::

والله أنا توني ناشه من الرقاد .. وشفت واصلني مسجين ..

مادري شو منهم آخر مسج !


أول واحد من عنودوه .. نكته

يقولكم غبي عنده 3 شياطين .. واحد يوسوس له .. واثنين يفهمونه !

والثاني من ربيعتي أمون .. ( اللي عازمتني باجر على عرس اخوها)

اسمحي لي ملاكوه عالازعاج .. بس تراني أترياج باجر .. دخيلج أبي أشوفج تولهت عليج ..

حتى بنتي تسألني ماما متى بتي ربيعتج !

فديييييييييتها .. حضرت عرسها من 3 سنين .. وما شفتها للحين ..!

وماشاء الله صار عندها بنتين ..! وللحين ما شفتهم !

ان شاء الله أقدر أروح باجر العرس ..


وآخر مسج طرشته حق مرت أخوي ..

( بنت عمي اذا ما كنتوا سايرين بوظبي بعدكم .. دخيلج طلعي عباتج الحرير مب تنسين )

<< بلبسها حق العرس


ويوم ظهرت من حجرتي توني .. رحت أشوفهم اذا موجودين ولالا ..

لقيت انهم المكيف مب شغال ف الحجره .. معناته انهم راحوا بوظبي