علاقة من هالنوع...شو مصيرها؟؟

**صوفيا** · 14-09-04 ||, 06:03 PM

السلام عليكم

انا الصراحة عندي موضوع مهم بالنسبة لإلي و حابة أعرف آراءكم بهالموضوع......
أعز صديقة لإلي حبت واح أصغر منها بسنة و نص....شو رأيكم بهادا الحب؟؟؟

فكركم رح تكون علاقتهم ناجحة ولا لأ...و الشب بيحبها كتيير كتيير و بدو يتقدملها بعد سنتيت لأنو بيخلص دراستو بعد سنتين.....ممكن أسمع رأيكم بهادا الموضوع و بكل صراحة

العلاقة رح تنجح ولا لأ؟

**بيبا** · 14-09-04 ||, 06:40 PM

ختي صوفيا,,, اهتمامج بصديقتج حلو ويعكس وفائج لها...
في نظري,, اعتقد ان الحب ماله سن,, يعني ماله دخل إذا اللي تحبه اكبر وأو أصغر عنك... بس في حالة اذا الريال اصغر عنها,,( فيستحب)-حلوه هاي <img src="http://oasis.bindubai.com/emoticons/fa56.gif" border=0>-  انها تتأكد انه يشتغل او قد المسؤوليه يعني عشان تضمن انها بتكون مرتاحه وياه بعد الزواج,,   وشخصيا- أعرف بنات متزوجين رياييل اصغر عنهم بسنه او سنتين او حتى خمس سنين,, بس بالعكس اتحس انه اكبر عنها بعقله وتصرفاته الرزينه,, يعني في رياييل متربين على تحمل المسؤولية خصوصا اذا توفى ابوه وهو صغير واتحمل هو مسؤولية اهله.
واخيرا حبيبتي اتمنى ان ربيعتج تتهنى وياه وما يشوفون يوم مر يا رب..
اختج
<img src="http://oasis.bindubai.com/emoticons/fa35.gif" border=0>

**صوفيا** · 14-09-04 ||, 07:05 PM

شكرا كتير بيبا على رأيك لأنو رأيك و رأي كل واحد بيعنيلي كتير

**ام خالد** · 14-09-04 ||, 07:38 PM

اختي العزيزة

الحب كلمة بها مشاعر واحاسيس لكن مع الزمن تتغيرالحب تصرف مش كلمة تنقال، الي يحب يتمنى حق حبيبة الأحسن حتى لو كان معناة الفراق.
 صديقتك هذي لحين ما ذاقت الحياه وهاي الشخص الي تحبة باقيلة سنتين ويبقاه تنتظرة الين ما يخلص دراسته ويشتغل ويكون نفسه فصارت سنه تجر سنه والله اعلم شو راح يصير في هذي السنين. الحب الحقيقي يأتي بعد الزواج مع عشرة الأيام، لأن راح تنزاح كل الاقنعة الي كان مخبيها الشخص. كثير ناس سمعت قصصهم تزوجو عن حب لكن لم تجي الحياة بمسؤليتها تبدى المشاكل والفراق. الحب مهب اساس يرتكز عليه الزواج، التفاهم والثقه اهم شي و تحمل بعض وقت الشدائد قبل الفرح، وحمل المسؤلية. 
فرق السن الي ذكرتية يعتمد على شخص الأنسان اذا كان عقله كبير ورجال يتحمل مسؤلية اقوالة وافعاله. اختي السن تراة يبان على المراة أكثر خصوصا بعد العيال، هل صاحبتك مستعدة تتحمل نظرات وكلام الناس وبل خصوص اهله  لما يرمسو ان شكله اصغر منها والغيرة الي راح تتملكهل لما ينظر لوحدة اصغر.
نصيحتي خل صديقتك لا تفكر بل اليوم خلها تفكر ببكره بعد ما تدور الأيام والسنين.
والنهايه كل شي قسمة ونصيب والي الله كاتبة راح يصير.

<img src="http://oasis.bindubai.com/emoticons/fa35.gif" border=0>
ام خالد

**صمت الذئب** · 14-09-04 ||, 07:48 PM

اختي صوفيا ,,
الحب مش بالعمر ..

**الملهم** · 15-09-04 ||, 12:16 AM

السلام عليكم

مقياس الحب ليس بالعمر
وانما بالقلب والجوارح ..

ولكن اليس سنتين مدة طويلة لعلاقة
مهزوزة وغير اكيده ؟؟  على الاقل يجب ان يكون
خطوبة لتكون العلاقة معروفة بين الاهل وليس بالاختباء
واذا كان صادقا بحبه لها فليصارح أهله ويتخذ المسألة بالجدية
والله يوفقهم للخير والسعادة ..

أشكركِ اختي على اهتمامكِ
بصديقاتكِ ..

والسمووحة
الملهم

**بنوته صغيرونه** · 15-09-04 ||, 12:22 AM

الله يوفقهم ،،

و مثل ما قالوا الحب ماله عمر

<img src="http://oasis.bindubai.com/emoticons/blush.gif" border=0>

**صوفيا** · 15-09-04 ||, 01:15 AM

بيبا و أم خالد و صمت الذئب وبنوتة صغيرونة و الملهم شكرا كتير على ردودكم ..وانشالل تكون الصورة وضحت أكتر بنظري...بس أخي الملهم الشب بعدو زغير عالخطبة..بس هو بيحبها بجد و هو خايف يتأدملها هلا و أهلها يحطو عليه نقطة سودا أو هيك شي لأنو بعدو زغير...يعني هو ما بدو يخسرها...الله يوفقم

**العجيبة** · 15-09-04 ||, 06:00 AM

صحيح مثل ما قالوا اللي قبلي
الحب ماله عمر

لكــــــــــن

اذا كان الشاب صغيرا
ومتبقي على انتهاء دراسته سنتين

فأنا أعتقد مراهق

يعني في فترة المراهقة عادي الرايح والجاي يحب
وهي فتره وتعدي
ولو سألتي
بيخلص بعد سنتين
لكن ما يبا يأسس عمره
معقولة بيسير يخطبها اول ما يخلص دراسته؟
لا .. لازم يشتغل ويشوف وين المكان اللي بيسكنون فيه
شو بيصرف عليها ووين بيسكنها لو ما سوا هالشيئين ؟

هو كل من يحب ايي ويخطب بدون ما يفكر <img src="http://oasis.bindubai.com/emoticons/rock.gif" border=0>

امممممم

اختي صوفيا

هذا رأيي الشخصي
عجبج اهلا وسهلا .. ما عجبج اعتبريه مب موجود

والسموووحه

**الماتادور** · 15-09-04 ||, 02:27 PM

اوييييييييييييه

اشوفهم يمدحون الحب

يوم بدريه احمد حبت اتقطعت وحليلها

قوم بويهين والله مصخره

المهم اختي انا بقولج شي

اول شي يعتمد على الجنسيه

اذا مواطنين ما اعتقد تنجح العلاقه

لان عدنا الاهل

يدخلون بشكل كبير

و اذا الشاب عمره اقل من 20 بعد مابتنجح العلاقه

بيقول ابا اكمل دراستي و ما قدر اداوم

لوى الولد يضحي و يداوم و اخر شي معاشه مايكفي حق الفواتير و هالشي راح يئثر عليه في المستقبل و ماعتقد العلاقه تنجح

و البنت مابتتريى وايد

مجرد راي

**صوفيا** · 15-09-04 ||, 08:21 PM

شكرا أختي العجيبة على ردك و أكيد رأيك و راي كل واحد بالواحات بيهمني كتير و شكرا أخوي الماتادور بس حبيت أقلك الشب عمرو هلا 23 يعني مش صغير بس هو بدو يتخصص بدراستو...و الله أعلم شو بيسيربينهم..انا طرحت هادا الموضوع لأنو صديقتي كتير كتير بتهمني و هادا هو أول  حب بحياتها ...و انا ما بدي أشوفها تعبانة او متغلبة فيه

الله معها و يوفقها

**ورديّـه** · 16-09-04 ||, 02:36 AM

هو يصير فمجتمعنا وعادي عند أصحابها بس أحسه هب عادي ( بعد لو هم بعمر واحد بتمشي السالفة <img src="http://oasis.bindubai.com/emoticons/biggrin.gif" border=0> )
تعرفين ليـش؟ لأنه < وهاي معلومة علميـّة > الولد يفضل يكون اكبر م البنت بـ 4-5 ، لأنه فهالسن والفارق
يوصل الريال لتفكير البنت ونضجها

بعدين وين بتعبّر البنـت واحد أصغر عنها سناً! > صعبة فالواقع صح؟ <img src="http://oasis.bindubai.com/emoticons/oo.gif" border=0>
بس لو قلتيلها هالنقاط ( وهم يحبوا بعض ) ماظن بيشوفوا هالشي سبب أو مانع
وحسب شخصياتهم

مجرد راي

**صوفيا** · 16-09-04 ||, 07:21 PM

شكرا كتير أخت شيطونة وردية  على رأيك ...و بتمنى انهم ياخدو فيه

**غزيلن فله** · 17-09-04 ||, 12:32 AM

السلام عليكم..
أختي صوفيا, في رأيي انا, الوضع كلّه يعتمد عليه هو, صح انّه اصغر منها, لكن سنه و نص ما تفرق, و مثل ما
قالو الحب مب بالعمر. إذا هو أكبر بالفكر و يقدر يتحمّل المسؤوليه و يقدر يحصّل وظيفه زينه, ليش لا؟
لكن أنا أقول خلهم يصبرون بعد كم سنه أحسن..لانه الزواج مب أي شي, يباله مسؤوليه (مكان العيش..و جي..)

((أحلى تفلسف <img src="http://oasis.bindubai.com/emoticons/fa30.gif" border=0>))

اختج غزيّلن فلّه

آخـــر الــمــواضــيــع

الموضوع: علاقة من هالنوع...شو مصيرها؟؟

أدوات الموضوع

عرض

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة