خــرافــات لــول

[دار الظبي]

الســـلام عليـكـم ،،،


اعتقـد أنه لا يـوجـد مجتمع خـال مـن الـخـرافـات أو المعـتـقـدات ... وهـذه الـخـرافـات تـخـتلف عن بـعضها الـبعـض فـمنها مـا يـكـون فـي شـكـل حـكـايـات تتنـاقـل ومنها ما يـكـون فـي شـكـل أعـمـال او طـقـوس نـقـوم بها وكـذاك قـد تـكـون أفـكـارا نـؤمـن بـها ...

وعـلـت درجـة هـذه الـخـرافـات حـتى أصـبـحـت تـعـد مـن الـعـادات والـتـقـالـيـد عـنـد الـنـاس فـأصبحت جزاءاً مـن الـتـراث يـتـنـاقـلهـا الأبـنـاء عـن الآبـاء والأجـداد ....

واسـتـعـرض مـعـكـم بـعـض مـن هـذه الـخـرافـات ...

<span style='color:Blue'>الكل يعرف بو بشير .. وهي حشرة لها المقدرة على الطيران ..اول لما كان بوبشير يدخل بيت ويحوم داخل او يحوم على شخص فهذا كان يدل على انهم بيسمعون أخبار حلوة ... وهذا هو سر تسميته ببوبشير .. فيطير اهل البيت من الفرح يوم يشوفونه ...</span>

<span style='color:Brown'>كثير ما نشوف بعض اليهال ماسكين البروش(المخمة او المكنسة) ويالسين يخمون ... اول يوم كان الياهل يمسك المخمة ويخم الحوي هذا يعني انه اليوم ياينا ضيف ويتم الاهل في انتظار الضيف او الزائر ...</span>

<span style='color:Red'>ومن الخرافات ترك النعال (وانتوا بكرامه) مقلوبة ... فعدم عدل النعال يعني انه بتستوي ضرابه او مشاكل في البيت .. كذلك في بعض الناس تعتقد ان النعال لما تكون مقلوبة تسب ...</span>

<span style='color:Green'>وبعد من المعتقدات انه الواحد لما تصوي اذنه معناه انه في حد يطريه وقاعد يتكلم عنه او عليه ...</span>

<span style='color:Orange'>طبعا تعرفون بوبثن او الطيطار او البريعصي كل حد وتسميته ... طبعا اذا ضربتة على طول ينقص ذيلة ويتم يتحرك .. يعتقد انه يوم يتحرك انه يسبك وعلشان توقفه وتصكته لازم تسبه ..كنا نسويها بس ما دري هل هذا صح ولا .. أكيد خرافة ... وبعد العنكبوته كانوا يقولونا لا تذبحونها هاي يدتكم حرام تذبحونها ...</span>

طـبـعا هـذه بـعـض مـن الـخـرافـات الـتي كـانـت فـي زمـان لـول ومـا زال بـعضـها فـي زمـانـنا هـذا ... وهـي تـعـتـبـر مـن الـتراث والـعـادات والـتـقـالـيـد ... و ورثـهـا الأبـناء من آبـاءهم و أجـدادهـم وسـوف يورثـونـها لأبـنـائهم مـن بـعـد ....

<span style='color:Blue'>هذا اللي عندي .. واللي عنده شي رجاءا لا يبخل علينا وتقبلوا تحياتي ...</span>

<span style='color:Red'>حقوق الكوبي والبيست محفوظة لدرا الظبي ..</span>

[الشوق]

عليكم السلام والرحمه .. ياخوي ...
اب صراحه تسلم على الموضوع .. يعطيك الف عافيه ... موضوعك يستحق الواحد يشارك فيه ..وتبي الصراحه فعلا الموضوع يجذب الواحد على المشاركه ولك مني هذي المساهمات :-

- بو بشير ذكرني اب حشره يوم كنا يهال ... كنا كل ما انشوف الدبور نوع من انواع النحل اعتقد ... كنا انخاف من انه يقرصنا فدايما كنا انلاحقه وانقول ( دبور بنحرق بيت امك ) وانكرر الجمله كذا مره .. كتحذير وتنبيه له ... وانشوووفه يبتعد عنا ... <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;كنا انخليه يشرد علشان ينقذ بيت امه ... هي هي هي
بس تدري اول مره اسمع عن بو بشير ... <img src="http://oasis.bindubai.com/emoticons/tounge.gif" border="0" valign="absmiddle" alt=':p'> <img src="http://oasis.bindubai.com/emoticons/tounge.gif" border="0" valign="absmiddle" alt=':p'>

- على طاري الضيف ذكرتني ياخوي ب ....... للاسف مادري شو اقوولك عنه .. حتى اسمه مااعرف شو هو لكن هو تقريبا نوع من انواع نبات القطن ساعات اتشووفه <img src="http://oasis.bindubai.com/emoticons/wow.gif" border="0" valign="absmiddle" alt=':0'> <img src="http://oasis.bindubai.com/emoticons/wow.gif" border="0" valign="absmiddle" alt=':0'> &nbsp;يطير حواليك يعني يشبه تقريبا ويمكن يكون هو القطن نفسه.. كانوا يقولولنا " بما انكم شفتوا هالشي هذا معناته ان ضيف بيي بيتنا " . &nbsp;وساعات تحصل ..لكن هل الصدفه تكون لها دخل &nbsp;اب هالشي ...:exx: <img src="http://oasis.bindubai.com/emoticons/exclamation.gif" border="0" valign="absmiddle" alt=':exx:'>


- ذكرتني يالظبياني " &nbsp;بالمقص" &nbsp;يوم اليهال او اي حد يلعب او يتعبث بيه .. كنا دوووم انقول لليهال لا تلعبون بالمقص ترى راح تحصل مشاكل وظرابه في البيت ... <img src="http://oasis.bindubai.com/emoticons/crazy.gif" border="0" valign="absmiddle" alt=''> <img src="http://oasis.bindubai.com/emoticons/crazy.gif" border="0" valign="absmiddle" alt=''>

امممم هاللي اذكره ... لكن هل هي حقيقة خراريف.... &nbsp;ام انها اشاعات تداولت وتناقلت على مر السنين ... &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> ..

واللي عنده من هالاشياء ياريت يذكره لنا .. حتى نسمع منكم كل ما هو جميل وجديد .. &nbsp;

اختك: الشوق

[ناعسه الطرف]

والله خراريف واااااااايد حلوه .. &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp; ذكرتنا &nbsp;<span style='color:Red'>يالظبياني ..</span>

بأيام أول والله انها حلوه .. اما بالنسبه لي <span style='color:Blue'>بو بشير ..</span>

نحن نسميه &nbsp;( دبي اسود ) والله معلومه حلوه تعرفنا على اسمه ذكرتني بأيام المدرسه كننا يوم نذاكر وعلينا امتحان ويوم رعلينا هذا صح نخاف منه ونشرد بس نستانس وايد نحن كنا انقوله انه بشرنا انه الامتحان سهل ..

في بعد .. <span style='color:Brown'>(اليعل )</span> ما ادري شو تسمونه هيه عقرب سوده بس كبيره شوي ...كنا يوم نلمسها او نضربها ترفع ريولها نحن كنا انقول انها هيه الحين &nbsp;تدعلي علينا .. والله ما ادري اذا صدق او جذب .. <img src="http://oasis.bindubai.com/emoticons/confused.gif" border="0" valign="absmiddle" alt='???'>
بس بالفعل خرافات وايد حلوه ..

هذا الي اذكره بس انشاء الله بسال عيوزنا .. وبقولكم .. &nbsp;<img src="http://oasis.bindubai.com/emoticons/hehe.gif" border="0" valign="absmiddle" alt=':heh:'>

تسلم والله على هذا الموضوع ..بالفعل يستحق انه حد يشارك فيه ..

[بن دبي]

أنا بقول لكم بعض الخرافات المتعلقه بالزواج ...بس مو حق الصبيان...بس البنات .. <img src="http://oasis.bindubai.com/emoticons/tounge.gif" border="0" valign="absmiddle" alt=':p'> <img src="http://oasis.bindubai.com/emoticons/tounge.gif" border="0" valign="absmiddle" alt=':p'> <img src="http://oasis.bindubai.com/emoticons/tounge.gif" border="0" valign="absmiddle" alt=':p'>

عندنا ادا وحده تزوجت ...اول ما يملج الشيخ...اول وحده تقرص العروس في ركبتها تتزوج مباشره عقب العروس...

والله لا يراويكم ويش يصير....الكل يبي يقعد جنب العروس والشيخ يملج...وكلهم نازلين في العروس قرص...حتى ما تكمل الملجه الا والعروس في الطواريء.. <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

وشي ثاني .... اول بنت تلبس خاتم الزواج عقب العروس...ويجي فت قد صبعها...تتزوج مباشره بعد العروس...

عاد يوم البنت تتزوج وتجي الصف... لنهايه الدوام ما تتم بنت ما تجرب داك الخاتم... وغصب يبون يدخلون الخاتم في يدهم...

وفي النهايه الكل يتزوج ما عدا ديك البنت اللي جه الخاتم قد صبعها
<img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('>

[ولد راعي بحر]

السلاام عليهم اشحالهم عساهم ابخيروسهاله...
والله اني مشتاااق الكم..
ما شا الله داار الظبي اجووفك قمت &nbsp;اتخرف ما شا الله..
بس مااشا الله موضوووع ولا اروع مثل مايقوولون<img src="http://oasis.bindubai.com/emoticons/smile.gif" border="0" valign="absmiddle" alt=':)'>
اشكرك ياخويه على هالموضووع الشيق والجمييل في نفس الوقت
والله انا عندي خرووفه<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
بس انشا الله قرييب بعرضها..
وحياااك الله..
خويك بوسلطان..

[دار الظبي]

مرحبــــــــــا ،،،

<span style='color:Blue'>الشــوق</span> ... الله يعافيج يا الشوق ويسعدني مرورج بموضوعي وشكرا على مساهمتج الحلوة ... تعرفين على طاري المقص بشو ذكرتيني .. في خرافة ثانية عن اللعب بالمقص تقول بانه اللعب بالمقص يجلب الفقر في البيت ... ومشكورة مرة ثانية على المشاركة ...

<span style='color:Blue'>ناعسة الطرف</span> ... مرحبا والله بنويعس .. شو هالغيبة .. عالعموم مشكورة على مشاركتج ومرورك بالموضوع ..ولا اطولين الغيبات علينا .. ترى مالنا غنى عنكم ...

<span style='color:Blue'>شيطووووونه</span> ... ما دام انه خرافاتج حق البنات بس فانا امتنع عن التعليق ... واشكرج على مشاركتج واتمنى تواصلج الدائم معنا ...

<span style='color:Blue'>ولد راعي بحر</span> ... مرحبا والله بهل البحر .. خشمك <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> .. على قولت منصوري الدولة الله يذكره بالخير .. شفت عاد يا ولد راعي بحر على اخر ايامي قمت اخرف ...

وين انت ياريال والله مفتقدينك ومفتقدين مواضيعك الحلوة .. كنت اتمنى لو انك قلت الخرووفه اللي عندك ... يلا في انتظار جديدك .. وشكرا على مشاركتك ..

<span style='color:Green'>اذكر من بعض الخرافات .. اول يوم كان الواحد فينا يبدأ بعق ضروسه .. فكل ضرس يطيح يقولولنا فرووه وقولوا يا رب يطلعلي ضرس غزال .. والله كنا نصدق ونسويها ...</span>

والـســمـوحــه مـنـكـم ،،،

[خوي الواحات]

هلا بك دار الظبي..
<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> والله و مضوعك ماعليه قصور و فنان...
بس على طاري الضروس ... قصو عليه .. قالولي قول..
يالله خذ ضرس حمار و عطني ضرس غزال .. وانا صدقت .. عقب قلت صدق اني حمار , كيف أقول خذ ضرس حمار شو انا حمار... <img src="http://oasis.bindubai.com/emoticons/confused.gif" border="0" valign="absmiddle" alt='???'> والله و ايام راحت

و بعد يوم نحن صغار كنا نشوف ,, بو النقيع.. هو شرات الخنفسانه الصغيره بس شوي طويل,, يوم انزخه يناقع ,, و كنا نزخه و نسأله عن اي شيء بيصير ,, اذا نقع بيصير واذا ما نقع يعني لا.. كنا نقوله فلان بينجح.. <img src="http://oasis.bindubai.com/emoticons/smile.gif" border="0" valign="absmiddle" alt=':)'>

و بعد عن الظفور يوم تقصهن بدون ما تفرهن الزباله .. اونه ييب الفقر....

على طاري العرس الحريم ,, في من المعتقدات ان العرس بين العيدين هب زين ..

وهذا كل اللي اذكره من خرافات و الصراحه موضوعك فنان و لا عليه قصور
<img src="http://oasis.bindubai.com/emoticons/thumbs-up.gif" border="0" valign="absmiddle" alt=''>

مشكور .............

[الشوق]

القلب الحزين <img src="http://oasis.bindubai.com/emoticons/smile.gif" border="0" valign="absmiddle" alt=':)'> بو النقيع ... انسميه نحن " تكـــــتكــــــوا " او "التك تاك ".
بس اول مره اسمع هالشي عنه ...
وتسلم على المشاركه ..

[سفير الخيال]

تســلم يــاخويه على هــذي المعــلومــات الجميله.... اتصــدق البعض ما كنت عــارفنه واليوم تعلمت شي يدي.. <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;تســلم أخوي....

بس حبيت أبين لــك معــلومه يووم إذن الواحد اتصوي وحسب اعتقاادي بإن ملك الموت يزور الإنسان باليوم سبع مرااات وبعض المرات الإذن اتصوي وهذا دليل على إنه زار الغنسان بهذي اللحظة... ولحظة ربك ما يكتب لهذا الإنسان الموت ياااخذ رووحه ملك اليوم بوحدة من السبع زيااراات... <img src="http://oasis.bindubai.com/emoticons/smile.gif" border="0" valign="absmiddle" alt=':)'> والله يطول بعمر الجميع..

هذا حسب اللي سمعته... <img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'>

والسموحة

[دار الظبي]

مرحبــــــــا ،،،

<span style='color:Blue'>القلب الحزين</span> ... ما عليك زود يالطيب .. ومشكور على مساهمتك ... محشوم يالقلب الحزين بس تعرف اول كل شي انصدقه وترى في اشياء لين الحين نحن مصدقينها ... وشكرا لك مرة ثانية

<span style='color:Blue'>الشـوق</span> ... شكرا على المعلومة .. بو النقيع = تكتكوا .. الصراحة اول مرة اعرف هالشي ومشكورة عرفتينا باسم ثاني لبو النقيع ...

<span style='color:Blue'>سفير الخيال</span> ... مرحبا والله بسفير الخيال سعيد بمرورك بموضوعي وشاكرلك مشاركتك وانشاء الله نتعلم من بعض وترى هذا هو القصد من هالمواضيع .... اما بخصوص سالفة الاذن تبى الصدق ما ادري اول مرة اسمع عنها منك ... ولك كل الشكر ..

<span style='color:Green'>كذلك من بعض المعتقدات القديمة ... يوم الحرمة تربي كانت تاخذ سر ولدها وتدفنه في حوي المسيد .. تدرون ليش اونه عشان يتم متعلق بالمسيد .. حتى قبل يوم حد منا ينبش في الكبت او اي مكان يقولوله شو مضيع سرك هني ...</span>

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; والسـمـوحه منكم ....

تحياتي ،،،

[ناعسه الطرف]

<span style='color:Red'>دار الظبي..</span> والله يا اخوي موجودين بس انتو الي تغيبون عنا .. تعرف شو بسميك .. تعرف بنات المطر الي ما يطلعت الا وقت ما يطيح المطر نادر بعد انته شراتهن .. <img src="http://oasis.bindubai.com/emoticons/tounge.gif" border="0" valign="absmiddle" alt=':p'> &nbsp;تطلع مثل لهلال في نص الشهر ..

والله يا اخوي تسلم على هذي الخراريف انا داخله بقولك عن سالفة السر بس سبقتني .. بس في خروفه بقولك اياها ..

<span style='color:Blue'>اليهال يوم هم صغار قبل ما يطلعونمن الاربعين يحلقونهم .. وما يعقون الشعر مالهم لا ايودونه ويوزنونه .. ويوزعون عليه مثل الصدقه يعني عن اليهال .. هذي معلومه تعرفت عليها وحبيت افيدكم فيها..</span>

<img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'> &nbsp;بفكر وبرد لكم انشاء الله ..

[الشوق]

سفير لخيال <img src="http://oasis.bindubai.com/emoticons/smile.gif" border="0" valign="absmiddle" alt=':)'> ذكرتني اب موضوع :-

- بالنسبه للعين يوم اطيح اي رمش من رموشك على العيون <img src="http://oasis.bindubai.com/emoticons/wow.gif" border="0" valign="absmiddle" alt=':0'> <img src="http://oasis.bindubai.com/emoticons/wow.gif" border="0" valign="absmiddle" alt=':0'> <img src="http://oasis.bindubai.com/emoticons/wow.gif" border="0" valign="absmiddle" alt=':0'> .. عاد انت لازم تتمنى امنيه .. ولو طاحت الرمشع على عينك اليمين .. يقولون انها تتحقق <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> .. ولو على اليسار اونها ما بتتحقق <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('> ... ( يا كثر ما طاحت ارموش على عين اليمين ) وما شفنا من هالاماني شي ..هي هي هي..

- وبعد اتذكرت موضوع اليد .. يقولون يوم اليد اليمنى اتحكك معناتها اونك بتحصل على فلوس ... <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> ... ( بس لا تنسون ان الرزق من الله ) .. لان الصدفه ساعات اتكون لاعبه دور في ذاك الوقت ..

اسمحلي يادار الظبي ... بس حبيت اساهم باللي اتذكرته .. ابصراحه موضوعك يخلي الواحد غصبا عنه يشارك ... فالسموحه

اختك: الشوق
<img src="http://oasis.bindubai.com/emoticons/inlove.gif" border="0" valign="absmiddle" alt=''> <img src="http://oasis.bindubai.com/emoticons/inlove.gif" border="0" valign="absmiddle" alt=''>

[سفير الخيال]

تســلم يااخويه دار الظبي... وتسلمين إختي الشوووق على إضاافتج الجميله.... <img src="http://oasis.bindubai.com/emoticons/smile.gif" border="0" valign="absmiddle" alt=':)'>

[خوي الواحات]

الشوق <img src="http://oasis.bindubai.com/emoticons/smile.gif" border="0" valign="absmiddle" alt=':)'> تسلمين على هذا الرد
و على هالمعلومه ,, ما كنت اعرف ان له اسم " كتكتو"..

و بعد ذكرتونيه عن الانسان يوم عينه ترف .. تبشرك بغالي .. يعني بتشوف حد غالي عليك من مدة ما شفته..... <img src="http://oasis.bindubai.com/emoticons/lookaround.gif" border="0" valign="absmiddle" alt=':lok:'>
و اذا خشمك يحكك بعد يقولون انك بتسلم على حد ....

و يوم الناس يروحوون البر ... و حد غايب عنهم.. و يبون يعرفون اذا هو بخير و الا لا...خاصه الامهات اللي يبن يعرفن عن حال عيالهن...
يطبعون عالثرى ( التراب الخرسان بالماي ) اول اربع صبوع من اليد من غير الابهام.. كم مره على حسب المساحه اللي عندك... مثلا
""""""""""
كاللي رسمته... و بعدين يبدون يشطبون خطين خطين... و اذا بقى خط يعني اللي تنشد عنه هب بخير ... واذا ما بقى ولا خط .. اللي تنشد عنه بخير ...
وسلامتكم ...
و الله اعلم ترى هذي الخروفه من يدتنا العوده .. الله يسلمها..

و اتمنى اني و صلتها بالطريقه الصحيحه... و الله يسلم كل غايب عن هله...

مشكور خويه " دار الظبي " كما قالت ختنا الشوق ...موضوعك يخلي الواحد غصبن عنه يشارك...

و السموحه...

<img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'>

[دار الظبي]

مرحبـــــــــــا ،،،

&nbsp;<span style='color:Blue'>ناعسه الطرف</span> ... عاد بنت المطر ما يركب عليه .. تعرفين شو سميني ولد المطر احسن .. انا تقريبا كل يوم موجود ....

<span style='color:Blue'>الـشـوق</span> ... شاكر لج تفاعلج ومشاركتج مع كل المواضيع ... ومشكورة على المساهمة والموضوع موضوعج ...

<span style='color:Blue'>سفير الخيال</span> ... الله يسلمك .. وشكرا لتواصلك ..

<span style='color:Blue'>القلب الحزين</span> ... مشكور يا خويه وتسلم على هالخروفه ...
&nbsp; &nbsp; &nbsp; &nbsp; &nbsp; &nbsp; &nbsp;ومشكورين على تواصلكم ومساهماتكم وبكم المواضيع تكمل وتحلى بعد ...

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; تحياتي ،،،