<font color='#810541'><FONT color=#810541>
<P align=center>. . .السلام عليكم ورحمة الله وبركاته. . .
السموحة من كل اللي راح يقرا موضوعي ويقول شو بلاها دمعوووه؟!
----
فيه أشياء ما أفتخر فيها صراحة ً في حياتي. . .
وإذا حد سألني عنها أقول:: الله العالم بالقلوب وأسكت. . .
أول هالأشياء:: أمــــــــــــــي <IMG src="http://oasis.bindubai.com/emoticons/fa43.gif" border=0>. . .
علاقتي فيها ((زفت)) بكل معنى الكلمة وهالشي ما أفتخر فيه وبالعكس أكتب هالكلام وأنا أقول في خاطري ((صدق ما أكبر قلب الأم)). . .
السبب إنسانة،، كنت أعتبرها ((عقرب وأفعى)) من يوم ما كنت صغيرة. . .
بس بعد ،، ما أعرف كيف لعبت في راسي . .
تعرفون بلاغة هتلر؟!
كلامه القوي اللي يخلي الكل يهتف له ويقول عـــــااش هتلر عاااش. . .
بس إذا أمعنوا في كلامه شوي يحسون أنه ((أجوف وماله معنى)) بس يكفيهم قوة وقع الكلام. . .
هاي الإنسانة هي هتلــر زمانها. . .
<IMG src="http://oasis.bindubai.com/emoticons/fa44.gif" border=0>
كانت أمي تحذرني منها وتقولي بيي يوم وتقولين أمج قالت!!
ومع أني أعرف أنه كلام أمي عدل،، بس بعد كنت أسمع كلام ((العقرب)). . .
من وقت لوقت تختار شخص كـ إنسان مفضـّل تعتبره هو سندها. . .
تاخذه لحم وتقطه عظم. . .
والأدهى أنها تخلي الكل يبتعد عنه وتشوش روسهم بطريقة ولا ثانية. . .
وهذا اللي صار وياي!!
كنت سندها لفترة من الزمان،، وآخر شيء اتفاجئ أنها تقول عني كلام لو سمعته في غيري ما بصدقه. . .
فمابالكم يكون فيني<IMG src="http://oasis.bindubai.com/emoticons/crazy.gif" border=0>؟!
ساعتها قلت حسبنا الله ونعم الوكيل. . .
وخليت الكل على ويهه. . .
واللي حز في خاطري وحسيته مثل الوسم في يوفي. .
أنه محد منهم قال بسـأل دمعة العين عن السالفة؟!
<IMG src="http://oasis.bindubai.com/emoticons/fa52.gif" border=0>
ابتعدوا بهدوء. .
..
.
.
وأنا صابرة،، صارلي تقريبا ً سنة وزود على هالحالة. . .
بس ليتها سكتت. . .
ياتني في يوم من الأيام وقالتلي دمعووه. ..
أنتي شو قلتي للبنات هاك اليوم؟!
يرمسون عنج بالشين!!
<IMG src="http://oasis.bindubai.com/emoticons/crosseyed.gif" border=0>
قلتلها ما أتذكر أني غلطت في حق حد!؟
شو السالفة؟!
((وأنا الهبلا ما تعلمت درسي،، استضفتها ورحبت فيها أحلى ترحيب ما دريت أنه وراها شي))
قالتلي يقولون أنج دعيتي عليهم وووو ألخ من السب<IMG src="http://oasis.bindubai.com/emoticons/crazy.gif" border=0>!!!
قلتلها على شووو؟!
وذكرتلي سالفة وربي أنها ما تسوى <IMG src="http://oasis.bindubai.com/emoticons/fa46.gif" border=0> . . .
قلتلها هيه صح أتذكر أني عصّبت بس ما قلت غير جملة وحدة::
حسبــــي اللـــه ونعــــم الوكيـــــل!
وسكتت
إذا يعتبرون هالجملة مسبّة أو دعوه عليهم ساعتها هاي مشكلتهم!!
<IMG src="http://oasis.bindubai.com/emoticons/fa44.gif" border=0>
..
بس الـ ((عقرب)) ما وقفت عند هالحد. . .
سارت لأمايه وقالتلها :: بنتج قليلة أدب!!
وخبرتها بالسالفة مع البهارات وزادت عليها فلفل بعد. . .
<IMG src="http://oasis.bindubai.com/emoticons/fa55.gif" border=0>
سالفة دخلت في سالفة. . .
خطيبج
أمج
ربيعاتج
ألخ
وآخر شي ،، طاحت على راسي. . .
بعد قلت حسبنا الله ونعم الوكيل!!
وسكتت
<IMG src="http://oasis.bindubai.com/emoticons/fa52.gif" border=0>
..
.
.
من كم يوم صارت سالفة ويا الأهل. . .
وتدخلت هي فيها. . .
وأنا كنت سامعة بالسالفة من قبل من شخص ثاني وعارفة كل شي. . .
يات صوبي الـ ((عقرب))
داهنت سيري وعرفت من لحظتها أنها تبا مني شي <IMG src="http://oasis.bindubai.com/emoticons/fa55.gif" border=0> . . .
وبعد كل اللي صار،، ساعدتها. . .
((يمكن تقولون ساذجة،، بس أنا ها طبعي ما أحب أرد حد دام أني أقدر أساعده))
بعد ما أنتهت المصلحة اللي بيننا قالتلي::
إلا أخبرج،، هاي أختج اللي من أبوج.. ما لاحظتي أنه وراها شي؟!
((قلت في خاطري:: حسبي الله عليج))
قلتلها:: أدري أنها صايرة شوي عصبيـّة و يمكن تكون متغيـّره عسب ظروف دراستها. ..
((كانت تبا تجس النبض ،، ويابت طاري أمايه وهي تعرف أنه علاقتي فيها مب أوكي))
وترست راسي بخرابيطها،، وبيني وبينكم. . .
خذت في خاطري على أمايه وقلت الله يهديها!!
ما كنت أعرف أنها الـ ((عقرب)) من زمان وهي تبا تخرب العلاقة بين أمايه وبيني. . .
<IMG src="http://oasis.bindubai.com/emoticons/mad.gif" border=0>
بعد ما خلصت وريحت عمرها أنها سوّت شغلتها ((اليومية)). ..
بدت في السالفة الثانوية...
اللي هي المشكلة اللي صايرة في العايلة. ..
قالتلي ما دريتي عن السالفة؟!
قلتلها:: لا<IMG src="http://oasis.bindubai.com/emoticons/fa52.gif" border=0>. . .
((تعلمت وعرفت أسلوبها عدل،، قلت أسايرها أحسن وأشوف وين بتوصل آخرتها وياها))
ويابتلي من هاك الخريط ودخـّلت أختي في السالفة. . .
قلتلها يمكن <IMG src="http://oasis.bindubai.com/emoticons/rolleyes.gif" border=0>!!
وسكتت
..
.
.
غلطة الكل هالأيام أنه يكتفي بسماع طرف واحد ويكون مؤيد له. ..
والـ ((العقرب)) مستغله هالشي لصالحها. . .
بس أنا تعلمت درسي
وأول شي سويته أني أتصلت لأختي وقلتلها ترا السالفة جي وجي. ..
وربي لو أني ما كنت سامعة السالفة من أختي،، كنت بصدق هالـ ((عقرب)). . .
تعقـّدت المشكلة وكله من ورا لسانها. . .
بس على قولة أختي ((لعلهُ خيرا ً)). . .
<IMG src="http://oasis.bindubai.com/emoticons/fa42.gif" border=0>
بعده بيوم الكل كشفها. . .
وهي من اليوم اللي قبله سارت لإمارة ثانية لأنها تعرف أنها ما حبكت سالفتها عدل هالمرة وأنهم بيعرفون أنها هي ورا هالسالفة. . .
((مسكين حالج يا عقرب)). . .
في نفس اليوم،، يات أختي وأعتذرت عن ظنها بي السوء. . .
وأتصلتلي وحدة ثانية ناااادمة على ظنها بي. . .
الكل ياني منزّل راسه ويقولي :: السموحة منج. . .
حبست دموعي ساعتها. . .
وقلتلهم//
دااااار الزمـــــــــااان
والله فوق. . .
<IMG src="http://oasis.bindubai.com/emoticons/fa42.gif" border=0>
مــا أدري أضحــك ولا أصيــــح؟!
صح أنه طلع الحق،، بس عقب شو؟!. . .
ويني أنا ووين أمااايه؟!
<IMG src="http://oasis.bindubai.com/emoticons/fa43.gif" border=0>
يــــالله أشكثــــــــر ظلمتها. . .
السموحه منج يا أمااايه. . .
السموحه. . .
..
.
.
أتصلت لأمايه وقلتلها أني عرفت كل شي وخبرتها عن الـ ((عقرب)). . .
قالتلي:: الحمدلله،، الحين تطمنت عليج وعرفت أنج عقلتي. . .
الحينه بس بموت وأنا مرتاحة ومطمّنه عليج يالضنا. .
<IMG src="http://oasis.bindubai.com/emoticons/fa43.gif" border=0>
والله كلامها قطـّع قلبي. . .
أمـــــــــايه الله يخليج أنا محتاجة أعوض اللي بيننا. . .
لا تخليني. .
أدري أنه البعد طال بيننا . . .
و ودي بس أيي وأرمي عمري في حضنج وأصيح. . .
بس أنطريني كم شهر ((بس كم شهر ولو أنهم طوااااال)). . .
<IMG src="http://oasis.bindubai.com/emoticons/fa43.gif" border=0>
وأنتي يا ((عقرب))
صح أني ما سمعت لج صوت من ثلاث أيام. . .
بس ما أقولج غير::
والله هامتني،، منو بيوقف وياج الحينة؟!
منو؟!
<IMG src="http://oasis.bindubai.com/emoticons/fa36.gif" border=0>
..
.
.
والله قلبي عليج
داار الزماااان عليج!!
-----
فضفضة من الخـــــــــــاطر وطلعت عفويــّة
((ضاع بريك الغدا عليه وأنا أكتب الموضوع <IMG src="http://oasis.bindubai.com/emoticons/laugh.gif" border=0>))
أختكم
دمعة العين</P></FONT></font>
رد مع اقتباس
مواقع النشر (المفضلة)