<font color='#000000'><p align=center>
اقروا الموقف واحكموا ... المزوحي وغيره من الناس يمرون بمواقف في الدنيا هاذي ..
لكن يوم تتعرض في موقف ويصير سوء فهم ... مشكلة بحد ذاتها ... </p>
<p align=center>
الله يسلمكم ربعي في الدوام " محمد " واللي كان يبغي سلف وأول مره في حياتي اسلف حد
في الدوام .. وعطيته 2000 درهم وهذا الكلام كان من سنه ونص تقريبا ..
بس انا ماعرف طبع محمد في الفلووووس .. يعني يوم يتسلف كيف .. هل يردهم وإلا يتناسى
مثل مايقولون .. لكن اعرف طبعه إنه ينسى ... او من النوع اللي ماعنده صرف لآخر الشهر ..
مابخبركم عاااااد هو مسرف وإلا ايمع ... مايخصنا ...
وهو رد نص المبلغ بعد يومين وتمت 1000 درهم نسى يردها ...</p>
<p align=center>ومن 4 شهور تقريبا كان محتاج 15000 تقريبا .. بس هو ماكان يبغي مني سلف .. إنه ضايج من الحاله .. فأنا عرضت عليه .. فرفض .. قال إنه مايحب ياخذ من حد .. سرت أنا وقلت له بس كنت ماخذ مني قبل ... على اساس ابين له خذ الأمر عادي .. مب اقول له رد الفلووووس ..</p>
<p align=center>طبعا هو استغرب .. وقال ذكرني ... ذكرته وتم ناسي .. وانا كنت بطلع اجازه يومها وبسافر ..
بس قلت له لو مابينا شي رد الفلوووس يوم بتكون عندك ... ويوم رجعت من السفر يمكن بأسبوع رد الألف عليّه .. </p>
<p align=center>-------------------------------------</p>
<p align=center>ومن 5 أيام ظهرت وياه ... وسرنا مكان مافيه مكينة سحب ... فقلت له خلاااااص انا حاليا عندي
ومب مشكلة .. فعطيته 200 درهم .. وهو بيردهم يوم عنده ... قلت في خاطري انا بسكت لين آخر الشهر وعقب بقوله .. عسب مايزعل من الموقف ... واكون عادي وياه ...</p>
<p align=center>------------------------------------</p>
<p align=center>ربيع " محمد " خالد .. ويانا في القسم ... فكنا اليوم يالسين نتكلم انا وخالد وعلي ....
عن سالفة السلف بمبالغ كبيرة .... وكنا فاتحين هالسالفة من شهور .. وكنا مندمجين في السالفة ... يعني اللي ياخذ عنك ومايردهن ويستهبل وبعد يطلب منك مره ثانيه ..
فدخل علينا " محمد " وسمع السالفة ... وشافني بنظرة وضحك ضحكة صفراء ..
" هه " ويبنا أمثلة عن الناس ...</p>
<p align=center>---------------------------------
تركت المكتب وسرت اصلي ... فتم " محمد " وربيعه خالد وكان وياهم علي ..
وانا راد في الطريج .. مالقيت محمد وخالد ساروا يصلووون ..
فقال " علي " المزوحي " خذ الــ 200 درهم من عند " محمد "
-------------------------------
قلت في خاطري ليكووون يتحراني انغزه بالرمسه .. وانا ماخبرت اي مخلووووق إني عطيته ..
بس ياناس هذا اللي حبيت اوضحه .. كيف الواحد ينحط بمواقف وهو مايقصد ..
وانا اعرف إنه هو يوم بيردهن مب جدام حد ... لكن استغربت يوم علي عطاني إياهن ..</p>
<p align=center>--------------------------------
بس سألت " علي " هل هو ظهرهن من بوكه وإلا خذهن عند " خالد " ربيعه عسب يعطيني ..
قال مادري ماشفتهم لأني كنت صاد صوب الكمبيوتر ....
--------------------------
كأنه هذا اختبار ثاني منه لي انا .. في حالة لو سمع السالفة منا وخذ الــ 200 عند ربيعه خالد</p>
<p align=center> </p>
<p align=center><img src="http://oasis.bindubai.com/emoticons/fa43.gif" border=0></p>
<p align=center> </p>
<p align=center> </p>
<p align=center> </p></font>
رد مع اقتباس
مواقع النشر (المفضلة)