<font color='#810541'>ماشاءالله على العضوات.. كفوا ووفوا وماعندي شي اقوله اكثر من الي قالوا عنه...

بس ابغي انوه على شي..

كل مرحله بعمر الانسان تتميز بتكيبه معينه وكل شخص تقريبا يمر فيها... وعمر ( 18 سنه ) يتميز بالغرور والعناد&nbsp; والتفكير انه هو الصح.. وهذا شي طبيعي بهذا العمر...

وعلى الناس الي يحيطون بهذا الشخص ان يتحكمون باعصابهم ويتحملون الشخصيه هاي لين توصل لعمر ال 20 سنه .. ( ادري فتره طويله <img src="http://oasis.bindubai.com/emoticons/biggrin.gif" border=0>) بس هذا الي لاحظته بخبرتي في وتعاملي مع الناس..

مثل ماقالوا الاعضاء.. يوم انها بتعصب ... سكتي عنها .. وحاولي تمتصين غضبها... لين تسكت... وبعدين ابدئي بالرمسه معاها بهدوء..

وجدام اهلج .. حاولي ادلعينها ودللينها .. يمكن يفيد فيها ها الشي ويحببها فيج... ويزيد ثقتها فيج..

بمناسبات او بليا مناسبات... عطيها هدايا.. ( مثل مايقولون عربون محبه&nbsp; واخوه)

وخلال الموضوع .. فهمت ان هاي المشكله محبوسه بخاطرج... واظن يستحسن انج ترمسين اهلج بحيث تبيني لهم انج تبين تكسبين اختج لج اكثر ( واستشيريهم بالطريقه للوصول لذلك) لانهم بحكم اقرب الناس لكم راح يعرفون يسدون النصيحه صح..

وربي يلم شملكم ويدوم عليكم نعمه الاخوة.. <img src="http://oasis.bindubai.com/emoticons/smile.gif" border=0></font>