<font color='#000F22'><p align=center><font face="tahoma, arial, helvetica, sans-serif" size=2>السلام عليكم.. أول شي مشكورة إختي عالموضوع

والزحمة مب بس من دبي.. والمشاريع ما يخصها.. لكن قبل لانحكم على اي شي لازم ناخذ الأسباب بالترتيب

<font color=#0000cc>- معظم الموظفين اللي في دبي ساكنين في الشارجه.. فكيف ما تستوي الزحمه؟؟ وانتوا لاتنتقدون دبي بس.. عندكم الشارجه بعد عندهم سوء تخطيط في الشوارع... ومن الظهر تبدأ الزحمة من داخل الشارجه وتوصل شوي شوي ليييين قريب جبل علي

- فيه حل وهو اصدار قانون انه اي شخص يشتغل في دبي ويكون غير مواطن لااازم يعيش في دبي.. صح انه فيه ظلم.. بس هذي قوانين بلادنا لازم يحترمونها.. يعني لو احنا في بلادهم مااعتقد بيعطونا ويه

- ثاني شي.. تخطيط الشوارع.. مثل شارع القرهود.. قبل الجسر الشارع يكون 4 سيدات ومرة وحده يتحول الى 3.. بس هالشي ما بيسبب الزحمة لولا غباء اللي يسوقون.. يعني قبل الجسر فيه ناس من السيد الأول او الثاني ياخذون السيد اللي طالع من نادي الضباط (ان شالله فهمتوا ) يعني ياخذون سيد مب سيدهم.. هالسيد موجود للي طالعين من صوب نادي الضباط.. يعني المفروض يكون فاضي.. وهالسيد مب مع الجسر.. هذا ينتهي قبل الجسر.. فلما هم يدخلونه ينجبرون يطلعون منه فيسوون زحمه في السيد الأول واللي هو بعد ما بيكتمل مع الجسر.. فهني تزيييد التداخلات

-&nbsp; يوم تستوي الزحمة تحصلون سيد يمشي والثاني لاء.. وعقب العكس.. فيه ناس ما يقرون مكانهم.. شاف السيد اللي عاليمين يمشي لف يمين.. ووقف السيايير كلها بس عشان يمر.. وعقب شاف اللي عاليسار يمشي لف يسار وسوا نفي اللي سواه قبل.. يعني ناس وين عقووولهم؟؟ مادري

-يوم يستوي حادث الناس كلها تطالع وتتطمش.. اذكر مرة استوى حادث عند القرهود.. والسيارة ما كانت لا عاليمين ولا عاليسار.. كانت في النص مصعده رصيف.. المهم.. تخيلوا ان الزحمة من الصوبين.. <img src="http://oasis.bindubai.com/emoticons/glare.gif" border=0>

- الجسور كان تخطيطها غلط.. لأن البلدية ما سوت حساب لهالسيايير اللي بتزيد.. بس الحمد لله ان بلدية دبي احسن من غيرها.. الشغل يخلص بسرعه.. وانشالله هالجسور كلها تتعدل.. وبعدين لاتستغربون ان الجسور والشوارع يسوونهم وعقب يشلونهم.. ترى هذا كله لمصالح المسؤولين.. هذا عنده شركة مقاولات وطرق.. والثاني مال انترلوك.. فلازم يمشون شغلهم بسوالف الحرامية

- زيدوا على هذا.. مافي شرطة تنظم الحركة.. بس تحصلونهم في الأماكن اللي تخالف فيها الناس ويكتبون مخالفات.. اما تنظيم حركة سير مااااشي.. للأسف يعني.. وثاني شي تخطيط الشوارع وهو انه السيايير تمشي وفي النهاية كلهم يدخلون عنق الزجاجه.. الشارع يضيق يعني

- يوم استوا المؤتمر في دبي سكروا وااايد شوارع.. بس مع ذلك الزحمة خفت.. يوم كلموا شرطة دبي قالوا هاي كانت فرقة خاصه نظمت الحركه.. انزين ليش ما اتيبونهم احين؟؟ <img src="http://oasis.bindubai.com/emoticons/oo.gif" border=0>

- بس يا جماعه مانروم نلوم البلدية والشرطة.. هم ما مقصرين الا شويه.. وبعد هالشويه مالتهم ما بتخف الزحمة وايد.. لوكل سايق يلتزم والله ماتستوي زحمه.. لوكل سايق يترك مسافة ما بتستوي الزحمه.. اما يوم كل سياره لاصقه في الثانية اكيد اذا اللي جدام وقفت الكل بيوقف.. اما لو فيه مسافه بين السيايير يوم السيارة توقف.. بتتحرك بسرعه قبل ما توصل اللي وراها.. وجيه الحركة بتكون انسيابية


- وبالنسبة للمشاريع&nbsp; مالها دخل في الزحمة.. صح انها يابت واايد ايدي عاملة بس لو تلاحظون هالأيدي العاملة ما عندهم سيايير وعايشين في المكان اللي يشتغلون فيها.. وبعدين كيف بنتطور وما نبا حد ايي بلادنا؟؟ يعني لوو اي شي هذيل مع سلبياتهم لهم ايجابيات وايد

- اذا ما تبون مشاريع كيف بتطورون؟؟ محد بيعتمد عالبترول.. لين متى ينعتمد عليه؟؟ 50 .. 100.. 200 سنة؟؟ وعقب <img src="http://oasis.bindubai.com/emoticons/rock.gif" border=0>

- والبلدية اوجدت الطرق البديلة لكن الناس ما يعرفون يستغلونها... يعني عندكم شارع الإمارات يعتبر ملاااذ من الزحمة.. بس مروا عليه العصر وشوفوه كيف.. تحصلون الواحد يمشي عالخط السريع 100 كم.. شو هاا؟؟ وين ما تستوي زحمه؟؟

في النهاية.. الزحمة بتخف انشالله لأنه فيه تخطيط لشارع يديد ورا &nbsp;شارع الإمارات.. لأنه شارع الإمارات استوا شرات شارع الشيخ زايد.. ولا تنسون ان البيوت والأراضي بتوصل صوب الرويه.. يعني ماشي صحرا .. هالمناطق كلها بتستوي مدن.. &nbsp;واذا ما خفت الزحمة&nbsp;لازم&nbsp; نتعود على هالشي.. واكيد اذا فيه مواطنين شدوا حيلهم بياخذون مناصب الأجانب.. والحكومة لازم تراقب الشركات&nbsp; الخاصه وتحدد فيها نسبة معينه للتوطين.. <img src="http://oasis.bindubai.com/emoticons/smile.gif" border=0>
</font>
اسمحولي عالإطالة.. بس الزحمة لها عدة اسباب ومعظمها بسبب الدريولية روحهم.. &nbsp;والمشاريع ما يخصها في السالفة
الله يحفظكم <img src="http://oasis.bindubai.com/emoticons/inlove.gif" border=0>

</font></p></font>