غرباء في الوطن ..

[بن دبي]

<font color='#000000'>اسمحولي عالتأخير....


<p style="text-kashida: 0%"><font face="arial, helvetica" size=3><font face="arial, helvetica,verdana">طلعت اماني وثواني ومحمد وراها ويلسوا في الصاله كلهم...وفهد وياهم وبو محمد مستعد يتكلم..بس اماني ومحمد عارفين كل شي قبل ينطقون اهلهم..حاولوا قد ما يقدرون يمثلون الصدمه والاندهاش عشان ما يشكون اهلهم فيهم...ولا يتحرون صمتهم برود ولا مبالاه في مصايب العايله..

بومحمد: بقولكم على شي..بس ماريدكم تتضايقون ولا تحاولون تيضقون على انفسكم..ابيكم تعرفون شي واحد..اننا ان شاء الله نمر في ازمه وبتعدي..

ام محمد: الكلام اللي بنقوله ما نعني فيه اننا نبى نحرمكم من اللي الناس تعيشه..ولكننا نبي نساعدكم اولاً وننظم نفسنا ثانياً...

محمد: وش السالفه؟

بو محمد: اليوم صاحب البيت بو فيصل طلب ايجاره اللي ما سددناه من سنه وشهر تقريباً..

محمد يستهبل: كم طلع ايجاره؟

ام محمد: 15,000 ريال..

بو محمد: هي موب 15,000 بالضبط..هي 14,400 يا محمد..

محمد: من وين نجيب له هالمبلغ الحين؟

بو محمد: الغلطه غلطتنا..

اماني بقهر: طبعا غلطتنا..يعني مخلين الايجار سنه وشهر وما تبغونه يطلع كذا..غيرنا يغلط ونحن نتحمل اغلاطه...

تضيجت ام محمد من اماني وبو محمد هز راسه متأسف على اللي قاعد يصير..

محمد: عيب يا اماني..لو سددنا الايجار ما كنتي وفرتي لنفسك مستلزمات الدراسه..

(ويلف على ابوه) حدد لك وقت معين لدفع الايجار؟

بو محمد: يقول بيعفينا من نصفه بس ندور لنا على بيت ثاني..

محمد: نغير الحاره ليه؟ تعودنا عليها...&#33;&#33;

بومحمد: كذا ولا كذا بنغيرها...مالنا مفر من بيوت الايجار..خلنا نطلع بكرامتنا احسن..

فهد متشقق: بنروح بيت جديد...

ام محمد: خلنا نلاقي اول بعدين انبسط...&#33;&#33;

فهد: ان شاء الله نلاقي بيت اكبر من كذا..اريد غرفه لوحدي ماريد محمد معاي...

اماني: يا شينك..فقير وتتشرط..

بو محمد: احنا اغنياء بالله يا اماني..مهو بالفلوس..

اماني تتنهد بضيج..

بو محمد: لو تعرف حد من اصحابك يا محمد يعرف حد بيأجر لنا بسعر مناسب ما يتجاوز ال 1,200 ريال كلمه ما عطانا بو فيصل الله يهداه الا اسبوعين..

محمد: صدق ما تبين معادن الناس الا في الشدايد..هذا اللي قدر عليه اسبوعين؟

ام محمد: خلصونا والكل يبدا يرتب اغراضه واشياءه سبحان الله نلاقي سكن بسرعه وانتوا مو جاهزين..

اماني: ان شاء الله من بكره برتب اغراضي..

فهد: انا امي بترتب لي بعدني صغير ماعرف اسوي شي...

ام محمد تنش: انا بروح اسوي العشا...

بو محمد: وانا برجع اقفل الورشه واجيكم...

كل حد سار بجهه..ومحمد رجع غرفته.. حاول يركز تفكيره في أي شي يبعده عن همه ومصيبة اهله..بس ما قدر..كلما انجلب على جهه شاف الهم جدامه..حتى وصل به تفكيره لدرجة الشك ان الهم شي اجباري لازم يعيشونه كل يوم..

اول ما تنهد انجلب على بطنه..وابتسم..هالمره ابتسم من خاطره.." لو ادري ان هالغبيه بتخليني ابتسم من قلبي كذا كنت طريتها من زمان..."

ابتسم بدرجه اكبر وهو يتجلب على فراشه ويتذكر صوتها وطولة لسانها...ضحكتها ويتخيل بشكل عفوي شكلها..

"اماراتيه...اكيد حنطيه...طويله نسبياً..شعرها اسود وطويل.."

ضحك علىعمره بشو قاعد يفكر وتذكر كلماتها وهي تعلق عليه يوم كان يكلم مريم...

روضه: ودك بس انت اكون اختك...

محمد: الله لا يقول ان شاء الله..بدفنك وانت حيه..لو لي اخت طول لسانها كذا كان ذبحتها من سنين...

روضه: غبي والله...

محمد: بجي الامارات وبعلمك من الغبي...

روضه: الله يعين البلاد جان بتييها ...قسم بالله لوعة جبد بتصير...

محمد: ماني جاي اشحت منك..جاي اشتغل..تفهمين يا بقره..&#33;&#33;

ضحك محمد من خاطره.." روضه ..&#33;&#33; وش ذا الاسم...صدق ما عنده سالفه اللي سماها...صدق على قد عقلها..مستواها روضه...وحضانه بعد...بس عسل هالبنت..وسوالفها حلوه..يا بخت مريم اختي فيها..."

وياه الصوت من بعيد....

اماني: محمد تعال العشا جاهز....

محمد ينقطع حبل افكاره: طيب جاي خلاص...

وطلع محمد يتعشى ويا اهله..
........................

………………..


في غرفتها كانت مشغله المسجل على اخر شي..ويالسه تترقص في الحجره وبايعه الدراسه وسنينها...ولا هامنها شو يالسه تسوي...

عايشه تفتح الباب بقوه: حنّون..عمى يعمي ابليسج..

بندت حنان المسجل...

عايشه: عنلاتج مسودة الويه امتحاناتج عقب باجر وانتي يالسه تترقصين.؟

حنان: زين بسم الله ارتاح شوي...الدراسه مب اكل كتب..خالوه شفيج..والله توني هديت الكتاب...

عايشه بضيج: ما يخصني متى خلصتي مذاكرتج..استحي على ويهج...وقصري على المسجل...لو حد من الجيران سمع بيقول البيت ما فيه ريال يأدب هالحريم الخايسات..

حنان: زين سوري..خلاص بفتحه بس بصوت واطي..

عايشه: لاء انزلي تحت ويانا..يالله جدامي اشوف...

نزلت عايشه ويا حنان الصاله وكانت اروى تطالع التلفزيون..مندمجه فيه تشوف مسلسل مصري...

عايشه: مسا الورد...

اروى تحط كوب الشاي: مسا النور والسرور...(ولفت على حنان) ليش ما تدرسين؟

حنان: اووه امايه مب اكل كتب هو..خليني ارتاح شوي..

خزتها عايشه بنظره ويلست ويا اروى...

حنان: بسير اييب لي عصير...تبين خالوه؟

عايشه: هيه ابى عصير برتقال...خلي سوناتا تسويه ماباج تسوينه انتي...

حنان وهي رايحه: الله يرحم..الحين ايد البشكاره انظف عني..

عايشه ترمس اروى: امي وين؟

اروى: في الصاله الثانيه ترمس تلفون..

عايشه مستغربه: ترمس منو؟

اروى: مادريبها بس امي زعلانه على خلّوف...تقوله من يومين ودني بيت سالم وما حفل بها...

عايشه: اشفيكم حاطين عليه..ما تعرفون دوامه..اروى هالديوان مب لعبه يطلع ويدخل على كيفه..مافيه شردات شرات باقي المؤسسات..

اروى: هاي امه مفروضه يسوي اللي تباه لو على حساب نفسه..

عايشه تسند راسها على الكرسي: خلي هالتضحيات...محد في هالزمن يضحي بحياته عشان أي حد..لا تبالغين في عواطفج..

اروى تهز راسها: خاطري اعرف ليش قاسيين على امي جي...؟

عايشه: مب مسألة قسوه...احسج ترحمينها وايد..واحساسي يقول انج تسوين هالشي عشان حنّون تعاملج بنفس الطريقه يوم تكبرين...

اروى: تبين الصدق..هاه سبب بس مب رئيسي...انا هاي امي اللي باقيه لي من الدنيا...ولا تحاتين وايد..حنان ماخذه طباعج انتي وخليفه..لو تشوفين كيف تطول لسانها على امي..بس انا ما سكت لها..

عايشه تبتسم: بعدها ياهل ما تعرف شي...

اروى تشرب الشاي: امي يا عايشه..مالي غيرها...قبل ايام المرحوم كنت احس اني استغنيت عن العالم كله بوجوده بس من يوم توفى وانا خلاص احس مالي الا امي..

عايشه: ونحن؟

اروى: غاليين مالي غنى عن غلاكم بس امي تتم غير..

عايشه تعدل يلستها: يمكن من اللي مريتي فيه تحسي عمرج تعلقتي فيها اكثر..

اروى: انتي تعرفين ان سيف توفى ونحن معرسين بس من ثلاث اشهر..وبالصدفه اكتشفت اني حامل بحنان...كرهت هالبيبي قبل اشوفه...لكني عقب ما شفتها حسيت اني لازلت احتفظ بشي منه..

عايشه: الله يرحمه سيف...

اروى: هيه تعرفين يوم خذني كنت اتخيل ان ما يخصني فيكم ولا بقى شي يربطني في بيت امي الا السلام واني مع سيف بنسى العالم كله..( تبتسم بحزن) بس يوم توفى صدق عرفت ان الدنيا ما منها امان..هالانسان اللي بعدني ما رسمت حياتي عدل وياه...اختفى فجأه وخلالي هالبنت ذكرى باقيه من صورته...

عايشه: مر على هذاك اليوم 14 سنه..صدق ان العمر يمر بسرعه...كان عمرج 18 سنه وانا بعدني تسع سنين...

اروى بحزن: ما لحقت اتهنى في عرسي...&#33;&#33;&#33; تخيلي 18 سنه وارمله..&#33;&#33;

عايشه تواسيها: ما عليه الله بيعوضج بحنان ان شاء الله..

اروى: كان طايش...الله يغربل اللي اخترع السيارات...يحرمنا بثواني من اغلى اهلنا وناسنا..

عايشه: حكمة ربج يا اروى..مكتوب في كتابه يموت هاليوم..اجله يموت بسياره...

اروى: الحمدلله على كل حال...والله للحين اشم ريحة عطره في حجرتي...وفي ثيابه..

عايشه مستغربه: للحين تحتفظين بثيابه...؟

اروى: هيه والله للحين..صوره وعطره وقمصانه وبدله مال برا...كل شي عندي للحين..وانا اقدر انساه..&#33;&#33;&#33;

عايشه حست بغصه: تأخرت حنان..بسير اشوفها..

اروى: يلسي الحين بتيي..بتتعشين ويانا ولا كيف؟

عايشه: هيه بيلس وياكم...خلوف محد وين اتعشى بروحي؟

اروى: ما بتترينه..بيرد 12:00 واكيد بيعصب لو درى تعشيتي عنه...انا بتعشى ويا امي ويلسي ويانا واترييه على العشا لليل...لاني برقد من وقت..

عايشه تاخذ عنها الريموت: ان شاء الله..

ودخلت حنان يايبه العصير وياها..وحطته لخالتها وسارت تيلس عند امها...ردن يسولفن البنات..وعايشه سحبت تلفونها من مخباها ودقت على خليفه...

عايشه: هلوووو يا ريال...&#33;&#33;&#33;

خليفه: مرحبتين كبار هلا بالشيخه هلا...

عايشه: احم احم..من قدي انا...

خليفه: شحالج؟

عايشه: ملل يالله متى بترد البيت..احس بلوعه ويوع ابى اتعشى بس بترياك...

خليفه: والله ان تعشيتي عني بذبحج....ترييني مابا اتعشى بروحي...

احمد: بيي اتعشى وياك شو رايك؟

خليفه: مشكله اللي يعزمون اعمارهم..لا ماشي عشا خالتيه بتم بروحها في البيت ما يستوي..

عايشه فزت: لا قوله يي عادي بنسوي له عشا...&#33;&#33;

خليفه: انتي اسكتي محد طلب شورج...

احمد ابتسم..حس انها اصرت عليه يي: زين ما عليه خلاص اللي يي بيتك يالزطي...&#33;&#33;

خليفه: تدري اني اسولف وياك..حياك في أي وقت..

احمد: بعد شو؟&#33;&#33; بعد ما ذليتني هب ياي..مالت عليك وعلى عشاك..

عايشه: زين جي خليت الريال يعصب...

خليفه: انزين اقولج...

عايشه: شو؟

خليفه: جلبي ويهج...&#33;&#33;&#33; ورايه شغل ولا تتعشين لين ما ارد..

عايشه بملل: اوكي...باي...

بندت عايشه عن خليفه ويلست ويا اروى وحنان في الصاله...لين ما تيي امها من حجرتها..وعقب بيتعشون وهي بتتريا خليفه يرد من دوامه بتتعشى وياه..
.....................</font></font></p></font>