SadnesS+بنت دبي تحت سقف واحد

**شمعة أمل** · 29-12-04 ||, 07:35 AM

SadnesS+بنت دبي تحت سقف واحد<?xml:namespace prefix = o ns = "urn:schemas-microsoft-com:office:office" /><o:p></o:p>
<o:p> 
</o:p>
SadnesS = بنت ناس وعرب
بنت دبي = شمعة أمل

السلام عليكم ورحمة الله وبركاته<o:p></o:p>
<o:p> </o:p>
شحالكم؟ اخباركم؟<o:p></o:p>
<o:p> </o:p>
_<o:p></o:p>
<o:p> </o:p>
بقلم SadnesS<o:p></o:p>
<o:p> </o:p>
<o:p> </o:p>
الاحد 26-12-2004 <o:p></o:p>
ناشه الصبح الساعه 8 مادري شعندي بس سيده نقزت من الشبريه سيده فاتحه لاب توبي على النت اجوف وصلني ايميل من بنت دبي ولا لا شفت ايميلها و الي كاتبه فيه " بتصلج الساعه 11 و بنتفاهم " في خاطريه اقول نعم نعم نعم يعني لين الساعه 11 ما بيظهرون من بيتهم متى بيوصلون و الله مشكلتهم .. وشوي و اجوفها داشه المسنجر فجيت الراديو انتي متى بتين و شو تسوين و تزهبتي و لا لا > كان شعور غير شكل بس كنت اباها تي بـأسرع وقت احم احم .. المهم فظهرت من المسنجر اتزهب و رحت حجرتيه اجوف شكلها التعيس اللي بتدخلها بنت دبي و انا قاعده على الارض اشوف الوالده داشه تقولي متى بتي > كلحد مشتط حتى ابويه العود يقول ظهروها مشوها في البلاد > بنت دبي واسطتج عوده .. و تمر الساعه و بديت ادق لها انتي وين جان تقول توني ظاهره من دبي عند العوير الساعه كم كانت كانت 12!! و كل نص ساعه اتصل لين ماقالت انا عبرت النفق و ستانست اتصل للدريول و اقول لمايه ربيعتيه وصلت البلاد و خذت خواتي ركبنا الموتر و داقين على 120 ما توقعت يعني هم بيتحركون لانه متفقين انه هم يوقفون على اول دوار و بيبهم من هناك اثر الناس مروحين عنا الصراحه شفت لكزس سودا بس تحريت موتر لكزس بيظا و نحن مرتزعين حذال الدوار واقفين و هم مروحين عنا تتصل بنت دبي  و تقول .. <o:p></o:p>
 <o:p></o:p>
بنت دبي: نحن مب جنا طفنا عنكم<o:p></o:p>
سادنس : انا اقول بعد جيه شو لون موتركم<o:p></o:p>
بنت دبي : سودا<o:p></o:p>
سادنس: قولي جيه شفتها هيه يالله الحينه بنلحقكم .. <o:p></o:p>
 <o:p></o:p>
و المفروض العكس هم يتبعوني بس ما عليه و ندق سلف على 120 و شوي 140 و هم ماشي مروحين جان احرج و اتصل<o:p></o:p>
 <o:p></o:p>
سادنس: اقولج وقفو عند اقرب مكان ما يصير جيه بتظيعون > اخوفهم عشان يوقفون<o:p></o:p>
بنت دبي: نحن طفنا من بنك راس الخيمه و جدامنا حديقه <o:p></o:p>
سادنس: وقفو عند الحديقه !! و انا بيكم<o:p></o:p>
بنت دبي : خان وقف عند منيه > ترمس دريولها<o:p></o:p>
 <o:p></o:p>
و نحن واصلين صوبهم عطيناهم اشاره ما انتبهو بعدين هرن و يالله يالله تفتجوا و فهمو السالفه و لا توصلني مسج  من بنت دبي " لا تسوقون بسرعه" و جان اقولها ان شاء الله و ما سقنا بسرعه بس على 80 و جنه سلحفاه الموتر ما يتحرك يالله بعفوك و رحمتك شوي شوي شوي شوي الحمدلله مشغلين شريط ولا خست انا في الموتر و صلنا مطعم طبعاً كنت عازمتنهم فظيحه ياين و لا نوديهم مكان وقفنا نزلت و بعده نزلو هم و دخلنا المطعم  I was leading the group > اونه .. <o:p></o:p>
فصعدنا صوب الغرف في المطعم اول ما دخلت قلت طاوله محجوزه بسم سادنس فقالو هيه و دخلنا  فقعدت وحده اسمها * بنت دبي * حذالي ناويه على شر مب انا هي ما ادري شبلاها جيه كانت نظارتها تخادع > جني اشلخ شوي بس ما عليه المهم فقعدنا من بعدها طلبنا الاوردر و كان غداي عصير فراوله باليسكريم و شوربه و بنت دبي رافعه حاجبها تقولي ما عليه ماعليه قلتلكم من البدايه هي ناويه على شر .. و ام بنت دبي تطالعني خاطرها ترمس تقولي شي بس شافت الوضع يعني مب شوي يسمح بعد ما بدينا بالرمسه بدت تحقيق هممم انا كنت زيغانه في البدايه لكن عقب عادي و شوي بدت ام بنت دبي اطيح فبنتها بعد ما عرفت اني انا عندي هوايات متعدده و اسوي اشيا فقعدت تقول <o:p></o:p>
 <o:p></o:p>
أم بنت دبي : شوفي ربيعتج صيري مثلها ... شوفي شو تسوي سوي جيه > حتى الغريب يمدحون فيني <o:p></o:p>
بنت دبي : شو ها مايصير انا ماحب > اعذار × اعذار <o:p></o:p>
سادنس: بغيت اهدي الوضع > لا على حسب الواحد و شو يسوي و شغله و الخ الخ<o:p></o:p>
بنت دبي : صح هيه<o:p></o:p>
 <o:p></o:p>
و بعدها يابو الاكل و قعدت اجلب في الشوربه اوني آكل كلت بس يعني مب كنت مشتهيه آكل فالمهم شوي و لا اسمع بنت دبي .. <o:p></o:p>
 <o:p></o:p>
بنت دبي : سادنس كلي <o:p></o:p>
سادنس: هاه شو <o:p></o:p>
بنت دبي : امايه شوفيها ماطاعت تاكل > فظحتينا <o:p></o:p>
سادنس: ماحب آكل .. <o:p></o:p>
 <o:p></o:p>
و بعدها كلت شوي غصبن عنيه كلحد يطالعني آكل و لا لا  فمافيني يعني و قعدنا لين ما خلصنا الحمدلله أكل بنت دبي مهددتني على آخر زمانها انه هم بيدفعون الغدا قلتلها ظحكي في ويهي ان رمتو لكن انا ما ذكرتها ظهرت عنهم دفعت و دخلت فيوم يابو لنا الفاتوره ام بنت دبي تقول للعامل يعطيها هي جان ابتسم و افتح و ماشي غير الباقي من الدفع جان تقولي بنت دبي حركااااات رديت عليها قلتلج من قبل هههه شو تحرى خليت اونه بخشيش و ظهرنا من بعدها لين بيتنا و نزلت بنت دبي و امها و اختها في البيت و قعدت شوي و بعدها روحت ام بنت دبي + و اختها فتمت بنت دبي .. <o:p></o:p>
 <o:p></o:p>
دخلتها حجرتي جان تفج عينها من متى عدلتي حجرتج > احم احم اونه عاد .. معدله الحجره بس مؤقت عشانها هي يايه تمينا تقريباً ساعه و من بعدها ظهرنا على البحر و القرم .. <o:p></o:p>
<o:p> </o:p>
<o:p> </o:p>
<o:p> </o:p>
<o:p> </o:p>
<o:p> </o:p>
<o:p></o:p>
<o:p> </o:p>
بقلم بنت دبي<o:p></o:p>
<o:p> </o:p>
تاريخ 26/12 يوم لا ينسى للعلم اتوقع في هاليوم كملت سنه وأنا اعرفهـــا D:<o:p></o:p>
<o:p> </o:p>
يوم السبت تعبت عمري بالقو عشان اغصب نفسي ارقد لانه لو كنت عادي مابرقد ف راسي عورني وايد والحمدالله رقدت .. نشيت اليوم الثاني الساعه 8 اتجهز واتسبح واتكشخ .. كلنا ركبنا السياره متوجهين لبيت ربيعة اختي بعدين الفجيره .. عاد انا فاريني في الدبه مال لبست عباتي لين وصلت هناك<o:p></o:p>
انا +امي+اختي سرنا .. اونه بنتلاقى بعد النفق ونلحق وراهم بس صار العكس نحن سبقناهم وطوفناااهم خخخخخ<< تحيدين يوم اتصلت وقلتلج مب جنه نحن تونا طوفناكم؟؟ جان تقولين شووو ليكون انتو اللكزس السودا!! عبالي لكزسستكم بيضاا<o:p></o:p>
وقفنا ووصلو عندنا بعدين لحقناهم وسرنا نتغدى في مطعم المشوار مطعم لبناني .. طلعت من السياره"طماطه" سلمت عليهم دشينا داخل ويلسنا<o:p></o:p>
انا وسادنس وخواتها في صوب وامي واختي في صوب .. اميييي شو سوت تحقيق!! ماخلت سؤال ماسألته<صح سادنس؟ .. مثلا شو بتسون وين بتروحون تدرسين في اي مدرسه كم عمرج كم اخت عندج شو تعرفين شو ماتعرفين ..الخ ماااخلت شي .. ويوم على التليفون اقول لسادنس امي بطيح عليج بتحقيقات واسئله مالها نهايه ماصدقت!<o:p></o:p>
<o:p> </o:p>
شي اتوقع لاحظتوه انه سادنس زييييين لو تاكل وجبه عدله في اليوم موول ماتاكل شي هيكل وعالغدا بس عصير! اونه طالبه شوربه ولا شربته جان اققول لأمي شوفيييييي سادنس مادقت شي ولا تي اختي العوده وليش ماتاكلين ولا ناخذ صحن ونترسه اكل ونغصبها تاكل ههههه لو شفتو ويهها احس في خاطرها تقول "ماعليه بنت دبي دواج عندي الليله خخخخخ"<o:p></o:p>
<o:p> </o:p>
بعدين سرنا بيتهم يلسنا في حجرتها انا وهي وعقب يلست اطالع الدريشه واقوللها بيستوي ظلام مب جنج وعدتيني بتوديني البحر؟؟ ولا نركب السياره كلنا ونسير البحر .. وأخليكم مع الصور..<o:p></o:p>
<o:p> </o:p>
<o:p> </o:p>

آخـــر الــمــواضــيــع

الموضوع: SadnesS+بنت دبي تحت سقف واحد

أدوات الموضوع

عرض

مشاهدة المواضيع

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة