. . : : حقق حــلمــك : : . .

[دموع قلم]

السـلام عليـكم ورحمـة الله

يسـرني إنـي أواصـل المشـوار معـكم
وإن شـاء الله بـراجـع جـزء عمّ في هـذا الأسبـوع
وسنحـقق أحـلامنـا بـإذن الله تعـالـى

:)

جـزاكـم الله خيـر
وربـي يـوفقـنا ويـوفقكم

[أوتار القلب]

بانتظــار الجدول

[شوق القلوب]

الســـلام عليـــكم...

أوتارالقلب... أنا جــــــــــدا سعيده باهتمامج و متابعتج.. :)

ربي ان شاء الله يجعلج من ختمة القرآن.. :) بس لا تنيسن تدعيلي..

...

الجدول اللي حاليا بنتبعه... هو انه نحفظ كل يوم صفحه ( وجه ) من جزء تبارك... حيث انه السور صارت اطول و يبالها تركيز اكبر..

..

بس لا تنسون يكون حفظكم صحيح من حيث النطق بهذا عليكم تتبع القراءه ورا مقرئ معروف..


..


واسفه ع تأخري... :)

[شوق القلوب]

..

عندي اقتراح... شو رايكم نبدا الحين من سوره البقره...؟؟ ولا انكمل على جزء تبارك..؟؟

[ذنـيـنـي]

السلام عليكم

انا افضـّل انه نكمل على جزء تبارك لأنه الصور الي فيه اقصر و حفظها اسهل

بعكس سورة البقرة الي ممكن انها شوي تخربطنا في الحفظ

و خاصة انه نحن بعدنا في بداية المشوار

اقول لو نكمل حفظنا بطريقة عكسية بيكون افضل و اسهل لنا و لكم

مجرد اقتراح و انشوف راي الاغلبية

[حلم الطفوله]

وعليكم السلام ورحمة الله وبركاته

الحمد لله ... والله ينولنا حفظ كتابه كامل يارب

ومثل ما قلنا مشوار الألف ميل يبدأ بخطوه ...والخطوه الأولى وضعها لنا قلوب وشوق الله يحفظهم

بس يا شوق ...أنا ما نصوووور ؟؟ أقصد ناصر ...أحسن نبدأ الحفظ بطريقه عكسيه

الله يوفق الجميع

[أوتار القلب]

السلام عليكم

شوق القلوب

طبعي اني ما انسى اللي يسوون ويايه خير

و ان شاء الله ما بنساج و بدعيلج دوم

الله يوفقج
....
انزين انا اقول بعد ان نبدا الحفظ من الاجزاء السهله

لان سورة البقره صعبه علينا كبدايه

الله يوفق الجمعين في الحفظ

[شوق القلوب]

نصـــور... حلم الطفوله ... أوتار القلب...

..

خلاص.. مثل ما اتشوفون... بس صدقوني ترا البقره سهله.. وفيها وايد من الايات اللي حافظينها ع ايام المدارس...

اللي شجعني اني اقولكم عن البقره انها في يوم القيامه اتي سوره البقره و ال عمران شفيعه لحافظها... ودام انه الحماس فينا الحين فقلت ليش ما نبدا فيهم..

..

خلاص... كل يوم ان شاء الله نحفظ وجه من جزء تبارك..

[الدلووووعة]

انا بعد اقول خلينا في تبارك احسن
لنه الحينه امتحانات وجي يعني بنحفظ صفحة وحدة كل يوم
وبعدين في الاجازة بنبدأ فالبقرة لنا بنكون ملانين وماورانا شي
ها راي

[قلوب دبي]

:)

السلام عليكم و رحمه الله و بركاته


احبتي اعضاء الواحات
اخواني المشاركين الكرام

اسمحولي لاني قطعت المشروع لاسباب و اعتقد معظمكم يعرفها ، و الحينه رجعت اشوف ما حصدتوه و ان شاء الله اتكونون لو حصدتوا القليل بتفرحوني و بتفرحون الاخت شوق القلوب على ما بذلتوه لانه انتوا انضميتوا و بقناعتكم ، و هالقناعه هي اتيب الاراده و على الصبر و الانجاز ..

ان شا ءالله راح نرجع و نكمل المشروع اللي بديناه و الكل يعلم انه الاجر عند الله و سبحانه هو اللي بيجازي كل واحد على قد نيته ان شا ءالله ..

اللي كمل يزاه الله خير و اللي ما كمل بيكمل معانا بأذن الله ..

رجعت و ان شاء الله اتكونون في هالفتره قادرين تحصدون على الاقل جزء من ثمار هالمشروع ..

ربي يوفقكم ان شاء الله


قلوب دبي

[قلوب دبي]

السلام عليكم

سبحان الله بعد مرور سنه و شهرين رجعت لموضوع انكتب اهني ..
رجعت اتذكر امور كثيره ..
طبعا اولا اعتذر من الاخت شوق القلوب لاني تخاذلت و المشروع ما قدرت
اني اوصله لمستواه و احقق نتايجه في الواحات كمجموعه متكامله ..
و لكن اعتقد في داخل كل واحد منا
هالحلم و ليت بوجود أو بدون وجود هالموضوع انه يستمر في هالطريج ..
بإذن الله راح ابتدي مجددا ..
وربي يوفقكم كلكم

المعذره مجددا

قلوب دبي

[شوق القلوب]

الســــــــــــلام عليـــــكم..

..

قلوب دبي..

كــان حلم .. و بيظل حلم.. السبيل لتحقيقه هي النيه الصادقه و الصحبه اللي اتعين..

و رمضـــان أحــلى فرصه لبداية المشروع من أول ويديد..

و اذا مستعد.. بكون وياك ان شاء الله ..

( ذكرتني بأياااااااااااام ) !

[شوق القلوب]

.. اعـــــــــــــــــــــلا ن ..

..

اللي يبا يحفظ سورة البقره في رمضــــان.. يطرشلي او يكتب اسمه هني..

..

ها .. الهمه عندكم عاليه.. مثلي..؟؟

.
.

[خيال الحب]

فكره حلوه

البقره بدايتها ونهايتها عادي سهلين وبسرعه ينحفظون

والحمدلله انا حافظنهم..


بنحاول نحفظ وياكم ان شاء الله :)

[تنينه]

مــا شااء الله اقـترااح جداً جـمييل ,,

وأنـا أسـجل أسمي بـعد وان شااء الله نـحفظ وياكم ^^ ,,