<font color='#810541'>في ليلة العيد تبدي الوالد بعجن الحلويانت والاكلات
ومشتر البقلاوه والرهش و الحلوي والخظره وغيره
وبعد التجهيز حطو فالفرن طلعو من الفرن
تجهيز الصمات ( المفرش) فالميلس من الليل بكره مافي وقت
ومن الفجر بنسوي الهريس وبعد مايزهب كل شئ


ما ننام طول اليل نتجلب ...... ونتجلب.... ونتجلب...... علي الفراش
طول الليل الين ما ياذن الفجر
اطلع من الحجره اشوف العرب كلهم متيمعين بالصاله .. اتاري مو انا
بس الي مانمت


ضرابه علي الحمامات الاولاد الاول وبعدين البنات .. ثلاث حمامات ومايكفن بدور... اشوي ..اشوي... مابيطيرالحمام بعده وقت اشفيكم .. الي يقول
انا بدخل وانتي زهبي ملابسي
والي يقول انا ملابسي زاهبه انت روح وانا الاول ..
مني فرحه ومني نجره
يخلصون سبوح يتبخرون الي تبخرهم الوالده والي نبخرهم نحن
لا والعطر بسرعه عطريني ... مني .. ومني .. ومني
<span style='color:Orange'>الدشداشه جدام ووري وهو يلف والغتره وأيده وويهه وهو يلف</span> يتسبحون بالعطر


يروحون الاولاد مع الوالد لصلات العيد ويستعدن البنات جدام المناظر
<span style='color:Orange'>اللبس الشعر لا والمكياج سااااااااااااعه لمن يدخل الوالد تحط اهي فرشات البليشر</span>


يسلمون البنات علي الابو وبعدين اخوانهم بالدور واحد واحد ماشاء الله
اصغار وكبار ... الصغار.. رنه وحنه عيدنا.. عيدنا الوالد والكبار اصبرو اشوي عنبو ههههه ويضحكون ويعيدون الكل والبنات يضحكن ويصالعن ويقولن <span style='color:Brown'>وحنا</span>

يحصلن العيديه مع رنة الجرس اول زائر ابناء العمات والعموم والخوال والخالات...وربع الوالد والميلس مايفضي الكل...
اليييييييييييين الساعه عشره الضهر


مانصدق خفو الناس بسرعه... بسرعه نلبس العبي نركب السيارات
وطيااااره البيت العود بيت الجد

الي مايونا البيت وماسرنالهم نتلاقا معاهم هناك
الله الله الله الله وقت الظهر يرجعو اليهال وجيوبهم ملياانه يالله حد يعزمنا ..
يقولون يالله ..انا ريلي عورتني وانا احوط من يبت لبيت وانتي تبيني اعزمش انتي مينونه ههههههههه اشتريلي انتي بالسياره سايره
مرتاحه بس تركبي وتنزلي هههههههه
والكل يتغشمر وينكت والمواقف الي تصير


والعصر اليمعه الثانيه تخطيطات وتكتيكات من قبل بنات العائله
<span style='color:Red'>(.)وين بنروح باكر(.)وين بنروح باكر
(..) خل يودونا الهيلي
(...)لا الهيلي جديمه
(.) اوكي شنورايكم بوندر لاند
(...)اوكي ليش لا
(..) مابي وندر لاند بس نبي اماكن ثانيه
(....) أحمدي ربش وبعدين منو قال بس وندر لاند لازم بنمر المراكز وبنمر
الشارجه وبنروح اماكن ثانيه اشفيش متصربعه اصبري</span>



وبعد التكتيكات والتخطيطات بمكرهن يقنعن الاهل ويوزعن من بيركب
بذي لسياره ومن بيركب بذيك السياره .... والهدف البنات بسياره وحده
واليهال مع امهاتهم
ويخلص العيد والكل مستانس ويسترجعو ذكرياتة الين العيد الياي
<span style='color:Brown'>واسمحولي طولت عليكم</span> <img src="http://oasis.bindubai.com/emoticons/laugh.gif" border="0" valign="absmiddle" alt=''></font>