<font color='#810541'><FONT color=#810541>
<P align=center>بسم الله الرحمن الرحيم

<IMG style="WIDTH: 316px; HEIGHT: 166px" height=136 alt="" hspace=0 src="http://oasis.bindubai.com/download/binrak/sh-zayed.gif" width=222 align=baseline border=0>

السلام عليكم ...

أحسن الله عزاكم أخواني الأعضاء ...وربي يرحم والدنا زايد الي راح يبقى فخرناوعزنا وماراح ننساه..

حبيت أنقل لكم رساله حزينه صحت منها وتألمت ،هذي الرساله لطفله تخاطب بها الشيخ زايد بعد وفاته ...في هذي الرساله تنقل لنا الطفله مشاعر كل طفل بل وكل إماراتي تجاه أبونا رحمه الله عليه ...


الرساله :

<FONT color=#0000ff>بسم الله الرحمن الرحيم


بابا زايد أنا أحبك ،بابا قالوا إنك سرت عنا وما راح ترجع ولا راح تكلمنا ولا تسمعنا ولا تعلمنا ،بس بابا أنا أحس إنك تسمعني ،أنا أدري ومتأكدة بعد، إنت بس راقد عند الله في الجنة لأنك مسلم طيب تساعد المسلمين وتحب الأطفال والمسلمين وتحب الفقراء والأيتام ،وما تحب تشوف أي أحد يبجي ويتألم ،لأنك حنون مثل أمايه وأكثر بعد منها ،حبيبي باباه والله راح أذاكر،راح أحل واجباتي وراح اقرى الدروس، أحلف لك راح أصير أحسن مهندسه لدولتنا الإمارات العربية المتحدة عشان أخليها أحلى وأحلى وأحافظ عليها مثل ما إنت تحافظ عليها ،بابا راح أسمع كلام امايه وابويا والمس عشان لما بشوفك في الجنة برمسك عن إلي سويته للإمارات الي تحبها ،بابا ليش رحت عنا راح
أغني لمن؟ وأرسم صورة من؟ وأبوس من؟ ،أنا ما اعرف أرسم شي ثاني غير صورتك ولا اعرف اغني إلا اغاني عنك ما حافظه شي ثاني ،باباتي إرجع الله يخليك إذا ماراح ترجع إخذنا معاك إحنا نحبك ونباك تكون معانا ..


بابا تعرف شو سويت بيوم الجنازة ؟ رحت أصلي مع ماماه ونقرى القرءان في المسجد علشانك ،ماما قالت لي إنت تحب الأطفال إلي يقرون قرآن علشان جيه أنا كل يوم راح أقرى قرآن ،وقالت لي بعد الي ينام مبجر يحبه بابا زايد بس أنا ما قدرت أنام عشان قالو لي انك رحت عنا ،يلست أفكر وأفكر وايد لين ماتعبت ورقدت وحلمت إنك معانا تضحك وتلعب وتلون معانا ،حتى سألتك وقلت لك بابا إنت مو ميت ؟ قلت لي لا أنا معاكم أنا أحبكم ،كيف أتركم ؟

بابا الحين بسير أذاكر وبرمسك باجر ..مع السلامه .


أنا ميثه بنت زايد
</FONT>
للأمانه : منقول من الأخت امورة الوصل من منتدى الوصل الاماراتي مع تغير العنوان</P></FONT></font>