حدث في المول

[الحنش]

بسم الله الرحيم الرحيم

&nbsp; &nbsp; &nbsp; &nbsp; &nbsp; &nbsp; &nbsp; &nbsp;<span style='color:Brown'>حدث في المول</span>

· هذه القصه حدثت من اسبوع تقريبا ..كنت انا وصديقي ذاهبين إلى المارينا مول بابوظبي..اثناء تجوالنا في المول ..وبجانب أحد محلات الكوفي شوب ..خرج من الكوفي شوب شاب ..في كامل اناقته و( كشخته ) &#33;&#33;&#33;، متعصم ولا بس كندوره بيضا ..وعلى إثره خرجت فتاه &nbsp;(تزقره ) تناديه ..قالت بالحرف الواحد: نصور حبيبي ..لحظه شفيك مستعيل.. &nbsp;، ولحقته وشبكت كفها بكفه ..كان شكلهم مثل طيور الحب...، البنيه كانت متغشيه بشيله خفيفه..للعلم فقط..، انا وربيعي كنا في اللحظه هذي عدالهم .. شوي البنيه التفتت لنا ولمحتنا ..شو استوى ؟؟ الجو تكهرب &#33;&#33; على طول ودّرت نصور حبيبها وربعت عنه ..( ركضت ) .. نصور مسكين كان مب عارف شو الموضوع .. تم يطالعها وهي تركض مبتعده .. ويطالعنا انا وربيعي.. عقب راح ولحقها... انا وربيعي كملنا حواطه في المول..عقب نص ساعه.. ظهرنا من المول..فجأه ونحن تونا بنركب الموتر ..سمعت احد يزقرني .. منو يا شباب؟؟ طلع نفسه نصور اللي في الكوفي شوب..قال نصور: اخوي لو سمحت طلبتك تعال شوي..انا بصراحه استغربت ..سرت اشوف نصور شو يبا .. وصلنا عدا ل موتره .. عنده استيشن عنابي &nbsp;.. المهم فتح الباب اللي عدال الدريول .. منو في الموتر ؟؟ البنيه اللي كانت وياه في المول .. كانت تصيييييييييح من الخاطر.. ورافعه الغشوه .. مسكتني من كندورتي تتحلفني : دخيلك الشيخ لاتخبر اخويه ..إحشمني .. دخيلك الشيخ لاتفضحني.. &#33;&#33;&#33; ، تبون الصدق انا هنيه سطلت<img src="http://oasis.bindubai.com/emoticons/crazy.gif" border="0" valign="absmiddle" alt=''> &nbsp;قلت اي اخو يابنيه؟؟&#33;&#33;.. أيوااااااا البنيه تتحراني ربيع اخوها .. مشبهه عليه يعني.. انا اقولها يابنت الناس انا ماعرفج &nbsp;ولا اعرف اخوج .. ونصور يتحلفني من الصوب الثاني: والله بخطبها والله بخطبها.&#33;&#33; انا طالعته وقلتله : ياخي تراك صدعتنا .. تبا تخطبها سير اخطبها من اهلها .. مب تحاوط انته وياها في المول.. طبعا بعد صدعة الراس هذي تركتهم وانا مرتفع عندي الضغط .. أ قول شلي يخلي بعض البنات في المواقف المحرجه هذي.. منو السبب في هذا كله ؟؟؟ والله يا شباب القصه هذي حقيقه .. وانا ماقلتها إلا للعبره منها.. الحينه هالبنت مثلا لو شافها احد يعرف اهلها مثل ماكانت تظن شو كان استوى غير الفضيحه وعوار الراس..، ولا شو صادفها شخص نذل مايعرفها لكن بتكون فرصه ..بيقولها هيه انا اعرف اخوج بس ( تعالي ويايه شويه عشان مانفضحج ) هاهاهاها&#33;&#33;&#33;&#33;&#33;&#33;&#33 ;&#33;&#33;&#33;<img src="http://oasis.bindubai.com/emoticons/devil.gif" border="0" valign="absmiddle" alt=':dev:'> &nbsp;، فهمتوا ياشباب .. انا بصراحه حكيت لكم السالفه ..واتمنى القى الرد عليها .............لو عندكم تعقيب ....

على الإيميل هذا :-
maraa7eb@hotmail.com

[بن دبي]

صراحة قهر حظها حلو انها ماطاحت فيدي كنت بستغل الفرصة وين مثل هالموافق المطلوبة

[عيوز بن دبي]

عيب ع البنات ... بس لو كان الريال الي ما خذنها صدق ريال (اسمحولي يا شباب) جان ما رمسها وقالها عطني رقم اهلج او ابوج او اخوج وانا بتصرف هاذا اذا كان يحبها
والسموحه وانا ما قلت الا رايي
عيوزتكم

[شوق الصحارى]

الصراحه الغلط من الاثنين:

اولا البت ما خافت من ربها اللي خالقنها خافت من الشاب ايخبر عليها... وين راقبة الله.... وشو اللي يخليها ترمس وااااااااحد... تريي نصيبج لين ما ايييييج... ليش المشاكل.... واكيييييييييييد اللي ترمسه مستحيل ياخذها (يخطبها)....

والشاب (وعلى قولتهم نصووووووور.... بدر الدجى)**السموحه** وين الغيره على العرض...اذا هوه يبا يرمس وحده ويطلع وياها ليش ما يدور بنت الحلال ويسير يخطبها.... واذا تحقق الوعد وسار يخطبها بيتم دوم اشك فيها لانها ما خافت من اهلها وصانت شرفها....

لازم كل وااااااااااااااااحد يحط في باله انه كما تدين تدان..( يعني اذا الشاب رمس وحده اكييييييييييد بيي يوم وبيتعرض لموقف في حد قريب له)

والسموحه هذا مجرد رأي...