مــقــتــطــفــات يــومــيــة

[المزوحي]

حبيت أجمع بعض المقتطفات من حياتنا اليومية في موضوع واحد ، لأن بعض المستجدات
والمواقف والأفكار والحقائق ؛ ماتحتاج لموضوع منفرد لطرحه ، وهو بيكون
عبارة عن أخبار في مجالات مختلفة تحدث في الحياة
العامة ، وأتمنى تشاركوني
بمقتطفاتكم


لالا شادين حيلهم الشرطة .. شفت لك من مساعه شرطي يخالف سعودي يمشي كتف الطريق ...
قلت الحين السعودي بيدعي عليه بيقوله نحن في بلادكم احشمونا .. يوم هو ماحشم عمره وخالف ..
ومن فترة شفت لك شرطة عندهم باث فايندر والله لو شفت كيف يسوق متأكد منك لو هندي بتدعمه
يبط الجبد الصراحة يعطيها ريس ويتشس بريك ....






/\
على طاري الضحايا ...مرات تشوف قطوة ومرات تشوف بني آدم ... العالم عايشة بتحدي
شكلنا بنوقف موترنا وبنركض للتجربة ..


أما الرادارات حفظنا وين حاطين الرادار .. حتى المتحرك اعرف وين بيحطونه الصبح وإلا المساء
ومع هذا يحطونه بشكل خيالي وكل يوم يحطونه قبل احيد بس آخر الشهر ...
الظاهر الناس زادت فلوسها من الاسهم .. لكن من كثر ما اقول هنيه رادار وهنيه رادار ..
كنت ياااي مستن .. واشوف كراع هندي منبطح على الحشيش اترحيته رادار ..


مانبغي نعمم على اللي تطريهم ومب كلهم جيه .. لكن تنصدم .. عندنا واحد في الدوام ..
ملتحي .. لحيته طويلة وهو متزوج .. يوم شفته ماسك صلب سيجارة .. قلت مب مشكلة براحته
لكن هنيه مب براحته يوم السبوع اللي عقبه يالس يغازل وحده متزوجه وهي فتنت عليه ..



انسان بلاضمير .. شفت لك سعودي مع عائلتة في برجمان .. البنات يدخنون سيجارة وهو ضرب سوالف وياهم .. كيفهم ..

[الاسطوري]

انسان بلاضمير .. شفت لك سعودي مع عائلتة في برجمان .. البنات يدخنون سيجارة وهو ضرب سوالف وياهم .. كيفهم ..

^
تدري يالمزوحي اكتشفت ان الشرب شي عادي عند فئة كبيرة في المجتمع وبتفاخر بعد وانه يت
فترة على الاجيال اللي قبلنا وكانوا كثير منهم يشربون جنهم يشربون ماي وماعرف
شو الحلـو فيه عشـان يكون جيه الاقبـال عليـه والله يبعدنـا
هالمحرمات صرنا نشك حتى في الكوفي
اللي نشربه يمكن في
الكحول

[دلع امونتي]

موضوع جدا جميل

وتستاهلون هالشارع عسب ما تسرعون خخخخخخ

والله يعينا ويعين الجميع

[عذبة الرووووح]

مشكوووووووور اخووووي الاسطوووووري


وفعلا مقتطفات واقعيه



وننتظر جديدك

[ولد الحكومة]

تسلم أخوي الاسطوري عالمقتطفات اليومية ،،

[بوسلطان]

خلـيهم يتونــسو ياااخي.. الحياه حلوه..

,**.. امزح عاد..

[وحي القلم]

(( خمس ملايين و الفايز .... هندي ))

اللى يسمع البث المباشر تيه حالة اكتئاب من مشاكل المواطنين اللى ما يخلصن

الغلا .. البنيان .. الديون .. و .. و ...

بس يوم انشغل التلفزيون.. نتفاجأ "بالسحوبات" الملايين و السيايير أغلبهن يكونن للوافدين

الوافد هو المستفيد.. و المواطن يلتعن

جنها بلادهم مب بلادنا نحنى

[أنامل قلب]

^^ خله حلال عليهم لول

^_^ ..

:
.

اممم ..
هي كلمه قيلت لي بأول يوم لي بالعمل الصيفي ..
ولازالت ترن بمسامعي .. . !

أنامل قلب .. نحن اهني اخوان وخوات نتعامل بشكل طيب فخذي راحتج معانا ..
لا تنحرجين وتواصلي معانا عادي بالشكل اللي يريحج دون خجل .. . !
وكاهي زميلتج كانت معانا العام عارفه الوضع .. وأكمـــل .. . .

كنت أستمع وعيني بينه وبين الأرض وزميلتي تقول لي :
عادي بالبدايه يمكن تحسين انج منحرجه ومادري كيف .. لكن عقب بتتعودين لا تحاتين " .. !

والعجيب .. أني سمعت كلمه تصفني بالخجل وما شابه ذلك بأول يوم لي لأكثر من 10 مرات ..
والكل يذكره بصيغة اعتراض .. . !

كتمت ابتسامة بداخلي .. فكان الموقف طريفا ..
لأجيبها : منو قال بأني أبي آخذ راحتي .. ومتضايقه لأني منحرجه .. . ! "

:

لا أدري ولكن ما رأيته وأراه من وضع البعض لا يبهج عيناي ..
من غير الجميل أن نلقى حرية بطريقة التواصل لهذا الحد بين كلا الجنسين ..

غريبه .. . !

كل يوم أستغرب بزياده .. وزياده .. !

:

..

[أنامل قلب]

^^

نسيت أشكر صاحب الموضوع عـ طرحه الطيب ..
وكل من أضاف هنا مقتطفا كريما ..

:

جزاكم الرحمن خير ..
ولا هانكم ..

:.

[الهيثــم]

والنعم في تفكييرج اختي أنامل قلب ...

الحيـاء ومعرفـة كل شخص منا لحدوده لازم تكون من كلا الجنسين
ليس من الفتـاة فقـط ..

أحيي فيج هذه الأخلاق الطيبة ... وبارك الله فيج ...

ولنا عودة بمقتطفات هلت على مجتمعنا .. والله المستعان ..

[وحي القلم]

يتهنون.. بس ما ننسى أنه عندنا ناس أولى

حياتنا شقايل استوت على هالغلا

كم راتب الموظف العادي؟؟

و كل بيت كمن نفر تقريبا فيه ما شا الله؟؟

مصاريف كل واحد منهم كم تكلف؟؟

البترول بكم؟؟

طلعة الجمعية بس كم تكلف؟؟ استوينا عادي نصرف فيها بالآلاف

..

[الهيثــم]

^^ كفااية علينا انه استوينا غرباء في بلادنا ...

[دموع قلم]

.
.







مو قصدي أغلط عالوافدين أو غيره ..

بس حسيت ان هالكاريكاتير يصور حال بعض المواطنين !





الله المستعان ..!

.
.

[دموع قلم]

وحي القلم ..


امممم اشهد ان شي مواطنين وحليلهم عايشين على قد حالهم ..
وما انكر أن شي وافدين أحسن عن حالهم بوااايد وعايشين مرتاحين ..

بس اللي ذكرته بهاك اليوم ..
ان شي وااايدين من شباب بلادنا مايشتغلون عدل ..
او بالأصح ما يرضون بأي شغلة .. لازم شي يرتاحون له ويعيبهم ..
ولا ليش نحن نستعين بالهنود والأجانب ..؟!

هالواقع اللي مو عايبني ..
يعني اذا كل واحد منا .. شاب شابة .. يرضون بأي شغلة ..
حتى ان كان سواق تكسي .. او شي من هالأشغال البسيطة ..
ماااااافيها شي .. مو عيييييب أبدا أبدا ..


يعني اذا كل حد منا يفكر بهالطريقة .. ويعمل بها .. كنا بنضرب عصفورين بحجر ..
اولا .. بنقضي ع ظاهرة البطالة اللي منتشرة بيننا ..
ثانيا .. بيكون عندنا اكتفاء ذاتي وما بنستعين بالغرباء والأجانب ..!


^
^
^

ها إذا كان قصدج عالسالفة اللي رمسنا عنها هاك اليوم ..

بس ضحكتيني يوم قريت كلامج .. ^_______^

.
.

[الهيثــم]

مع انه كاريكاتير ، بس قلبي عورني يوم شفتـه ...