<font color='#000080'>السلام عليكم &nbsp;...

صدقوني كنت متوقع إني بحصل لوووم وردود على كلامي ... &nbsp; &nbsp; بس ما عليه ...
أخوي &nbsp;- شبح : أول شي &nbsp;بقول لك &nbsp; انه بالعكس .. كلامي ما يخلي الكومبيوتر يعلق ولا شي .. &nbsp;انا ما قلت غير الصراحه .. &nbsp; &nbsp;

أنا قلت انه اللاعب صلاح عباس لاعب خشن من خلال متابعتي لمعظم مباريات النصر في الدوري .. ومن خلال متابعتي المستمره لهذا اللاعب ..
أول شي &nbsp;.. بسألك سؤال .. منو تسبب في إصابة جورج ويا في الدوري .. ومنو تسبب في إصابة كريمي ..
ثاني شي .. لو كنت متابع مباراة النصر اللي ويا الوحده في الدوري .. ( المباراه اللي إنطرد فيها اللاعب صلاح .. والمباراه اللي صاحبتها أحداث مب زينه )
لو كنت متابع من أول المباراه .. بتشوف انه صلاح عباس صدق داش المباراه عسب يضارب .. &nbsp;يعني كان في كل إشتراك مع لاعب &nbsp;لازم يسوي فاول &nbsp;ويدخل على اللاعب بطريقه غير شرعية ..

صدقني .. أنا كنت أتابع المباراه وكان ربيعي يتابع وياي &nbsp;.. وربيعي نصراوي قح &nbsp; .. يعني &nbsp;نصراوي حتى النخاع &nbsp;مثل ما يقولون .. بس &nbsp;يوم شاف &nbsp;اللعب اللي يلعبه &nbsp;صلاح عباس &nbsp;.. قال هذا المفروض ينطرد من أول خمس دقايق في المباراه .. &nbsp; &nbsp; &nbsp;.. &nbsp; &nbsp;بعد تبا مبرر &nbsp;ل كلامي &nbsp; أكثر من جيه &nbsp;..؟؟؟

عالعموووم &nbsp; &nbsp;اتمنى انك ما تاخذ بخاطرك على كلامي .. بس بما أنه الموضوع عنوانه (بصراحه) &nbsp; ف لازم نقول رأينا &nbsp;و وجهة نظرنا بكل صراحه .. وبدون مجاملات .. &nbsp;
ومثل ما قال أخونا المرهف (( الإختلاف في الرأي لا يفسد للود قضية))

أختي .. صدى الحرمان .. مب شرط كلامي يدش عقلج &nbsp;.. لأن لكل شخص رأيه و وجهة نظره .. &nbsp; &nbsp; &nbsp; &nbsp; ويمكن رأيج يختلف عن رأيي .. <img src="http://oasis.bindubai.com/emoticons/smile.gif" border="0" valign="absmiddle" alt=':)'>

والسمــــــــــــــــــــ ـــــــــــــــــوحه &nbsp;..


تحياتي للجميع ...
أخوكم .. جمال الكــون</font>