الاستاذ : قيز تيك أ لتل بريك ( خذوا راحة بسيطة )
صلوح : سير هالف أور ( نص ساعة )
الاستاذ : سلوح دونت بي كريزي اونلي تن منت ( صلوح لا تكون خبلة بس عشر دقايق )
صلوح : اتريا عن اييك ( باللغة العربية عشان ما يفهم )
الممر خالي
اولاد الكلاس : هيييييه وين ساير قال 10 دقايق
صلوح : بشيط اييملي وراد ( هيه مينون اشيك ايميلي في الكلية عن ينسرق شرات ما انسرق نعالي جدام المسيد )
الله الله اشعة الشمس تنعكس من سيارتي ياالله ياالله على الحر داخل السيارة
ليش ما يسوون لنا باركات مغطاية
اشغل السيارة .. اشغل المكيف .. اشغل المسجل ليلع لع ( ان زعلت ارضيك يا صلوح يشرب شاي ..... والحساب شرات كل مرة تراه عليك ) اغنية يديدة توها نازلة
بعد زحمة المدينة انتقل الى فراغ الريف بيييييييييييب راعي النسيان لف علي عمي شو اسوي فيه ....... وصلت البيت شو ها
بودمعه جدام بيتنا ... لا خل عنك هاي اكس فايف ... اوهو شكلي احلم s8 ..اتصل في منو ؟ عبود .. حمود ..سلوم .. اخاف رشود يزعل .. لازم اقلهم انه جدام بيتنا sl اليديد لا مب sl ها bmw 745 iL هيه ماشي غيره لونه برتقالي ... برتقالي ؟؟؟؟؟
رشود من التلفون : شو تبا يا الحشرة حد يتصل الحينه
صلوح وويه قافط : سوري كنت اقول عندك بيزات ابا اتسلف منك ( عشان يبند في ويهي
رشود : سير دور ربعك لاه ( وبند التلفون في ويهي )
السيارة طلعت سيارة الغاز .... شو بيفكني من شفيق .. بيسلم عليه بيرحة العرق اللي كل يوم يتسبح فيها ... شو ها طع وين واقف جدام باب الجراج
بييييييب بيييييييب .. شفيقو شفيقو وصمخ .. شل ها التنكر مالك ما ادري شو ابا ادخل السيارة .
شفيق : بابا سوي صبر ودي غاز ويرجع
صلوح : اقلك خوز سيارتك ابا ابركن داخل
شفيق : سوي صبر ليش انت في واجد جنجال
صلوح : انت ما منك فايدة يالا خلصني وارفع الجامة واستلمه : يا ...... يا .... الظاهر انك ما تعرفني يا ...... تراني كنت امدحه
اقف لبرهة وهو ينزل سلندر الغاز ... بيدخل البيت بيخترق الحديقة ... بيتجه ورا المطبخ .. صوب المخزن ... كل شي هناك ... الكتب القديمة .. ادوات الزراعة ... الحدايد والاخشاب ... الاثاث القديم ... اكيد يشوفهم ... لازم يمر على الحديقة .. بيشوف النوافير .. بيشوف الورود ... بيسلم على دريولنا .. اكيد ربيعه .. يقله كل شي معقولة ؟ يعني كل اسرارنا عند شفيق بعد ...
عزا الله رحنا فيها ...
اراه وهو يطلع من البيت وفي ايده شي .. في ايده رسالة رسالة شو ؟
اكيد من البشكارة ... اتجه صوبه ...شفيق تعال شفيق تعال .. يرتبك اخذ قصاصة الورق ... اقرا الرسالة ... اطمئن قلبي .. مب بالعربي ولا الانجليزي
اكيد يحب بشكارتنا وعقب بيتزوجها وبيعطنا غاز ببلاش
اودعه عن الباب اعطيه بيزاته المح دخان الاسود اللي يظهر من القزوز ولا له خص في المحافظة على البيئة ...
اردد وانا اصعد الدرج قفنبلة أخرى دخلت الى بيتنا
رد مع اقتباس
مواقع النشر (المفضلة)