<font color='#000000'><FONT color=#000000><FONT color=#000000>

<P align=center>السلام عليكم و رحمة الله و بركاتــه..
يمكن هذي اول مره اكتب فيها في هالواحــه (والله ما اذكر)..
المهم اللي دفعني لكتابــة هالموضوع..
اني اليوم ســـرت باخذ اختي من المدرســه عسب اوديها المستشفى&nbsp;( و تفتك من شرح المدرســات اللي مثل ويهــن)
والله ويوه المدرسات ما اتبشر بالخيــر..
مدرســة كيمياء و حاله المسأله غلط..طبعا و بحكم تخصصي دارســه الكيمياء في مرحلتي الجامعيــه و عارفه ذراتـها و مركباتــها..طبعا حليت المسأله و قلت لاختي اتراويها المعلمه طبعا المعلمه عصبت كيف اتقولين حلي غلط بس بعد ما سارت عند معلمه ثانيه اكتشفت انها غلطانــه
المهم مب هذا موضوعنـــــــا..و خلونا انرد لمحور حديثنــا
و انا يالسه اتريا في غرفه الاخصائيــه
رن التلفون..
و اشوي و اشوف الاخصائيه ما اتعرف ترمس..و متوهقه..ما شي غير اتقول هيه و أ (لان الطرف الثاني ما يخليها اتكمل)..
سكرت التلفون و راحت عند المشرفه و في اجتماع طارئ..عاد انا فضوليه ابا اعرف شو السالفه..
بس اختي يت بسرعه و طلعنا
المهم يوم ردينا البيت ربيعتها قالت لها سالفة الاجتماع
ان وحده من الامهات مشتكيه ع البيزات اللي يطلبونها المعلمات كنشاط للماده
انا بقولكم شو سالفة هالمدرسه و نشاطاتهم
مثلا..
المدرســه تطلب نشاط..و يوم يقولون لها الطالبات بنيب بحث او اي نشاط..تقول لهم لا ابا 30 درهم و بحط لكم 10 درجات
اوكي.. عادي يا ماما..
انــــزين نحن يوم كنا في المدارس احيد كنا انسوي انشطــه ملموســه لو سأل عنها الموجه يشوفها و ايعرف كيف تعبنا عليها.. و في المرحله الجامعيه يمكن تعلمنا الانظباط و ان الواحد لازم يجتهد عسب يروم ينسب البحث او الشغل اللي بذلــه له يعني ممنوع الغش..
و على ايام دراستنا كنا ندفع بيزات عادي بس كنا نشوف الاشياء اللي استوت في بيزاتنا كنشاط
اما الحين فحدث ولا حرج..
مثلا اختي بدلوا لها معلمة اللغه الانجليزيــه 4 مرات..اول معلمه طلبت 40 درهم عسب اتسوي لهم ملفات..خلال اسبوع بدلوها و يت وحده ثانيه طلبات عاد دفاتر ..معينه و من مكتبه معينــه متفقه وياها و خبروها انهم دفعوا 40 قالت لهم و انا مالــي ..و الدفاتر طلعت عليهم 55 انزين غيروها خلال اسبوع يت وحده يديده و قالت لهم ببدء معاكم من البدايه و ابا 15 درهم عسب اصور اوراق..قلنا اوكي..و دفعوا البنات اما الرابعه فهاي عجيبــه كل طالبه لازم تدفع 70 درهم بتيب لهم cd
هذي بس طلبات ماده وحده..فما بالكم بالمعلمات الثانيات
يا اختي انا بعلمج انكليزي احسن عنها..
انــــــــزين رائدة صفهم طلبت ..80 درهم لانها ناويه تصبغ الصف و اتحط مخفي ع الدرايش..
و المدرســه السنــه بس اول سنــه لها في استقبال الطالبات يعني مب جديمه ..يعني توها مصبوغــه

انزين و معلمه ثانيه كانت طالبه منهم ايبون اشياء للجيولوجيا و يوم البنات ودن لها الطلبات جان تقول انا ما ابا ابا منكل وحده منكن 25 درهم عسب احط نشــاط.. ب 10 درجات (لتقويم الاول بــس)
عيل التقويم الثاني شـــــــــو؟؟ و الفصل الدراسي الثاني ..شو؟؟

المهم..نحن نقدر و غيرنا يقدر يدفــــــــــــع..
بس هالمدرســه و المعلمات اللي كل وحده راتبها (فوق ال 9) ما فكرن في اللي ما عنده و اللي معاشه ع قده واللي الله يستر ع حالهم..
عيل المدارس الخاصه ارحم انا اخوي في مدرســــه خاصــه و الله ارحم من المدارس الحكوميــه

و زيــــــــــــن سوت الام اللي اتصلت في المدرســه و هزبتهم..عيبتــني..
يعني هذي القصــه باختصار و اذا تبونها بالتفصيـــــــــــل عادي..
والله يعيـــــــــــــــن الاهـــــــــــــــــــــ ــل..


<IMG src="http://oasis.bindubai.com/emoticons/fa34.gif" border=0>
و دمتم سالميـــــــــــن
lovely group
<IMG src="http://oasis.bindubai.com/emoticons/inlove.gif" border=0>
شمــــــــــه
</P></FONT></FONT></font>