عندكم سوالف ؟

[المزوحي]

مش حكاية، مش قصة .. تقدر تقول سالفة !!

نبغي نغير طريقة سرد قصة معينة ... وخلنا نقول وين هاذيج السوالف ....

وتعرفون كل واحد طريقة إلقائه للسالفة تختلف ... يعني أنا سمعت سالفة من شخص معين لكن

ماعندي الأسلوب اللي يلفت الآخرين وأنا أقولها ...

فياليت لو عندكم سالفة تقولونها لنا .... ونحن بدورنا نرد على سالفتكم ...

[العجيبة]

يعنـي شـو ؟؟

نسـولف سـوالف خرررط من عنـدنا ؟

[المزوحي]

مش من الخيال .. من الوقع وسوالف باللهجة العامية ( المحلية )
شروط المشاركة :-

تحسس اللي يقرأ وكأنه يالس وياك ويسمع السالفة ...

شرط واحد

[الجنيه]

السلام عليكم ورحمه الله وبركاته

المزوحي فكرتك كشخه الصراحه وحبيت أجرب أدري بجازف بس عيبتني الفكره ومحد بدى بالسوالف للحين مع أنه المفروض صاحب الفكره هو اللي يبدى



السالفه الله يسلمكم كالآتي

كنت سايره الجميعه ويا أختي نتشرى ودام للبيت .. وطبعا عاد أنتوا أتعرفون سوالف الجمعيات يمين يسار فوق تحت ثلاجه وهالأشياءات يعني ...
طبعا أنا دوري كان يقتصر على سوالف المزمزه يعني شبس كاكاو أورنامين وهالسوالف الي ما منها فايده ويوم غاية الجد أتنح وما أعرف شو السالفه
عند قسم الأدوات المنزليه قالت لي أختي آخذ ملاعق خشب
جان أنطلق على بركة الله وأدور عليهن وأول ما لقيت المطلوب مديت إيدي آخذ منهن .. طبعا الملاعق كانن معلقات أشوي مستواهن عالي والرف اللي تحت يحوي أشياء ثانيه فكانت حرمه حليلها نازله تاخذ من هالرف وأنا ما أنتبهت لها يعني أول ما خذت الملاعق نشت هي جان أتدق الملاعق براسها بالقو وأحسها مسكينه من قوة الضربه راسها دار ....
الحين وين تلقون الجنيه ويهيي خلاص تهشم فشله الكل تم يتطالعني كأني مجرمه ومرتكبه جرميه ومشكلتي في مثل هالمواقف على طول أضحك ومستحيل أسكت ..
الحين الحرمه تتريا إعتذار والا كلمه حلوه أتطيب خاطرها وأنا أكع كع
كان واحد سوداني قريب منا والظاهر الأخ فهم السالفه بالقلوب يعني أنا المنضربه والحرمه هي الضاربه هههههههه
تفلسف الأخ وقال لللحرمه طيب قولي لها آسفه والا شي ما يصير هالكلام

بس هو نطق منه وأنا خلاص كل مقاومتي للضحك ذهبت هباء الشي اللي خلاني أنقع ضحك من الخاطر والحرمه المسكينه ما نطقت بحرف يمكن أتكون متأثره بعدها من الضربه حسيتبها ودها تكفخ الريال .....

موقف بايخ وايد بس كان يضحك

تحياتي الجناويه :ghostface

[العجيبة]

هههههه الجنيه ما اعتذرتي آخر شي ؟!

خ خ خ قوووية والله .. لو انا مكانج بيعتفس حالي ما بتم اتضحك جدام الحرمه

حليلها والله .. شكلها تدعـي عليج الحين

[مزن هتان]

الله يهديج يالينيه

اقول المزوحي انت اللي منزل الموضوع اشعنه ما حطيت لنا سالفه حتى لو بسيطه وصغيره بس هم نباها

أختكم :مزن هتان

[ملك]

اليوم وحده سوت فيه مقلب ..

في صرصوور دوم عند باب كلاسنا

يعني ننحبس لا نطلع و لا ندخل نخاف يدخل داخل

بعدين انا كنت ابا اروح الكانتين و نسيت سالفة الصرصوور

فتحت الباب و شفته .. اااااااه يا قلبي كان تحت ريوولي .. بغيت امووووووت


صرخت نقزت فوق الطاوله اللي حذا الباب .. كيف ما عرف و الله ما كنت حاسه بس تفكيري فيه


في وحده ما تخاف من الصراصير في الكلاس .. داست عليه بنعالها .. و شلته بورقه .. و ركضت ورايه


و انا خلاااص .. رايحه في امها .. اصاارخ .. و فصخت نعالي و اركض .. ركضتني الجاااامعه .. الدبه


بعد ما تعبت و حسيت اني ما قدر اكمل .. وقفت و حلفت لها يمين لو ما راحت عنيه و فرت الصرصور
في الزباله


ما بكلمها 40 يووم .. كنت صدق خلاااص .. مفوله عالاخر


قالت لي انزين بس براويج شي .


. قلت لها نعم خير شووو


يت قربت منيه .. و فتحت الورقه .. و راوتني الصرصور


شو تتوقعون طلع ..


ورقة شي محترقه .. شلتها من الارض بعد ما رمت الصرصور في الزباله


ياني احباط .. و من القهر و التعب .. يلست عالارض .. و ما خليت كلمه الاو قلتها لها .. بعد ما فرييتها بنعااالي


قلت لها : ركضتيني الجاااامعه عشاااان ورقه محترقه ..


قالت ليه : ما عليه رياضه رياضه


قلت لها : امممحق رياااضه .. ما ابااها


صدق كان يوم فضييييييييييييييع


بس ها اللي صار اليوم


سوووري طولت عليكم


ختكم اللي تحبكم

ملك

[شوق القلوب]

الجنيــــه... وملك.... صدق ضحكتوووووني من الخاطر...

يحليلكم والله .. :)

[المزيوونه]

السلام عليكم ..

اخووي المزوحي موضووعك واايد حلو ونتريا السوالف منك كونك من فكر بها الموضوع ..

الجنيه و ملك .. سوالفكم حلوه والاسلوب حلو .. طماعين ترا .. نبى المزيد ..


انا مب فبالي سالفه معينه حاليا.. يوم بسترجع شريط ذكرياتي بقولكم ..

الله حيه ..

[أمواج]

اممممممممممم عيبني الموضوووع وايد


ويالله انا الحين بقووولك سالفتي ويا الـــ( يمل عقرب)
اكيد في ناس وايد مايعرفووون شو هاليمل عقرب؟؟>>>>هذا اممم اقدر اقووول حشره شرات العقرب يعني في نفس خطوورتها و لها اكثر من لووون بس انا اللسي شفتها لونها اصفر (( وصلاوي اليمل عقرب*

المهم خلوووني اقووولكم السالفه

اول شي الاحداث استوت صوب ملاحق بيتنا يعني في البيت و بكوون منطقتنا شوي صحراووويه يعني بتكثر فيها هالحشرات في موسم من المووواسم


مره كنت يوووعانه و سايره صوب الملاحق ابا اسوي شي حقي والملاحق شوي بعييد عن الفله >>>>لاتقوولين هذي خقااقه تبا تقوولنا عندهم فله حليلي

و كنت ويال اخويه الصغغير المهم قاعده اطبخ>>> اللي يسمه يقوول هذي تسوي قووزي

وشوي وأشوووف شي اصفر يتحرك بسرعه يعني مايتلاااحظ
عاد انا هاذيج الساعه دوروووني .......... اختفييت من على وجهه الارض ركضت بعييييد و اخويه حليله خليته و ركضت عنه

المهم وعقب دقاايق قلت يمكن راح هاليمل و بسير اكمل طباااخي >>>> ماقتلكم قوزي مسويه


الصراحه قلي ماطاوعني اخلي هاليمل يحوووط في بيتنا قلت لااازم اقضي عليه >>>> هبت ريييح و حي’ فواااد

كنت ناويه اتعشاااه اذا بجتله بس عقب تعايزت

و سرت دروت شي عشان اضرب به هالحشره يعني لازم ادور شي طووويل لاني مستحيييل اقرب صووب هالشي اللي يخوف


تخيلوا مالقيت الحشره ... منو قال اخليها في حالها >>>> ماجني ميته من الزيييغه عادي امووت بسكته قلبيه

المهم قلت دام اني مالقيت اليمل عقرب برايها نفاد ينفدها يعل العين مخاتشووفها

بس ماواحالي شوي وإلا شايفتنا ترااابع في المطبخ وجان انقز نقسه فوق الطاوله ماشالله عليه ألعب جمباااز (ايام اول )
المشكله ماطلعت وانا اصارخ من صوووب و اخويه من صوووب يعني مسوين اوبرا في المطبخ

قلت لازم اجتلها>>>>ياجاتل يا مجتووول

عاد ما اطييع البدويه تخلي شي يغلبها
جان افصخ النعال مالي و افرها على اليمل بس ماجاديت عدل >>>>اوني اعرف ارمي عدل


و عقب يوم شفتها شوي انضربت و سرت برع المطبخ و دورت شي ثقيييل لباني احيط برع قطع انترلووك ,,,,,,,,و سرت ويبت الانترلوووك و جان اعقها على هالحشره و في النهااايه ماتت و قضييت عليه و تم بحمد الله القضاء على اليمل عقرب


وووووبس هذي سالفتي

انشالله ماطولت عليييكم


اختكم
المتفيزره عالعرقووب

[شوق القلوب]

ام العراقيـــب...

ههههههههه يحليلج و الله طلعتي شــــجاعه

[المقاتل]

السلام عليـــك يالمزوحي ..

يا حيك والله .. أفا عليـــك وعندي لك سالفه ما بعدها سالفـــه

يقـــولك كنا إنصلي صلاة الفير والإمام يقرا .. وأنا كان فيني رقـــاد تعرفون إنتوا الصبح الواحد عيونه خطين المهم .. كنت أصلي وعيوني في الأرض وما أوعى غير شي يتحرك على يسار عيوني بس مش واضح .. عقب أختفى

عقب قرب قرب ولا شي برتقالي بس بعدني ما إستوعبته عبالي حشره صغيره ( والملعون بسرعه يتحرك )

ويوم قرب ولا وععععععععععع صرصور عوووووود كبر إيدي هوه والإيريل إلي فوق راسه

والحقير وقف جدامي وتعرفون كيف شكله كله طبقات ولونه برتقالي يصلق ( يلمع ) وبعده اليناح ما ظهرله وععع

المهم يا جدامي وأنا أبا أضربه ولا أشوته بس أصلي المشكله.. وإلي عدالي قلبه طايح المهم الصرصور سار عند ريول إلي عدالي هاك ربع ورا وإلي عداله شرد وإلي عداله يوم شافه مادريبه وين سار وأنا أضحك من داخل .. المهم خلصنا من الصلاة وسلم الإمام .. قمنا أنا وربعي إندور عليه .. لقينا الهرم .. وطار علينا وقولوا كل واحد كيف موقفه ( الله لا يراويكم ) وآخر شي أنتصر عليه ربيعي بالضربه القاضيه بالكلينكس ( إنه سلاح فعال .. حتى لفليت مافاد )

وهاي قصتنا يا طويل العمر .. شورايك فيها من قصه

[المزيوونه]

هلااااااا...

المتفيزره ع العرقووب .. اتعرفين اسلوبج ذركرني بوحده من ربعي هههه وتخيلتج انتي واخوج هيه واخوها
وذكرتيني بعمري بعد يوم ضربت العقرب بالانترلوك كااااااانت تزيغ ومقرفه لكن المزيوونه قدها وتفر العقرب من مسييرة يووم هههه .

المقاتل.. وعع عاد صرصور .. بس زين يوم ما شردت عن صلاتك انته بعد هههه .. حليلكم..

[الجنية الحلوة]

انا بخبركم سالفتي ..... سلمكم الله هالسالفه مستويه العام فالمدرسة..

كانوا شي ضيوف فالمدرسه والادارة مشتطه.. والابلوات كلهم فالادارة .. والبنات كلهم فالصفوف..
الا انا وربيعتي تنحوط.. هي تاكل اسكريم وانا اشرب ماي.. ونتمشى فوق.. شوي جان افر غرشة الماي من فوق.. ما وعيت الا المديرة تشاعط من تحت.. وين الجنية الحلوة هاذيج الساعة.. المهم شردنا وما زخونا.. نزلنا تحت وردينا فوق.. وشوي واربيعتي تفر الاسكريم من فوق.. والا الوكيله والا خصائية وحد من الضيوف تحت..قلنا رحنا فيها.. بس الحمد الله قدرنا نشرد .. آخر شي اندسينا ورا المدرسة الين الفسحة.. والحمد الله مرت السالفه على خير..

الجنيـــــــــــ الحلوة ــــــــة

[شهوووودة الأمورة]

مرحباااااااااااااا ... شحالك اخوي المزوحي ؟؟ عساك بخير .. موضوعك لفت نظري وعيبني وايد

بقول سوالفي وسوالف ربيعتي بس كانت سوالفنا بالمسجات وانا خزنتها عندي .. عسب يظل ذكرى

في يوم من الأيام كنت يالسة بروحي في الصالة محد عندي غير ستكانة جاي وبسكوت >>> خخخخ ادري عيوز

فطرشت لربيعتي........( أناديها بالزعيمة)

أنا : الزعيمة تعالي شوفيني شرات العيوز محد عندي في الصالة غير استكانة جاي والبسكوت وقاعدة اشوف التلفزيون.. خخخخ

الزعيمة:فديت خشمج والله تراها جديمة من زمان وانتي عيوز إلا أقولج عبود ولد حمود ولدج وينه عنج ؟!
أحيدة يحب ييلس ويه يدته ..

أنا : والله شسوي يا بنيتي عيال هالزمن تغيرو .. مادري بلاه عبود ولد حمود ولدي اليوم حبني ع راسي وراح ..
أكيد راح يغازل له وحدة من هالصايعات مسود الوية يدته عنده ويروح يغازل .. ما علية أراويه عبود ..

الزعيمة: يدو انتي كبرتي وصرتي كحيانة شو يبا منج ؟؟ خلييه يعيش حياته ويترزق ..

أنا: يدو فعينج مسودة الوية ..أنا بعدني صغيرة للحين ما صكيت 90 بعدني صغيرة فديت يدج الله يرحمة كان يتخبل علي وما يهون عليه يخليني بريحاتي .. مب انتو مالت عليكم كل واحد لااهي بشغلة وخليني بريحاتي..

الزعيمة: يالله يدو تعرفين الدنيا مشاغل ولاا ما كنا بنخليج ولاا دقيقه ..وبعدين انتي بعدج صغيرة منو قال ؟؟ توج
89 يعني يبالج 100 سنة عسب تستوين عودة..!!

أنا: يعني الحين مسودة الويه شغلكم أهم من يدتكم ؟؟
يالله نشي ابا أسير البحر وياج بسج من هالتلفونات اللي ترن 24 ساعة !!
( وهني صدق كان فخااااااااطري أروح ويه ربيعتي البحر )

الزعيمة: يدو بقولج شي بس لاا تحرجين علي.....................





أنا يالسة على البحر....... خخخخخخخخخ

أنا : هااااااااااااااااا .. أنا قوووووووووول عبود طالع ع منوه..!! مسودة الوية كيف تروحين بدون ما تخبريني ؟؟
ومنو وياج؟؟ ما علية دواج عندج ابوج...

الزعيمة: اسمحي لي يدوه والله خبرت أماية وبعدين أنا ظاهرة مع خالي ما علية بعدين بوديج ..

وبسسسسسسس وتوته توته خلصت الحتوته.. خخخخخخخ بس والله كان فخاطري اسير وياها البحر ...
يالله ماعليه خيرها بغيرها......

والسمووحة جان طولت عليكم..... وان شاء الله تعيبكم سوالفنا...


شهوووودة الأمورة