< بـدون > ويـن ادق براسـي ؟

[إسهر معي ليله]

<font color='#000F22'><p align=center><font face="tahoma, arial, helvetica, sans-serif" size=2>السلام عليكم.. أول شي أنا أول مرة أعرف انه الياه عضوة.. عبالي عضو <img src="http://oasis.bindubai.com/emoticons/rock.gif" border=0>

ثاني شي.. موضعج حلو إختي.. وأنا مب من عادتي اقرا المواضيع اللي باللغة العربية الفصحى.. بس أسلوبج جذبني

ثالث شي هذا كلامي: <img src="http://oasis.bindubai.com/emoticons/fa50.gif" border=0>

للأسف هذي هيه فئة البدون.. للأسف ناس عايشين معانا سنييين ومب محصلين جوازات.. تخيلوا يدرسون ويانا، ياكلون ويانا.. عاداتهم من عاداتنا.. بس للأسف مالهم أي حظ فهالدنيا.. ومحد حاس فيهم أو يسمعهم

برنامج في إذاعة من إذاعات دبي.. اتصل شخص من فئة "<font color=#ff0000>البدون</font>" وكانت لغته كأنه واحد من أهل البلاد الأصليين.. قال أنا مولود هني.. وأبويه عايش هني من زمان.. ومن مدة واحنا نقدم عالجواز وما نحصله.. يقولون انتوا ما تستاهلون <img src="http://oasis.bindubai.com/emoticons/fa55.gif" border=0>&nbsp;.. وأضاف.. انا عندي صوت لرئيس الدولة الشيخ زايد حفظه الله.. يتكلم فيه عن حقوق البدون.. وطبعاًُ اللي في الإذاعة ما قصروا وقالوله خلك عالخط وبنساعدك وعطنا أسامي كل اللي ردوك ((<font color=#ff0000>يمكن كان الحوار بشكل ثاني.. لكن هذا الملخص</font>))

للأسف فبلادنا المطرب والساقطة يحصلون الجواز والجنسية مع مزاايا لاتعد ولا تحصى.. وفي فترة قصييرة جداً.. أما البدون يمكن يحصل الجواز.. لكنه يخيس عالجنسية

تسأل السؤولين؟؟ يقولون هذيل ما يستاهلون.. اذا كانت فئة يايه من وقت قريب.. شو ذنب الباقين تضمونهم لهم؟؟ <img src="http://oasis.bindubai.com/emoticons/fa36.gif" border=0>

مسؤولين تافهين بمعنى الكلمة&#33;&#33;

بخرج عن الموضوع.. لكن بتكلم عن نموذج من مسؤولينا... فلان الفلاني معروف في وزارة التعليم العالي.. يانا زيارة للكلية
فهالأيام كانوا يوزعون "اللابتوبات" وكان في&nbsp;أول اسبوع دراسي.. فيه شباب ما يقدرون يدفعون 7000 مرة وحده.. عالأقل يصبرون عليهم او يساعدونهم.. يتنا "السوبر فايسر" تهدد ان اللي ما بياخذ عقب يومين يعتبر عمره مطرود&#33;&#33; ((<font color=#0000ff>طبعاً حامض على بوزها</font>)) بس قلنا بنوقفها عند حدها.. سرنا الإدارة وحصلنا المسؤول.. وقلنا هاي فرصة.. هذا بيده كل كليات الإمارات.. <img src="http://oasis.bindubai.com/emoticons/fa42.gif" border=0>
مر صوبنا وقال خير شو عندكم؟؟ قلت له والله كذا الموضوع.. وهاي تهددنا.. قال عطني تيلفونك <img src="http://oasis.bindubai.com/emoticons/fa46.gif" border=0>&nbsp;.. قالي انته تدفع 700 درهم فواتير هالتيلفون ما عندك حق 7000.. ؟؟ عليكم اقساط سيايير وماعندكم حق التعليم؟.. احنا كذا كذا نصرف عليكم.. الخ

مسؤولنا العزيز.. احنا بندفع بس بغيناكم توقفون هالأجنبية عند حدها.. وثاني شي اذا انتوا عندكم كل شي.. من الإبرة للسيارة على حساب الحكومة.. هل معنى ان الناس كلها تقدر؟؟ وبعدين اي700 درهم فواتير.. واي اقساط سيايير.. جيه الناس كلها نفس الشي؟؟ مشكلتهم لما فيه فئة عيبها شي عمموا عالكل.. ومشكلتهم لما النعمة تحت ريولهم ما يحسون بغيرهم <img src="http://oasis.bindubai.com/emoticons/fa32.gif" border=0>&nbsp;(( <font color=#0000ff>للأسف انا سكت.. وكان خاطري ارد عليه هالرد.. لكن شو بقول؟؟ الله المستعان&nbsp; والله يقلل من امثالي الساكتين عن الحق</font>))

هذا نموذج لمسؤول في إدارة من إدارات الحكومة.. والله يعلم كم عندنا من أشكاله

الله يعين البدون على بلواهم.. وودنا ينسمع صوتهم وتنحل مشاكلهم.. مشكورة إختي وآسف عالإطالة.. الله يحفظكم <img src="http://oasis.bindubai.com/emoticons/inlove.gif" border=0></font></p></font>