أنا سمعـــــــــــــت إشــــــــاعه ؟؟

[لمّــاح]

<font color='#000000'>كلام الاخ دنيا الوله صحيح ، لكني اختلف معاك في الراي اخويه &#33;

مثل ما تفضلت ، يكدون و يشتغلون و و و و ، لكن ياخويه هاي غلطه و انحلت . .

انته تقول لي ، هل في مواطنين يرضون انهم يشتغلون عمال اسمنت أو دريوليه أو أي شي ثاني ؟ ؟

نــعــم ، موجودين . .

ياخويه مادري جان نسيت &lt; أو تناسيت &gt; فــئـــة البــدون . . هاييلا مب فقع ولا نباتات طلعت من الأرض&nbsp;، هاييلا اوادم عاشو في البلاد من سنين و منين و اجدادهم ماتو في الدولة ، بغض النضر عن موطنهم الاصلي اذا وجد لكن في الوقت الحالي هم بلا هوية ، بلا مأوى&nbsp; . . و الدولة مب موفره لهم شي &#33;&#33;

تدري ياخويه بأنه في شباب من البدون مستعدين للعلم لو ان شاءالله في تكاسي المواصلات ، دريوليه ، عمال اسمنت و غيرها من الوضايف ؟

انا في نظري ، توضيف هالفئة العاطله عن العمل بدال الوافدين فكرة ممتازة لعدة أسباب ، أول سبب بتقل نسبة الجرايم و المشاكل بسبب البطالة ، و بيعيشون حياة افضل من هالعيشة الي هم عايشينها &#33;&#33;

و ثاني شي ، الفلوس الي بياخذونها في النهاية بتنصرف عندنا في البلاد ، يعني من هالجيب للجيب الثاني &#33;&#33; اما الوافد ف الفلوس الي بياخذها بتطلع من البلاد &#33;

نعم ، ما انكر ، الفضل لله و من ثم للعمال الآسيوين و الوافدين العرب و الاجانب . . لكن ياخويه كانت فترة ولادة و بناء الاساس و الحين الحمدلله الدولة اكتمل اساسها و اجيال جديدة طلعت في البلاد و نحن من عيال هالجيل الي بنشل البلاد من بعد ما شلوها ابهاتنا ( اجدادنا و الشيخ زايد ) / /

عندنا المواطن الدكتور ، و المواطن المهندس ، و التاجر و المهندس الزراعي و الكيميائي و التربوي و و و و و . .

و ما ننسا ايضا دور النص الثاني من المجتمع ، عندنا الدكتورة و المهندسة و المدرسة و التربوية و و و و . .

و احب اعلق على الكلام الي انكتب فوق ، ياخويه محد قال ما عندهم امكانات ، نحن بلادنا اصلا مافيها شي &#33;&#33;
لكن الانسان ما يتريا الخير اييه ، هو يخترع الفرصة و يستغلها &#33; و الذكي هو الي يستغل وقته و عمره في شي مفيد

و في النهاية هذا راي شخصي و الاختلاف في الرأي لا يفسد للود قضيه ^_^

السموحه عالإطالة</font>