كوكتيل للمراقبين والاعضاء والضيوف

**دين البدو** · 16-02-05 ||, 10:45 AM

بسم الله الرحمن الرحيم <?xml:namespace prefix = o ns = "urn:schemas-microsoft-com:office:office" /><o:p></o:p>
 <o:p></o:p>
·      &n bsp; السلام عليكم ورحمة الله وبركاته <o:p></o:p>
اسمحولي ان اتشرط على اللي بيقرا هالموضوع  شويه ...<o:p></o:p>
1-     ان تكون من مواطني دولة الامارات العربيه المتحده هههههه ( سوالف) <o:p></o:p>
2-     رقم اثنين  بروحه ظهر  يوم سويت انتر وادري رقم ثلاثه بعد بروحه  بيطلع يوم بسوي انتر <o:p></o:p>
 <o:p></o:p>
لا  جد اتمنى انكم تسوون هالاشياء الي  بطلبها .. قبل كل شي تسمون بالرحمن وتتعوذون من بليس وثاني شي تجهزون قربكم كوب شاي والا عصير و تقرون هالموضوع وماتطوفون كلمه منه وتقرونه بتأني وعلى رواقه وبدون ما تستعيلون والصراحه اللي يحس مثل هالمواضيع ماتهمه مايكلف على عمره ..وبعد اليائس الي يقول انا شو اقدر أسوي وماباليد حيله وووو احسنله يوفر على عمره التعب ومايقرا الموضوع .. مابزعل لو ماوصلني رد بس اتمنى اذا وصلني رد يكون رد يستاهل اني اقراه  .. الموضوع عباره عن عدة مواضيع لختصها قد ماقدر وادري كل موضوع اهم عن الثاني ويباله بروحه مساحه ولكن حبيت اني انوعلكم واسويلكم كوكتيل وكل واحد يشرب   (قصدي يقرا ) الموضوع الي  يعيبه و يشده و يشوف عمره مهتم فيه ..  ما بطلب منكم تثبتون هالموضوع هذا شي  راجعلكم ولاكن اتمنى انه هالموضوع ماينزل عن الصفحه الاولى لفتره عشان ياخذ حقه اتوقع انه الموضوع اذا بتقرونه كله يحتاي منكم نص ساعه اقل شي والله يعينكم .. واسمحولي على التنقيعات (ان وجدت )  والحين رح ابدا وياكم المواضيع وبسم الله <o:p></o:p>
 <o:p></o:p>
<H1 dir=rtl style="MARGIN: 0cm 36pt 0pt 0cm" align=center>1-   ممكن أواعد اختك :-
</H1><o:p></o:p>
<o:p></o:p> 
شدكم عنوان الموضوع .. انزين وماخفي كان اعظم .. اذا انته ريال ياللي  الحين تقرا هالفقره شو رايك في الي قلته .. شي خطير وطبعا ما يرضيك .. ويزعلك هالكلام ....  طيب يا عيال زايد يلي تقولون انه بلادكم ماقصرت وياكم وعطتكم وبنتلكمووفرتلكم كل سبل الراحه وووووو ...  شو سويتو عشان قضية الجزر الثلاث اذكركم باساميهن والا شبعتو في كل مجلس خليجي نسمعها في كل دوره بالجامعه العربيه نسمعها لا وكوفي عنان بعد يذكرنا فيهن مرات يوم اتدق فراسه  طنب الكبرى طنب الصغرى ابو موسى ... نحن شو سوينا .. ليش  غرت على عرضك يوم رمست عن اختك وبلادك مب هي عرضك وناسك وشرفك .. ليش ترضى انه حبة رمل من بلادك يسلبونها عنك ؟؟؟ كلامي قوي وتقول فخاطرك  هذا شو يبانى نسوي نسير نحارب ايران ؟؟ انزين فكر وياي شوي اذا انت صدق ماترضى على عرضك ودولتك   فكر وعطني فكره ممكن انا وياك نسويها ؟؟  فكر وانت  ماخذ الموضوع بجديه واذا مالقيت فكره نصيحتي لك سير دور بلاد غير هالبلاد<o:p></o:p>
 <o:p></o:p>
<H1 dir=rtl style="MARGIN: 0cm 36pt 0pt 0cm" align=center>2-   ماعليكم منه الا هندي:-<o:p></o:p></H1>
 <o:p></o:p>
سعود فاجله نيسان فتك وكاله ومن اول يوم في الصناعيه يركب هدرز ودبه ...  المهم  خموس  بخطف عليك سياره يديده بنسير نحاوط ..  سعود وخموس وعلوه يتمشون .. سعود طالعو هالهندي الي يبى يخطف الشارع (مسكين يالس يطالع يمين و يسار ومايشوف غير هالنيسان ياي طر  بس في السيد اليسار بعيد) .. سبحان الله هالنيسان  يمشي في السيد اليسار  فجأه بروحه نطر من اقصى اليسار لاقصى اليمين تتوقعون ليش؟؟؟  عشان سعود يبى يخرع الهندي الي يبى  يخطف الشارع ويضحك ربعه والهندي كان ماشي بينه وبين النيسان الا مسافه صغيره واااااايد والا كان بيروح  فيها ..  وشو  ذنبه ؟؟؟؟ لانه هندي <o:p></o:p>
 <o:p></o:p>
 حميد طالب جامعي طالب فكليه الهندسه مجتهد ومثقف ومحترم جنتل مان تعامله ويا ربعه ويا دكاترته في الجامعه تعامل راقي ويوم يكون في الكلاس تقول كنه على رأسه الطير  .. هالسمستر حميد سجل فمساق ولكن دكتور هالمساق هندي .. دش حميد اول يوم .. حميد هالجنتل اول مادش ضحك .. ربعه يتخبرونه ليش تضحك .. شكله طباخ مب دكتور ..المهم الدكتور وهو يشرح مسكين لغتة الانجليزيه زينه بس مرات متكسره .. وحميد من بدايه الكلاس و في كل كلاس ميميع الشله وتعلقيات على الدكتور .....وماشي اهتمام ولا تركيز في الصف .... والسبب  شوه؟؟؟؟  لانه هندي<o:p></o:p>
 <o:p></o:p>
البشكاره الفلبينيه نشتريلها احلى الملابس ومرات تاخذها راعية البيت وياها وين ماتبى ومسكينه ماتقهر الشغل فأكثر شي نخليها تربي اليهالو .. بس البشكاره الهنديه تغسل و تنظف البيت كله وتطبخ ومرات تغسل السيارات ..  وليش هذا كله ؟  مايبالها هنديه<o:p></o:p>
 <o:p></o:p>
وماخفي كان اعظم<o:p></o:p>
 <o:p></o:p>
 <o:p></o:p>
<H1 dir=rtl style="MARGIN: 0cm 36pt 0pt 0cm" align=center>3-   يوم امشي وياه يقولون هذا اخوك:-<o:p></o:p></H1>
 <o:p></o:p>
وايد من الشباب يستانسون بتعامل اباءهم وامهاتهم وياهم .. لدرجه انه مايحطون أي حواجر بينهم واذا يتمشون في المول عاد اتشوف الولد يدز جتف ابوه عادي عادي شبابيه مافيها شي ماشي فرق بينا .. وليش لانه ابوه ماحاط بينه حواجز وكنهم ربع .. الين هنيه وانا وياكم وهالشي الحلو والي يقرب الاهل من بعضهم .. بس الي يزيد عن حده ينقلب ضده .. هالزمن زمن الغرائب واي شي اتصور انه يصير وانا متاكد انكم كلكم سمعتم عن قصص ابناء يضربون اباءهم وامهاتهم والي يفرونهم في دار العجزه وهذ يعتبر قمة الانسانيه عند غيرهم الي مخلين ابائهم وامهاتهم خدم وياهم في البيت .. ما بكثر في هالموضوع لاني حاب اني اتطرق اليه بشكل اكبر ونحن مهما سوينا وايد مقصرين فحق اباءنا وامهاتنا .. صدقوني <o:p></o:p>
 <o:p></o:p>
<H1 dir=rtl style="MARGIN: 0cm 36pt 0pt 0cm" align=center>4-   ليش تلبسينها واتعبين عمرج:-<o:p></o:p></H1>
 <o:p></o:p>
هالموضوع فخاطري الاقي رد عليه من البنات .. موضوع الشيل والعبي .. ليش هالتشدد في مجتمعنا .. ليش البنت مسكينه تحكر عمرها في عباه والا شيله لا وبعد شو لونها اسود .. يعني لازم مسكينه اتخلي يومها كله اسود  .. واذا كليه والا جامعه اتشوفها متشحه بالسواد .. الصراحه وايد مهظوم حقهن البنات .. ونقول عالم الحريه والديمقراطيه .. انا أطالب وأطالب وأطالب  بتصفيع كل بنيه ماتلبس العباه والشيله وتعيش على ارض الدوله حتى لو كانت اجنبيه ..  يابنات عيب عليكن والله .. انا بقولكم شي ..  هالموقف تكرر عند اكثر من واحد .. مره شاب مواطن داش محل عطور  اول مادش كان في المحل ثلاث  حريم .. (غراشيب ) هههه اسوي دعايه المهم كل وحده فاجه الشيله والي رافعه الغشوه وتتضحك ويا الهندي واول مادش هالفقير المواطن اتغشن واتستر ن بسرعه ... ( فخاطري اعرف  شو السبب ) .. الريال ماسكت عنهن وقالهن ليش اني مواطن اتسترتن بس الغريب عادي يشوف محرم؟؟ <o:p></o:p>
بعد واحد ثاني يداوم فمكان ونفس القسم فيه بنات .. واكثر البنات متنقبات ومره كان يمشي وخطف مكتب البنات وكان عندهن واحد لبناني والضحك واصل اخر الممر وطبعا اول مادش شاف نفس الموقف البنات فارات النقاب والغشى والي شيلتها طايحه على الجتف واول مادخل اتغير الحال واتغشن واتسترن ؟  <o:p></o:p>
 انتم بعد بنات الجامعات والكليات والتقنيه .. ليش الوحده منكم في السياره والا في الباص وهي سايره الكليه  متحشمه ومتستره ولبسها الزين واول ما تدخل باب الكليه فصخت الحيا منها .. ليش الكليه مافيها اجانب (لا صح نسيت هذيلا اجانب وفراشين هنود مب هل الدار مسكين الهندي مرات  يتبهدل ومرات يكون شيخ ويشوف البنات وكشختهن ) .. انا مابا اتردن علي وتحشن في البنات وتقولن هذيلا مب مربايات ومب محترمات .. في بنات ناس ومربايات ونعم فيه وباهلن بس يسون هالشي لانه مالقن التوعيه ونحن واجبنا نوصل النصيحه والله يستر عليهن وعلينا<o:p></o:p>
 <o:p></o:p>
<H1 dir=rtl style="MARGIN: 0cm 36pt 0pt 0cm" align=center>5-   لايفوتك دعاس على خط المطار :<o:p></o:p></H1>
 <o:p></o:p>
 شو اكتب في هالموضوع وشو اقول الصراحه كل مايي موضوع احس اني لو بديت اكتب فيه مابخلص .. بس ارجوكم اتخيلو وياي بعض المواقف .. دخيلكم لا تعتبرونها قصص اعتبروه واقع ممكن أي واحد منا يتعرضله أي وقت :<o:p></o:p>
اول شي السياره شو هي ؟؟ حديد وياليت لو حديد الحين كل السيارات فيبر جلاس .. اعرفكم شو هالماده .. هذي ماده اتقول قرطاس وطبعا ليش مايستخدمون الحديد لانه الحديد ثجيل الفيبرجلاس خفيف واي موديل يديد شو يدور الكشخه والسرعه وكل ماكان وزن السياره خفيف كل ماكانت اسرع .. يعني انا يوم اركب السياره اكون وسط قرطاس وشالاتنها شوه تواير .. انزين شو التواير .. هواء .. انت جرب امسك سكين وجرب قص تاير (نصيحه للاطفال لا يجربون بسيايير اهلهم ) المهم شوف بتتعب لين ماتقص التاير؟؟ .. لا والله ما بيكلفك شي .. يعني هالتاير الي شايلنك انت وهالسياره والمكينه وكل محتوياها يتكون من هالماده الضعيفه وداخله هواء يعني مسمار والا أي شي بسيط ممكن يطره .. انزين اتوقع يوم اتكون فسرعه وانفجر عليك التاير بتقدر اتسيطر على السياره ؟؟ ( بتقولي قضاء وقدر ) اوكي  روح فر عمرك من فوق بنايه والا فر عمرك في البحر مابتموت الا اذا الله كاتبلك ترا قضاء وقدر <o:p></o:p>
دولة الامارات بالنسبه لعدد سكانها اكبر  نسبه وفيات في العالم بسبب الحوادث فيها ... مب اكبر نسبة مثقفين مب اكبر نسبة علماء لا قالك شوه اكبر نسبة وفيات بسبب الحوادث فيها وهذي معلومه موثقه مب من عندي .. وفنفس الوقت احسن وارقى شوارع في العالم فدولة الامارات .. بس البطره تلعب دور <o:p></o:p>
نحن ماندور غير اخر موديل ..  ياهل توه  طايح من بطن امه بعده يشرب الحليب  نقبضه ستيشن والا نيسان ويوم تسال ابوه (خله يعيش ولاتحرمه )  خله يعيش والا تناوله السم بكاس من ذهب .. حرام عليكم ..  والله ماشي بيت الا فقد ولد عزيز وغالي عليه بسبت الحوادث والموت يوم بيي مايعرفك انت ولد شيخ والا ولد فقير .. شيوخ وماتو  بسبب الحوادث شباب متدينين ماتو بسبب الحوادث  سكارى ماتو بسبب الحوادث .. <o:p></o:p>
 <o:p></o:p>
ياخي انت الي طالع من بيتكم وساير الدوام داعس 180 ليش تسرع؟؟ ..يقولك اخاف اتأخر عن الدوام ..ياخي  اتأخر وخل المدير يهزبك وخلهم يخصمون راتبك .. وثاني مره اطلع من بدري . بس خل فبالك ان وراك عيال يتريونك وراك ام تدعي ربها انه يحفظك من كل شر .. وراك اب يتفاخر فولده .. ليش 180 وليش 140 وليش 120 ليش ما امشي على راحتي واوصل المكان الي اباه وانا بخير وارد بخير .. وساعتها اقول قدر الله وماشاء فعل يوم انا اكون حريص على عمري ومداري على روحي الي الله قالك لا ترمي بها في التهلكه عقب اتوكل على الله واذا صار شي مابتكون انت السبب .. والله يسلمكم من شر الحوادث و يخليكم لهاليكم<o:p></o:p>
 <o:p></o:p>
<H1 dir=rtl style="MARGIN: 0cm 36pt 0pt 0cm" align=center>6-   على شو شايف عمرك :-<o:p></o:p></H1>
 <o:p></o:p>
الحين الشباب متعلمين شي يديد .. من عيازته مايقدر ايسير الحلاق و ييلس على الكرسي  ربع ساعه يتريا الزبون الي قبله يخلص وياخذ دوره .. لا الحبيب عنده رقم الحلاق ويتصلبه قبل مايي بنص ساعه ويقوله ها بابو ترا اول ما اوصلعندك مابى حد قبلي .. ليش ياخي .. لاتكون انت رجل اعمال والا اسحق نيوتن .. اسحق نيوتن( معلومه  كان مايداني الحلاق لانه يشوف انه الحلاق مضيعه للوقت ) انزين هذاك كان مايبى يطول في الحلاق لانه يخترع اشياء .. انت شو بتخترع .. بترد البيت ترقد والا بتسير المول ترقملك كم بنت .. (محشومين الكلام مب لكم ) .. حد بيقولي حريه ومافيها شي .. وانا وياك اذا انت طالع من الدوام عندك فرصه بس تحلق او كان عندك ظرف مب مشكله بس اذا انت فاضي ليش العيازه .. المشكله انه الحلاق ينربط ومايحلق لغيره الا يوم يشرف حضرته ويوم يخلص يتفيق للثانيين والا اذا كان واحد قبله يحلقه بسرعه ومايضبطله الحلاقه .. انزين هذيلا شو ذنبهم . ياليت لو يات على الحلاق<o:p></o:p>
معظم الشباب اذا مشو فأي مكان مستحيل انهم يسلمون ..مستحييييل لو مر شيبه والا أي واحد مستحيل انه يسلم وهذي وصية الرسول – صلى الله عليه وسلم – افشو السلام .. بتخسر فلوس والا بينشف ريقك اذا قلت السلام عليكم .. ياخي انت احسن منهم فشو ..  واحد مره يمشي وشال طير على ايده  ولا يرد السلام على الناس .. مسكين مخاوي شما محافظ على عاداته ويسير المقناص مافيه حيله .. والله لا عرف عادات هله ولا يا صوبهن .. هلنا بدو وحضر وخصوصا اهل الجزيره العربيه كلهم قبل هل الكرم ويرحبون بأي انسان يلاقونه فأي مكان .. لا بعضهم ينحرجون يسلم على هذا وهذا وهذا  . مسكين بيتعب  <o:p></o:p>
الكبر طبع دني ومن تواضع لله رفعه ..<o:p></o:p>
 <o:p></o:p>
<H1 dir=rtl style="MARGIN: 0cm 36pt 0pt 0cm" align=center>7-   طاش ما طاش :-<o:p></o:p></H1>
 <o:p></o:p>
اكيد اتمللتو من المواضيع .. اوكي برويكم شي يديد  وهو مقارنه بين اثنين :-<o:p></o:p>
 <o:p></o:p>
ولد البدو وولد الحضر واتمنى انكم ماتاخذون الموضوع بحساسيه مجرد سوالف:<o:p></o:p>
 <o:p></o:p>
نبدا ويا  ولد الحضر .. الاسم .. هاني ... العمر .. انولدت  ليلة الكرس مس (راس السنه ) عام 2000  ....... مكان الولاده ..  مستشفى السعاده ...المهنه... طالب فكلية الفنون التشكيليه . الهوايات .. التشاتينج كرة القدم .. احلى المأكولات ... الهمبرجر وباسكن روبنز .... وافضل المشروبات ... رد بول وباور هورس ... اين تحب ان تقضي وقت الفراغ .. المارينا او الستي سنتر ... سيارتك المفضله .. بورش كايين موديل 2008 (بعده مانزل)  .. امنيه تتمنى ان تحققها .. اني اشارك فستار اكاديمي كلمه اخيره تحب توجهها لمحبينك .. البدو مايعرفون غير ركب المطيه <o:p></o:p>
 <o:p></o:p>
والحين ننتقل للطرف الثاني ولد البدو: اسمك .. حمدان ...  العمر ...عام مانولدت مصيحان .. مكان الولاده .. تحت الغافه.. المهنه .. اعمال حره (( تربية البوش)) .. الهوايات .. الشعر المقناص وركوب الخيل ... احلى المأكولات .. الثريد والهريس ..افضل المشروبات .. القهوه ولبن البوش .. اين تقضي وقت الفراغ .. على راس عرقوب .. سيارتك المفضله .. كلوزر موديل 85 عشبي ... امنيه تتمنى ان تحققها .....  اني اشارك فستار اكاديمي والعن ابو اسلاف هاني .. كلمة اخيرا توجهها لمحبينك .. حنا بدو حنا عمى عين العدو<o:p></o:p>
 <o:p></o:p>
 <o:p></o:p>
والسموووووووووووووووو� �ه وحلاته  يوم نجمع بين الماضي والحاضر والمستقبل .. <o:p></o:p>
 <o:p></o:p>
<H1 dir=rtl style="MARGIN: 0cm 36pt 0pt 0cm" align=center>8-   الصراحه :-<o:p></o:p></H1>
 <o:p></o:p>
الصراحه وايد طولت عليكم ادري .. بس اخر فقره رح اتكلم فيها عن المنتديات .. وبتكلم فيها عن نفسي .. اول شي شفت مواضيع كثيره تتكلم عن المنتديات وكيف نقدر نطورها ووين الاعضاء القداما .. احيانا ايدشون ناس مندفعين شراتي واتشوفونهم يبدعون بمواضيع واييب مني ويدور  مواقع ثانيه و يبدع من خياله ويحاول يتركله بصمه حلوه في المنتدى وفجأه .. يغيب والاسباب ..  ممكن مات ..( بعيد الشر عنكم )  ممكن عرس ( هذي اخس من الاولى هههههه ) ممكن مالقى التجاوب الي كان يترياه .. او كان قصده من اشتراكه انه يحصل على صديق صديقه ولقى الي يدور عليه او فقد الامل ..<o:p></o:p>
انزين .. خلوني ارمس عني نفسي .. وبرمس عن اشياء ناقصه فيني وانا اتصفح المنتدى وبحاول قد ماقدر اني ارتبها .. من العيوب اني مادخل واقرا مواضيع الغيرالا بالنادر .. ومثل ماتحب الناس يقرأون مواضيعك لازم انت بعد تشاركهم .. بس هنيه احب اوقف عند نقطه .. اول شي ممكن انا عندي ظروف .. ثاني شي بعض الاعضاء الصراحه يخربون على الاعضاء الثانيين .. يعني بعضهم مبدعين في النقل والا اييبلك موضوع ماله هدف والا قيمه وانت تحاول تستغل كل دقيقه يوم تكون على الانترنت واذا تميت تدخل وتقرا كل موضوع واخر شي تلقاه بلا قيمه ولاهدف تمل وماتكمل الباقي .. <o:p></o:p>
من العيوب الي فيني بعد اني جدي وايد .. صح اني انا هدفي الاساسي من مشركاتي في المنتديات اني اطرح مواضيع وقضايا من واقعنا عشان نحاول نصلحها .. ولكن احيانا  حلو من العضو ينوع ويضحك ويسولف ويندمج ويا الثانيين ..  انا بصراحه يوم ادخل واقرا مواضيع بعض الناس ويكون كاتبنه من راسه و يتفلسف فيه بطريقته الخاصه .. اتخيل هالكاتب واحد يالس قدام الكمبيوتر لابس نظاره معصب يكسر الكيبورد جدامه من وين مامتشدد  اذا حد من هله يبى  يرمسه يقوله مب الحين و بعصبيه لين ما يخلص الموضوع .. ليش  .. لازم انكون سلسين في طرحنا للمواضيع والتنويع مب كله مشاكل مشاكل .. بخبركم شي صدق يا خواني .. اذا اتشوفوني كله يالس اطرح قضايا ومشاكل وعيوب فمجتمعنا مب معناته انا نعاني وانا منحطين .. بالعكس نحن نعتبر من ارقى المجتمعات ثقافه وتطور وعلم والحمد لله .. ولكن الواحد يوم تكون عنده قطعه الماس يحاول كل يوم يلمعها و مايخلي الغبار يغطيها والا بتفقد بريقها .. نحن نفس الشي .. اذا كنا والحمد لله واصلين وسمعتنا كبيره نباها اتم جي و تتطور .. اسمحولي على الاطاله .. ولعلمكم انا كتبت هالموضوع فيلسه وحده وماتحركت من مكاني لين ماخلصته يعني اسمحولي  اذا في أي غلط او تنقيعه طوفوها .. <o:p></o:p>
طلب غالي بطلبه منكم .. انا مشترك فكذا منتدى عشان اكون صريح وياكم واطرح نفس الموضوع في كل مكان انا مشترك فيه .. وكل مكان انا مشارك فيه له مكانه فقلبي ومعزه وادريبكم كلكم اخواني وانا ابغي اوصل رساله لكل واحد منكم .. بس اتمنى انه أي مراقب او أي انسان مهتم يعطيني فكره انا نغير هالافكار والمواضيع الي نطرحها الى حلول ملموسه في الواقع.<o:p></o:p>
 <o:p></o:p>
تحياتي واغلى امنياتي لكم .................... دين البدو  ( بخبركم معنى الاسم عقب)<o:p></o:p>
 <o:p></o:p>
 <o:p></o:p>
 <o:p></o:p>
 <o:p></o:p>
 <o:p></o:p>
 <o:p></o:p>
 <o:p></o:p>

**القلب** · 16-02-05 ||, 08:10 PM

اتمنى اذا وصلني رد يكون رد يستاهل اني اقراه  ..

والله ما ادري اذا ردي يستاهل انك تقراه ولا لأ.. بس اذا ما عيبك فلا ترد عليه وانساه...<IMG src="http://oasis.bindubai.com/emoticons/fa52.gif" border=0>

اول شي.. وعليكم السلام..<IMG src="http://oasis.bindubai.com/emoticons/fa46.gif" border=0>.. 

الصراحه .. وااايد عيبني اسلوبك..." بانك يالس تتكلم وتناقش اللي يقرا الموضوع "..  والمواضيع اللي ذكرتها كلها منتشره في مجتمعنا بشكل كبير للاسف..

وانا بحاول اقول راي عن كل موضوع بالمختصر

 ( ممكن اواعد اختك)..

العنوان <IMG src="http://oasis.bindubai.com/emoticons/shutup.gif" border=0>.. بس ابدا ما يه عبالي انك بتتكلم عن موضوع جزرنا.. انا اشوف بان ابونا زايد- الله يرحمه- كان معارض لفكرة الحرب مع ايران.. لان الكل يعرف

اضرار الحرب والدمار اللي يسببه... اما عن الحل .. فما ادري؟؟؟ بس ما بسير أدور عالبلاد غير هالبلاد<IMG src="http://oasis.bindubai.com/emoticons/look.gif" border=0>

( ما عليكم منه الا هندي)..

مب  بس نحن اللي ظالمين الهنود.. حتى الشركات اللي اتيبهم البلاد وتفرهم في الشارع.. واللي ما تصرف لهم رواتب..

ما اعرف شو السبب الرئيسي لاحتقار الناس لهالفئه..؟؟ يمكن لانهم ما يشتكون ولا يرمسون اذا حد غلط فحقهم.!!.<IMG src="http://oasis.bindubai.com/emoticons/Oo.gif" border=0>

( ليش تلبيسينها واتعبين عمرج)

خلاص عيل ما بلبسه ...<IMG src="http://oasis.bindubai.com/emoticons/biggrin.gif" border=0>

مثل ما قلت انك ما تبانا انحش... بس الصراحه هم يايبين هالرمسه على عماهم..  انته لو تشوف طريقة معاملتهن مع الاستاذ الاجنبي  و الاستاذ المواطن

بيرتفع ضغطك.. يعني هذالك ريال وهذا لأ... سوالف وضحك مع السير.. بس الاستاذ " المواطن"  لو يمر حذالهن كل وحده ادش الكلاس وتنخش..
جنه يني طايف حذالهن..<IMG src="http://oasis.bindubai.com/emoticons/fa55.gif" border=0>

عالعموم انا ما بحش واايد.. والله يهديهن <IMG src="http://oasis.bindubai.com/emoticons/smile.gif" border=0>

( لا يفوتكم دعاس على خط المطار)

الله يهدي شبابنا بس... هوس السرعه ما بتلاقيه عند حد كثر هوس شبابنا فيه.. يموتون فشي اسمه السرعه..

 كل شي يبونه ابسرعه..بس الموت دايما يكون اسرع..<IMG src="http://oasis.bindubai.com/emoticons/sad.gif" border=0>

( على شو شايف عمرك)

لازم يشوفون اعمارهم .. يوم انهم راكبين الموتر الفلاني.. وحاط  ذاك الرقم الاحادي .. الثنائي.. ما ادري الثلاثي..

المظاهر هي سبب الرئيسي للخقه والتكبر.. لها السبب اتشوف الكل يراكض وراء المظاهر والخقه..وناسين اهم شي.. بانهم  يوم بيموتون ما بيخذون شي من هالدنيا

غير اعمالهم .. " لا يدخل الجنه من كان في قلبه مثقال ذرة من كبر "

( طاش ما طاش)

خخخخخخخخخخخخ  مقارنه حلوه.. <IMG src="http://oasis.bindubai.com/emoticons/laugh.gif" border=0>

شكرا لك اخوي على صراحتك وعلى هالموضوع المميز..

بالتوفيق..

اختك // قلب دبي <IMG src="http://oasis.bindubai.com/emoticons/smile.gif" border=0>

**ا ل ز ع ي م** · 16-02-05 ||, 09:19 PM

<H1 dir=rtl style="MARGIN: 0cm 36pt 0pt 0cm" align=center>00 عليكم السلام 00

9-   كل يوم تجديد:-</H1>

<H1>نسينأ نتكلم عن الذي عنده لكل كندوره نعال يعني أتخيل أن كندوره سوداء مع نعال اسود وكندوره زرقاء مع نعال ازرق وبيضاء وصفراء وخضراء وكركميه وما شاء الله أمسوي باركنات خاصه في بيته لنعلته (عزك الله) وهذا للشباب أم الحريم فهذه وحده أدرس في مدرسه واللبس ألي تلبسه يكون لبس لمره وحده يعني لا يصلح إلا مره وبعدين أتشوفها أتعقه في درام بيتها أنزين على الأقل أتصدقيبه لا مستحيل عشان ما أيي يوم ويتحروني ماخذتنه من فلانه وهذا حالها كل يوم لبس يلبس لمره واحده واذا رجعنا للشباب فأتحصله الحبيب ما يحب يسوق سياره واحده يعني مثلها مثل نعاله كل يوم سياره يسوق ويتنوع به حتى في المغازله لازم كل يوم وحده يديده</H1>

<H1> </H1>

<H1 align=center>10 - راتبك يبني عماره:-</H1>

<H1> </H1>

<H1 align=right>موظف عايش في أيجار شقه ومتزوج له ولدين وبنتين وديون تكاليف العرس لين الحين يسددها وحاله كحال المواطنين يسير ويقدم عند زايد للأسكان فزايد الله يرحمه ما قصر ولكن العاملين فيها أصحاب اللجنه العادله وأمقدم للأسكان من سنة 2000 ويالس كل يوم تتريأ متى الله يفرجها عليك وطبعاً هب أمخلي شيء ما دزيته من اوراق في الملف حتى  شهاده انك فقير عندهم بس هم رافضين والسبب ان راتبك فوق العشرة آلاف يعني راتبك هذا تقدر تبني عماره وتقدر تسكن في قصروتقدر تشتري كل يوم سياره وك يوم موبايل وكل يوم نعال وكل يوم أتسافر بس لو نزل راتبك أقل من العشرة آلاف حتى ولو كان 9999 درهم تعال وأيلس وأتريأ الفرج ما بنعطيك بس نوعدك أننا بندخل أوراقك اللجنه</H1>

<H1> </H1>

<H1 align=center>،
،
ا ل ز ع ي م

</H1>

**ميامي 44** · 16-02-05 ||, 10:08 PM

<H1 dir=rtl style="MARGIN: 0cm 36pt 0pt 0cm" align=center>1-   ممكن أواعد اختك :-

بالنسبة لهذا الموضوع
أولا يباله تفكير .. ثانيا .. مو على كل موضوع نحاوب نحرك شبابنا ونحسسهم بضرورة الغيرة على بلادهم ..
 <IMG src="http://oasis.bindubai.com/emoticons/mad.gif" border=0>لأن في هذي الايام ناس تحاول تسوي هذا الشي<IMG src="http://oasis.bindubai.com/emoticons/mad.gif" border=0> ..
وأخر شي النتائج .. نشوفها مؤلمة .. مثل اللي صار في السعودية والكويت ..
يعني ما يستوي شبابنا يشيلون العدة .. ويالله حرب صوب ايران باسترجاع الجزر .. لأن الطريق السلمية هي الافضل والافيد دائماً..




<H1 dir=rtl style="MARGIN: 0cm 36pt 0pt 0cm" align=center>2-   ماعليكم منه الا هندي:-<?xml:namespace prefix = o ns = "urn:schemas-microsoft-com:office:office" /><o:p></o:p></H1>
هذي النقطة تعتمد على اخلاقيات اللي يسوق .. وللأسف هذي الايام قمنا نشوف شي .. والله حتى عيب انه ينقال<IMG src="http://oasis.bindubai.com/emoticons/fa55.gif" border=0> .. الشباب ما قاموا يقولون هالكلمة حق الهنود بس .. حتى حق الحريم .. وهذي الحركات بعد .. <IMG src="http://oasis.bindubai.com/emoticons/fa55.gif" border=0>
مثال على السواقة:
لدرجة تخيلوا معاي أن إذا الحرمة كانت تسوق .. واستوت حركة غلط في السواقة ... السيارة اللي عدالها فيها واحد من الشباب عديمين الذوق ..
 ينزل دريشة السيارة ويقول للحرمة .. شو ما تعرفين تسوقين ؟؟؟<IMG src="http://oasis.bindubai.com/emoticons/Oo.gif" border=0>
 عيب عليك .. هذا مو اسلوب في الشارع تصارخ على بنات خلق الله ..
وممكن يتبعون نفس الاسلوب مع الهنود ...
وكل شي له حدود .....

3-   يوم امشي وياه يقولون هذا اخوك:-

هذا الشيء ما يسونه الا الــ ...<IMG src="http://oasis.bindubai.com/emoticons/shutup.gif" border=0>..
والله يخليهم لنا ويحفظهم لنا  ..>> اقصد امهاتنا وآبائنا <IMG src="http://oasis.bindubai.com/emoticons/fa46.gif" border=0>
وبدون تعليق




<H1 dir=rtl style="MARGIN: 0cm 36pt 0pt 0cm" align=center>4-   ليش تلبسينها واتعبين عمرج:-
هذا الموضوع مو بس رافع ضغطكم يالشباب ..
 نحن البنات ما نرضي بهذا الشي ..
يعني يوم تشوف سواح في البلاد فلنفرض من دول الخليج لأننا اقرب في العادات والتقاليد ..
شو تبونهم يقولون عنا .. ؟؟؟<IMG src="http://oasis.bindubai.com/emoticons/fa52.gif" border=0>
ما اقول الا الله يستر علينا وعليكم ..

5-   لايفوتك دعاس على خط المطار :

هي والله مثل ما قلت الله يسلم الجميع من الحوادث ..</H1>

<H1 dir=rtl style="MARGIN: 0cm 36pt 0pt 0cm" align=center><IMG src="http://oasis.bindubai.com/emoticons/fa38.gif" border=0>وإن شاء الله إذا فكرت اسوق سيارة بمشي 60 <IMG src="http://oasis.bindubai.com/emoticons/biggrin.gif" border=0></H1></H1>

 

6-   على شو شايف عمرك :-

ما عندي تعليق على هذا الشي ..
<o:p>واللي على راسه بطحه يحسسها <IMG src="http://oasis.bindubai.com/emoticons/nerd.gif" border=0>
الله يهديهم ان شاء الله



<H1 dir=rtl style="MARGIN: 0cm 36pt 0pt 0cm" align=center>7-   طاش ما طاش :-
هذي هي حال الدنيا .. 

<IMG src="http://oasis.bindubai.com/emoticons/fa47.gif" border=0>8- الصراحة:-<IMG src="http://oasis.bindubai.com/emoticons/fa47.gif" border=0>
مشكوور وما قصرت على هذا الموضوع
وفكرت أنك تنشره في كذا منتدى ..
 <IMG src="http://oasis.bindubai.com/emoticons/fa42.gif" border=0>هذي بداية خير<IMG src="http://oasis.bindubai.com/emoticons/fa42.gif" border=0>
وان شاء الله نشوف النتائج عن قريب

أختكم/ميامي44

تحياتي
</o:p></H1>

**قلوب دبي** · 18-02-05 ||, 12:42 AM

<IMG src="http://oasis.bindubai.com/emoticons/smile.gif" border=0>

عليكم السلام و رحمه الله

يثبت الموضوع ليتنسى للجميع الاطلاع عليه
ولي عوده ان شاء الله

قلوب دبي

**العجيبة** · 18-02-05 ||, 02:00 AM

<H1 dir=rtl style="MARGIN: 0cm 36pt 0pt 0cm" align=center>1-   ممكن أواعد اختك :-
بالتأكيد لا يمكنك أن تواعد أختي أو حتى تتعرف عليها ، ويعود سبب ذلك للغيرة التي تكمن في نفس كل مسلم ، فالأخت هي العرض وهي الشرف الذي ينهار وينهدم إذا حصل وأن واعدتك أنت أيها الرجل الغريب عنها <IMG src="http://oasis.bindubai.com/emoticons/fa55.gif" border=0> ، ولكن الموضوع موضوع جزرنا الثلاث ، هل تريد من أبناء الشعب أن يهبوا لمقاومة إيران وقيام الحرب عليها لكي تأتي بعض الأعين الطامعة كأمريكا لتتدخل فيما بيننا نحن المسلمين ( إيران و الامارات ) ، وأخيرا تخرج أمريكا بحصيلة احتلال دولتنا ؟
نحن شعب يحب السلام ، لأن والدنا هو من أحب السلام والسلم قبلنا ، وإن شاء الله نحن سائرون على خطاه رحمه الله ، وستنحل قضية الجزر الثلاث ولكن ليس بتكتيف الأيادي وانتظار ما سيحدث ..<IMG src="http://oasis.bindubai.com/emoticons/fa55.gif" border=0>

<H1 dir=rtl style="MARGIN: 0cm 36pt 0pt 0cm" align=center>2-   ماعليكم منه الا هندي:-<?xml:namespace prefix = o ns = "urn:schemas-microsoft-com:office:office" /><o:p></o:p></H1>مهما يكن فهو إنسان له شخصيته وله كيان ، وبما إنه إنسان فإن يحس ويشعر ويتألم ، له احاسيسه ومشاعره ، ولكن يبدو أن المواطنين الآن مهما تعلموا ومهما كانت أخلاقهم سامية وراقية فإنهم ينظرون إلى الهندي نظرة دونية إلا من رحم ربي ، ويبدو لي أيضا أن المواطن نسي أو تناسى ما كان للهند من دور كبير في الخليج وكيف كانت " الآمرة الناهية <IMG src="http://oasis.bindubai.com/emoticons/fa32.gif" border=0>"
وأخاف أن يأتي يوم لينقلب الحال ونعود كما كانوا قبلنا نخاف من الهنود <IMG src="http://oasis.bindubai.com/emoticons/look.gif" border=0>

<H1 dir=rtl style="MARGIN: 0cm 36pt 0pt 0cm" align=center>3-   يوم امشي وياه يقولون هذا اخوك:-<o:p></o:p></H1>ما أجمل أن يكون جميع الآباء أصدقاء لأبنائهم ، ولكن من " البياخة " أن الأبناء يتعدون حدودهم ، وأيضا يستغل بعض الأبناء هذه الفرصة لكي يكونوا من حاملي لقب " الابن العاق " <IMG src="http://oasis.bindubai.com/emoticons/fa55.gif" border=0>

<H1 dir=rtl style="MARGIN: 0cm 36pt 0pt 0cm" align=center>4-   ليش تلبسينها واتعبين عمرج:-<o:p></o:p></H1>
<o:p>لا أؤيدك بأن تلبس الأجنبية والغير مسلمة العباءة ، لماذا ؟ هل أصبحت العباءة بهذه السخافة وقدرها قليل ، " الرايح والياي يلبسها <IMG src="http://oasis.bindubai.com/emoticons/fa44.gif" border=0> "


<H1 dir=rtl style="MARGIN: 0cm 36pt 0pt 0cm" align=center>5-   لايفوتك دعاس على خط المطار :
اممم .. أنا الحين ما عندي ليسن اذا سقت لازم توصل 140 <IMG src="http://oasis.bindubai.com/emoticons/look.gif" border=0> ، عاد يوم بطلع ليسن ما ادري شو بسوي <IMG src="http://oasis.bindubai.com/emoticons/fa56.gif" border=0>
الصراحة شوارعنا وايد واسعة .. مستحيل أن الواحد يمشي 60 أو 80 فيهن <IMG src="http://oasis.bindubai.com/emoticons/fa55.gif" border=0>

<H1 dir=rtl style="MARGIN: 0cm 36pt 0pt 0cm" align=center>8-   الصراحه :-<o:p></o:p></H1>لا نضع اللوم على المنتديات ، ولكن على مرتادي المنتديات ، ولا نعتبهم ولا نلومهم هم أيضا ، إنما نلوم اختلاف عقلياتهم وتفكيرهم <IMG src="http://oasis.bindubai.com/emoticons/wink.gif" border=0> ، فمن المستحيل أن يكون الجميع يمتلك نفس التفكير <IMG src="http://oasis.bindubai.com/emoticons/fa46.gif" border=0> لذلك نرى مواضيع جميلة وتستحق القراءة ، ومواضيع تسلية أيضا تستحق القراءة ، وأيضا نجد مواضيع تافهة وهي أيضا تستحق القراءة ، لأن أصحابها إن لم يجدوا التشجيع من أحد فإنهم سيبقون كما هم ، فمثلما أنت ذو الموضوع الجميل والجدي والذي يحوي أفكارا أو قضايا تستحق النقاش تريد من يشاركك وينقد أسلوبك لتتطور به فهم أيضا أصحاب المواضيع التافهة يريدون من يقف بجانبهم لكي يكونوا مثلك يوما ما أيها المبدع

أخوي دين بدوي

أتمنى يكون ردي مناسب لمقام موضوعك ..
وألف شكر لك على موضوعك الحلو
وبانتظار جديدك دوم ..

العجيبة
<IMG src="http://oasis.bindubai.com/emoticons/cool.gif" border=0>

</H1></o:p></H1>

**دموع قلم** · 18-02-05 ||, 09:40 AM

وعليــكم الســلام ورحمـة الله وبركـاته,,

أعجبتنـي عنـاوين هـذه المواضيـع المهمــة وبالطبـع كل موضـوع يحتـاج لأكثر من صفحـة,
فـ هنـاك الكثيـر من الأمـور التي يجب أن نتحـدث عنهـا ولكـن لا الـوقـت دائمـأ لا يسعنـا

2-   ماعليكم منه الا هندي:-

خرجـت من البيـت مسرعة مع أخي لأني تأخـرت على المدرسـة, فـ لم أرى السائـق, انتـظر قليـلا فـلم نراه,
فاتصـل أخي به وسأله بنبـره جافه: أيـن أنت؟! وأين ذهبـت؟! ولِـم وكيف ووو إلـخ وفي أخيـر شتمـه !!
صحيـح أن أخي في حالة الغضـب, ولكـن إن كان السائـق عربـي هـل يستـطيع أن يفعـل ذلك؟! لا أظـن .. فقط لأنـه هنـدي

<IMG src="http://oasis.bindubai.com/emoticons/sad.gif" border=0>
<IMG src="http://oasis.bindubai.com/emoticons/sad.gif" border=0>

3-   يوم امشي وياه يقولون هذا اخوك:-

إحـدى صديقـاتي تعتبـر أمهـا كصديقتهـا, تلعـب وتمرح وتضحـك معهـا, بالطبـع هـذا الشـيء جميـل,
ولكـن المحـزن هـو أن أرى تـلك الفتـاة تسـب وتشتـم وتتلفـظ بألفـاظ سيئـة ومقرفـة أمـام والـديهـا
وهـم بكـم صم عمـي, لا اهتمـام ولا تـوعيـة منهـم بهـذا الأمــر !!!

<IMG src="http://oasis.bindubai.com/emoticons/sad.gif" border=0>
<IMG src="http://oasis.bindubai.com/emoticons/sad.gif" border=0>

4-   ليش تلبسينها واتعبين عمرج:-
<?xml:namespace prefix = o ns = "urn:schemas-microsoft-com:office:office" /><o:p>
فعـلا الكثيـر من الرفيقـات السـوء يعينـون صديقـاتهـن على فعـل المعاصـي والتقـرب إلى الفسـاد,
فـ عنـدما تـرى الرفيقـة السيئـة صديقتهـا المحتشمـة تقـول: والله انج جديمـة ماعنـدج سالفـة مطوعة !!
وكل هـذا لأنهـا تطيـع أوامـر الله سبحـانه, وللأسـف تـلك الرفيقـات السـوء يظـنون بأن حيـاة الفتـاة
بائسـة وحـزينـة ومعقـدة, ولم يدركـوا بأن حيـاتها جميـلة ورائعـة وطمـأنينـة في جميـع مجالات حيـاتها

وهنـاك فئـة أخـرى محتشمـة ومتربيـة أحسـن تربيـة, ولكـنها للأسـف تحتشـم أمام الرجـال المواطنيـن فقـط,
وتمـزق لبـس الحشمـة أمام الأجـانب وخاصـة الهنـود وكأنهـم ليسـوا رجـال!!  اتـذكر العـام الماضـي كــان
لدينـا مطعـم في مدرستنـا فـالرجال هم الذين يبيعـون, والطالبـات أكثـرهن لا يبـالين بهـؤلاء الرجـال ولا يلبسـون
الحجـاب أمـامهم ويتحـدثون معـهم كثيـرا, فـ يقولون بأنهـم هـؤلاء الرجـال ليـسوا بمواطنيـن وحلال عليـهم !!!

بخصـوص طالبـات الكليـة والجامعـات, أخـي نصحنـي بأمـور التـي يجب أن آخـذ حـذري منهـا قبـل دخـولي للجامعـة
أو الكليـة بإذن الله, وأخبرنـي أيضـا بالظواهـر السيئـة التي تحـدث فيهـا ومنهـا .. أن الطالبـات لا يباليـن بالأسـاتذة
فـ يتحـدثون معهم بأعلـى صوتـهن, ويجلسـون معهم بـدون لبس الحجـاب, ويسلمـون عليهـم ويمسكـونهم, وكأنهـن
مع محرمهـم, إلـى درجـة أن هنـاك طالبـات يتـواعـدن مع أستـاذتـهن ... !!! الله يستـر على بنـاتنا يالله يا رب العالميـن

<IMG src="http://oasis.bindubai.com/emoticons/sad.gif" border=0>
<IMG src="http://oasis.bindubai.com/emoticons/sad.gif" border=0>
<IMG src="http://oasis.bindubai.com/emoticons/sad.gif" border=0>

أخـي ديـــن البـــدو ..
أشكـرك على هـذه المواضيع الأكثر من رائعـة
وفعـلا تستــحق التثبيـت لمــدى أهميتـهـــا,
وأتمنـى أن أرى المـزيد من روائعـك

<IMG src="http://oasis.bindubai.com/emoticons/smile.gif" border=0>


لـي عودة إن الله أحيـانا بإذن الله
والسمـوحــة !!</o:p>

**الملهم** · 18-02-05 ||, 10:01 AM

السلام عليكم

موضوع " قصدي مواضيع " شيقة وجميلة
كفيت ووفيت .. ولي عودة ان شاء الله

**خنفروش** · 21-02-05 ||, 04:26 AM

الصراحه يا دين البدو انت اتحير الواحد على شو بيرد - لذلك قلت اسجل اعجابي باسلوبك و موضوعك و ان الله قدرني بحاول اني اتواجد برد يليق بالموضوع و الكاتب و السموحه يا فنان البدو

**المحاق المشتعل** · 21-02-05 ||, 05:42 AM

دين البدو


أسجل إعجابي بموضوعك القيم

وإن شالله دايماً تفيد

ودايماً نستفيد من مواضيعك القيمة

أخي الكريم

أنا فقط عندي تعقيب بسيط في موضوع الحلاق

تقريباً تكلمت عن المواعيد إلي تصير إنه يتصل الشخص الحلاق ويطلب إنه يتحلق في وقت معين

وهني أنا بطرح هالموضع بفكرتي البسيطة وإن شالله ما أكون مثجل عليكم

طبعاً يا أخويه

أنته ما بتسير عند أي حلاق

في منهم إلي ما يعرف يحلق

إتسير عنده أتقوله أبغيك تخفلي شعري

يسوي شعرك مثل الديج <IMG src="http://oasis.bindubai.com/emoticons/fa36.gif" border=0>

ومن الحلاقين

إلي ما يعرف يحلق جنك يوم تسير له جنك مودي عمرك المقصبة

إلي إييك يجدلك ويهك

وإلي إييك يشق لك إذنك

شو كالفني أحلق عنده

<IMG src="http://oasis.bindubai.com/emoticons/look.gif" border=0>
...

ونقطة أخرى

الواحد يوم يسير الحلاق شو يسوي

في منهم يتعدلون حق الخقة أو عشان يجذبون البنات على سبيل المثال

ومنهم إلي  يتعدلون حق أهلهم

فما يستوي نحط هالقرار الخاطئ ونظلم كل واحد وله سبب تأخيره في الحلاق

إييك واحد أحيانناً شعراني

وكل شعرة ماشالله هالمتن <IMG src="http://oasis.bindubai.com/emoticons/fa46.gif" border=0>

فشو بيسوي مسكين

طبيعي بيطول

الحلاق مجبور إنه يطول وياه ولا شو رايكم

والشي الثاني

إيونك ناس أحيانناً مرضى عافانا الله والله يشفيهم إن شالله

فطبيعي يطولون لأسباب مرضهم

وهني أنبه

كل إلي يسير الحلاق ياخذله العدة إلي تخصه حق الحلاقة
...

... وهاي أسباب الإطالة

أما أسباب المواعيد

أنا عن نفسي

آخذ موعد دايماً

وهالشي أسويه لسبب

أنا إذا بسير الحلاق

بسير عند حلاق زين يحلق زين

لأن الله جميلٌ يحب الجمال

....

لكن يوم أسير عند حلاق بدون موعد

ألقى زحمة في الحلاق

ويوم أتريا

يأذن

هني في هاي الحالة

إلي يالسين نصهم ما يصلون  للأسف عسب دورهم

ويوم أطلع أصلي وارد

أحصل 10 أشخاص غير يتريون دورهم

شو كالفني

وأحيانناً أيلس بالساعات أتريا دوري لين ما يأذن

وأهم شي الصلاة

ليش ما أستخدم مخي عشان أنظم وقتي بدال لا أضيعه في الحلاق على الأغاني الهندية إلي فيه<IMG src="http://oasis.bindubai.com/emoticons/fa36.gif" border=0>

وأنظم وقتي عشان ما يأذن وأسير وأرد وقصة طويلة

فالموعد بيكون أفضل

هذا برأيي

<IMG src="http://oasis.bindubai.com/emoticons/fa42.gif" border=0>

شاكر لك أخي موضوعك القيم

محاق

**دين البدو** · 21-02-05 ||, 08:19 AM

  مشكورين على الاهتمام .. واسمحولي اني مارديت عليكم .. وانشاء الله برد عليكم جريب  والصراحه ماقصرتو .. ابدعتم وآراءكم في غاية الروعه

**قلايد** · 24-02-05 ||, 11:19 AM

<IMG src="http://oasis.bindubai.com/emoticons/fa43.gif" border=0>
<IMG src="http://oasis.bindubai.com/emoticons/fa43.gif" border=0>
[ دين البدو ]
<IMG src="http://oasis.bindubai.com/emoticons/mad.gif" border=0>
عقب ماكتبت رد طويــــــــــــــــــــــ ــــــــــــل لكل فقرة
<IMG src="http://oasis.bindubai.com/emoticons/fa46.gif" border=0> انمسح كل شي
<IMG src="http://oasis.bindubai.com/emoticons/wacko.gif" border=0> 
ع العموم تسلم ع الموضوع وإن شالله برد اكتبه مره ثانيه
<IMG src="http://oasis.bindubai.com/emoticons/fa45.gif" border=0>
See ya

**دين البدو** · 25-02-05 ||, 03:46 AM

قبل كل شي اسمحولي في الاطاله ومشكورين على  اهتمامكم وماقصرتو من مراقبين واعضاء وزوار الله يبارك فيكم واسمحولي اشاركم النقاش ^_^<?xml:namespace prefix = o ns = "urn:schemas-microsoft-com:office:office" /><o:p></o:p>
 <o:p></o:p>
قلب دبي <A title="" href="http://oasis.bindubai.com/cgi-bin/oasis.cgi?act=Search;CODE=01;keywords=قلب%20د� �ي;type=name;forums=all;search_in=all;prune="></A>:    لك كل الشكر  على مشاركتج وردودج الطيبه ياختي العزيزه ... وبالعكس الي يتناقش ويحاور منو ما يبى يسمع كلامه انا قصدي بالرد الي ماحبه هو الي يقول مشكور وموضوعك حلو وهو ماستفاد منه بس عشان يزيد عدد مشاركاته <o:p></o:p>
 موضوع الجزر ... لاتسيرين اتدورين غير هالبلاد لانه هالبلاد تفتخر بعيالها المثقفين .. وانا قصدت الي ما يعنيله هالموضوع شي ومايهمه مايستاهل انه يعيش على ارض الامارات .. ونحن كلنا نتبع خطا ابونا رحمة الله عليه .. وماشي احلى من الي ربانا عليه .. نحب الكل وخصوصا يوم تكون دولة مسلمه مجاوره ..<o:p></o:p>
موضوع الهنود :  صدقيني في ناس يعاملون الهنود مثل ما يعاملون عيالهم .. هذيلا بس الي ناقصين ثقافه وتوعيه هم الي يعاملونه بجفاف ويعتبرونهم انهم مب بشر.. وانا حبيت اني اوصل رساله للي غافل عن هالشي عسى انه ينتبه <o:p></o:p>
موضوع الشيل والعبي..   الله يهديهم احلى شي نباه هالدعوه الطيبه .. ونفس الوقت دوركم اتنبهون الي قريبين منكم <o:p></o:p>
موضوع السرعه :  بعد الله يهديهم و يصلحهم .. وبعدين النفس على  الشي الي تربيها .. اذا عودتها على السرعه صعب انك تغيرها .. واذا حاولت تمنع نفسك وتعودها انك تمشي شوي شوي بتقدر <o:p></o:p>
موضوع التكبر :  مب غلط الواحد يركب سياره يديده والا يحط الرقم .. بس لو اقترن هالشي بالغرور والكبر هنيه الغلط والهلاك بعينه <o:p></o:p>
 <o:p></o:p>
ماقصرتي يالطيبه على المحاوره الطيبه  واتمنالج التوفيق وين ماتكونين <o:p></o:p>
 <o:p></o:p>
ا ل ز ع ي م :- مشكوووور  يالطيب على الاضافات وشي حلو منك تسلم <o:p></o:p>
 <o:p></o:p>
صدقت في الشي الي قلته وهذا من التكبر والبطره عند بعض الناس والله يهديهم .. حلو التجديد يوم يكون في حدود المعقول وبدون اسراف .. الله بيسألنا عن هالنعمه <o:p></o:p>
 <o:p></o:p>
موضوع الراتب .. ياخي انا بطرح هالموضوع وانت عطيتني فكره .. وانشاء الله بيكون موضعي القادم.. بيكون شامل  .. بس مب ضروري اكون متفق وياك .. اقولك خل كل شي فوقته ^_*<o:p></o:p>
 <o:p></o:p>
وتسلم مره ثانيه وخلك دوم ويانا يالطيب  <o:p></o:p>
 <o:p></o:p>
<H1 dir=rtl style="MARGIN: 0cm 0cm 0pt">ميامي 44:  لك الشكر يالطيب على مشاركتك ويانا ونقاشك المفيد والممتع :-<o:p></o:p></H1>
 <o:p></o:p>
1-     موضوع الجزر ...  وانا وياك في الي قلته .. وهالشي نحن نرفضه رفض قاطع مب بس فبلادنا ... حتى في كل مكان في الارض .. هذا فساد في الارض والله نهانا عنه .. ونحن ضده .. ونحن ويالحل السلمي بس لازم نتحرك .. ما مات حق وراه مطالب ..اعتقد جي المثل <o:p></o:p>
2-     موضوع الشباب والطياشه الي فيهم .. والله ياخوي ماشي مجتمع مافيه شباب طايش ولكن علينا انبههم .. شرات ماتقول الي يتعود يغلط على الهنود شوي  اتعود يغلط على الحريم وبيكون هالشي عاده وياهم مايحترمون أي انسان .. بس واجب  علينا انبههم ونخبرهم هالشي صح وهالشي غلط .. هم يعرفون انه غلط  بس يبالهم الاخ الكبير والاخت الكبيره الي اتذكرهم بهالشي ^_^
3-     موضوع الاباء .... الله يحفظلك اهلك ووالديك والله يقدرك على رضاهم يارب
4-     موضوع العبي والشيل .. المشكله انا العدوى تنتشر .. والله يحفظ دولنا من كل شر يارب
5-     موضوع السرعه .. والحين شو دورك ؟ دورج.. الحين انتبهت انج بنيه ^_^ المهم دورج الي حولج اخوانج والي يقربولج خبريهم وذكريهم والله يسلمهم
6-     الله يهديهم ^_^
7-     الدنيا بخير دام فيها ناس محترمين ويخافون ربهم مثلكم
8-     اتمنى من الله انكم استفدتو من هالموضوع واتمنى اني كل مايي اكتب فمشكله او اخطاء من مجتمعنا انها تنتهي ومانشوفها ابد قبل ماطرحها 
 لج كل الشكر والتقدير على المشاركه والردود الطيبه ويامرحبابج<o:p></o:p>
 <o:p></o:p>
قلوب دبي <A title="" href="http://oasis.bindubai.com/cgi-bin/oasis.cgi?act=Search;CODE=01;keywords=قلوب%20� �بي;type=name;forums=all;search_in=all;prune="></A>: مشكوووووور  وتسلم يمينك يالطيب .. وانشاء الله يكون الموضوع ادى الهدف المقصود والكل يستفيد منه .. <o:p></o:p>
 <o:p></o:p>
العجيبه :      تسلمين يالطيبه على اهتمامج وردج على موضوعي وماقصرتي الصراحه ويمكن بعض الاراء اتفقتي ويايه فيهم وبعضهم لج وجهه نظرج فيها وانشاء الله رح اتحاور وياج في هالمواضيع <o:p></o:p>
 اول موضوع والي يتحذث عن قضية الجزر .. وانا حطيت العنوان بس لجذب الانتباه لاني احس انه الموضوع وايد حساس في نظري (( نحن شعب يحب السلام ، لأن والدنا هو من أحب السلام والسلم قبلنا ، وإن شاء الله نحن سائرون على خطاه رحمه الله ، وستنحل قضية الجزر الثلاث ولكن ليس بتكتيف الأيادي وانتظار ما سيحدث))   هذا الرد ماعليه كلام وانا ارد ازيد سبب طرحي للموضوع عشان اذكركم بانه لنا حق ولازم نطالب فيه وبلادنا الي عطتنا الخير مانستغنى عن أي حبة رمل فيها ^_^<o:p></o:p>
الموضوع الثاني .. ((ولكن يبدو أن المواطنين )) .. ردج حلو ولكن انبهج انه مب كل المواطنين يسوون هالشي .. لا والله اكثر المواطنين وخصوصا الناس الواعيين ما يسوون هالشي وينصحون عيالهم انهم ما يفرقون بين هندي والا ايراني والا باكستاني والا مواطن كلهم بشر  وربهم واحد<o:p></o:p>
موضوع الاباء .... كلمة البياخه عيبتني واعتقد تناسب هالفئه الي مانباها فمجتمعنا ^_^<o:p></o:p>
الموضوع الرابع .. الصراحه لي عتب  شديييييييييييييد عليج ياختي .. ليش العباءه والشيله محتكرات على بنات الدار .. نحن وخضوضا اهل الخليج نحن منبع الاسلام والمفروض كل سنه وكل فعل خير نسويه ننشره للعالم كله .. مب سالفه اجنبيه والا مواطنه .. والله اذا شفت حرمه حشيمه شو ماكانت تفرح العين يوم تشوفها وتنظرلها  بحترام . بس بيني و بينج مب كل وحده لابسه عباه يعني حشيمه .. هذا موضوع ثاني عقب  بنرمس عنه <o:p></o:p>
موضوع السرعه اختي الدوله بنت عماير اوكي .... اطلعي فوق العماره فوق السطح وارمي  عمرج من فوق ..  ترا الدوله بنت العماره والسطح ... اتمنى تكونين فهمتي المغزى  من كلامي <o:p></o:p>
اذا الله انعم علينا بدوله كريمه وغنيه ووفرت كل سبل الراحه لمواطنيها ليش نرفس النعمه .. ليش السرعه .. اوكي انتي تضمنين انه ما يصير شي للسياره ...  يوم الله يكتب الشي بيصير حتى لو تمشين عشره مب ميتين .. بس فرق بين الي يرمي نفسه للتهلكه وبين اللي متوكل على ربه ويداري على عمره<o:p></o:p>
  <o:p></o:p>
ردج وايد عيبني لو حتى كنتي تعارضيني فبعض الاراء .. ولكن هالشي الي  الواحد يتعلم منه و يستفيد.. مب معناته انا حاط الموضوع يعني كل شي كتبته صح .. بس لازم كل واحد يبين وجهة نظره عشان يستفيد الكل .. ولج جزيل الشكر والامتنان يالعجيبه والصراحه ما قصرتي <o:p></o:p>
 <o:p></o:p>
دموع قلم :-   اشكرك على اهتمامك والصراحه حبيت انوعلكم واعطيكم فتره تقرون هالمواضيع حتى اني اتاخرت في الرد عشان اكبر عدد منكم يقدر يشارك ^_^ <o:p></o:p>
 <o:p></o:p>
<H2 dir=rtl style="MARGIN: 0cm 18pt 0pt 0cm">2- طلعتي ويا اخوج وصار الي صار ... انزين وين موقفج انتي ؟؟ ووين نصيحتج له ؟؟<o:p></o:p></H2>
3-     صديقتج وامها .. هذا دليل على كلامي .. بس بعد ارد واقولج انتي وين من هذا كله ماتقولين انها ربيعتج ؟؟<o:p></o:p>
4-     موضوع الشيل و العبي الصراحه ردج جميل ووضحتي بعض الامور  وبيني وبينج هو موضوع خطير ومتعدد الجهات .. نفس ماقلتي وهذا يباله بحث بروحه لانه في نفس الوقت مهم وايد<o:p></o:p>
 الصراحه الشكر لج انتي على اهتمامج وانشاء الله انشوفكم فمواضيع  مفيده ..واسمحيلي لاني كنت قاسي وياج يوم اقولج وين دورج .. هالشي لاني احس فيج انج مثقفه والغلط مايرضيج والا ماكنتي زعلتي منه .. بس نحن لازم دورنا يكون اكبر وناقش الناس الي قريبين منا .. والا شو الفايده كل واحد يحط على الثاني ومحد ينبه غيره ^_^  ويامرحبابج <o:p></o:p>
 <o:p></o:p>
الملهم :-    مشكوووووووور وانشاء الله عيبنكم المواضيع واستفدت منهم ^_^<o:p></o:p>
 <o:p></o:p>
خنفروش :-     تسلم يالطيب واتمنى اشوف ردك اذا عندك أي تعليق او مشاركه ويا مرحبابك الساع<o:p></o:p>
 <o:p></o:p>
 <o:p></o:p>
 <o:p></o:p>
 <o:p></o:p>
المحاق المشتعل <A title="" href="http://oasis.bindubai.com/cgi-bin/oasis.cgi?act=Search;CODE=01;keywords=المحاق %20المشتعل;type=name;forums=all;search_in=a ll;prune="></A>:-   مرحبا ومسهلا  وشرفتنا بزايرتك واهتمامك يالطيب <o:p></o:p>
رايك انا احطه على عيني وراسي .. وصدقني انا اوافقك في الي قلته .. بالنسبه للحلاق وانه كل واحد لازم ياخذ عدته وعن الموعد انه عشان الصلاه   انا وياك واشكرك والله يثبتك دايما على طاعته   <o:p></o:p>
بس احب انبك ياخويه .. انا سبب طرحي لهلموضوع عن التكبروالغرور الي يصيب بعض الشباب ..و ذكرت هالمثال مب عشان هالشي صح والا غلط .. اذا انت مثل ما قلت تتصل في الحلاق عشان الصلاه وعشان تستغل وقتك في شي مفيد هنيه عندك حق .. بس بعض الشباب الي شايف نفسه وحتى هو ماعنده شغل يبى يدش امكان و ييلس على الكرسي ولا يكلم حد ويخلص و يطلع ..بس شوف وياي هالموقف اذا دخلت الحلاق ويلست في الكرسي بيي شاب ثاني او شيبه ويلست تتكلم وياه وتاخذ وتعطي ..مب حلو .. نحن في زمن صار الواحد كله مشغول فيه وما صار ذاك التواصل بين ابناء الشعب اللهم في الانترنت والا ربع معينين بس  .. وانا هنيه كان قصدي  ولك جزيل الشكر ياخويه ويا مرحبابك <o:p></o:p>
 <o:p></o:p>
قلايد :-  لازم تسوين فورمات لجهازج ثاني مره .. واتريا ردج وتعليقج بس لاتطولين ويامرحبابج<o:p></o:p>
 <o:p></o:p>
مشكووووورين كلكم وانشاء الله بينا تواصل قريب باذن الله ويا مرحبا الساع<o:p></o:p>
 <o:p></o:p>
 <o:p></o:p>

**قلب الوصال** · 27-02-05 ||, 10:36 PM

دين البدو
البدايه روعه تجذب القاري لكن يبالنا على رواقه
لذلك اسجل حضوري على امل عودة مع وقت كافي للقرايه والرد

تسلم الانامل
ومجهود طيب <IMG src="http://oasis.bindubai.com/emoticons/cool.gif" border=0><IMG src="http://oasis.bindubai.com/emoticons/cool.gif" border=0><IMG src="http://oasis.bindubai.com/emoticons/cool.gif" border=0><IMG src="http://oasis.bindubai.com/emoticons/cool.gif" border=0>