<font color='#000000'>وعليكم السلام والرحمه اختيه .....
امم بنات الطب اعتقد اللي بادي دوامهن بس .. لانه بعده مافي حد فجامعة الامارات
ونحن المستجدات (بنات جامعة الامارات) اسبوع امتحانات تحديد مستوى وبس..
أحداث ها الأسبوع ..
اول ماوطت ريلي أرض السكن قلت ردوني الشمال <img src="http://oasis.bindubai.com/emoticons/glare.gif" border=0> .. كل ما كلت شي عندهم
قلت ردوني البيت .. كل ماغسلت ويهي عندهم قلت وينه ماي الشمال .. اول يوم ها كان
حنيت لاهلي وخواني .. بس اللي كان مهون عليه انه وايد بنات من اهلي سايرات
يعني هن قدامى بس سايرات عسبي <img src="http://oasis.bindubai.com/emoticons/cool.gif" border=0> قوو أنا .. هيهيهي مب بس عسبي لانه
خواتهم بعد مستجدات .. فأقلمنا عمارنا بسرعه وكنا وايد كوول..
ماشفت حد يصيح يبى يرد بس ربيعتي يوم كنا سايرين جان يرمسها اخوها
الصغير وجان اتصيح .. انا كانوا يعلقون عليه ليش ما اصيح قلتلهم مب مهم اراويكم
مشاعري .. اللي فقلبي بيتم فقلبي وما بظهره *هاذي أنا* ..
وبيني وبينكم انا كنت استضيج ويوم اتيني الضيجه امشي بروحي .. يوم يدقلي ربعي
كنت استانس تقول وحده مسافره وماحب ابين الهن اني متضايجه كله كنت اسولف واضحك
عشان يطمنن عليه..امايه وابويه يوم يرمسوني تضربني الغبنه .. وحمودي اخويه كنت كل ما
ارمس امايه اقولها عطيني برمسه *ياهل شو بيخربط* وجان ارمسه واتقوله امايه قولها احبج ..
تصدقون جان يقولها والله شوي وكنت بصيح .. لاني دومي اقوله تحبني يقولي هيه اقوله شوي ولا وايد
يقول وادد <img src="http://oasis.bindubai.com/emoticons/blush.gif" border=0><img src="http://oasis.bindubai.com/emoticons/blush.gif" border=0> حبيبي والله ..
<img src="http://oasis.bindubai.com/emoticons/oo.gif" border=0>وايد رمست ..
بس بشكل عام .. كان الاسبوع اللي خطف وايد حلو .. عالم يديد اول مره نعيش فيه ..
تعتمدين على عمرج .. اتصرفين امورج .. شخصيتج تظهر ..
والحمدلله الكل اجمع انه شخصيتي قياديه احم احم <img src="http://oasis.bindubai.com/emoticons/cool.gif" border=0>
يلا عيل مانطول عليكم ..
سلام
</font>
رد مع اقتباس
مواقع النشر (المفضلة)