<font color='#000000'><P align=center>موضوعك جميل
وشكلكم استانستوا في المحاضره..
بس ليش ما حطيت اعلان في الواحات يمكن في حد كان يبا يسير و يستفيد شراتكم..
بس بعد استفدنا من موضوعك..
انزين سفير الخيال
انت اتقول بلسان الدكتور ايوب..
ان لازم انخطط و نباشر بالعمل..
انزين ما لاحظت ان معظم اللي خططوا ما بدوا في بلادهم..
اتحصلهم هاجروا و استوا مليونيريــه..او يمكن حققوا طموحهم
او هدفهم اللي يسعون له

انزين في دولتنــا اذا في شاب ..خطط و بغى ينفذ..
منو بيساعده..
بتقولي برنامج محمد بن راشد لدعم مشاريع الشباب..
انزين ما بيدعم كل الشباب..اكيد الاقليــه..
و فوق هذا اذا بدينـــــا في مشروع.. و لو بسيط.. ع قد حالنا
بتحصل من اليوم الثاني منافسينــــك..ليش هذا يسوي و نحن لا..
يعني الحسد عامي قلوبهم..
انزين بنتلكم عن جانب ثاني غير العمل..
مثل الشهاده..انت اتقول انها بسيطــه
اوكي انا اتخرجت و الحمدلله و عندي شهاده و اتريا الوظيفه و ميزانيه الوزاره..
و بغيت اكمل دراستــي في جامعه خاصه..
هذا طبعا بروم احققه لان الوالد ما بيقصر.. بس انا ابا اعتمد ع نفسي..
لاني قلت <FONT size=2>(سوف اكمل دراستي)</FONT> شفت السالفه فيها سوف..
يعني خلاص مزروعه فيني ..
انزين انزين
بنفـــرض.. انا عندي حلم <FONT size=2>(اكيد عندي حلم</FONT>).. اسعى لتحقيقـــــه
بس انا هالحلم ما اقدر احققه ..ليش لان الظروف اقوى مني<FONT size=2>..(مب وظيفه ولا شهاده ..شي ثاني)</FONT>..
ولاني بنت مب ولد..
ولاني في دوله الامارات مب في لندن..
يعني هالحلم مستحيل احققه..
بتقول لي الباب مفتوح لسيدات.. و شي مؤتمرات لسيدات الاعمال
بس انا حلمي ع قدي .. و ما اقدر احققه..
و لو حطيت مليون خطــه..
في ناس يمكن الحظ وياهم ..من جي يحققون امالهم..
انزين و الناس المنحوسيــــــــن .شو يسوون؟؟؟؟؟؟؟؟؟؟؟؟

و بــــــــــس..

بس صدق محاضره حلوه..
<img src="http://oasis.bindubai.com/emoticons/smile.gif" border="0" valign="absmiddle" alt=':)'>
شمــــــــــه</P></font>