<font color='#ADA96E'>:: الاسطوري ::

وعليكم السلام والرحمه ..

اخوي تخيل وياي واعرف الواقع اللي انا عاشيته ..

انا انسانه ملتزمه ومن عائله محترمه ..

صدقني ان الكل يتمنى انه تكون له معرفه وياي ..

لاني معروفه باخلاقي و تفوقي بالدراسة ..

أنا ما اعتبر هذا غرور ولكن هذي هي الحقيقه أنا ما قلت شي من عندي ..

بس في ناس ما تحب الخير لحد .. صدقني في هالسنتين اللي مضوا كانت تطلع عني اشاعات بشكل ماتتصوره .. واشاعات مب سهله .. اشاعات تسيء لسمعتي وسمعة اهلي ..

حتى ان هذا الشيء أثر على علاقتي بأهلي و لحد الحين علاقة فيهم مب مثل أول ..

صدقني حتى من كثر هالاشاعات اهلي ما يوثوقن فيني الحين ..

وكل ما احاول ادافع عن نفسي .. يذكروني بالاشاعات اللي قالوها عني الناس .. يعني حتى اقرب الناس .. صدقوا هالكلام .. و اهلي يدرون انه مستحيل كلام الاشاعات يكون صحيح .. بس بعد أثر فيهم وأثر فيني .. وانا بطبعي انسانه حساسه جداً جداً ..

لدرجه انه أثار على مستواي الدراسي .. تخيل اني كنت اطلع الاولى على صفي ومن سنتين حتى ترتيب العاشر ما قدرت احصله .. بتقول هالشيء مستحيل .. ولكن والله العظيم هذا اللي حاصل وياي ..

ادعيلي اخي الكريم ان يطلع الحق .. وارجع مثل قبل واحسن .. الله يسامح اللي كان السبب ..

شكراً ع التعقيب ..

والمعذره منك بس هذا الكلام كان في خاطري وكتبته ..</font>