<font color='#000000'><p align=center>هلاااا والله
زين انك فكرت اتسوي موضوع مثل هذا
لاني الصراحة طفرانة من حالي ومن اللي استوالي <img src="http://oasis.bindubai.com/emoticons/fa43.gif" border=0>
وعلى كثر ما كنت اتخقق في البيت واقولهم اني اول ثانوي <img src="http://oasis.bindubai.com/emoticons/love.gif" border=0>
كرهت الثانوية والاول ثانوي وعلة المدرسة كلها <img src="http://oasis.bindubai.com/emoticons/fa55.gif" border=0>
الله يسلمك قمت من الساعة خمس مستانسة محد قدي في الفرحه <img src="http://oasis.bindubai.com/emoticons/laugh.gif" border=0>
اليوم اللي كنت اتمناه من زمااااااااااااان صار<img src="http://oasis.bindubai.com/emoticons/fa34.gif" border=0>
وهذي انا الحين اول ثانوي محد يقدر ينكر هالشي <img src="http://oasis.bindubai.com/emoticons/fa50.gif" border=0>
المهم صليت وسرت اشوف الزراعة اوني اتنفس هوا من الصبح
وعقب اتريقت واول مرة اتريق من خاطري
وعقب اتكشخت وسرت ع الساعة ثمان يمكن
سرت
ووصلت المدرسة
مكان عووووود
ومتاهات فيه
دخلت الماما وياي
وعقب قلتلها خلاص سيري لانه ما شي اسامي ع الصفوف << مهملين في هالمدرسة
شفت ربيعاتي كل مرة شلة اتييني وسرت ويا شلتي <img src="http://oasis.bindubai.com/emoticons/fa51.gif" border=0>
تمينا لين ثمان ونص وانحاوط بس
طفسنا من الحر .. مقرفة هالمدرسة <img src="http://oasis.bindubai.com/emoticons/fa55.gif" border=0>
عقب اونه دق الجرس الا شوي نسمع مصرية تزاعج في المايك
اوه شو استوى .. جيه اونها تزقرنا نحن بنات عاشر
سرنا لها وتمت اتخبرنا عن الصفوف اونه
قالت اسامي بنات الشعبة الاولى وتعبت الظاهر
عقب قالت تعالوا الصفوف وبنحط الاوراق على باب كل صف << زين فيج تفكير بعد <img src="http://oasis.bindubai.com/emoticons/fa50.gif" border=0>
سرنا وتميييييييييت احاوط يمكن ولا ثلاث مرات اسير وارد على الصفوف وما احصل اسمي
عقب قلت حق وحدة من المسات انا ما حصلت اسمي
قالت اعيل انتي في الشعبة الخامسة واشرت لي ع الصف وسرت
اوووووب شو هالصف
ولا وحده اعرفها
كلهم من مدرسة ثانية غير اللي كنت فيها
يلسنا واونه ويانا مس ما قالت لنا شو اسمها .. شكلها تستحي منه
يلسنا واسمع حشرة البنات بس لحوووووول شو ها
ارمس ويا منو
ملييييييييت <img src="http://oasis.bindubai.com/emoticons/fa48.gif" border=0>
عقب رزيت بفيسي عند البنات اللي وراي وتعرفت <img src="http://oasis.bindubai.com/emoticons/fa34.gif" border=0>
تمينا نسولف عن هالمدرسة اللي جنها مستشفى <img src="http://oasis.bindubai.com/emoticons/fa55.gif" border=0>
بعد والله مستشفى الرحبة احلى بوااااااااااااايد <img src="http://oasis.bindubai.com/emoticons/fa35.gif" border=0>
الساعة 10.30 وبعد طفرة من اجواء الصف
دق الجرس اونه فسحة
ايواااااا عاشووووووا فسحة فسحة واللي نايم يصحى <img src="http://oasis.bindubai.com/emoticons/fa30.gif" border=0>
طلعنا
والحين وين المقصف يوعانييييييين
نبا ناكل شي
بعد ما سألنا كم بنت من ثاني ولا ثالث ما ادري
دليناه وين .. وسرنا له انا وربيعتي
نبا عصير
عطتنا
اخ شو هالعصير .. حااااااااااااااااار <img src="http://oasis.bindubai.com/emoticons/fa56.gif" border=0>
اوهووووو ما نباه .. ردينا لهم اياه
الساحة ما فيها مظلة وشمس تحرق
اقول حق ربيعتي .. اسبوع وبنستوي خالات انا وياج <img src="http://oasis.bindubai.com/emoticons/fa46.gif" border=0>
خخخخخخخخخخخ
قالت عيل يالله نسير داخل
سرنا ممر عووووود
المهم تمشينا وتمشينا ويلسنا وتمشينا
والفسحة ما خصلت
اوف شو بلاهم جيه <img src="http://oasis.bindubai.com/emoticons/fa49.gif" border=0>
تمت الفسحة ساعة ونص تقريبا <img src="http://oasis.bindubai.com/emoticons/fa55.gif" border=0>
عقبها يات الحصة الرابعة
يلسنا شوي ويا مس الرياضيات اللي ما عرفنا لها اسمها <img src="http://oasis.bindubai.com/emoticons/suspect.gif" border=0>
وتمت تتشرط علينا وعقب يلسنا نكتب لها اسامينا وتاريخ الميلاد ويديدة ولا راسبة
خخخخخخخ وحدة من البنات اتقول هذي ناوية تسويلنا حفلات اعياد ميلاد <img src="http://oasis.bindubai.com/emoticons/inlove.gif" border=0>
شوي ويوا بنات من ثاني او ثالث ما ادري المهم كلهن big size
وعطونا هدايا اونه ترحيييييييب <img src="http://oasis.bindubai.com/emoticons/fa42.gif" border=0>
استانسنا واخيرا حد يعبرنا في هالمكان العود
خلصت الرابعة ويات عقبها الخامسة اللي قالولنا فيها
اللي تبا تسير في سيارة اتسير اتخبر الادارة
وسرت انا وخبرتهم وقلت لهم اليوم انا بسير في باص عشان ايدل وين بيتنا
ومن باجر بسير في سيارة الصبح والظهر .. قالوا اوكيك <img src="http://oasis.bindubai.com/emoticons/fa42.gif" border=0>
رديت ونص ساعة دق الجرس يالله ع البيووووووووووت
الله واخييييييييير بنفتك من هالعذاب
كانت الساعة ثنتين الا ربع
ونزلنا تحت
اوه الباب مسكر
كيف بنطلع
تمينا نتريا في الحر لين ما يوا الساعة ثنتين وربع
يعني نص ساعة ونحن واقفين ويا كتبنا اللي بنسوي بهن رياضة حمل الاثقاااااال <img src="http://oasis.bindubai.com/emoticons/fa36.gif" border=0>
وعقب فتحوا الباب انتشرناااااااا
سرنا ع الباصات اسـأل انت وين تودي
اللي يقول الشهامة اليديدة
والشهامة القديمة
والباهية
والشليلة
والرحبة المناطق الفلانية
والرحبة المناطق العلانية
المهم
يعني ما شي باص لي <img src="http://oasis.bindubai.com/emoticons/fa55.gif" border=0>
اوووووووووف
الساعة ثنتين ونص
يعني الاهل بارزين ع الغدى
اخ يعني الحين عندهم اكل <img src="http://oasis.bindubai.com/emoticons/fa43.gif" border=0>
رحت اخبر الوكيلة
باص الرحبة منطقتي ما يا <img src="http://oasis.bindubai.com/emoticons/fa43.gif" border=0>
قالت لي اتريي اهني وبسير اشوف
ويوم ردت قالت والله نحن ما عندنا منطقتج
انتي ليش ييتي هالمدرسة
قلتلها هم اهني فروني
قالت ومنو اللي فرج ؟
قلت لها : مدرستي الاولية
قالت : انزين سيري اتصلي باهلج خليهم اييونج عن نحن انفرج بعد
وسرت اتصلت واترييت
قالت انتي لازم اتسيري المدرسة الثانية
قلت لها اوكيه ييبي اوراقي
قالت لا ما يستوي لازم اهلج يشلونها
قلت لها اوكيه دامكم ما تبغوني انا ما بداوم باجر
عطيني اوراقي من الحين
قالت لا
قلت لها اوكيه امنا بسير وبرد بسيارة كيفي
قالت لااا لازم حد ايي يتعهد انه اتسيري بسيارة
قلتلها انا اتعهد
قالت لا ما يستوي لازم الاهل
قلت لها منو اللي يدرس انا ولا الاهل
قالت انتي بس انتي بنت
سكتت عنها
وشوي ويا اخوي
قالت منو انت
قالها انا اخوها
قالت له في شو ياي سيكل ولا سيارة <img src="http://oasis.bindubai.com/emoticons/rock.gif" border=0>
اخوي قالها هيهيهيهيه لا بريولي ياي .. <img src="http://oasis.bindubai.com/emoticons/fa54.gif" border=0>
ههههههههههههههههههههههه ضحكت عليهم وهي سمعته يوم يقول هيهيهيه
قالت له لا انا اسأل
قالها بسيارة
قالت له ييب اثبات
قالها اوكيه وسار وياب لها الاثبات
اوووووووووووف
تعبت انا
الساعة ثلاث وهاي يالسة تأذيني
اخييييييييه
هذا هو اول ثانوي اللي حاشرة عمري به <img src="http://oasis.bindubai.com/emoticons/down.gif" border=0>
سمحولي طولت عليكم بس بردت فوادي <img src="http://oasis.bindubai.com/emoticons/fa31.gif" border=0>
تسلم يا خطاب انت ما سويت لهم ون تو شردت بتكسي <img src="http://oasis.bindubai.com/emoticons/fa42.gif" border=0></p></font>
رد مع اقتباس
مواقع النشر (المفضلة)