اولا ابي احيييكم و اسلم على اهل الواحات كلهم كبيرهم و صغيرهم ....

و بصراحة ابي اقول حق <span style='color:Red'>صـــــــدى الونــــــه</span> انه يشرفني اني اول مشاركة لي بعد هذي الغيبة تكون في موضوع حساس مثل هذا...

اما بالنسبة للموضوع فأنا اقول ان هذي هي مشكلة الكل.. تبدا على انها تسلية و مضيعة وقت و تنتهي بالتعارف و صداقة و بعدين حب خرافي.. بس للاسف هذا الحب يخيل إلنا انه هو الحب الي ندور عليه و نصدقه و ننجر وراء خيوطه الوهينة الي تنقطع بسرعة لمجرد حقيقة نكشفها في وقت ضايع. بعد ما يطيح الفاس على الراس على قولتهم..

و الحين و بعد ما صار فيه ماسنجر و شات و غيرهم من وسائل الاتصال في النت اتسعت هذي المشكلة بحيث مشكلة ممكن ينجر الها كل شاب و فتاة و حتى اليهال .. هذي الشريحة من المجتمع الي المفروض انها تنشأ بعيد عن الحب و خرابيطه صارت ادرى عنا نحن الكبار.. و هذا ما ييب الا الدمار و خراب عقولهم الصغيرة و ترسها بأمور من الصعب انهم يفهمونها ..

بصراحة النت صارت تعتبر اداة لتغذية هذي الهواجس و تشبيعها .. و النتيجة منو يدفع .. اسر و عوائل تدمر و تفقد سمعها .... و شباب تايه في زحمة التطورات الحديثة....

الله يعينا فيما بلانا .... و يعين الجميع ... و الحل هو الوازع الديني و الرقابة على انفسنا في كل وقت لان النفس أمارة بالسوء .. بالاضافة ان علينا نوعي اخوانا و خواتنا و ننصحهم ..

و السموحة اذا طولت عليكم ...

<img src="http://oasis.bindubai.com/emoticons/exclamation.gif" border="0" valign="absmiddle" alt=':exx:'>
<img src="http://oasis.bindubai.com/emoticons/exclamation.gif" border="0" valign="absmiddle" alt=':exx:'>