<font color='#000000'><p align=center><font color=#990000>وعليكم السلام ورحمة الله وبركاته

<font color=#006666>الله يعينج على هالأيام وتصحيح الامتحانات ورصد الدرجات<img src="http://oasis.bindubai.com/emoticons/fa42.gif" border=0>

المهم يا نوير ... بخبرج بعض الأشياء إلي لازم تراعينها بحياتج المهنيه

</font>أولا بالنسبه لأولياء الأمور المتفلسفين واااااااااااايد<img src="http://oasis.bindubai.com/emoticons/fa39.gif" border=0>
حاولي تاخذينهم على قد ما يبون ..بس لازم اتبينين لهم وجهة نظرج ولا تحسسينهم إنج معصبه
بالعكس اقنعيهم بأسلوب يبين إنج إنتي الصح ودوم تحاولين تبينين نظرتج التعليميه
<font color=#006666>بس بصراحه أول مره أسمع إنه أولياء الأمور يدخلون الحصص ويتفلسفون ..الله يعينج
</font>بس أوراق الامتحان وطريقة تدريسج أمر خاص فيج فما فيه داعي أصلا تعطينها أوراقج
لأنه الوزاره عينتج والموجه والمديره لهم زيارات ووحدهم يقيمونج

<font color=#006666>ثانيا .. حطي ببالج إنج تمدحين طلابج أولا قبل ما تبدين تعرضين سلبياتهم وخصوصا جدام الأهل
سبحان الله ..يعني فيه أهالي يتسرعون بالضرب وحرمان عيالهم من الطلعات بسبة الدراسه
<font color=#990000>وبيني سلبياته بأسلوب ثاني ...مثلا</font> ..ماشاء الله عليه أحسبه ولد مرتب هادي وشاطر بس أكيد بتعاونكم ويانا بيتفوق أكثر
يعني المتابعه بالبيت مهمه جدا بس لاحظت بإنه هالفتره بدى ينسى الكتب فياريت اتابعونه أكثر وأنا بتعاون وياكم
وفيه طريقه ثانيه إنج تاخذين الولد على ينب من البدايه وتكلمينه وتقوليه إنه مؤدب وباين عليه شاطر بس تتمنين إنه يثبت لج شطارته
وإلا بتضطرين إنج تخبرين أهله ...يعني تعطينه فرصه

</font>وايد تفلسفت صح؟؟ التدريس وايد حلو وأكيد كل مدرس يتمنى إنه يبدع بالتدريس سواء بنفسه أو بمستوى طلابه

بس يانوير لا تيإسين ولا تخلين حد من المستوى المدرسي يحس بيأسج ..بالعكس كوني واثقه من&nbsp; نفسج جدام المعلمات
لأنه تكرار الموضوع وعصبيتج يأكد وجهة نظر الأم بعينهم ويحطج تحت الأنظار
ولا تطرين السالفه ..<font color=#006666>وأكيد الأم الحين مشغوله بطباخ رمضان والفطور والسحور ...وبتستقبلج بأول يوم بالدوام

</font>والله يوفقج <img src="http://oasis.bindubai.com/emoticons/inlove.gif" border=0></font></p></font>