<font color='#F660AB'>اكتفيت من حبٍ مزيف .. عذبني .. اهاني .. و جرح احاسيسي ..
اكتفيت من حبٍ كذاب.. تراوالي مثل الشهد بس طعمه كان علقم ..
و ااه من العلقم ..
ابا حبٍ حقيقي .. طبعا ما بييني و انا يلسه عالكرسي .. يقولي تفضلي ..
انا حبٍ حقيقي حسي بي ..
دورت عليه و من غبائي كان عندي و بين ادييه و ما شفته .. لاني ما التفت له ..
اهملته ..
تعرفون حبايبي وين لقيته,,, انا بقولكم ..
لقيته في اميه الحنون .. و ابتسامتها العذبه و دعواتها الطيبه و اسألتها الي ما تخلص ..
( كليتي .. رقدتي.. درستي .. صليتي ) و حبها الي مثل نبع ما ينظب ( احبج يا اميه )
لقيته في ابويه الغالي .. و تلبيته لطلباتي الي دوم احسه يعتبرها اوامر .. كنت قبل لا اطلب
اي شي .. اييبلي اياه .... و يوم يزقرني ما يزقرني باسمي لا لا .. يقول ( عمري ييبيلي ماي لو سمحتي )
( عمري .. حبي.. حياتي ) فديت روحك يالغالي ..
لقيته في اخويه .. و سؤاله لي دوم ( حد زعلج حد غلط عليج اليوم قوليلي شوفي شو بسوي فيه انتي اشري )
غيرته الي مالها حدود الي تحرقه ،، وايد يغار عليه ,, (يعلي ما خلا منك )
لقيته في اليهال في كلمة احبج يا ويلي تطلع منهم مثل العسل .. الي تبا تمشط شعريو الي يباني اشوف
دراجته اليديده و الي و الي ... الله يخليهم لي ..
لقيته في بنات و عيال عمومتيه .. يوم نتيمع كل ويك اند في بيت يديه .. ( نحتل الديوانيه اول ما نوصل ) و نيلس
نسولف و نحل مشاكل بعض و لو حد زعلان من الثاني نراضيهم ( مالنا غير بعض ) نحتفل بأعياد كل واحد فينا ..
الله يدوم المحبه و يخلينا لبعض ..
لقيته في صديقتيه .. فديت روحها كل يوم لازم نكلم بعض و في اليوم اكثر من مرة .. قلبها علي و انا اكثر ..
ما اتخيل يمر يوم من غيرها ...
لقيته في كل الي حوالي في كل اهلي و احباب قلبي ..
لقييته فيكم اعضاء واحات بن دبي الي يقرون مواضيعي و الي يرودون علي و في دعواتكم و الي سوالي توقيعي ..
شكرا لكم كلكم .. عساني ما انحرم منكم ..
انا ما ابالغ في اي كلمه قلتها .. اكيد غيري وايد عايشين في هالحب الحقيقي يمكن حسوا به و يمكن لا ..
هاي فضفضتيه اليوم ... سمحولي طولت عليكم ..
ختكم ملك <img src="http://oasis.bindubai.com/emoticons/inlove.gif" border="0" valign="absmiddle" alt=':ilo:'></font>
رد مع اقتباس
مواقع النشر (المفضلة)