بيت الإمارات

[عنود الريف]

مرحبا الغاليه مخاوية الامل
موضوع باهر ما شاء الله ومجهود تشكرين عليه الغاليه
وما قصرت العجيبه .. يت وأثرت الموضوع اكثر
وكملت عليكم الشوق ...
تسلمون خواتي وما قصرتوا ..
اما عن الموضوع ..
البيت الجديم .. لو على بساطته .. كان مكان حلو .. ومستحيل الواحد يتخلى عنه بسهوله
اما من الادوات ..
عندج الغنجه .. الصينية الدوارية .. واحيد الجديمه كانت ملونه احمر وبرتقالي .. ياكلون فيها ..
يوم يتغدون كلهم رباعه .. تحسين ان بينهم ترابط أسري مب مثل الحينه .. كل واحد يرد من دوامه ويتغدى روحه وينش..
اما عن المندوس .. فالصراحه واايد يعيبني .. احس التراث يكمن بس في هالمندوس ..
واذا الميلس فيه مندوس او حتى البيت .. فان هالبيت محتفظ باصالته لين الحين
على العموم الغاليه انا ما بطول عليج ..
اسمحيلي ..
واشكرج مره ثانيه على الموضوع

[قلوب دبي]

كتبت رد طويل و انقهرت لانه انمسح
ودي اكسر الكمبيوتر
موضوع وايد حلو
برد عقب اكتب التعقيب مالي :)
تسلمين على الموضوع الغاوي

قلوب دبي

[مخاوية الامل]

الســلام عليكم ..

إختيــه عنود الريف ..
عزيزتي ..
صح كلامــج .. وف وصفج للمندوس ..
فعلا .. التراث يكمن في المندوس ..
من شكله أصلا اللي يشوفه يتذكــر الماضــي ..

أشكرج عزيزتي للمــرور ..
ربي يحفظج ..

قلوب دبي
نتريــا ردك أخويــــه ..
ومشكور ع مرورك ..

فحفظ الله ..

مخاوية الامل ..