<font color='#000000'><font color=#cc66cc>مرحباااا اختي الكريمه نوير - ربي يحفظج و ايوفقج - الله ايسلمج اعتبريني انا الشخص المنصوح الي انفعل من نصيحتج وخلينا انقول اني هديت و هدت اعصابي و راجعت نفسي (( بو خنفش الصراحه مالك حق البنت يايه تنصح و اتسوي الواجب عليها )) و اسمعي وجهة نظري من هالناحيه (( جانب الشخص المنصوح - و ان شاء الله الكل يستفيد منها و اولهم انا )) و انتبهوا ان كلامي عام لكل نصيحه (( بتقولون ما اتقول حق عمرك ان شاء الله بقول بس اسمعوا انزين ))</font>
<font color=#cc0000>اول شيء</font> :- لازم اتكونين متحصنه بالادله الشرعيه (( و لو عندج شي من الادله العقليه احسنين )) و الادلة تحتاج قراءة أقوال العلماء الموثوقين المتأخرين منهم و المتقدمين
<font color=#cc0000>ثاني شيء</font> :- تأثيرج على المنصوح - إذا كنتي صاحبة تأثير على الشخص المنصوح يكون أفضل - مثلا ربيعتج الي اتحب تمشي وياج او الي دايما اتشاورج
<font color=#cc0000>ثالث شي</font> :- حالة المنصوح النفسيه - لازم اتراعين حالته و حالتج بعد يمكن انتي مرتبكه و الي يسمعج ايحسج امعصبه لان عينج محمره و ايدج ترتجف&nbsp;
<font color=#cc0000>رابع شي</font> :- <font color=#cc9900>الوقت&nbsp;المناسب</font> - يعني لو تبغين اتقدمين نصيحه حاولي اتشوفين الوقت المناسب - مثلا الي بيقتل عمره&nbsp; الحين و انتي تقرين هالسطور الوقت المناسب لمنع هالخطر هو الحين (( لازم تنتبهين للفقرات الي طافت - حالته النفسيه - مب ايكون هو متردد بس نفسيته زفته اتقومين انتي اتزيدينه خخخخخخخخخخ ))
<font color=#cc9900>المكان المناسب</font> :- الغالبيه تفضل النصح على انفراد - مب اتسيرين لأخوج الدوام عشان اتقولين له اباك في كلمة راس انت ليش ما صليت الفجر <font color=#cc0000>خامس شيء</font> :- مراعاة مسألة<font color=#cc9900> التدرج</font> في الإنكار و بحسب سلطتج على الآخر - السلطه اهنه غير عن التأثير - يعني مسجل انتي مشترتنه بفلوسج على البراد اتحطين عليه استكر هذا المسجل لسماع القران فقط (( خليهم ايقولون اوووووه حتى مسجلها مطوع هيهيهيهيهي ))
المهم ان الانكار يكون ب<font color=#cc9900>اليد</font> بالمنع مب بالضرابه (( يعني انت اتشوف اخوك الصغير ايدخن مب تصفعه على حلجه لا اتقوله فر الصلب بحكم انك الاكبر سنا ما تضربه لان مالك سلطة الاب عليه ما تاخذ الصلب و اتجسه في ويهه - ولا تاخذ اتمز لك مزه هيهيهيهيهي
و الانكار<font color=#cc9900>&nbsp;باللسان</font> هو النصح اكيد و من اللسان الكتابه و الاشاره المفهوم منها الانكار - اختج الصغيره اتقول بحط شريط فيه اغاني انتي بس تتطاعلينها بطرف عينج و رافعه حاجب الاستنكار تفهم هي انج رافضه (( تلبسج عادي انتي انكرتي لو مسجلج اذا حطت الشريط قولي لها لا اذا مسجل اخوج قولي لها المهم اني ما اسمع انا اذا اختج العوده اطلعي من الحجره اذا قالت وين سايره قولي لين ما اتخلص الاغنيه وبرجع&nbsp; - يعني عدة طرق في البدايه لازم اتحسسينهم انج اتغيرتي او انج متضايجه من هالشي الغلط - لا اتخلين طريقة تعاملج وياهم تتغير بسبب مواقفهم معاج - لازم تعذرينهم - لان مثل ما انتي تنظرين لهم على اساس انهم مقصرين فهم لهم نظره لج لازم يتعودون عليها - الانكار <font color=#cc9900>بالقلب</font> اظنج عارفتنه <font color=#cc0000>سادس شي</font> :- ايدي عورتني و انا اكتب يمكن نسيت بعض الاشياء برجع اذا كان الموضوع يحتاج و السموحه منج نويروووه</font>