<font color='#000000'><p align=center>بسم الله الرحمن الرحيم
السلام عليكم ورحمة الله وبركاته
أرجوكم أخواني وأخواتي الأعضاء ردو علي بسرعة
ويقول المثل قطع الأعناق ولا قطع الأرزاق
خالتي كفيفة يعني ما تقدر إتشوف وفي نفس الوقت
ما تقدر تسمع من إذنها الإثنين فتلبس سماعات خاصة تمكنها من إنها تسمعنا
وأنا كاتب لكم الموضوع وقلت إنشاء الله تقدرون اتساعدوني
خالتي تشتغل مثل مبرمجة على الكمبيوتر
عندها سبيكر يقول لها أسماء البرامج اللي هي تختارها والحروف اللي هي تكتبها على الوورد
وعندها أجهزة واحد يساعدها على القراة من الورق والثاني يساعدها على القراءة من على شاشة الكمبيوتر
وللأسف علشان هذي الأجهزة قديمة هي يايبتنها من لندن أيام كانت تدرس أيام التسعينات يابتها حوالي سنة واح وتسعين وتمت تستخدمها إلى إن خلصت من الجامعة سنة تسعة وتسعين والآن هي اختربت وما محصلين لها أجهزة وبرامج تساعدها على استخدام الكمبيوتر وعلى القراءة ككل في الورق وعلى الكمبيوتر وهي معلقة في الشغل والحين ما تسوي شيء واتخاف يصدر لها قرار الله لا ييبه وأنا ما أحب أقوله.
على العموم أرجوكم ثم أرجوكم ثم أرجوكم بغيتكم اتقدمولي معلومات عن أجهزة وبرامج حديثة ووين مكانها أو مكان شركتها واسم الشركة ومكانها ورقمها مع فتح الخط. حتى لو كانت برع الإمارات ما عليه بس أرجوكم ساعدوني وساعدوها.<img src="http://oasis.bindubai.com/emoticons/fa43.gif" border=0></p></font>