استبيان بخصوص التجنيس

[الحساس]

<font color='#810541'><FONT color=#810541>انا بقول رايي... لا اوافق فقط


بقولكم شي

من بعد سنه 1996 او 1997 يعني بالضبط بعد كاس اسيا ماشفنا متخب الامارات الي يسر قلبنا...
فاصبح بعد هذه السنه يتذبذب مستواه للاسوا

فكان لابد من استبدال المدربين&#33;&#33; وقد رات اعينكم ... كم وكم من المدربين شفنا مع المنتخب..
تدخلت الحكومه وحلت مجلس اداره النتخب عدة مرات واستبدلته بمواطنين اصحاب خبره في الكرة.. الي ان وصل اتحاد الكرة ماهو عليه برئاسه يوسف السركال الان..
لم تبخل الحكومه بمد الاموال في سبيل رقي منتخبنا... وياكثر المعسكرات والدورات الي لعبها المنتخب ويا ويا ويا..
انا الحين تكلمت عن كل شي بس بقى شي واحد .. الي هو اللاعبين
هل انتوا راضين عن مستوا اللاعبين؟؟؟ كم مرة اللاعب يخطئ بالملعب؟؟ هل البنيه الجسمانيه للاعبين المنتخب في المستوى المطلوب؟؟
وين الغلط؟؟ منتخبنا الاماراتي في تدهور بس اكيد شي سبب رايسي لكل هذا..
انا برايي السبب هو اللاعبين
اللاعب الاماراتي يدخل المنتخب من اجل المال.. بنيته الجسمانيه تحت الصفر.. يعني يوم بيدزه لاعب يطيح بسرعه&#33;&#33; لا يلتزم بخطه الندرب اي كان ( والدليل اي مدرب يدرب الامارات تشوف منتخب الامارات يفشل ويوم نفس المدرب يسير ويدرب منتخب ثاني ينجح فريقه&#33;&#33;)
اذا اللاعب ماهر في الكره هذا الي لازم ندخله بالنتخب...
برايي احس جيل .. هو جيل الطلياني وخاد اسماعيل&#33;&#33;
لاعبين منتخبنا الحالين ولا واحد يصلح يكون في المنتخب الا شخص اعترف ان عنده مهارة عنده مهاره عنده مهاره (رددتها 3 مرات) الي هو اسماعيل مطر... انا الباجي مايعرفون يلعبون
انا ابا افتخر بالمنتخب شرات مايفتخ البرازليين بمنتخبهم وشرات مايفتخر الانجليز بمنتخبهم.. ليش نحن اقل عنهم؟؟؟ليش مانسوي شرات ماهم يسون؟؟
لازم نحل المشكله من اساسها..
يعني انييب لاعب اماراتي ذو بنيه قويه ( لاتقولون ماشي &#33;) يعني فرضا شرات عيال سعد مال الشباب.. بعدين ندربهم تدريب صحيح .. يستمر ها التدريب لسنين هب شهور &#33;&#33; بعدين بيكون عندنا منتخب نروم نفتخر فيه جدام العالم كله
انا ماابا اكون اقل من الاوروبين انا هب طماع .. بس ها من حقي اني افتحر بمنتخب يرفع اسم بلادي ويرفع راسنا.... ابا منتخب يوازي المنتخبات الاوروبيه وهب اقل عن جذا... الوسائل موجوده&#33;&#33; اذا السالفه سالفه الجو..

عادي ياخذون لعيبه المنتخب للخارج ويدربونهم كم شهر واييبونهم البلاد..
صدقوني... لو شو يسون بفلوس او &nbsp;بتغير مدرب او تغير لاعب بالمنتخب... منتخبنا جي.. فاشل..

والله لو مايلعبون ارحم شو الفايده انه ينزل الراس ونصير مهزله وكبش فدا للمنتخبات الثانيه ... مانبي الشهر الي تنبني على اساس الفشل&#33;&#33;
استحي من ربعي الخليجين يوم يقولون غلبناكم&#33;&#33; شو تبوني ارد عليهم؟؟ نحن غلبناكم قبل سنه 96 ؟؟ ولا تبوني اقول لالا منتخبنا المباراة اليايه بيغلكم&#33;&#33;&#33; ههههههههه شي مستحيل .. المنتخب بيبقى فاشل&#33;&#33;
من كم سنه قالوا لالا نحن متفائلين&#33;&#33;&nbsp; المنتخب في البطوله الفلانيه بيبيض الويه .. والله ثم والله ثم والله كل بطوله اسوء عن الي قبلها.. طاعوا كاس الخليج&#33;&#33; منتخبنا قبل الاخير.. والحمدالله دشت اليمن جان كنا الاخير&#33;&#33; وبعدين قالوا لا بندرب المنتخب لكاس اسيا &#33;&#33;&#33; هههههههههه واول منتخب رسميا ايل يظهر من كاس اسيا .. منتخب الامارات&#33;&#33;
نحن يالسين نستهبل على اعمارنا؟؟؟ ولا نتغيشم.؟؟ ولا شو&#33;&#33;&#33; يوم نقول نحن متفائلين&#33;&#33;
يضحكوني معلقينا في مباريات منتخب الامارات يقولون .. يارب التوفيق &#33;&#33;&#33; طيف التوفيق اذا المنتخب هب مأهل&#33;&#33;
الله يقول (( اسعى يا عبد وانا اسعى معاك) منتخبنى مايسعى .. تدريباتهم ماتنفع&#33;&#33; لان التشكيله اصلا غلط&#33;&#33;&#33;

قبل كاس السيا فازت الامارات على طلاب كليه التقنيه الصينيه ههههههههه ضحكت لين ماقلت بس&#33;&#33; طلاب تقنيه اونه لا والصحف المحليه مستانسه ومتشققين ومتقائلين اونه بالمنتخب بعد ها الفوز&#33;&#33;

فكرت وفكرت وفكرت.. وقررت اعرض على مسؤولي المنتخب انهم يلعبون مع فريق بشاكير فريجنا &#33;&#33;
في احد بالدنيا يترك فرق كرة القدم ويروح يلعب ويا فريق طلاب&#33;&#33; بالله عليكم هذا الحين تدر يب؟؟
والله قاصين على اعمارهم &#33;&#33;
هايل الي بالمنتخب مستانسين والله كل يوم في بلد&#33;&#33; والسبب اما تدريب او المشاركه في البطوله .. يعني كشته بالاصح&#33;&#33; شكلهم يتعمدون يخسرون في المباريات عسب يودونهم تدريبات في مختلف دول العالم&#33;&#33; صج اذكيه والله&#33;&#33;
ادري هذربت وايد .. وعندي الي اكثر عن جي..
بس بكل بسطاه..
انا شايل يديه من ها المنتخب .. مابتفائل فيه الا يوم يغيرون اللعيبه&#33;&#33; ويدربونهم تدريبات مكثفه تستمر لسنين&#33;&#33;

السموحه منكم

امارتي.. بس هب خلف منتخب الامارات لكرة القدم&nbsp; الفاشل الي مسود الويه <IMG src="http://oasis.bindubai.com/emoticons/devil.gif" border=0>&nbsp;_ ماعليه ها احمر لو شي اسود جان حطيته)</FONT></font>