<font color='#000000'><p align=center>اختيـه سنيوريتا
سئلي عمرج هالأسئلة عسب نعرف السبب و الحل ،
كم عمرها وترتيبها فـ عايلتكم؟
لو هي فـ مرحلة المراهقة فتصرفاتها مرحلياً طبيعية نسبة لحالتها النفسية المتقلبة المحبة للتمرد حتّى على نفسها (مب بس على الناس )
والترتيب العائلي يأثر، فلو هي الأصغر (غالباً هي الشخصية الدلوعة اللي تدّعي النضج) ولو هي الوسطيّة (فـ يمكن تبحث عن الإهتمام ولفت الإنتباه)
هل صار بينكم موقف ( touch ) معيـّن ؟
لو هيـه > ناقشيها وشوفي وجهة نظرها حوله .. أو غيري أسلوبج وتعاملج وياها بالطريقة الأنسب
هل حبج وإهتمامج فيها بحدود المعقول؟
( فكري بتفكيرها وعقليتها ) يقول لج عسب نعرف نتعامل مع طرف فكّر بأسلوب تفكيره للموضوع،
فيه أشيا نشوفها إيجابية بس الثاني يشوفها سلبية
..
في كل الحالات ، أقترح عليج تناقشيها بجدية عن هالموضوع بشكل مباشر ( شو أسبابه )
و
تعاملي معاها حسب عمرها وتفكيرها بحيث تكوني متساهلة مرة وجادة مرة ..
وعطيها بريك < يعني > مساحة بروحها فـ ما تتعدّي على خصوصيتها وعسب تحس بأهمية وجودج
+ عطيها بريك تعبّر عن أي شي خاص بحرية بدون أحكام من قبلج إلاّ لو طلبت
ساعديها فـ موقف بحيث تحس انج موجوده لها لو إحتاجت كأخت
وحسسيها بأهميتها وشخصيتها < طبعاً > وأهمية أفكارها وسوالفها ساعات ( يساعد ) ..!
الأهم لا تحسسي نفسج بالذنب من تصرفاتها .. في المقابل ، حاولي تتعاملي مع الموقف بإيجابية وذكاء أكثر عسب ينحل
+ ركزي على ربيعاتج وعلاقاتج الأخرى عموماً عسب ما ياخذج التفكير فيها وتنسي عمرج وتكون هي شغلج الشاغل
.
.
مشكلتج أاختيه توقعها مشكلة تواصل و فرق فـ العمر عموماً لا غير
وها شائع بين الأخوان وما شي من هالسوالف يدوم .. إدعي لها الله يهديها
والسموحه الغالية <img src="http://oasis.bindubai.com/emoticons/smile.gif" border=0></p></font>
رد مع اقتباس
مواقع النشر (المفضلة)