^
نكتب مثل ما نرمس.. عن نفسي.. انا يوم ارمس حد لازم ادخل انجليزي فيه واذا ايلس اسولف بالانجليزي أدخل العربي فيه!
يمكن انتي بــــــــس ترمسين عربي.. لكن غيرج لاء.. وانا وحده منهم وماشوف انه فيها شي غلط
وللعلم..
على قل يوم نحن نرمس جي الناس يقدرون يفهمونا.. ونقدر نتفاهم ويا غيرنا او بالاحرى نقدر نتفاهم ويا الأجانب
وبدون اللغه الانجليزيه دولتنا مابتكون متطوره وحلوه مثل ما هي الحينه!
واذا تمينا بلغتنا مابنقدر نفهم بعض 100%.. تدرين ليش؟؟ لان البدو يرمسون غير عن الحظر والحظر يرمسون غير عن البلوش والبلوش يرمسون غير عن العيم.. وكل عايله لها رمستها الخاصه! غير انه كل اماره رمستهم شوي غير ..
انا يوم ربيعتي وهي بدويه ترمس بدوي ماروم افهم عليهاا.. وانا مب الوحيده..
وحده ربيعتي من عايله ثانيه رمستها غير عنا تماما.. يوم اسمعها ترمس خواتها انصدم.. اسمع كلمات غريبه عجيبه ولا يقولون الكلمه بطريقه ثانيه.. مثلا بغيتي عندهم تستوي بغيتينّااه
ف عشان جي نحن نرمس بهالطريقه
وان شاء الله جاوبت على سؤالج =)
مواقع النشر (المفضلة)