. مخــــــــــــــــاوية الامل ..

الإشــراف العام:

الشـــــــــــوق ..

من سلسلــة أوراق وردية مبعــثرة:

الورقــة الثــانيــة ..