.
.
[شمعة أمل]
على قل يوم نحن نرمس جي الناس يقدرون يفهمونا.. ونقدر نتفاهم ويا غيرنا او بالاحرى نقدر نتفاهم ويا الأجانب
متأكدة من كلامج 100% !!؟ .. إلحين لو كتبتي El salam 3alaikom أو السلام عليكم .. أي وحدة بيفهمونها شريحة من الناس أكثـر الاولى ولا الثانية ..!!
وعلى طاري الأجانب !! شو يخصه ! تراج ما تكتبين إنجليزي إنجليزي وأنا اعتراضي عـ الإنجليزي المعرب .. يعني حتى الأجانب ما بيفهمون عليج !!
وبدون اللغه الانجليزيه دولتنا مابتكون متطوره وحلوه مثل ما هي الحينه!
سامحيني ~ بس كلامج هذا غلط .. عمره التطور ما كان جذيه .. !!
وعن سؤالج .. واذا تمينا بلغتنا مابنقدر نفهم بعض 100%.. تدرين ليش؟؟
كلامج اختيه مب منطقي ابداً .. و أول مرة اسمع إنه التفاهم باللغة العربية بين اهل الامارات صعب حتى مع اختلاف اللهجات يظل التفاهم مبينهم سهل بغض النظر عن اختلاف بعض المفردات البسيطة ..
لو هذا راي 20 % بس من أهل الامارات جان عز الله رااحت اللغة .. اخاف باجر ادش الميلس على ابويه اقوله هلوو الساع >.<"
عالعموم .. هذي مجرد وجهة نظر .. واختلاف وجهات النظر لا يفسد للود قضية ..
=)
والسموحة
مواقع النشر (المفضلة)