<font color='#000000'>امممم يا سلام عليك يا بو كشه ما فوت ..
الصراحه تسلم على الموضوع الجميل .. وراح يتثبت .. نظرا لاقتراب موعد العيد ... ونظرا للموضوع القيم والجميل ...وسنرى ذكريات كل شخص فينا ..

بالنسبه لنا نحن ..
قبل العيد .. نبدأ بالتنظيفات والترتيبات ..ماانخلي لا حجره ولا صاله ولا ميلس ..ولا حوي .. الا وانظفه .. غير المكتبات والغبار وهالسوالف .. جنه امسوين اسبوع نظافه عنا في البيت ...

امي اتسير .. تشتري مساند يديده وفررش يديد حق البيت .. لازم كل عيد يظهر البيت امظهر يديد .. وماتنسى اتوصي اخوي اييب الحلوى من الشارقه .. طبعا هي موب مثل الحلوى العمانيه .. بس عندهم في الشارجه محل للحلوى كل عيد ايييبونا من هناك ..

وغير الاخوان .. ياخذون السياره ويدلعونها اب هالمخفي اليديد ... غير الغسيل والتنظيفات والتلميعات ..

وانسير المحمصه وهات يابقلاوه ويا بسبوسه ويا مكسرات ...

ولا الاخوان يصككووون درب للبنوك والمصارف .. يبون بيزات يديده علشان العيديه .. يا سلام حلاة الواحد يوم يحصله عيديه واتكون يدديه توها ظاهره من المصرف .. سيده على اليد <img src="http://oasis.bindubai.com/emoticons/smile.gif" border="0" valign="absmiddle" alt=':)'>

المهم على نشة الصبح انش وعلى الحمام على طووول طبعا قبله انكون امجهزين كل شي يديد من ( شيله - عبايه - ثياب ) كاوينهم وامعلقينهم . واول ما ايوعوونا نسمع اللناس يوم يصلون ... صلاة العيد ( والله اكبر - الله اكبر - الله اكبر ) والله احس بفرحه غير شكل يوم اشوووف الناس في التيلفزيون ويصلون وكله خشوع وثيابهم الحلوه والنظيفه ...

عقب السبوح . انبخر هالثياب .. وبعد اللبس والتسحي والتعديل والتشطيبات اللي في الشعر والويه ... انسير عند الوالد وانسلم عليه ةانبوسه على راسه بعد .. وعقبها الوالده فديت روحهم والله يستاهلون البوسه ... بوسة العيد ..

عاد العيديه يعطوني اياها عقب ما يروحون الأهل كلهم ..
لأنه الأهل ايوووون البيت العود .. وبيتنا هو البيت العود ..

اييون بالشفتات ماشاء الله اخواني المتزوجين وحريمهم وعيالهم
وخواتي المتزوجات وريايلهم وعيالهم ( وهات يا اعياد ) .. والعمات وعيالهم ..
عاد الشي الحلو فينا نحن البنات .. انا كل وحده تطالع موديل الثانيه .. ومنوا موديلها احلى ومن وين اشترت هذا وهذاك .. تعرفون سوالف البنات لازم اشويه كل وحده تتخقق <img src="http://oasis.bindubai.com/emoticons/smile.gif" border="0" valign="absmiddle" alt=':)'>

اليهال الصغاريه عاد يدورون الفريج ويعيدون ..
لكن البنات الصغار يقهرون يلسون في البيت ويتريون العيديه ..

<img src="http://oasis.bindubai.com/emoticons/man4.gif" border="0" valign="absmiddle" alt=':m:'> وين ايامنا الحلوه ماانخلي فريج ولا بيت ولا عماره ولا سكه الا واندق على بابهم نبي العيديه .. ايام حلوه كنا نتسابق بين عيال الاهل منوا حصل أكثر

هيه نسيت اخبركم انه امي تيلس تطبخ هالبرياني اللحم ، القبولي / المجبوس اللحم .. وهاي الأاكله اللذيذه ( يم يم يم يم ... اويه يعت .. وانا صايمه ) ...

ماشاء الله واي حد من الاهل من عقب الساعه وحده ايي وانحط هاي السفره .. اللي استغربه شي واحد اني اكل في هالعيد اكثر من اربع مرات .. ماشاء الله غريبه ونفس الاكله اقصد ( العيش ) جنه كنا عايشين في مجاعه <img src="http://oasis.bindubai.com/emoticons/tounge.gif" border="0" valign="absmiddle" alt=':p'> <img src="http://oasis.bindubai.com/emoticons/tounge.gif" border="0" valign="absmiddle" alt=':p'> .. الحمدلله الخير وايد بس العيد يخلي الطعم شي
ثاني ..

بالنسبه للطلعات ما نسيتها بس .. لي عودة أخرى للموضوع ..
والسموحه وايد طولت ..تعبت وانا اكتب <img src="http://oasis.bindubai.com/emoticons/smile.gif" border="0" valign="absmiddle" alt=':)'>

وتسلم يا بو كشه وصدق استحق التثبيت ..

خويتكم / الشوق</font>