<font color='#000000'>ما أدري إذا ممكن (( خنفروش )) يشارك و إلا ممنوع لأنه من الأقارب العقارب خخخخخخخ - إنزين إذا سمحت لي صاحبة الموضوع بيكون ردي على هالشكل :-
1 )) في الزواج سواء من الأقارب أو غيرهم علينا إن نراعي الرغبة الي تحصل عند الرؤية - وهنه في جانبين إفراط و تفريط
أ ) التفريط أن البنت ما اتشوف الولد وتاخذه غصبن عنها
ب ) الإفراط أن البنت تقنع نفسها بإنها لازم تتزوج شخص اتحبه وهذا من تأثيرات الأفلام الهندية - فيختلط الأمر عند بعض البنات يتحرن الرغبة هي الحب بينما الرغبة هي الإعجاب
2 )) الإستخارة ضرورية لأن يمكن هالقريب هو أفضل من الحبيب
3 )) الفحص الطبي لازم ما نتخلى عنه خاصة لما اتكون في أمراض وراثيه أو إحتمال وجودها وتقدر البنت الي مب راغبة في القريب إنها تشترط هالشيء و اتصر عليه (( و إن شاء الله ما تتصفع ))
4 )) الأفضل إننا نحاول ان وعي أهلنا بأنفسنا في مثل هالمسائل قبل ما ايطيح الفاس فالراس
5 )) ماله اي داعي ان البنت او الولد ياخذ موقف سلبي من القريب الي (( هو محجوز له )) يمكن الآخر بعد رافض هالحالة لكنه زين فالأفضل أننا نكون فكرة كامله قبل الشعور بالمشاعر السلبيه تجاهه
6 )) الزواج قسمه ونصيب بس مب معناته إننا نتصربع ولا معناته إننا نقضي كل عمرنا ننتظر الفارس و حصانه ويمكن ايكون هو امغرز عند البحر و محد يدري به خخخخخخخ
7 )) مجرد رأي لا أكثر ولا أقل</font>
رد مع اقتباس
مواقع النشر (المفضلة)