<font color='الغلا'><p align=center>أمس كنا نرمس عن هالموضوع أنا ومرت اخويه,, تقول انها هي واخويه يوم سارو يشوفون المحل,, طلعلهم ألبوم عرس مال ناس ثانيين,, مرت اخويه تقول ويهي عورني وتمت تتطالع الريال,, تقول الحين هذا صدق ولا يسولف ,, ولا يستعبط ولا ناسي ولا شو السالفه , سألته ليش تراوينا صورهم,, بس قبل لا يجاوب كان اخويه ميودنه من رقبته,, قاله الحين تراوينا صور الناس,, باجر بتراويهم صورنا,, المهم فهم منه انهم متعاقدين ويا محل ثاني كله حريم ,, وسار اخويه المحل وشاف فعلا انه كله حريم ,, بس بعد ما اطمن,, وحرمته حنت عليه,, بعدين رضا وتم واقفلهم على راسهم وخذ عنهم النيجاتيف,,
فعلا,, لو في محلات حريم,, بعد الواحد ما يطمن,, وحده من أهلي خلت المصوره تصورها (فيديو وعادي) وعقب ما خلص العرس خذت عنها الأفلام,, ووطلعوهم هم,, وعقب رتبتهم في البوم وكان الله بالسر عليم,, فهذي طريقه الواحد يطمن على عمره فيها,,,

اختكم
بيبا <img src="http://oasis.bindubai.com/emoticons/inlove.gif" border=0></p></font>