مـــســتـــشــفـــى الــمـــوتـــى ..

[كـلـكـلـووش]

<font color='#000000'><p align=center><font style="background-color: #000000" color=#ffffff>الـــســـــلام عليــــكم

لــــين مـــــتى يعــــني و نحـــن نعــــانـــي من هالــــمســــتشــفـــى .. &#33;

ســــوالــــف قــــبل كـــنا نســـمعهــــا و نســـكت ..

و الحـــين أستــــتوت آخـــر ســـالفـــه ..

كـــل هالـــسوالـــف تصـــير فـــي مســـتشـــفــى الــقـــاسمـــي فـــي الـــشارجـــه ..

بقــــولـــكم شـــو الـــســـالفـــه ,,.

أربــــيعــي ســـوى حـــادث ..

ودوه مــــستـــشفى الـــقــاسمـــي .. قــــالوا لـــه مـــا فيـــك شـــي ....
طـــبعا بـــعد مـــا سووله أشـــعه و تحـــالـــيل ..

الـــريــــال قـــالهم انـــا مـــا أقــــدر أمشــي كـــيف مـــا فيـــني شــــي .. و شــفو ايـــدي كيـــف متقــطعه و ريــلي بــعد جـــان يقـــولون بسيــطه لفـــوا لــه ايـــاهـــم ..
قـــالوا لــه لا الحمـــد الله ســليمـــه و مـــا صـــار شـــي ..
الـــريـــال ظـــهر من الــمســـتشفى ومـــا صـــدق رمستهـــم ..
ســـار مـــستــشفــى الـــزهـــره و سوولــه هنـــاك أشـــعه .. قـــالوا لــه عـــندك كـــسر فـــي الـــحوض &#33;
و فـــوق هـــذا قـــالوا لـــه لـــو كـــنت مـــتــاخـــر و مـــا يـــاي كـــان بيـــستوي عنــدك تفـــتت فــي الـــعظام ..

يعـــني لو مصـــدق رمستهـــم الـــريـــال و مــا ســـاير المـــستشـــفى&nbsp;كــانــو ا بيـــحطون لــه حــدايــد بدال الـــعظام ..&#33;

هـــــذي ســـالـــفه مــن ســـوالف تـــصير فــــي هــــذا المـــستشـــفى ..

و شـــي ســـالفــه صــدق انهـــا جـــديمـــه .. لكـــن مـــا تنـــسى .. لأن اللـــي راح فـــيها ( روح ) لـــشخص ..

اربـــيع اخـــوي انـــجلب بالـــدراجــه ..
يوو ربـــعه خـــذوه و ســـارو المـــسشـــفى .. قـــالوا لــهم عالـــجوه بـــسرعه الــريـــال مـــا يقـــدر يســتحمــل ..
قـــالوا نــحن مـــا نعـــالج حــوادث و دووه مــستشـــفى الكــويتي .. قـــالوا لهـــم الـــريـــال بيـــموت عــالجـــوه .. قـــالوا مـــا شي فـــايده و دووه هنـــاك ..
أول مــا ركـــبوا الــسياره الــريال فـــارق الحـــياه .. &#33;

ييـــه أخـــوه و مـــن الحـــره ضـــرب الــدكـــتور .. بـــس هــل هالـــضرب بيــعوضه عـــن اخــــوه .&#33;&#33;&#33;

ســــوالـــف وايــــد تــــصـــير فـــي هـــذا المـــستشــفى

لـــدرجــة انه ســموه بمـــستشــــفى المـــوتــــى ..

لا حــــول و لا قــــوة إلا بالله

و الله انــي اكـــتب المـــوضـــوع من الـــقهر فــي اللـــي صـــار لربيــــعــــي <img src="http://oasis.bindubai.com/emoticons/fa49.gif" border=0>

و الــســمــوحـــة

أخـــوكـــم / الــفـــتـــى الــحــــزيــــن
</font></p></font>

[كـلـكـلـووش]

قصــه جـــديــــده !

شــخص فيــه الـــدوده الـــزايـــده . . شـــالو له الكليـــه !

و تســـتــمى قصـــة مســـتــشــفى الموتـــى .. و إلــي أيـــن ! الله العـــالم !

[حبوبه دبي]

مــقصــب هذاا ولا مستشفــــى !!!

:nono:

[دمعة شوق]

لا حـول ولا قوة ألا بالله العلي العظيم

عـادي
استـوا شي عادي وتعودنا عليه يابـوك
بس نفس ما قال الحساس اللي يبا عمره لا يتعالج هنيه
،،
ومـا ننـسـى المستشفى الجميل

مسـتشـفى تـوام في العيـن
واايد قصص وبلاوي فيه هب احسن عن اللي عنـدكـم
،،

الله يـرحمـك يـ بوخلـيفـة
:no0:

[ذنـيـنـي]

كلمة حق و لازم اقولها

بالنسبه لي و بالنسبة للمواقف الي صارت لنا في عايلتنا أقدر اقول انه اللمستشفى هذا مستشفى انقاذ الموتى
كلكلووش انته تعرف بسالفة الحادث الي صار لقوم عمي السنه الي طافت
و قلتلك عن ولدهم الي صارله كسر في الجمجمه عنثر الحادث

الصراحه بفضل الله و بمساعدة الجهاز الطبي في المستشفى القاسمي قدر ولد عمي انه يرجع الى المدرسة مرة ثانية من بعد ما كان اقرب للميت منه الى الحي

جزاهم الله خير على أهتمامهم الكبير بالولد الين ما صحا و طلع من المستشفى من بعد ما قالوا لنا في احد مستشفيات الدوله انه ما بيعيش اكثر من اسبوع بسبب الضربة الي يت في المخ

بصراحه اهتمامهم كان فوق ما تتصور خاصة في غرفة "العناية الفائقة" الي هي للحالات الحرجه جداً

كلمة شكر و عرفان للمستشفى القاسمي :)

[ريم العين]

الله يستر بس

ونحن فراس الخيمه مشكلتنا ويا المقصبه >>مستشفى صقر

بقولكم سالفه بنت عموه

من اسابيع

كانت حامل وطاح الجنين بالشهر السابع

وسوولها عمليه يطلعون الجنين وكانت تعبااااااااانه
وردوها البيت ومرضت وودوها المستشفى استوا لها نص جسمها ما يحرك ومرضه وااااااايد

ورقدت بالمستشفى واستوت سالفه واخوها نقلها مستشفى ثاني براس الخيمه

ويا ابوه وهزبه هزببببببه مامنها مثيل قاله جي ما وديتها مستشفى خليفه واضارب وياه

واحين الحرمه تتحسن والله يستر

وسالفه من سنتي اضني مستويه لولد خالتيا مسوي حادث وكسر ريله وخاس بالمستشفى اسبوع
وبعدين نقلوه بوظبي وسووله العمليه

الله يستر ويعين

[كـلـكـلـووش]

ذنــيني .. هــذي حــاله من حـــالات !

[الحساس]

بخبركم شي ..

شو تسمون هالحاله؟؟؟ اذا:
اذا كان الاستشاري (يعني من اكبر الرؤوس بالمستشفى) يروم يدور على فايل معين ويمسح التقارير الي انكتبت في الفايل ويزيد كلام من عنده بس عسب يخفي المصيبه الي سواها الفريق الطبي الي تابع له.. عسب اذا اشتكوا عليهم يبينون برائتهم؟؟

صارت جدام عيوني.. قبل يومين

[هزاايم]

مستشفياات الحكوومه للزكاام والحمى

لكن إذ صاار شي ...على طوول أول تذكره للندن

بس حبيييت ابين إلي ياااخذ إبر من مستشفى الكويتي يااخذ حذره
لأن قالوا يعااودون استخداام الإبره بدوون تطهير <<يعتمد إذ كانوا متفيجين ولا

وبالرب نستعييين
ولاحول ولاقوه

[الرحيل]

الله يرحم الشيخ زايد

[دانة حتا]

والله قهر جان تبا الصدق
مستشفيات الدوله معضمها صاريخ خراااا هالاياام
ما يعالجون عدل واذا بيعالجونك يا غلط او بعد مذله
انا مره سايره مع ابوي عشان ريله منكسره
وذلوه وهو فديته ما قال شي بس انا منو يسكتني
سرت واتهازبت معه وكنت احتشر بصوت عالي عشان يسمعوني
وعقب حسوا ودخلووه ..البيت بيت ابونا والغرب يذلونا
ما اعرف الفلط من الاداره والا من الموظفين والا من الاثنين
ويمكن من الدوله اللي ما تراقبهم
الله يعين المواطنين
ويصــــــــــــــبر الجميع ان شاء الله
والله انقهرت الحين من هالسالفه