وهــل للحــــب آمـــــال؟؟

**المزيوونه** · 26-07-04 ||, 01:30 AM

السلام عليكم ........
اخواني وخواتي .. المزيوونه غابت عنكم وايد .. وغابت عن الساحة الادبيه كذلك .. اشتقت لكتابة القصص واشتقت لردوودكم وايد ..
مانسيت اي شخص كان متابعني لكن الظاهر انكم انتوا ناسينا...
ع العموم .. انا اليوم يايتنكم بقصه وايد حلوه .. من ابداع ربيعتي  .. كانت عضوه اهنه ونك نيمهاه(اسومه).. بخليكم ويا القصه
ولا تحرموونا من رايكم .....

<?xml:namespace prefix = o ns = "urn:schemas-microsoft-com:office:office" /><o:p><o:p> </o:p>
وهل للحب آمال !!!<o:p></o:p>
<o:p> </o:p>
--------------------------<o:p></o:p>
عائله سلطان بن مطر ..<o:p></o:p>
--------------------------<o:p></o:p>
<o:p> </o:p>
بومحمد(سلطان): ريال في بدايه الخمسينات من عمره .. متقاعد ويشتغل في اعمال حره ..<o:p></o:p>
ام محمد(عوشه): ربه بيت .. وحرمه طيبه ولو انها عصبيه شوي وشده<o:p></o:p>
محمد: البجر وعمره 28 يشتغل نقيب في الشرطه طيييب وايد .. متزوج بنت خالته روضه اللي عمرها 25 .. وعندهم سلطان 4 سنين و فطامي سنتين..<o:p></o:p>
راشد: عمره 23 يدرس في كليه الاتصالات للهندسه .. جامد وهادي وايد<o:p></o:p>
الغاليه: البنت الوحيده والدلوعه بين اخوانها وعمرها 17 وثانويه عامه<o:p></o:p>
عبدالله: آخر العنقود وعمره 14 ..<o:p></o:p>
<o:p> </o:p>
-------------------------<o:p></o:p>
عائله سيف بن مطر ..<o:p></o:p>
--------------------------<o:p></o:p>
<o:p> </o:p>
بوعمر(سيف): اصغر من اخوه  عمره 43.. ويشتغل في ابوظبي ,, رغم انه طيب ويا عياله .. لكن غيابه عنهم طول الاسبوع خلاهم شوي يخافون منه او بالاحرى يحترمونه بزياده.. لانهم مايشوفونه الا نهايه الاسبوع .. يوم ينزل.<o:p></o:p>
ام عمر(ميثا): عمرها 39 سنه .. حنونه وايد وحبها لعيالها حب غريب ..<o:p></o:p>
شما: الكبيره وعمرها 18 وتدرس سنه اولى في الكليه.. نسخه من امها ,,<o:p></o:p>
عمر: كبر الغاليه بنت عمه ومرضوع وياها .. سوالف وحيوي وايد ..<o:p></o:p>
مريم: 11 سنه .. مايد: 5 سنين .. هند: 3 سنين ..<o:p></o:p>
<o:p> </o:p>
سلطان عايش ويااخوه  في نفس الحوي مافي بين بيوتهم  يدران .. يعني مفتوحه على بعض .. ثلاث بيوت في حوي واحد .. بيت محمد وابوه وبيت عمه ..<o:p></o:p>
<o:p> </o:p><o:p> </o:p><o:p> </o:p><o:p> </o:p>
(الجزء الاول)<o:p></o:p>
</o:p>
<o:p> </o:p>
<o:p> </o:p>
تم تسجيل دخول : (أخت القمر)<o:p></o:p>
<o:p> </o:p>
(الغزال الشمالي) .. ياهلا ما مال غصن ٍ في دلال .. و انتشى يرقص على لحن الخلود ..او عدد مارنحه ريح الشمال .. او عدد ما يطرب العشاق عود.. هلا بالغاليه بنت سلطان<o:p></o:p>
(غلويه).. هلا والله .. وين طالعه الشمس اليوم ..؟؟<o:p></o:p>
(الغزال الشمالي) .. من ورا بيتنا .. كعكعكعكعكع<o:p></o:p>
(غلويه) .. بايخه .. هههههه . اقولج عليوه منو النيومنيز اللي طلعوا أمس؟؟  ما لحقت أشوفه رقدت ..<o:p></o:p>
(الغزال الشمالي) .. أمين .. ياسر .. يوسف<o:p></o:p>
(غلويه) .. اويه .. وحليله يوسف.. المهم أنا بسير أتلبس .. مافيه أتأخر <o:p></o:p>
(الغزال الشمالي) .. وأنتي ثرج لين الحين ماتلبستي ؟؟<o:p></o:p>
(غلويه) .. لا بعدني يالله بسير قبل ماتحتشر عليه روضه اختج ..<o:p></o:p>
(الغزال الشمالي) .. يالله اوكيشن .. اشوفج عقب ..<o:p></o:p>
(غلويه)  .. يالله باي<o:p></o:p>
(الغزال الشمالي) .. باي ..<o:p></o:p>
<o:p> </o:p>
الغاليه وعليا بنات خاله<o:p></o:p>
عليا عمرها16 ثاني ثانوي أدبي وهي الوحيدة اللي تامة عند أمها من عقب ما أطلقت من أبوها اللي كان متزوج وحده ثانيه ومن عقب ما عرست روضه وسافر خالد اخوها كندا وكان عمره 20 سنه..<o:p></o:p>
<o:p> </o:p>
وتسير الغاليه عشان تبدل ثيابها وعقب 10 دقايق تسمع دق على الباب ..<o:p></o:p>
الغاليه : منو ؟<o:p></o:p>
شما : أنا<o:p></o:p>
الغاليه : منو أنتي ؟<o:p></o:p>
شما : عمتج  
الغاليه وهي تفتح الباب: هههههه هلا والله حياج <o:p></o:p>
شما: غلويه اخرتينا يالله شو تلبسين هالكثر ورانا درب .. توه امي متصله اتقول الشارع وايد زحمه . متى بنوصل بعد !!..<o:p></o:p>
الغاليه : انزين من الصبح عاطيه الشغاله العباه تكويها <o:p></o:p>
في هالوقت دخلت الشغاله شاله العباه<o:p></o:p>
الغاليه : اكيييه يابتها بلبس وبنزل سبقيني انتي ..<o:p></o:p>
شما : اوكيشن<o:p></o:p>
<o:p> </o:p>
<o:p> </o:p>
شما نزلت تحت تتريا الغاليه .. وكانت روضه زوجة محمد وعبدالله اخوه يالسين في الصاله .. <o:p></o:p>
روضه: ها شما .. غاليه وين؟ بعدها ؟<o:p></o:p>
شما : لا لا احين بتنزل .. اتعرفين الغاليه دومها تلعب في الوقت الظايع ..<o:p></o:p>
عبدالله: ليش مباراه هيه عشان تلعب في الوقت الظايع ؟؟..<o:p></o:p>
شما : هههههه .. بايخه ما اتظحك ..<o:p></o:p>
<o:p> </o:p>
الغاليه نزلت وهي معتفسه ويا الوقايه : السلام عليكم<o:p></o:p>
روضه : اهلين وعليكم السلام.. يالله توكلنا .. اخوج فالسياره وعيفنا من الهرنات..<o:p></o:p>
الغاليه: ههههههههه فديت روحه يالله انزين ..<o:p></o:p>
<o:p> </o:p>
ركبت الغاليه وروضه وشما مع محمد في سيارته .. سايرين صوب القريه العالميه اللي سبقوهم اهلهم إلها .. ومروا على عليا اخت روضه وخذوها وياهم وطبعا مدام اتيمعت الشله (شما وغاليه وعلياء) الله يعين اللي بيكون وياهم لانهم طول الدرب ما بيسكتن ..<o:p></o:p>
<o:p> </o:p>
بعد ماوصلوا القريه العالميه اتفرقت الجماعه .. الأهالي ساروا يتمشون بين القرى و البنات سارن صوب الالعاب وكان الجو وايد حلو ومغيم ..<o:p></o:p>
<o:p> </o:p>
<o:p> </o:p>
البنات كانن وايد مستانسات و خصوصا الغاليه اللي كانت ابتسامتها ما تفارق محياها واللي تخليها مثل البيبي الصغيره..  طولها المتوسط وجسمها النعومي وبياضها الملفت وعيونها السود وشعرها القصير الكستنائي كله يبينها انها اصغر وايد عن سنها ..<o:p></o:p>
<o:p> </o:p>
تمن يمشن البنات مع بعض وهن يسولفن عليا وشما اصرن انهن يلعبن لعبه شوية تخوف ولكن غاليه مابغت لانها تزيغ وركبن البنات وخلنها واقفه بروحها تترياهن وهيه مفوله منهن كيف يخلنها.. كانت اشكالهن اتضحك من الخاطر وهن فاللعبه بس غاليه منقهره واونها ماتبى تضحكلهن .. من اولها نقعن فيها خيانه.. وبينما هيه واقفه حست بحد خبطها على جتفها من ورا عقدت حياتها وهيه متوتره ويوم لفت.. شافت شاب طول بعرض توه يتلفت عشان يشوف هو شو لطم وقابض التيلفون فايده ويرمس.. هو لما انتبه لغاليه اللي كانت اطالعه وهيه معقده الحيات رد بويهه على ورا مستغرب بلاها هاذي جيه محرجه بسم الله ..<o:p></o:p>
الريال: السموحه اختي ماشفتج<o:p></o:p>
غاليه لفت عنه بسرعه وهيه تشوف البنات فاللعبه وودها بس تنقز عندهن وتيلس حذالهن.. لانها بدت تخاف ..<o:p></o:p>
 (غبيه لو ركبت وياهن اخير بدل ما اتعرض لهاي المواقف ... اف يعله مب جسم عليه روحلي جتفي...)<o:p></o:p>
اما الريال يوم شاف شكل غاليه جيه رفع بحياته وهو مستغرب ..<o:p></o:p>
(عافانا الله انزين قولي مسموح شدراني انج موقفه ماشفتج من ها القصر)..<o:p></o:p>
 وكمل حمد طريجه وهو يرمس ربيعه يبى يعرف وين مكانه بالضبط......تلاقى ويا ربيعه وبدى يتجول وياه عند الالعاب ..<o:p></o:p>
سالم: ياريااال مالك شوفه ولا شي .. شو ها الرباعه بالله عليك<o:p></o:p>
حمد: ههههههههههه عاد اونه يتشره علي الحينه .. انتوا مول ماتون صوبنا شو نسويبكم تحيد اني بديت اداوم وين بالله القالي وقت اتفضى فيه وايي لين دبي؟؟<o:p></o:p>
سالم: انزين انته تعلثلنا الا .. انشالله نحن اول مايبدى مهرجان عوافي بتلقانا معسكرين عندكم لا والوالده بعد تبى اتي صوبكم عشان اتسلم على امك ..<o:p></o:p>
حمد: ههههههههههههه حياااها الله ام سااالم ..<o:p></o:p>
سالم: بس ام سالم<o:p></o:p>
حمد وهو يشوفه بطرف عينه: هيه بس ام سالم تبى اتي عندنا ولا انته الا تبى المهرجان .. مالت عليك<o:p></o:p>
سالم: ههههههههههه ويا راسك .. خلاص على ها الخشم سالم وام سالم اول مايطبون راس الخيمه على طول فبيتكم .. زين<o:p></o:p>
حمد: هيه توك .. حياكم الله والله ..<o:p></o:p>
وفتجوالهم انتبه حمد للبنت اللي شافها وهيه معصبه وياها بنتين عند كابينة الفيش.. ربيعه كان يرمسه ويسولف وياه ولكن حمد عيونه صوبهن .. اول مره يحس عمره يطالع شخص بكل ها الفضول ... شافها وهيه معصبه كان شكلها غييير والحينه مجابلتنه وهيه تضحك .. عذاااب ضحكتها والله .. اول مره يحس بعمره انه يبى بس يوقف ويتأمل ها اللوحه الفنيه .. غاليه مانتبهت لوجوده جدامها بسبب الزحمه .. كملت سوالف ويا البنات وكملن تجوالهن .. حمد بلاارادي كان يسحب وياها ربيعه سالم ويحاطون وراهن .. لين ما ..<o:p></o:p>
شما: اقولكن شوفن .. شوفن هاذيل من متى يلاحقونا ..<o:p></o:p>
الغاليه: منوووووووووو<o:p></o:p>
عليا: انا بعد حسيت بملاحق حد ورانا<o:p></o:p>
الغاليه لفت بويها صوبهم بسبب فضولها لانها ابدن ماداني ها الحركات اتصير شما كانت زايغه وعليا: غاليوه العنز لاتلفين صوبهم .. يعلج بيتحرونا نسويلهم حركات<o:p></o:p>
اول مالفت غاليه صوبهم وشافت حمد لفت على طول وهيه واصله حدها..<o:p></o:p>
(ها ملايمني ع جتفي وبعد له عين يلاحقني وياراسه انشالله ..)<o:p></o:p>

**المزيوونه** · 26-07-04 ||, 01:36 AM

<?xml:namespace prefix = o ns = "urn:schemas-microsoft-com:office:office" /><o:p> </o:p>
شما: يعلهم لو مب حلوين جان والله اني سبيتهم<o:p></o:p>
عليا: اسمعوا انتو ..<o:p></o:p>
الغاليه: اقولكن .. امشن بسرعه وتوهنهم ..<o:p></o:p>
ومشن البنات واختفن عن انظار حمد وربيعه اللي تم يلاطم يدورهن وين .. مب فباله أي شي ..فباله يسوي أي حركه بس وده يشوفها اكثر وتركز صورتها فباله .. شافها هيه هاي البنت بطلة اشعاره .. حمد بطبعه يحب الشعر ويعد القصيد ماكانت فباله أي بنت لكن اليوم غاليه خلته يحس بانها هيه اللي انكتب الشعر عشانها .. دايما الشاعر مايفكر بعقله على طول يفكر بقلبه .. مب انه مثل مايقولون حب من اول نظره بس هو فضول من قبله كيف يت ها البنت اللي هو راسمنها من مخيلته وستوت حقيقيه .. كييييف ؟؟..<o:p></o:p>
وبعد جهد جهيييد من حمد قدر انه يحصل البنات او بالأحرى بطلة أشعاره عند وحده من الالعاب ..تموا واقفين يطالعون .. ويطنزون على اللي راكبين وسالم ولا معاه خبر عن اللي فبال حمد لاني يدريبه ريال مب راعي حركات يعني عمره24 وعقله مب من عقل ها المراهقين عشان يسوي حركاتهم .. خلاص خلص دووره ولكن سالم عينه شويه زاايغه ويحب يبصبص بس عشان حمد وياه ابدن مافكر بغلط فسلوكه عشان مايقبضها عليه ويتم يعايره ويطنز ويعيفه عوووفه بالمغازل مثل ماسواله المره اللي قبل...<o:p></o:p>
البنات يوم نزلن من اللعبه وقفن شوي يرتبن من عمارهن ويعدلن تحجيبتهن كانت غاليه معلقه شنطتها فطرف حديده لين ما تعدل وقايتها .. وانتبهن البنات لوجود الشباب .. مسويلهن برنامج ورااك ورااك .. غاليه شوي كانت وبتسير صوبهم تكفخهم .. نفخت بكل ضجر وسحبت البنات وروحن .. وفدربها اتهيست مكان الشنطه عسب تاخذ التيلفون وتتصل باخوها محمد بس مالقتها حست بقفطه كبييييييره<o:p></o:p>
حمد انتبه لشنطة غاليه المعلقه من كثر ماكان مصوب عيونه علي غاليه وحفظ كل شي فيها..شلها وياه وربيعه يطالعه باستغراب شو يبى بالشنطه .. غاليه ردت طلوق صوب اللعبه ويوم شافت حمد قابض الشنطه حاست بوزها .. <o:p></o:p>
(اووهو ها نوع يديد بعد من المغازل......!!!)<o:p></o:p>
<o:p> </o:p>
<H1 style="MARGIN: 0cm 0cm 0pt; TEXT-ALIGN: center" align=center>سارت الغاليه صوب حمد وقفت وويها محمر <o:p></o:p></H1>
الغاليه من دون نفس : لوسمحت هذي شنطتي .<o:p></o:p>
حمد : ادري<o:p></o:p>
الغاليه رافعه حاجب: انزين ممكن تعطيني اياها ؟؟<o:p></o:p>
حمد يبتسم : وشو بتعطيني !!<o:p></o:p>
غاليه .. معصبه وعلامات التعجب على ويها من جرأة حمد ..<o:p></o:p>
حمد: لو واحد ثاني كان بيسرقها وإلا بياخذ شي منها  .. اما انا ماخذت شي منها .. يالله انتي شو بتعطيني ؟؟<o:p></o:p>
الغاليه خلاص عصبت ومب قادره تتحمل: لو .......<o:p></o:p>
حمد قطع كلامها قبل ماتكمل : خلاص مابا شي بس ابتسمي لانه شكلج مب حلو وانتي معصبه .<o:p></o:p>
غاليه نشعت الشنطه من حمد وسارت صوب البنات اللي كانن يشوفونها وهي يايه معصبه<o:p></o:p>
شما : ها شو قالج ؟<o:p></o:p>
الغاليه : شموه فكيني مب متفيجتلج والله<o:p></o:p>
علياء : غلويه شوفيج ؟<o:p></o:p>
الغاليه : قليل الادب .. الواطي اللي مايستحي على ويهه ..اف قهر وين يبى هو ؟؟ كيف يتجرأ اصلا..؟؟<o:p></o:p>
علياء : خيبه خيبه .. ليش هذا كله ..<o:p></o:p>
شما : انزين هدي اعصابج انتي احين .. خلينا انسير ناخذلنا ماي ..<o:p></o:p>
سكتت الغاليه وهي تنافخ وسارن البنات صوب كافتيريا عشان يشترن ماي<o:p></o:p>
<o:p> </o:p>
<o:p> </o:p>
اما حمد وسالم .. واقفين مكانهم .. سالم يطالع حمد اللي عينه ع مكان غاليه ويسويله حركه عشان يرده لارض الواقع<o:p></o:p>
سالم: بسم الله ها بو الشباب .. ويين ويين؟؟<o:p></o:p>
حمد: هاا .. وين بعد.. تراني هنه<o:p></o:p>
سالم: خطفووا عقلك هااا ههههههههههههههه<o:p></o:p>
حمد: هههههههه مالت  عليك .. ماعندي سالفه عشان يخطفون عقلي ..<o:p></o:p>
سالم: بس شو ها الحركه اول مره اشوفك جيه تسوي .. غريبه مب عوايدك ولا عاديناك<o:p></o:p>
حمد: هههههههه تخسون الا انتوا .. بس البنت ماشالله حلوه ذكرتني بوحده من قصايدي ونسيت عمري وقمت اغلس عليها<o:p></o:p>
سالم: عااانك الله بعووونته جنك الا كل ماتشوف بنت بتقول ذكرتني بقصيدي<o:p></o:p>
حمد: ههههههههههه لا اول مره تستوي ها الحاله .. طوف طوف ياريال خلنا نطلع من هنه بعدي لين القى الاهل بعد<o:p></o:p>
سالم يطالعه بنظره كلها وناسه: يحيك ... زين عيل خلنا نطلع انا بروح بالمره وانته سر عند اهلك...<o:p></o:p>
<o:p> </o:p>
<o:p> </o:p>
البنات ردن يمشن لين البوابه لانه محمد اتصلبهن وقاللهن انهم بيروحون .. تمن  البنات ايسولفن وغاليه خبرتهن شو اللي دار بينها وبين حمد وقت ماخذت الشنطه منه...ووصلوا لين البوابه وتيمعت العايله وكلهم ساروا صوب السيايير عشان ايردون راس الخيمه..<o:p></o:p>
<o:p> </o:p>
اما حمد التقى بأمه واخته حصه اللي كان يايبنهن القريه وكان حمد البيت على راسه من عقب ماتوفى ابوه وماعنده اخوان ولاخوات الا حصه ..<o:p></o:p>
حمد : ها الوالده ماشبعتي ؟<o:p></o:p>
ام حمد: اسكت يابني .. تعبانه اوي ..<o:p></o:p>
حصه : يالله يوم درتيبي القرى كلها واقولج اميه بسنا تعبنا وتقوليلي لأه أنا ماتعبتش ..<o:p></o:p>
ام حمد عاقده حياتها: اولي ماشا الله<o:p></o:p>
حمد وحصه يظحكون على امهم .. امهم مصرية الجنسيه ماخذنها ابوهم وهيه صغيره فالعمر وتوفى وخلى عندها حمد وحصه ربتهم واحسنت فتربيتهم .. الغريبه انها على قد ها السنين اللي عاشتهن فالامارات الا انها متمسكه بلهجتها لو كانت ترمس شوية باللهجه الاماراتيه الا ان اغلب رمستها مصريه وماكانت ابدن تتأثر ب تطنيز الحريم عليها بالعكس كانت واايد طيبه وكله سوالف صدق يعني نموذج كانت للشعب المصري المشهور بخفة دمه .. حمد وحصه واايد يحبونها وماجد حسوا بمجرد ألم من فكرة انه امهم مب مواطنه لانها كانت معاملتها الهم احسن عن امية ام مواطنه ..<o:p></o:p>
وساروا بعدين صوب السياره عشان يردون هم بعد راس الخيمه . وحمد مب عارف انه بطلة اشعاره هيه بعد من دياره .. لكنه بمجرد اختفائها عن عينه خلاص نسى سالفتها وماقام يذكرها وايد مجرد صورتها اللي انطبعت فباله...<o:p></o:p>
<o:p> </o:p>
ردن البنات البيت منهد حيلهن .. وشما روحت بيتهم .. اما عليا سارت تبات عند الغاليه وامها رقدت فحجرة الضيوف.<o:p></o:p>
علياء اول ماوصلت سيده سارت صوب الكمبيوتر وشغلت النت .. اما الغاليه خذتلها دش وطاحت على السرير ...<o:p></o:p>
الغاليه : عليوه فجي شوي عن النت عنبوج ماتملين ..!!<o:p></o:p>
علياء : لا ما امل هههههه<o:p></o:p>
الغاليه : بس بنديه تعالي بنسولف قبل ما ارقد ..<o:p></o:p>
علياء : انزين صبري يالسه اكلم ربيعتي فطوم ..<o:p></o:p>
الغاليه طايحه على السرير تلعب بشعرها وتفكر في حمد رغم انها منقهره منه .. الحين بس حست بقفطة الموقف وقت ما لطم حمد جتفها من غير قصد .. حست بشي مثل القشعريره يسري فيها كيف ريال يلمسها لا وغريب <o:p></o:p>
اوكي ماشاف بس بعد !!!!<o:p></o:p>
الغاليه : عليوه .. تتوقعين ليش هذاك الريال تم يلاحقنا ها الكثر....؟؟؟<o:p></o:p>
علياء : هاذيل الذئاب البشريه كل شي يطلع منهم ههههههههه<o:p></o:p>
الغاليه: صدقج والله .. اسوود مب الا ذئااب<o:p></o:p>
عليا: لا ذئاب عشان المكر فعيوونهم مثل الذيابه<o:p></o:p>
الغاليه: ههههههههههه هيه والله صدقتي<o:p></o:p>
<o:p> </o:p>
بندت عليا الكمبيوتر وسارت طاحت حذال الغاليه واول ماحطن راسهن رقدن من التعب اللي فيييييهن.<o:p></o:p>
<o:p> </o:p>
<o:p> </o:p>
اليوم الثاني الصبح في بيت سيف بن مطر ..........<o:p></o:p>
<o:p> </o:p>
... نزلت شما من حجرتها واول مادشت الصااله .. جلبت ويها لمنظر اخواانها..حد منجلب يشوف التلفزيون وحد يصيح وحد يركض يدش ويطلع..<o:p></o:p>
شما : اصبحنا واصبح الملك لله .. من الصبح صياح شو هالحاله ؟وشو بلاه ميوود يراكض؟<o:p></o:p>
مريم: زين يوم نشيتي .. تعالي الله يخليج شوفي ميود عظ هنوده ..<o:p></o:p>
شما : وامي وينها ؟<o:p></o:p>
مريم : ما ادري وينها<o:p></o:p>
شما: والشغاله ؟<o:p></o:p>
مريم ترفع جتفها : ما ادري .<o:p></o:p>
شما : هنوده تعالي .. ما نباه مايد بنخبر عليه بابا<o:p></o:p>
وخذت شما اختها وسارت المطبخ ادور الشغاله .. ومريم تمت منبطحه وامبطله عيونها على ستار اكاديمي وميود من شاف شما شرد خاف انها تضربه ..<o:p></o:p>
وهذا الحـــال ويــا الاخــوان.....<o:p></o:p>
<o:p> </o:p>
<o:p> </o:p>
<o:p> </o:p>
في بيت حمد بن خلفان ..........................<o:p></o:p>
<o:p> </o:p>
ام حمد يالسه فالصاله تتطالع التلفزيون ويا بنتها حصه اللي كانت قابضه كتابها العربي وتجلب فيه وهيه لايعه جبدها.. خلاص الحينه بدا العد التنازلي للثانويه ..<o:p></o:p>
<o:p> </o:p>
ام حمد : حصه يالله يابنتي . سيري صحي اخوكي للصلاه .. مافيش وقت .<o:p></o:p>
حصه : اميه ولدج واايد يرقد والله<o:p></o:p>
ام حمد: اخسى عليكي .. اخوج تعبان من امبارح .. يلا سيري نششيه<o:p></o:p>
حصه: هههههههههه نششيه عاد .. انشالله اميه بوعيه ..<o:p></o:p>
<o:p> </o:p>
سارت حصه صوب حجره حمد ودقت عليه الباب ..<o:p></o:p>
حمد من عقب كمن تجليبه وهو يحط المخده فوق راسه عشان مايسمع الدق وعقب ما تضجر : افف منووو .. الباب مفتووح<o:p></o:p>
حصه: ماشاء الله اخويه وعيييت؟!<o:p></o:p>
حمد وهو مغمض عين وفاتح الثانيه: شو تبين فكيني ...<o:p></o:p>
حصه : بسم الله بلاك<o:p></o:p>
حمد : الله بلاني بأخت مزعجه..  شوها من الصبح مشغله التلفزيون وحاشره البقعه .. يبالج ضرب انتي  ..<o:p></o:p>
حصه ابتسمت : ياخوي انا حالي من حالك ناشه على حشره التلفزيون .. هاي امك اتشوف الحج متولي .<o:p></o:p>
حمد حااول يكتم ضحكته لكنه بانت عليه ابتساامه عذبه ..<o:p></o:p>
حمد: هذا الف مره شايفتنه ماشبعت منه امج هههههه . يالله اطلعي انزين بدش اتسبح ..<o:p></o:p>
حصه: اوكي الغالي .. نتريااك..<o:p></o:p>
<o:p> </o:p>
وعق حمد اللحاف ودش يتسبح .. وعقب تكشخ حق الصلاه وتعطر واتزكرت وطلع وشاف امه واخته فالصاله ..<o:p></o:p>
حمد:السلام عليكم ..<o:p></o:p>
ام حمد: وعليكم السلام .. هلا بوشهاب تعالا<o:p></o:p>
حمد يلس حذال امه : ها امايه.. يقولون رديتي تطالعين متولي .. ههههههه كم مره بالله عليج شايفه ها التمثيليه؟؟!<o:p></o:p>
ام حمد: يابني انا بعد ما اطبخ . ازهئ من الاعده بروحي وانتوا نايمين شو اسوي حمد: حليلج جانج كل يوم تطلعين وبعدج زهأنه .. حصووه وين المدخن ..؟؟<o:p></o:p>
حصه: هاذوه من متى مسوتنه لك اترياك تطلع ..<o:p></o:p>
ام حمد: جبتي العود ..<o:p></o:p>
حصه: ايوا يا ماما .. ههههههه تعالا يا حمد يلا ..هههههههه<o:p></o:p>
ام حمد: خودي يا بنت بتتريأي على امك ..<o:p></o:p>
حصه: فدييتش يا الغليه كله ولا ام حمد هههههههه<o:p></o:p>
ام حمد: بص بص يا بني اختك عماله تتطنز<o:p></o:p>
حمد: هههههههههه لازم بعد بتتطنز وانتي حايستلها لسانج اميه حاولي ترمسين مثلنا شو ها قابضتنلنا ها الرمسه<o:p></o:p>
ام حمد: شو اسوي يعني انا .. احاول بس ماعرف وايد.. ياخي كفايه عليه دول الكلمتين<o:p></o:p>
حمد: الله يعيييين ...( وهو يطالع حصه) يلاا اييه تعالي دخنيني بسيير..<o:p></o:p>
حصه: انزيين .. نستنا امك يبووك ..<o:p></o:p>
<o:p> </o:p>
يلست حصه ع الارض تنفخ فالمدخن وهيه تحط العوده .. ووقف حمد مجابلنها وهيه ادخن الكندووره ..<o:p></o:p>
حمد: اقول لاتريوني ع الغدى ريال عازمني تراه<o:p></o:p>
ام حمد: مين ولده ؟<o:p></o:p>
حمد: ولد ابوه بعد شو مين ولده .. والله انج يا امايه حاله .. يلا بس حصوه ..<o:p></o:p>
وهو ياي بيروح حب امه ع راسها ..<o:p></o:p>
حمد: تبين شي ماماتي<o:p></o:p>
حصه: هييييه هيه انا ابا اورنمين سي ..<o:p></o:p>
حمد : انتي منو رمسج ؟؟..<o:p></o:p>
ام حمد: ابى سلامتك فديتك ..<o:p></o:p>
حمد: ياويلي انا .. يلا مع السلامه ..<o:p></o:p>
ام حمد: في حفظ الله ..<o:p></o:p>
اما حصه الفقيره برطمت وحليلها وتمت تتطالع اخوها لين ما روح .. بس تفاجأت به وهو عند الباب يزقرها..<o:p></o:p>
حمد: حصووه بييبلج كرتون مب الا غرشه .. هههههه لاتبرطمين وادرسي زيين<o:p></o:p>
حصه وهيه تبتسم: انزيييييين ..<o:p></o:p>
ورووح حمد صوب المسيد .....<o:p></o:p>
<o:p> </o:p>
<o:p> </o:p>
الظهر العايله كلها متيمعه في بيت سلطان بن مطر ..<o:p></o:p>
الريايل في الميلس و الحريم في الصاله إلا الغاليه وعليا..<o:p></o:p>
شما وامها وابوها كانوا في بيت عمها سلطان . لانهم متعودين يتغدون كل جمعه اهناك .. شما اول ماوصلت لاحظت غياب الغاليه و علياء . وسارت فوق وبطلت باب غرفه الغاليه <o:p></o:p>
شما : ويعلكن ,, شوها الرقاد هالكثر ؟ نشن الطحالب اتكودت عليكن .<o:p></o:p>
الغاليه (وهيه تفرك عيونها) : صباح الخير<o:p></o:p>
شما : صباح الليل . الساعه 1 الظهر والعايله الكريمه متيمعه تحت<o:p></o:p>
الغاليه وهي تفر اللحاف وتربع صوب الحمام :خيبه .. دقايق وبخلص<o:p></o:p>
شما وعت علياء ويلست اتسولف وياها لين تخلص الغاليه ومن عقب نشت علياء وكلهن اتلبسن ونزلن ..<o:p></o:p>
<o:p> </o:p>
دخلت الغاليه الميلس على ابوها وعمها ويدتها ام سلطان .. <o:p></o:p>
الغاليه : السلام عليكم<o:p></o:p>
الجميع : وعليكم السلام<o:p></o:p>
سارت الغاليه صوب ابوها وباسته على راسه وسلمت على عمها ويدتها<o:p></o:p>
ام سلطان: هالكثر رقاد .. لاصلاه ولا عباده جنكن يهووود .. اعوذ بالله<o:p></o:p>
بومحمد: حليلها بنتي يمكن تعبانه<o:p></o:p>
ام سلطان : لا ادلعها محد مكبر راسها غيرك<o:p></o:p>
بومحمد: شو اسوي ماعندي بنت غيرها لازم بدلعها .. انا يوم سميتها .. سميتها الغاليه عشان يزقرونها الغاليه بنت سلطان<o:p></o:p>
بوعمر: تستاهل غلويه تستاهل <o:p></o:p>
ابتسمت الغاليه بدلع وطلعت عنهم سايره الصاله صوب الحريم وسلمت على خالتها ومرت اخوها وامها و مرت عمها ويلست<o:p></o:p>
<o:p> </o:p>
ام عمر: شما اتصلي اطالعي مريم وينها مايت لين اللحين وشوفي عمربعد وينه ؟<o:p></o:p>
ام محمد: بلاج ياختي متعبه عمرج وياهم .. يعني مايعرفون انه الغدى في بيتنا اليوم .. بيون انشا الله<o:p></o:p>
شما: عموه لاتعبين عمرج ويا امي .. بتمرض لو ماتحاتي .هههههه<o:p></o:p>
ام عمر : بتيبن عيال وبتقولين ماتنلام امي<o:p></o:p>
روضه : هيه والله .. انا ماحسيت بامي إلا لين يبت عيال وشفت<o:p></o:p>
ام محمد : الغاليه سيري شوفي الشغالات خليهن ايحطن الغدى وسيري ازقري عبدالله من فوق<o:p></o:p>
علياء : انا بسير بزقر عبدالله<o:p></o:p>
الغاليه: زين اتسوين لاني عيزانه ..<o:p></o:p>
علياء وهب تظرب الغاليه على جتفها: الكبر شين هههههه ..<o:p></o:p>
<o:p> </o:p>
سارت علياء فوق وشافت عبدالله يالس في الصاله ويجلب في كتبه ..<o:p></o:p>
علياء : ياويلي على الاجبشن ..هههههه<o:p></o:p>
عبدالله : أي اجبشن الله يهداج ماتشوفيني اجلب الكتب .. ما ادري شو عليه اصلا<o:p></o:p>
علياء : هيه توك .. احين انته عبود اللي اعرفه .. هههههههه<o:p></o:p>
عبدالله: ههههه ويا راسج .. طالع عليج تراني<o:p></o:p>
علياء: ههههه  يالله انزين تعال الغدى<o:p></o:p>
عبدالله: اوكي<o:p></o:p>
<o:p> </o:p>
و حطوا الغدى واتغدن الحريم .. البنات عقب الغدى شغلن التلفزيون وحطن على ستار اكاديمي ..<o:p></o:p>
ام محمد: ها حطنه هالطفاس ..<o:p></o:p>
ام خالد: انا ما ادري شو يعيبهن في هذا<o:p></o:p>
ام سلطان تشوف ومبطله عينها :.. اندوج لاوي عليها .. منو هذا اخوها ؟؟<o:p></o:p>
الغاليه : لا امايه هذا ربيعها<o:p></o:p>
ام سلطان: يالله بالستر .. اشوه ربيعها بعد .. حسيبهم الله ها العنجريز . المنكر مايي إلا من عندهم ..<o:p></o:p>
ام عمر : انا ماشوف أي فايده من وراه .. مريوم مجابلتنهم 24 ساعه<o:p></o:p>
شما: مب لازم نستفيد المهم شي يظحكنا<o:p></o:p>
ام محمد: شوفولكم شي ثقافي شي تستفيدون منه بدال هالطفاس ..<o:p></o:p>
الغاليه: انزين خلونا نشوفه احين وعقب بنحل هالقضيه ..<o:p></o:p>
ام خالد: ها ولاعليهن .. عليوه هناك بعد حاشرتنا بهم .. يعلهم انشالله نفاد ها الكثر عاد مصاخه.<o:p></o:p>
ام محمد: لمنو بتقولين ياختيه ..<o:p></o:p>
الغاليه بنظره خبيثه : امييه يقولون صداام شرد من المعتقل ..<o:p></o:p>
ام سلطان: منو قال ... وييه يا حافظ ماسمعنا فالاخبار<o:p></o:p>
الغاليه تمت تضحك ولفت على البنات وكملن متابع وهن يضحكن على النقله اللي سوتها غاليه فالموضوع وفكت البنات من حشرت الامهات.. والامهات التهن بخبر الغاليه الجاذب ونسن سالفة ستار اكاديمي وبدن يرمسن فالسياسه و شالات الدنيا على روسهن ..<o:p></o:p>
وعقب صلاه العصر كل حد رد بيته .. عليا رجعت البيت ويا امها وشما بعد سارت البيت لأنه عندها بروجكت .. والغاليه سارت غرفتها تحاول ترااجع وتاخذلها لفه على اللي خذته الاسبوع اللي فات.. وهيه يالسه تحل مسائل دخل عليها راشد اخوها..<o:p></o:p>
راشد: هاه يالسه بروحج وين شما عنج؟<o:p></o:p>
الغاليه بابتسامه خبيثه: هييه بروحي.. وبعدين اش معنى سألت عن شما ليش ماقلت علياء ؟؟؟ (وتشوفه وتغمزله )<o:p></o:p>
راشد: لاني انا موصل عليا وخالوه بيتهم<o:p></o:p>
الغاليه : هيييييييييييييييييه اتحريت بعد<o:p></o:p>
راشد: ههههههه ويا هالراس لا تتحرين .. يالله انا ساير الكليه الحين .. تامرينا بشي<o:p></o:p>
الغاليه: لا تسلم الغالي<o:p></o:p>
راشد: غاليه اباج تشدين حيلج وتيبين نسبه حلوه وحزتها اللي تبينه بييبلج اياه<o:p></o:p>
الغاليه : زين عشان اكتب من اللحين اللي اباه<o:p></o:p>
راشد وهو يظربه ظربه خفيفه على راسها: يعني واثقه انج بتيبين نسبه يالغبيه .. ههههههه<o:p></o:p>
الغاليه : انشا الله بييب<o:p></o:p>
راشد: انشا الله .. يالله وداعة الله<o:p></o:p>
الغاليه: الله يحفظك<o:p></o:p>
<o:p> </o:p>
وطلع راشد عن الغاليه  ونزل تحت سلم على امه وسار صوب كليته ...<o:p></o:p>
وعقب ماخلصت الغاليه مراجعه .. نزلت واتصلت بشما<o:p></o:p>
الغاليه : الوو<o:p></o:p>
عمر: الووووووووووووووووووووووو ووووووووووووووووووووووووو ووو<o:p></o:p>
الغاليه: وصمخ .. طريت أذني .. وين تبى انته ؟؟ بلاك تصارخ جنك متصل القاهره<o:p></o:p>
عمر: ههههههههه حلوه حلللللللللللللللللللللللل وه .. بس لاتعيدينها مره ثانيه ... ههههههههه<o:p></o:p>
الغاليه: هههههههههه .. انزين شو أخبارك ؟ وشو الدراسه؟<o:p></o:p>
عمر: اخباري يحطونها الساعه 10 ...<o:p></o:p>
الغاليه: هههههه .. سخيف ,, شموه وين ؟؟؟<o:p></o:p>
عمر: شموه هناك تصارخ .. من الصبح تطبع ويوم سارت اتصلي يا ميود ومسح اللي كتبته كله ..<o:p></o:p>
الغاليه: ههههههه .. حرام اول مره تغمظني ,, انا بييها احين ..<o:p></o:p>
عمر: انزين قولي حق عبود يطلعلي برع<o:p></o:p>
الغاليه: ليش وين بتسيرون؟<o:p></o:p>
عمر: بنسير البولنغ<o:p></o:p>
الغاليه: اوكيشن<o:p></o:p>
عمر: شووووو؟؟<o:p></o:p>
الغاليه: هههههه لا ماشي اقصد اوكي<o:p></o:p>
عمر: اوكي يالله باي<o:p></o:p>
الغاليه: باي<o:p></o:p>
<o:p> </o:p>
سارت الغاليه ويا عبدالله أخوها صوب بيت عمها .. وطلع عبدالله ويا عمر و الغاليه دخلت بيت عمها .. وصعدت صوب حجرة شما .. ودقت الباب<o:p></o:p>
شما: قلتلكم مابا أشوف حد<o:p></o:p>
الغاليه: هذي أنا الغاليه<o:p></o:p>
سارت شما بطلت الباب وسيده عطت الغاليه ظهرها وسارت صوب الكمبيوتر<o:p></o:p>
الغاليه وهي تيلس على السرير: شموه بلاج ؟<o:p></o:p>
شما : محد يعرف يدرس في هالبيت ..(وبدت عاد الغبنه)<o:p></o:p>
الغاليه: عمور خبرني .. ماعليه شموه تعرفين ميووود انتي شيطان ..<o:p></o:p>
شما: كله من امي اللي مدلعتنه <o:p></o:p>
الغاليه: ما عليه هدي اعصابج .. وأنا يايه بطبعلج اللي تبينه وكملي شغلج أنتي ..<o:p></o:p>
شما ابتسمت : ماتقصرين ..<o:p></o:p>
ويلست الغاليه تطبع و شما تكتب شي ثاني .. ويسولفن ..<o:p></o:p>
الغاليه: شمووه اليوم راشد سألني عنج<o:p></o:p>
شما وقلبها يدق : شو قالج ؟<o:p></o:p>
الغاليه : ماشي بس قالي وين شما عنج .. كان يايني قبل ما يسير الكلية ..أكيد كان يتحراج عندي .. وإلا اخويه ماظاري يعبرني قبل ما يسير .. ههههه .. المهم قالي إذا يبت نسبه بييبلي اللي اباه ..<o:p></o:p>
شما: دومه بوسنيده ما يقصر ..<o:p></o:p>
الغاليه وهي تغمز حق شما : معلوم<o:p></o:p>
شما: اييه غلوي لايروح فكرج منيه مناك<o:p></o:p>
الغاليه: اصلن راح وخلاص<o:p></o:p>
شما: هممم مشكلتج عااد<o:p></o:p>
الغاليه: جب انتي مب علينا ها الرمسه ..<o:p></o:p>
شما: ههههههههه يابنت الناس اخوج مارمس يوم بيرمس هاذيج الساعه علقي وسوي هييصه وزمبلييطه<o:p></o:p>
الغاليه: هههههههههههه حلوه هاي .. انزين ماعليه مرده بيرمس وبيقول ..<o:p></o:p>
(شما..  يويل حالي متى عاد هو ها اليوم اللي بيرمس فيه .. عيزت وانا عايشه فها الحلم .. المشكله ما يعطيني ويه شو ها الحاله .. امم حليله انا بعد ما اقصر فيه وايد اتجنب السوالف ويااه .. بس مب مني والله اني استحي منه ..انزين هو يمكن بعد يستحي  مني .. يا سلام انا استحي لاني احبه.... معقووووووله بعد هووووو!!!!!!)<o:p></o:p>
الغاليه: شموووه بلاج انطبيتي .. سرحانه فالحبيب؟؟<o:p></o:p>
شما: ها .. شو<o:p></o:p>
الغاليه: هههههههههه  الله يكون بالعوون<o:p></o:p>
شما: غلوي بس بس عاد .. كملي طبااعه يالله وسكريلي ها الحلج ..<o:p></o:p>
الغاليه بابتسامه عريضه: وياويهج .. صدق اني مبتلشه باخو كبش وبنت عم عنز<o:p></o:p>
شما اطالع غاليه بنظرة حاده وغاليه تيود ضحكتها وتكمل طباعه ومب مسويه لتحريجة شما سالفه...<o:p></o:p>
غاليه دايما حاطه دوبها بدوب ها الاثنينه تنقهر منهم .. كاشفه مشاعرهم..يحبون بعض بالدس.. بدون محد يدري ولا حتى هم يدرون..راشد يعصب على غاليه يوم تنقزه بها الرمسات وشموه كذلك..وغاليه الا ماتيب روسهم ها الاثنينه .. المشكله يعرقل خططها جموود اخوها الفضيع وهدوء وبلادة شمااا..<o:p></o:p>
<o:p> </o:p>
وبعد شوي الا وميود طاب عليهن الحجره وفتح الباب بكل دفااشه.... شما يوم شافته عصبت ...<o:p></o:p>
شما: أنا مب قايتلك مابا أشوفك<o:p></o:p>
مايد: أنا ماباج بس بابا يباكم<o:p></o:p>
شما: اطلع انزين<o:p></o:p>
طبعا مايد مستحيل يطلع ومايسوي شي .. طلع ورظ الباب بقووو وراه<o:p></o:p>
شما: ويعلك .. ما ايتووووب<o:p></o:p>
<o:p> </o:p>
<o:p> </o:p>
ونزلن البنات وسلموا على بوعمر  قبل ما يسير بوظبي ,, وهن رادات فوق<o:p></o:p>
يسولفن ..<o:p></o:p>
الغاليه : شما عمي ليش ما يتقاعد ويفك عمره من سيرة بوظبي .؟؟<o:p></o:p>
شما : أبويه أيحب الشغل وإذا تقاعد عادي يتخبل ..<o:p></o:p>
الغاليه: اكو أبويه تقاعد وعنده أعمال حره .. اريحله<o:p></o:p>
شما: مادريبه والله ..<o:p></o:p>
الغاليه: انزين نسيت اقولج ترا محمد وحرمته لقفوني في الدرب .. وقالولي ازقرج وانسيرلهم نشوف حفله البرايم وياهم وعقب بنوصلج..   محمد يقول مزهب حق السهره . ههههه...<o:p></o:p>
شما: هههههههه اسميه بوسلطان.. ماشالله عليه واايد فنان اخوج لو حد غير وشافونا نشوف البرايم اسميهم بياكلونا بس محمد .ياخذ الامور ببساطه ووايد طيوب<o:p></o:p>
الغاليه: طالع عليه هههههههههه ماينلام<o:p></o:p>
شما: طالعو انتو .. انتي اذا بتكونين طالعه عليه بس انا اشك فها الشي<o:p></o:p>
الغاليه تبرطم: تشكيين فطيبتيه<o:p></o:p>
شما: ههههههههه هيه ماأأمن مكرج انا<o:p></o:p>
الغاليه بمغايظ : انزين انتي .. اللي بيقولج اخبار رشوود<o:p></o:p>
شما اطالعها بطرف عين: جيه ثرني انا اقولج هاتيلي اخباره انتي بروحج كل يوم ناقزتلي تقوليلي عنه ..<o:p></o:p>
الغاليه: ودج انتي يوم اقولج عن اخويه ..<o:p></o:p>
شما: ههههههههههه انزين ماعليه.. اقولج هاكيه اميه سيري قوليلها اني بسهر عندكم جاان تبوني يعني..<o:p></o:p>
الغاليه: عقب رمستج هاي وتبين تسهرين عندنا .. لا شو ادورين<o:p></o:p>
شما: ويا ويهج برايه لاتقولين انا بروحي بقولها .. السهره ويا محمد وروضه ماتتفوت ..<o:p></o:p>
الغاليه : انزين عندج اياهم ..<o:p></o:p>
شما: ههههههه اونها زعلت بنت عمي .. خلاص ماتهونين علينا (وبغت اتسايرها فالرمسه وقالت وهيه تتطنز) اخت بوسنيييده مانروم على زعلها ..<o:p></o:p>
الغاليه: هييه اطنزي انتي ماعليه ..<o:p></o:p>
<o:p> </o:p>
<o:p> </o:p>
وكملن البنات سوالفهن.. ومرن حذال الصاله اللي فيها يالسه ام شما ورمسنها وخذن موافقتها .. وعقب توجهن لبيت محمد ..<o:p></o:p>
وسهرن البنات ويا محمد اللي ماكان مخلي شي مب شارنه حقهن .. مكسراااات و عصاير وحلويات .. وطبعا مدام السالفة فيها اكل .. تكون السهره احلا عند شما و الغاليه .. وعقب ما خلصت الحفله .. محمد وصل شما بيتهم ووصل الغاليه بيت ابوه ورجع هو بيته .. اللي كان وياهم في نفس الحوي ..<o:p></o:p>
<o:p> </o:p>
<o:p> </o:p>

**المزيوونه** · 26-07-04 ||, 01:38 AM

<img src="http://oasis.bindubai.com/emoticons/biggrin.gif" border=0>يلا اراااائكم

**المزيوونه** · 26-07-04 ||, 03:10 PM

افا محد رد ولا قرى <img src="http://oasis.bindubai.com/emoticons/rock.gif" border=0>

خلاص ما بنكمل عيل السموحه

**بن دبي** · 26-07-04 ||, 03:11 PM

السلام عليكم ورحمة الله وبركاته

تسلمين الشيخة عالنقل <img src="http://oasis.bindubai.com/emoticons/fa34.gif" border=0>... وبصراحة مافيها حيله القصة<img src="http://oasis.bindubai.com/emoticons/fa42.gif" border=0>... بداية قوية لقصة تبين انها بتكون من اقوى

القصص في الواحات مع احترامي للكل

واللي محلي القصة زود انها عن هل الشمال <img src="http://oasis.bindubai.com/emoticons/fa41.gif" border=0><img src="http://oasis.bindubai.com/emoticons/fa41.gif" border=0>... والمصريات اللي فيها <img src="http://oasis.bindubai.com/emoticons/fa50.gif" border=0>

ننتظرج الشيخة فلا تبطين علينا 

اخوكم الصغير

عيون الصقر

**بن دبي** · 26-07-04 ||, 03:14 PM

لا شوه ما تكملين يعني انا ما سد

افا خلاص زعلت انا

**المزيوونه** · 26-07-04 ||, 03:37 PM

تسلم والله اخوي عيون الصقر ع الرد اللطيف .. استانست وايد ..
لازم بعد عن الشمال<img src="http://oasis.bindubai.com/emoticons/blush.gif" border=0><img src="http://oasis.bindubai.com/emoticons/blush.gif" border=0> ماهي دارنا يا خويه .. والمصريات مسويات جو وايد حلو الصراحه
دومنا انا وكاتبة القصه انكت عن ام حمد وناسه حليلها...

لا افا عليك بنحطلك التكمله .. بس يوم بنشوف الاقبال عليها.. قيس الا اتعب عمري
اذ محد قراها بعطيك اياها بالرسايل الخاصه عادي..

اوني عاد هيهي

**المزيوونه** · 27-07-04 ||, 02:12 AM

<?xml:namespace prefix = o ns = "urn:schemas-microsoft-com:office:office" /><o:p> </o:p>
<o:p> </o:p>
-----------------------------------------------------------------------------------------<o:p></o:p>
(الجزء الثاني)<o:p></o:p>
<o:p> </o:p>
مر الأسبوع عادي .. دراسه ولوعه جبد .. وفي يوم من ايام الاسبوع .. عقب المغرب كانت الغاليه يالسه على الدجه وتذاكر  ولمحها محمد اخوها اللي كان توه ياي من برع وبيدخل بيته .. بس لما لمحها سار صوبها .. وصل محمد صوب الغاليه اللي ماكانت منتبه لخوها لانها مرتبشه يالسه ادور شي ..<o:p></o:p>
محمد : هلا بالغاليه .. بلاج؟؟<o:p></o:p>
الغاليه وهي معتفسه: اهلين .. ادور قلمي ما ادري وين وديته ..<o:p></o:p>
محمد : هههههههه<o:p></o:p>
الغاليه تشوفه مستغربه: ليش تظحك...؟؟؟<o:p></o:p>
محمد وهي اياشر على راسها: اكو قلمج .. في شعرج<o:p></o:p>
(الغاليه حطت ايدها على راسها وحصلت القلم .. وتمت هي ومحمد يظحكون)<o:p></o:p>
الغاليه: شو اسوي من الغصه<o:p></o:p>
محمد: افا .. ماعاش اللي يغصص بالغاليه<o:p></o:p>
الغاليه: طفرانه وايد من الدراسه<o:p></o:p>
محمد: يالله نشي بحوطج ..<o:p></o:p>
الغاليه شقت الحلج : صدددددددددددددددددددددق .. ثواني واجهز ..<o:p></o:p>
 (وماصدقت خبر وربعت تلبس عباتها) ..<o:p></o:p>
محمد تم واقف في مكانه ويظحك على شكل اخته .. وعقب طلعت الغاليه ويا محمد وسار حوطها وتم يسولف وياها وغيرلها جووو وردوا البيت .. ..<o:p></o:p>
<o:p> </o:p>
في هذي الاثناء .... في بيت سالم<o:p></o:p>
<o:p> </o:p>
اخوان سالم مسوييين حشره ,, وابو سالم شاعط على التلفزيون .. وام سالم .. ميلسه ترمس في التلفون ...<o:p></o:p>
ابوسالم : بس بندي التلفون عنبوج ماتشبيعين من الرمسه .. سكتي عيالج دوا راسي منهم واطاعي سلووم وين مسترغد ..<o:p></o:p>
ام سالم تطالع بوسالم بنص عين .. وتتكلم في التلفون : انزين فديتش يا ام حمد انا بخليشش ابو العيال يبغاني .. يالله فمان الله ..<o:p></o:p>
ابوسالم: مابغيتي تسكرين ,, النار مب من شويه امتزرت منكن ... من لسنتكن ..<o:p></o:p>
ام سالم معصبه ومب رايمه ترد عليه وطلعت حرتها في عيالها .. وسارت ادخلهم وشوي إلا  سالم حادر البيت واتلقفه ابووه ..<o:p></o:p>
سالم : السلام عليكم<o:p></o:p>
بوسالم: هاااه وصلت ؟ ما بغيت ..<o:p></o:p>
سالم حاس بوزه ويقول في خاطره (اللهم اني اسالك الثبات عند السؤال) .. وشوي إلا طالعه امه في ويهه (اكملت) وعاد حصلت اللي اطلع حرتها فيه ..<o:p></o:p>
ام سالم بنقمه : هاه شرفت .. شان باتيت برع بعد ..<o:p></o:p>
سالم سار صوب امه يبوسها على راسها : افا الوالده زعلانه؟؟<o:p></o:p>
ام سالم انفجرت عاده: والله انتوا مغصصين عليه .. انتوا من صوب وابوكو من صوب<o:p></o:p>
بوسالم: بعد بلاه ابوهم هاه ؟؟.. مشرغنج ومب مقصر فيج بعد شو تبين؟<o:p></o:p>
سالم حس انه بتنقع اظرابه جريب وحاول ايهدي الموقف .. ويدهن سير امه<o:p></o:p>
سالم : اميه اشرايج انسير راس الخيمة هالاسبوع .. وبتسيرين عند ام حمد .. وبتوسعين بارظج وياها ..<o:p></o:p>
ام سالم : ياريت والله .. ابا ارتاح شويه من هم البيت<o:p></o:p>
 (ترمس وتطالع بوسالم اللي كان يسمعها ويشوف التلفزيون)<o:p></o:p>
سالم كانت فيه ظحكه على شكل أمه وأبوه بس ميود عمره عن اتيه هزبه:  خلاص اتفقي انتي ويا ام حمد وخبريني عشان اتصل بحمد اطالعه بعد ..<o:p></o:p>
ام سالم : انشا الله ..<o:p></o:p>
<o:p> </o:p>
(سالم من دبي ومتعرف على حمد في وحده من سفراتهم لمصر لانه ام سالم بعد مصريه)<o:p></o:p>
<o:p> </o:p>
<o:p> </o:p>
واليوم الثاني في بيت حمد بن خلفان .......<o:p></o:p>
<o:p> </o:p>
ام حمد كانت في المطبخ الظهر .. ولابسه وقايتها البيضاء ورادتنها على ورا ورافعه ايد الكندوره .. ويالسه على الطاوله تقطع السلطه وتغني من اغاني اول.... وتتريا اعيالها يردون من الدوامات .. دخل حمد ويا حصه البيت .. واول ما ادخلوا شافوا الصاله فاضيه و التلفزيون يشتغل بس محد يالس يشوفه .. غريبه مب على العاده ..<o:p></o:p>
حمد: ام حمــــــــــــــد .. سعااااااااااد ..  وينها امج حصوه ؟<o:p></o:p>
حصه: ههههه ما ادري عنها ..<o:p></o:p>
حمد وهو رافع صبعه السبابه ومحطنها على ثمه: اصصصص حصوه اسكتي .. اسمع صوت من المطبخ .. تعالي تعالي ولا اطلعين صوت ..<o:p></o:p>
حصه: اوكي (ومشت حصه ورا حمد اللي كان يمشي شوي شوي جنهم شرطي وحرامي .. لين وصلوا صوب المطبخ .. وسمعوا امهم اتغني<o:p></o:p>
حمد بصوت واطي: حصوه اسمعي امج .. تتحرا عمرها ليلى مراد .. هههههه<o:p></o:p>
حصه: هههههه ....<o:p></o:p>
ودخل حمد على امه اللي كانت مندمجه في الاغنيه ومب حاستبهم ..<o:p></o:p>
حمد: سعععععععععععععععععععععععع عععععععععععععاد<o:p></o:p>
ام حمد محطيه ايدها على قلبها: بسم الله الرحمن الرحيم اخس عليك يا حمد خضيتني<o:p></o:p>
حمد: ههههههه.. ما شاالله طربانه ام حمد ..<o:p></o:p>
ام حمد وهي تقطع الخيار في اديها: اهوو نتسلى<o:p></o:p>
حمد : حليلج يالوالده<o:p></o:p>
حصه وقفت وشلتلها خيار من الصينيه ويلست تاكله<o:p></o:p>
حمد: ايه حصوووه يالدبه صبري احين بتتغدين .. بلاج جيه مفجوعه ..<o:p></o:p>
حصه: كيفي ما ايخصك انته<o:p></o:p>
حمد سار صوب حصه ولوى ايدها : منوو ما يخصه هاه ؟<o:p></o:p>
حصه: ايييييي ايعور..  بتكسر ايدي .. اميه شوفيـــــه .. <o:p></o:p>
ام حمد: سيبها يا حمد .. انته عاقل ما اتحطش راسك براسها<o:p></o:p>
حمد هد ايد اخته : هيه والله انا عاقل ما احطي راسي براس هالخبله .ههههه<o:p></o:p>
حصه برطمت : ما عليه انزين يا سعاد .. اللي يغسل وياج المواعين عقب .. خلي حمود ايغسل وياج ..<o:p></o:p>
ام حمد : فديتش انا كم حصه عندي .. أسوي وياش سوالف .. لا بغيت توالف سو سوالف .. هههههه<o:p></o:p>
حصه: ههههههه و الله مب سهله الوالده<o:p></o:p>
حمد: ههههه انزين شو مب ناوين اتغدونا اليوم ؟؟؟<o:p></o:p>
ام حمد : يالله روحوا غيروا ..ولاكل بيكون جاهز ..<o:p></o:p>
حمد: حليلج يا الوالده تتعبين اسميج ...ميري الهرمه روحت قبل ماتخلص فيزتها غربلاتها مانقصنا عليها شي مرتاحه وماشي شغل..  نصه اميه تسويه... والمكتب لين مايبون الشغاله وايد يتأخرون..<o:p></o:p>
ام حمد: انته رحتلهم اليوم؟؟<o:p></o:p>
حمد: هيه يقولون اونه بتي باجر<o:p></o:p>
ام حمد: يالله كله زي بعضه .. شغل البيت وايد حلو انا ماحبش الأعده ابدن<o:p></o:p>
حصه: بس تعب عليج اميه ..<o:p></o:p>
حمد: ام حمد قدها وقدود.. خلاص انشالله باجر بتي البشكاره<o:p></o:p>
ام حمد: طب يا بني ... نسيت اقولك ميرفت سوت تليفون وقالت انها هيه وعيالها باشر بيوون ..<o:p></o:p>
حمد: منو ميرفت بعد ..<o:p></o:p>
حصه: ههههههه ميرفت امييين ..<o:p></o:p>
ام حمد: اخسى عليش يا حصوه .. هاي حرمه ام عيال قولي خالوه .. يا حمد ميرفت ام سالم اهل دبي<o:p></o:p>
حمد: هييه .. حييه بو غنوم ماخبرني عيل .. خلاص على خير انشا الله .. انا عقب برمسه..<o:p></o:p>
حصه حاست بوزها : احين انا ماصدق ايي اخر الاسبوع عشان ارتاح .. واتينا ام سالم ويا اعيالها هالشياطيين ..<o:p></o:p>
وفخاطرها..( اكيد سالم بييبهم.. والله ذكريات ها السالم عشنا قصة اعجاب حلوه .. حليلي كنت صغييره ....)<o:p></o:p>
ام حمد: اخ عليش ياحصه شو هزا الكلام .. هذيل ضيوف واكرام الضيف واجب يالله روحوا غيروا وانا بجهز الاكل ..<o:p></o:p>
حصه وحمد : انشا الله<o:p></o:p>
وروحوا حجرهم يبدلوون ..وعقب نزلوا والتموا على امهم يتغدون وياها.....<o:p></o:p>
<o:p> </o:p>
أما في بيت بن مطر الوضع غيييييييييير.........<o:p></o:p>
<o:p> </o:p>
وبما انه الأربعاء يعني لازم مايظيعون دقيقه وحده من وقتهم .. رجعت الغاليه ويا محمد اللي مر عليها هيه وعليا.. عليا ردت ويا الغاليه لانها متعوده كل أربعاء اتسير بيت خالتها عقب الدوام .. ردن البنات البيت وحصلوا الكل متغدي عنهن .. لانهن يتاخرن<o:p></o:p>
انقهرت الغاليه وقالت ما تبى غدا ولحقتها عليا .. سارن البنات الحجره وبدلن ثيابهن .. ويلسن ..<o:p></o:p>
عليا وهي تفر وقايتها على السرير: غلويي انا ميته من اليووووع .. خافي الله فيني ماكلت شي من الصبح<o:p></o:p>
الغاليه: انا اخس عنج .. بس احسن عشان يتريوني مره ثانيه ..<o:p></o:p>
عليا: يعني انا اموت من اليوع بسبة عنادج ..<o:p></o:p>
الغاليه سكتت شوي : امممممم انا عندي فكره ... صبري بسير شوي وبرجع اتريي<o:p></o:p>
طلعت الغاليه من الحجره .. وطاحت عليا على السرير تتريا... وعقب فتره رجعت الغاليه وشاله وياها سله الثياب ودخلتها الحجره<o:p></o:p>
عليا معقده حياتها وتشوف الغاليه شو يايبه وياها ومستغربه<o:p></o:p>
عليا: غلووووي شو ها ؟ ناويه تأكلينا ثياب !!..<o:p></o:p>
الغاليه كانت يالسه اتشل الثياب اللي مكودتنها لين وصلت حق كيس الخبز والجبن اللي خاشتنه بين الثياب ..<o:p></o:p>
الغاليه رافعه الاكل: هاه شو رايـــــــــــــج احيــــــــــــــــــــــ ن<o:p></o:p>
عليا ميته من الظحك على حركه غاليه : وشحقه مكوده الثياب هالكثر<o:p></o:p>
الغاليه : عشان محد ايشوف الخبز .. وتخترب مخططاتي هيهيهيهيهي<o:p></o:p>
عليا: اسميــــــــــج .. مب سهله .. هههههههه<o:p></o:p>
الغاليه : عيل شو اتحرين انا الغاليه بنت سلطان والاجر على الله .. ودقي يا مزيكه هههههههه<o:p></o:p>
عليا : هههههههه ..<o:p></o:p>
ويلسن البنات ياكلن خبز وجبن .. احسن من ماشي ..<o:p></o:p>
عليا : غلوووي عطشت ..<o:p></o:p>
الغاليه: وييييه نسيت العصير تم تحت الثياب .. هههههه<o:p></o:p>
عليا: هههه .. حليلها شموه لو كانت ويانا اسميه ونااااسه . ماخلصت دوام هي صح؟<o:p></o:p>
الغاليه: هيه بعدها اربع ونص تخلص .. عليييوه شو رايج انسير نيبها .. عالاقل نطلع شوي انغير جووو<o:p></o:p>
عليا: اللــــــــه وناسه .. زين منو ايسير اييبها ؟؟<o:p></o:p>
الغاليه: عمر ..<o:p></o:p>
عليا اتلون ويها يوم عرفت انه عمر بيوديهم .. لانها كانت تستحي منه ..<o:p></o:p>
الغاليه: بلاج عليووه انجلب ويهج ... عادي الا هو عموووور<o:p></o:p>
عليا: هاه .. هيه عادي ..<o:p></o:p>
الغاليه: انزين انا بسير بتصلبه وانتي شلي اثار الجريمه .. هههههه<o:p></o:p>
علياء:هههههه انزيييين ..<o:p></o:p>
الغاليه نزلت تحت وشلت التلفون واتصلت حق عمر ..<o:p></o:p>
عمر رمس بودن مايسمع منو اللي متصلبه: هاه عبووود .. احين احين ياينكم ..<o:p></o:p>
الغاليه : هيه يالله تعال بسرعه .. هيهيهيهيهي<o:p></o:p>
عمر: بسم الله . منو طلع المارد .. هههههههه<o:p></o:p>
الغاليه: هههههه ويا راسك .. يالله تعاللنا<o:p></o:p>
عمر: وين اييج ؟؟؟<o:p></o:p>
الغاليه: تعال بسير وياك نيب شموه<o:p></o:p>
عمر: مب متفيجلكم انا .. مستعيل .. مواعد شباب<o:p></o:p>
الغاليه: حرام عمور .. انا وعلايه بنت خالوه ظايجات.. نبى نطلع<o:p></o:p>
عمر يوم سمع انه علايه وياها تم ساكت ..<o:p></o:p>
الغاليه: عمووووور ..<o:p></o:p>
عمر: هاه .. خلاص يالله 5 دقايق وبييكم مب اتاخرن .. اذا اتاخرتن بسير عنكن<o:p></o:p>
الغاليه: فديتك والله انا اقول حليب امي فيك مب خساره .. ههههههه<o:p></o:p>
عمر : ههههه يالله انزين عن الرمسه الزايده ..<o:p></o:p>
الغاليه: يالله باي<o:p></o:p>
عمر: باي ..<o:p></o:p>
وسارت الغاليه عند عليا واجهزن البنات وياهن عمر شلهن .. طبعا الغاليه يلست جدام وعليا يوم يت بتبطل الباب اللي ورا الغاليه .. لقته ما يفتح<o:p></o:p>
عمر بخبث: هذاك خربان خل اتي من الصوب الثاني ..<o:p></o:p>
( عمر بالعماله كان قافلنه وقالهم انه خربان .. كان يبى عليا تيلس وراه .. هو ماكان بينهم حب لانهم بعدهم صغار.. بس عليا وايد تستحي من عمر وهو ايعيبه ايلعوزها .. ايحب ايشوفها وهي مستحيه منه .. كل اللي بينهم مجرد اعجاب)  وركبت عليا ورا عمر اللي مانزل عينه عن الجامه .. كان عايبنه شكل عليا وهي مستحيه .. ويبى ايلعوزها .. وصلوا عند شما اللي استانست اول ماشافت عليا و غاليه .. وعقب ماخذا عمر اخته ..<o:p></o:p>
الغاليه : عمور حوطنا شوي الله يخليك<o:p></o:p>
شما: هيه عمر الله يخلييك انا يايه ظايجه ..<o:p></o:p>
(عليا كانت تشوفهن وهي مفوله ..  تبى ترجع لانها كانت مب قادره تاخذ راحتها)<o:p></o:p>
عمر: اممممم ترجوني زياده ...<o:p></o:p>
الغاليه: عن المصاخه عاد .. يالله ذليتنا ..<o:p></o:p>
شما: اكيه علايه حتى زعلت .. شوها صدق ذليتنا .. <o:p></o:p>
(عليا اهنه صدق فولت وتمت تقرص شما .. اللي مب مسوتلها سالفه)<o:p></o:p>
عمر(عيبته السالفه): خلاص بحوطكم .. بس لانه عليا وياكم وإلا مب لسواد عينكن .. <o:p></o:p>
(الا ما اييب راسج يا عليا )<o:p></o:p>
واستانست غاليه وشما وتمن يسولفن وحشره.. اما عليا كانت تطالعهن وساكته .. لانها منقهره منهن .. وتم عمر ايحوطهن لين اذن المغرب ونزلهن بيتهم وسار المسيد..<o:p></o:p>
نزلن البنات بيت شما واول مادخلن الصاله لقوا اليهال يلعبون .. اخوان شما وعيال محمد .. و الشغالات وياهن .. هند اول ماشافت شما ربعتلها<o:p></o:p>
شما: فديت هالويه .. هذا اللي مب خساره فيها التربيه مب ميود<o:p></o:p>
الغاليه: هههههه حرام علييج .. ميود صح شيطان بس حبوب .. مايد تعال .. (مايد ماصدق حد يعطيه ويه وربع صوب الغاليه )<o:p></o:p>
الغاليه: مــــايد .. تحب غلويه والا ؟؟؟<o:p></o:p>
مايد: هييه<o:p></o:p>
الغاليه : وتحب شما؟<o:p></o:p>
مايد : لا<o:p></o:p>
شما: ياللي مافيك خير<o:p></o:p>
الغاليه: ههههه .. انزين شكثر اتحبني انا وشكثر اتحب شما؟<o:p></o:p>
مايد: احبج انتي 5 واحب شما 1 ,,<o:p></o:p>
الغاليه: ههههههه فديتك والله ..<o:p></o:p>
 (شما اتشوف مايد وميوده ظحكتها .. مسويه عمرها زعلانه .. لكن منو يفتكر مايد طلع لسانه حقها وركض)<o:p></o:p>
الغاليه: هههههه وحليله ميوود<o:p></o:p>
شما: ههههه( وصدت صوب عليا اللي من ين وهيه ساكته).. عليووووه بلاج ساكته ؟؟ من يينا ما رمستي<o:p></o:p>
(عليا كانت سرحانه.. يالله شوها اليوم .. انا ليش ركبت وراه .. هوه ليش يسوي جيه .. شو يقصد ..يخوفني ها الاحساس والله .. عمر عمر عمر ليش كله فبالي ها الاسم ليييش ..حركاااته تخبلبي شو هذا هو يتعمد يغايضبي ولا فباله شي ثااني والله حـــااااله .. !!)<o:p></o:p>
الغاليه: علييييييييييييوه.. ( وصرخت) علايه وين طرتي ...<o:p></o:p>
عليا : ..... ها شو .. بلاكن شو مستوي .. !!<o:p></o:p>
الغاليه: الله لابلاني باللي بلاج فيه انتي وشمووه .. هههههه<o:p></o:p>
عليا تضحك وهيه قافطه: شو .. كيف ..<o:p></o:p>
الغاليه: ماشي فديتج اقول الله لابلاني باللي بلاكن به ..<o:p></o:p>
شما: اففف بس عاد احين ما بتسكت الغاليه  .. نشن انصلي يالله بدال هالرمسه اللي ما من وراها فايده<o:p></o:p>
(نشن البنات وعليا بعدها محافظه على هدوئها)<o:p></o:p>
وعقب الصلاه سارن بيت قوم غاليه وتيلسن ويا الحريم اللي كانن يالسات فالحوي<o:p></o:p>
شوي ودخلت البيت سياره.....<o:p></o:p>
ام سلطان: منو هذااا مسطع الليتات علينا .. عشا عيونا<o:p></o:p>
الغاليه : هذا راشد اخويه .. فديتني اعرفه من ليت سياارته<o:p></o:p>
شما كانت تسولف ويا روضه ومندمجات فالسالفه .. ومن سمعت طاري راشد<o:p></o:p>
روضه : انزين وشو استوى عقب<o:p></o:p>
شما نست شو كانت تقول حق روضه : هاه .. ما استوى شي<o:p></o:p>
روضه شافت شما وهيه مستغربه!! كيف ما استوى شي وهي توه مندمجه في السالفه وتشرح وتخبر !!  ..شوي واتجدم راشد صوب الحريم ..اللي خلى شما منكسه الراس وهيه تعدل فتحجيبتها عشان ماينلاحظ عليها انها متوتره ..<o:p></o:p>
راشد: السلام عليكم ..<o:p></o:p>
ام سلطان: هلا هلا ابويه وعليك السلام ..فديت ها الويه الذاوي ماترزا عليك ها الجامعه جنها بتخليك جيه تغدي ..<o:p></o:p>
راشد: ههههههههه شو نسوي بعد لازم نحصل الشهاده..<o:p></o:p>
وسلم راشد على الموجودين امه وخالته وحرمة عمه ..فالوقت اللي كانن يكملن فيه السالفه...<o:p></o:p>
ام خالد: انشالله بتحصل الشهاده فديتك وبتحصلك ذيج الحرمه السنعه ..<o:p></o:p>
شما تنقال ها الرمسه جدامها وتحس بالتوتر زااد .. لا لايبون طاريه ..الله يخليكم مابا احرااج .. كافي مره يدوه احرجتني .. لا لا دخيلكم محد يطالعني ..<o:p></o:p>
راشد بلا ارادي اول ماقالت خالته ها الرمسه لف صوب البنات طاحت عينه على شما اللي كانت موخيه ولافه بويها صوب ثاني ..<o:p></o:p>
راشد: يالله بعدنا خالوه درب جدامنا.. انا لا كونت نفسي ولا شي ..سنيتن جدام بعدني..<o:p></o:p>
ام محمد: انشالله فديتك انشوفك معرس ونشوف عيالك بعد..<o:p></o:p>
ابتسم راشد لامه .. وما علق .. ودشن الحريم فسوالف ثانيه .. وراشد تم يطالع البنات ودش وياهن ع الخط ...<o:p></o:p>
راشد: ها غلوي شو المعنويات .. الثانويه قربت ..<o:p></o:p>
الغاليه: هيهيهيهي لا تسأل دخيلك ..<o:p></o:p>
راشد: بنشوف النسبه عاد نحن ..<o:p></o:p>
الغاليه: ولاتنسى وعدك .. قايل بتيبلي اللي اباه<o:p></o:p>
راشد: ماعليه انزين انتي هاتيها اول ..<o:p></o:p>
عليا: لا لا قدعه بنت خالوتي بيتبها النسبه .. طالعه عليه شاطره<o:p></o:p>
راشد: مايحتاي هههههههههه جان بتطلع على بنت عمها بنقول بعد.. بس عليج ماظنتي بتفلح<o:p></o:p>
شما قفطت اكثر مما هيه قافطه .. شو يعني انزين يسولف ولا يقصد شي.. لا عمره راشد ما بين شي رمسته كلها عفويه .. انا مب فباله ماظنتي هاي نغزه منه.. الا ها الانسان ماتوقع شي من وراه!!!<o:p></o:p>
الغاليه: هيه دام بطلع على شموه بس عليه .. فديتها شيخة المزايين هاي ويابخته اللي بيكون .. وقبل ماتكمل قاطعتها شما وهيه ويها صدق يتحارق بمجرد انها تتخيل الرمسه اللي كانت بتقولها الغاليه واللي هيه(ريــلها..) اسلوب غاليه حافظتنه شما زين مازين وزين اتلاحقتها قبل ما ترمس....<o:p></o:p>
شما: يالله يا انتي محد احسن عنج فدهان السير<o:p></o:p>
(راشد يا حافظ عليها رمست هاذيه مابغت حليلها والله بنت العم.....)<o:p></o:p>
راشد يرمس بكل جديه : شما اذ كلام غاليه صدق لاتتحرينه ابدا انه مداهن! خلج واثقه ويا جبل مايهزك ريح.....<o:p></o:p>
شما وهيه زايغه : كيف!!<o:p></o:p>
الغاليه: هيه والله صدقه اخويه .. انا ماكنت اجاملج عشان تقولين مداهن ويا ها الراس انا اقول الحقيقه .. فديتها والله يوم تتستغبي ها البنت<o:p></o:p>
<o:p> </o:p>
شما ودها الارض تنشق وتبلعها .. شووو ها حتى الكلام قمت ما افهمه .. يا ربي شو يقصدون هاذيلا .. اطالعت غاليه بنظرة يأس هيه صدق تحس عمرها مب فاهمه شي .. كانت مدودهه ومب رايمه تفكر.. راشد جدامها لازم مابتفكر!!<o:p></o:p>
الغاليه حست على دمها شوي وقالت بطوف السالفه لانه شما لولا الاضاءه الخفيفه فظلام الليل جان بين صدق ويها المحمر فما بغت تحرجها اكثر وراشد كذلك صد صوب الحريم يرمس وهو ابدا ماكلف على خاطره يفتكر بها الفقيره بلاها جيه مستويه!! طوف وماسوى سالفه!!<o:p></o:p>
شويه ودخل عمر بسيارته . ونزل هو وعبدالله .. وبند السياره وسار صوب الحريم ..<o:p></o:p>
الغاليه اول ماشافته يتها الظحكه وقالت بصوت واطي : هلا والله كملت ..<o:p></o:p>
عليا وشما اسمعنها وطنشن .. لانها ما اتيوز من حركاتها هاي ,,<o:p></o:p>
يلس عمر وياهم وسوالف هو وراشد و عبدالله و الحريم وحشره ..<o:p></o:p>
وشما و عليا سرحانات ,, والغاليه كل حين اتشوفهن و ميوده عمرها ويلست اتسولف ويا روضه ..<o:p></o:p>
وفليل روحن الحريم .. ويلسن البنات يسولفن ويترين ام خالد تلبس عباتها عشان يوصلها راشد بيتها قبل ما يطلع .. راشد يلس في السياره يترياهن .. والبنات يسولفن صوب الدجه ما عندهن وقت ..<o:p></o:p>
الغاليه: صراحه اليوم كانت اشكالكن فن .. هههه<o:p></o:p>
عليا: غلوي انتي وايد تبالغين .. مافي أي شي واضح .. بس بروحج اتجذبين وتصدقين جذباتج ..<o:p></o:p>
شما: هيييه ماصخه .. ترفع ضغطي ..<o:p></o:p>
الغاليه: ما علييييه انزين .. بتقولن قالت الغاليه .. وبتترجني عشان اعطيكن ويه حزتها .. لكن انا بأدبكن ..<o:p></o:p>
شما: عداااااااااال .. ماعليه يا غلوي الله يراوينا فيج يوم .. وبيضحك فيه اللص على العيار ..<o:p></o:p>
الغاليه: ههههههه ... اتولمي .. هههه<o:p></o:p>
عليا: اكيييييه امي طلعت يالله صبايا اشوفكن باجر .. ههههه<o:p></o:p>
شما : صبايا عاد .. هههه .. يالله مع السلامه<o:p></o:p>
الغاليه : يالله وداعت الله<o:p></o:p>
علياء: باي<o:p></o:p>
ويلسن شوي شما و الغاليه .. اللي ياهن محمد ويلس يسولف وياهن .. ووصلهن بيت عمه لانه الغاليه بتبات عند شما ..<o:p></o:p>
<o:p> </o:p>
اليوم الثاني نشت حصه من الصبح ويا امها .. اتساعدها في المطبخ<o:p></o:p>
.. وادخن الميلس و تعابل لانه ام سالم بتيهم.. والبيت لازم يكون ع سنقة عشره والشغل طاح على حصوه وامها وحليلهن لعدم توفر الشغاله .. حصه رغم انها وايد تتغص من ام سالم الا انه كان فيها نشاط وتشتغل من خاطرها ..<o:p></o:p>
ام حمد: حصووه روحي افتحي الميلس اللي برع .. عشان سالم لما يجي ..<o:p></o:p>
حصه : انشالله .. وسارت وافتحت الميلس .. ودخنت المكان .. وردت تتلبس وتتعدل وطلعت فالصاله تتريا ام سالم لين اتي .. سمعت صوت سياره تهرن .. ارتبكت حصه ماعرفت شو تسوي كيف تستقبلهم امها بعدها فغرفتها ..<o:p></o:p>
( شو ها الحال لازم اكون فراس المدفع يعني .. بسير عند باب الفله مافيني على حشرة الوالده) ..<o:p></o:p>
 وطلعت حصه فالوقت اللي ام سالم وعيالها داخلين فيه من باب البيت(الدروازه) ..<o:p></o:p>
ام سالم: هلا هلا.. السلامو عليكم ..<o:p></o:p>
حصه وهي توايه ام سالم : وعليكم السلام والرحمه .. اهلين ..<o:p></o:p>
ام سالم: فديش يا حصه كبرتي ماشالله .. شحالش الغاليه؟؟<o:p></o:p>
حصه ودها تضحك : بخير ربي يسلمج خالوه .. تفضلي داخل ..<o:p></o:p>
ودخلت ام سالم ويا الحشاكل عيالها اللي من اولها قطعوا الورد اللي في الحوي<o:p></o:p>
ام سالم : عيل وين امش؟<o:p></o:p>
حصه: احين بتي ..حياكم الله والله .. استريحوا بسير انادي امي...<o:p></o:p>
ووقت مابتتطلع حصه من الصاله ام حمد دشت واطمئنت اسارير حصه شويه لانها كانت مب عارفه كيف بتتصرف .. وبدى السلام والمحاضن المصري عاده .. وحصه اطالعهن وهيه مبتسمه .. وعقب مايلسن الحريم..<o:p></o:p>
حصه يابت صينيه الدلال ووقفت صوبها: خالوه شو تشربين ؟<o:p></o:p>
ام سالم: فديت روحش .. والله راسي مصدع من الدرب .. صبيلي قهوه ..<o:p></o:p>
صبت حصه القهوه حق ام سالم .. وناولتها اياها.. ويلست شويه حصه وانسحبت مافيها على الصدعه .. وعقب ازقرتها امها عشان ايحطون الغدى .. وسارت حصه اتفازع امها .. ويلست حصه اتحط الاكل في الميلس اللي برع .. كان سالم ساير يحوط شوي لانه حمد في الدوام وكان حمد مكلم امه عشان ايحطون الغدى لانه ياي في الدرب .. حصه كانت لابسه كندوره  ومحطيه شيلتها على راسها بس مب متحجبتبها .. ويالسه اتحط الحرارات .. وتعدل الصحون .. ماحست بدخلة حد الميلس .. لانها كانت ملتهيه واتغني.. سالم تم متصنم عند باب غرفة الطعام اللي في الميلس سالم ماشافها لانه الباب كان شبه مفتوح وهيه مب باينه وايد له بس باينه ع ينب .. قفط على حركته هاي وطلع بسرعه برع الميالس وقلبه يتناقز .. (اخخ صدق العمر يربع .. حصوتي كبرت ماشالله ثلاث سنين ها الكثر تغير فالانسان .. محلات ها الخشم الطويل يويل حالي اسميها سيرة مصر ماسوت فينا خير ...)<o:p></o:p>

**المزيوونه** · 27-07-04 ||, 02:32 AM

اما حصه فعقب مارتبت الغدى عدلت من تحجيبتها و طلعت من الغرفه وبندت الباب .. سالم ها الوقت كان واقف برع الميلس مب عارف شو يسوي خوانه كانوا جدام الفله يلعبون ويتراكضون .. حصه داخل شو هال الحاله ..<?xml:namespace prefix = o ns = "urn:schemas-microsoft-com:office:office" /><o:p></o:p>
( يمكن بتظهر من الباب الوراني .. يالله انا بدش ..)<o:p></o:p>
ووقت هو ما بيدش الميلس حصه كانت ميوده قبضة الباب وبتتطلع.. اتفاجأت بريال جدامها .. تمت مستقطعه وهيه امبطله اعيونها ع الاخر .. سالم رد على ورى بسرعه وجلب بويهه وهو قااافط وحاط ايده ع لحيته من كثر مب متلوم .. وحصه أدركت متأخر انه ها سالم.. اكيد سالم بعد منو بيكون ..ضربت الغشاه على ويها وردت الفله وهيه تتحاارق من المستحى والقفطه .. <o:p></o:p>
(ياويلي انا شو سويت .. غربلات عدوه جان ماينفتق جدام حمد .. عادي امه مشخله اكيد طالع عليها ... اف عليه بس جمييييل والله انه محلو واايد .. ودي الف بس ع ورى دش الميلس ولا لا.. هههههه حليله جنه الا زاغ مني بيقول من وين هاي ظهرتلي ).. <o:p></o:p>
ووصلت الفله ودشت بسرعه ولفت عند الدريشه اطالع صوب الميالس بس مالقت حد ونفخت بيأس... وسارت حجرتها عن الصدعه وفبالها بعدها الموقف السخيف .. طاحت ع سريرها ..<o:p></o:p>
( شو ها الحاله ما يرزا عليه انا اوني ناسيه سالفة سالم من ردينا من مصر بس اشوف ردت السالفه بشوفته .. بس قلبي دخيلك مافيني عليك حبيته وانا ياهل بس الحينه انا كبيره .. لا يربي لاتورطني .. والله عيوونك ذبااحه.. )<o:p></o:p>
وهاي رمستها وكل تفكيرها لين يتها ام حمد....<o:p></o:p>
ام حمد: حصه ليش يالسه هنه ؟<o:p></o:p>
حصه: اميه راسي يعورني مافيه على الصدعه ..<o:p></o:p>
ام حمد: انزين تعالي اتغدي<o:p></o:p>
حصه: مابا غدا<o:p></o:p>
ام حمد: انزين تعالي ساعديني .. انا ما اقدرلهم بروحي<o:p></o:p>
حصه: انشا الله ..<o:p></o:p>
وطلعت حصه ورا امها .. وسارت وجهزت الاكل وازقرت امها و ام سالم اللي كانت يالسه تتشكى من ريلها لام حمد ..<o:p></o:p>
حصه : يالله اميه الاكل زاهب<o:p></o:p>
ام حمد: يالله يا ام سالم اتفضلي ..<o:p></o:p>
ام سالم: لأه يا اختي انا مش مشتهيه شي<o:p></o:p>
ام حمد: ما ايصحش يا ام سالم ,, لازم تاكليلك حاجه .. يالله عشان خطري بأه<o:p></o:p>
ويلست ام سالم جدام الاكل وهي اونها مب مشتهيه تاكل . حصه افتكت لانه عيال ام سالم سارووا الميلس عند اخوهم وبيتغدون اهناك ..<o:p></o:p>
حصه يالسه جدام الحرارت : خالوه شو اغرفلج ؟<o:p></o:p>
ام سالم: شو في الطاسه اهناك ؟<o:p></o:p>
حصه: هذا برياني دياي ..<o:p></o:p>
ام سالم:حطيلي منه شوي ..انا مش مشتهيه شي .. انزين والطاسه اللي عدالها ؟<o:p></o:p>
حصه: هذي معكرونه ..<o:p></o:p>
ام سالم: والله ماليش خاطر بس ماعليه حطيلي طشونه بتطعم<o:p></o:p>
وعقب ماغرفت حصه من كل شي حق ام سالم .. وكلت<o:p></o:p>
ام سالم: انا مش مشتهيه بس عشان خاطرش يا ام حمد<o:p></o:p>
ام حمد ميوده ضحكتها وتبتسم : الله يخليكي ..<o:p></o:p>
وعقب الغدى يلست حصه و ام حمد يشللن المواعين .. وفي المطبخ<o:p></o:p>
حصه: اييي خيبه ظهري اتكسر .. حشا بلاها هاي ماتنش اتفازع ..  متفيزره جنها مرت بو الهول ..<o:p></o:p>
ام حمد مسويه عمرها جد: عيب عليكي .. بس شوفتي ازاي هيه زعلانه اوي .. ياحبه عيني كانت ما تشتهي وخلصت المواعين ..<o:p></o:p>
حصه: ههههههه عيل لو تشتهي بتاكلنا..<o:p></o:p>
ام حمد وهي تظرب حصه على جتفها: اسكتي يا بنت احسن تسمعك ..<o:p></o:p>
حصه: انزين نشي سيريلها انتي انا بكمل الباجي ..<o:p></o:p>
وسارت ام حمد عند ام سالم .. اللي شوي و ازقوها عيالها عشان اتسير ..<o:p></o:p>

وسلمت عليهم .. ووصلتها ام حمد عند الباب .. اما حصه كانت واقفه عند باب الفله وتشوفهم .. لين ساروا قوم سالم .. وردت هي غرفتها ..

**بن دبي** · 27-07-04 ||, 03:04 AM

وهل للحب آمال...

تسلمين على القصه نتريا البارت الياي...

البدويـــــه..<img src="http://oasis.bindubai.com/emoticons/fa41.gif" border=0><img src="http://oasis.bindubai.com/emoticons/fa42.gif" border=0>

**سويرة** · 27-07-04 ||, 03:33 AM

مرحبا غربل الشمال

القصة واااااايد حلوة

ولا احسبين انه ما نقرا قصتج تراانا نقراها

يالله كملي لا تتاخرين

سويـرة

**المزيوونه** · 27-07-04 ||, 02:44 PM

البدويه المزيونه<img src="http://oasis.bindubai.com/emoticons/smile.gif" border=0> .. تعرفين نكي كان المزيوونه واحسبي تولهت عليه يمكن ارجعله<img src="http://oasis.bindubai.com/emoticons/blush.gif" border=0><img src="http://oasis.bindubai.com/emoticons/blush.gif" border=0>
تسلمين اختي ع المرور.. وانشالله بنكمل القصه وياكم اذا الله راد

سويره .. اختج غزيل الشمال تشكرج ع المتابعه<img src="http://oasis.bindubai.com/emoticons/blush.gif" border=0> .. والقصه من ابداع اربيعتي مب من كتابتي
وانشالله نكمل لين اوصللكم وين هيه واصله ف التنزيل فمنتداها ..

**بن دبي** · 27-07-04 ||, 03:30 PM

تسلمين الشيخة على البارت الفنان <img src="http://oasis.bindubai.com/emoticons/fa34.gif" border=0>... وشكريلنا صاحبت القصة على هالابداع

<img src="http://oasis.bindubai.com/emoticons/fa56.gif" border=0><img src="http://oasis.bindubai.com/emoticons/fa56.gif" border=0> ههههههههههههههههه� �هههه <img src="http://oasis.bindubai.com/emoticons/fa56.gif" border=0><img src="http://oasis.bindubai.com/emoticons/fa56.gif" border=0>

بصراحة طماشة ام سالم ما تشتهي الاكل وما خلت شي... عيل لو مشتهيه شو بتسوي... <img src="http://oasis.bindubai.com/emoticons/fa37.gif" border=0>  اظني إلا بتاكل ام

حمد وحصة

عمر والله انه حركات ...وإلا الباب خربان

الغالية حبوبة ...بس شوي ترفع الضغط...حاطه حط على هالفقارى ( شمة وعليا)

اتوقع  <img src="http://oasis.bindubai.com/emoticons/fa40.gif" border=0> يمكن انها تحب حمد بس كيف بتعرفه هذا عاد شغلتكن... 

تتنظرج الشيخة في بارت يديد

**المزيوونه** · 27-07-04 ||, 03:36 PM

عيون الصقر ..  انشالله بنشكرها بس خلها تردلنا من السفر<img src="http://oasis.bindubai.com/emoticons/sad.gif" border=0>

هيه والله انه ها المصريات طماشه ام حمد وام سالم .. وعمر داهيه ماعليك منه .. والغاليه فديتها هاي لاحقتني
يوم اني ابى احط على حد <img src="http://oasis.bindubai.com/emoticons/tounge.gif" border=0>  وعن الحب.. ترا نقولك .. وهل للحب امال !! كل شي جايز والله ..

<img src="http://oasis.bindubai.com/emoticons/smile.gif" border=0>مشكوور على مرورك اللطيف

**المزيوونه** · 28-07-04 ||, 01:36 AM

<?xml:namespace prefix = o ns = "urn:schemas-microsoft-com:office:office" /><o:p> </o:p>
-----------------------------------------------------------------------------------------<o:p></o:p>
(الجزء الثالث)<o:p></o:p>
<o:p> </o:p>
عقب اسبوع .. في بيت بن مطر<o:p></o:p>
وكا العاده.. الاربعا البنات متيمعات وسوالف وظحك ..وتمن متيلسات ع المنامه .. ووقت العشى مابغن يدشن داخل يتعشن..  فخاطرهن اكل من برع ...<o:p></o:p>
شما وهي محطيه ايدها على بطنها: اقولكن انا ميته من اليوع تراني.. حكمتن علينا والله عشى البيت احسن ...<o:p></o:p>
الغاليه: والله انا بعد يوعانه .. ماعندنا حد يسير يشتريلنا ..<o:p></o:p>
عليا: حليلك يا راشد لو هني ويعرف انه شما يوعانه ما بيخلي شي ما بييبه .. بيسويلنا مأدبه عشا فوق المنامه ..<o:p></o:p>
الغاليه: ههههههههههه .. معلوم هذي القلب ..<o:p></o:p>
شما عصبت: جب جب .. تدرن انكن بايخات..<o:p></o:p>
عليا: ههههههههه لا مب بايخات هذي حقيقه ..<o:p></o:p>
شما: عداااااال عاد انتي عليا .. تطنزين هااه ..<o:p></o:p>
الغاليه فهمتها على طووول: عليوه تتطنزين على شموه هاه .. انا براويج احين.. شما وين موبايلج ؟<o:p></o:p>
شما: هاذوه شو تبيبه ؟<o:p></o:p>
الغاليه: عطيني اياه انتي بس .. وخذت الغاليه الموبايل واتصلت<o:p></o:p>
.......... : الووووو<o:p></o:p>
الغاليه حطت التلفون على الميكرفون: هلا عموووور .. راقد؟<o:p></o:p>
عمر: هيه منو انتي غاليه؟<o:p></o:p>
شما نقعت من الضحك ها الغاليه ماتيوز من سوالفها مره تلعوز شما ومره عليا ..  وعليا استقطعت وهيه تسمع صوت عمر .. شو تبابه هاي الخبله متصلتله ..<o:p></o:p>
الغاليه: هيه .. شو مرقدنك من احين ..<o:p></o:p>
عمر: انا من الظهر راقد ..<o:p></o:p>
الغاليه: انزين اقولك نحن يواعه انا وشموه سير ايبلنا عشى<o:p></o:p>
عمر: فكوني .. طرشوا عبود اييبلكم انا تعبان<o:p></o:p>
الغاليه: عبود طالع .. و علايه بنت خالوه ويانا ويوعانه بعد حليلها ..<o:p></o:p>
عمر: ................... (طبعا مدام سمع طاري عليا مايقدر ايقول لا<o:p></o:p>
الغاليه: ها شو قلت ؟<o:p></o:p>
عمر: انزين انزين احين ياينكن ..<o:p></o:p>
الغاليه: انزين نحن عند المنامه .. يالله باي<o:p></o:p>
عمر: باي<o:p></o:p>
اول ماسكرت .. غاليه وشما تمن ميتات من الضحك على شكل عليا .. وهيه معصبه من حركتهن ..<o:p></o:p>
شما: تطنزين عليه توه .. وتقولين لو راشد اهنه .. يالله عمر اهنه وبنشوفه شو بيسوي ..<o:p></o:p>
الغاليه: بيسويلها بوفيه ولا لا .. على قولتها مأدبة عشا فوق المنامه ههههههه<o:p></o:p>
وياهن عمر وشافهن شو يبن وسار خذلهن ورجع يتعشى وياهن .. وعليا مب رايمه ترفع عينها في ويهه .. اما الغاليه وشما كانن مندمجات في الاكل ولا عندهن خبر ..<o:p></o:p>
<o:p> </o:p>
<o:p> </o:p>
حصه كانت في الصاله منسدحه جدام التلفزيون .. وامها يالسه وياها ..   تشوف وتاكل لب ...<o:p></o:p>
ام حمد: حصه<o:p></o:p>
حصه: هممم<o:p></o:p>
ام حمد: امشي اتصلي باخوكيي شوفيه فين .. اوليلوا ايجبلي معاه بطائه تلفون ..<o:p></o:p>
حصه تشوف امها ومستعيبه : امي اليوم الظهر محطيلج رصيد وين وديتيه؟<o:p></o:p>
ام حمد: هوه انا ما قلتلش .. اتصلت اصوت لمحمد عطيه .. ماهو طالع نمنو<o:p></o:p>
حصه: ههههههه نيمونيييييييه<o:p></o:p>
ام حمد: هاذي هيه ..<o:p></o:p>
حصه: اسميج يالوالده.. مب سهله .. لو اخبر حمد بيعصب عليج<o:p></o:p>
ام حمد: ما عليكي منه .. انتي سويله يالله<o:p></o:p>
حصه انشا الله .. ونشت حصه وشلت التلفون واتصلت بحمد<o:p></o:p>
حصه: الووو هلا بوشهاب<o:p></o:p>
حمد: اهلين ..<o:p></o:p>
حصه: انته وين ؟؟<o:p></o:p>
حمد: احين ياي شوتبين؟<o:p></o:p>
حصه: حمد امي تبى بطاقه تلفون<o:p></o:p>
حمد استغرب: اليوم يايبلها<o:p></o:p>
حصه: ادري بس الوالده مب مالي عينها جواز بوطير .. خلصت رصيدها وهي اتصوت حق جماعتها في ستار اكاديمي .. يالسه اتصوت حق محمد عطيه<o:p></o:p>
حمد: هههههههه مب سهله المصريه .. فديتها والله .. يالله انا مسافه السكه و بكون عندكم..<o:p></o:p>
حصه: هههه يالله ما تتاخرش ..<o:p></o:p>
حمد: ههههه في امان الله<o:p></o:p>
ام حمد وهي تاكل اللب:هاه  شو قال؟؟<o:p></o:p>
حصه طاحت على القنفه: قال مسافة السكه وبكون عندكم<o:p></o:p>
ام حمد: فديت روحه وليدي .. مايقصر والله<o:p></o:p>
حصه: لاوالله .. (ونقزت من طيحتها..) جييه وانا<o:p></o:p>
ام حمد: هههههههه يا الغياره .. وانتي بعد ما تقصري .. ربي يخليكم ليه ..<o:p></o:p>
حصه تبتسم: ويخليج لنا يا اميه ..<o:p></o:p>
وتقربت حصه حذال امها وطاحت ع القنفه وهيه محطيه راسها ع ريول امها تباها تلعب بشعرها .. وايد يعيبها هالشعور .. عادي تنسى الدنيا وترقد ..<o:p></o:p>
<o:p> </o:p>
وهاذي ايامهم .. مرت بسرعه .. بكل لحظاتها الحلوه ... ويت الهموم على طلاب الثانويه .. غاليه كانت وايد شاده الحيل .. حتى عمر كان يذاكر بجد.. و حصه كذلك كانت اتذاكر ليل نهار بس عشان تفرح امها واخوها اللي مالها غيرهم فهالدنيا ..<o:p></o:p>
وبدت امتحانات الثانويه .. وفامتحان العربي .. كانت حصه تدرس عربي فالصاله  وامها حذالها يالسه تسمعلها القصائد ..<o:p></o:p>
ام حمد: الله الله عليش يا حصوه .. القصيده ديه وايد حلوه ...<o:p></o:p>
حصه: هيه لازم بتقولين حلوه لانه الشاعر مصري<o:p></o:p>
ام حمد: ههههههه امال ايه دا احمد شوقي امير الشعراء .. انا كنت بحب العربي اوي وكنت ابي اكون مدرسة عربي بس ابوي جوزني ابوكي وانا عيله وما كملت الدراسه ..<o:p></o:p>
حصه: يا حليلج يا امييه .. انزين فديتج كملي تسميع ولا تفتحيلي سوالف لانه سوالفج ما يخلصن ابدن<o:p></o:p>
ام حمد: هههههههههههههه على امرك يا ست الحسن ..<o:p></o:p>
ويايه بتبدى حصه تسمع بس فزت من صوت التيلفون اللي كان وراها .. رفعت التيلفون تتطالع الرقم ..<o:p></o:p>
حصه: اميه رقم دبي ..<o:p></o:p>
ام حمد: هاتي يا بنت دي ام سالم اكييد ..<o:p></o:p>
حصه اطالعت التيلفون وتحس بايدها بدت تتنافض وعطت امها التيلفون وشلت كتابها وردت حجرتها تكمل دراسه وهيه تحاول انه فكرها ما يتشتت بسبب اتصال ام ســــــــالم ....<o:p></o:p>
<o:p> </o:p>
<o:p> </o:p>
وبعد كم يوم من الامتحانات .. الغاليه كانت راده من الامتحان وهيه مستانسه انها حاله اوكي .. دشت البيت وعلى طول سارت حجرتها تحس عمرها هلكانه من الحر دشت الحمام تاخذلها دش بارد ويوم طلعت شغلت المكيف وطاحت ع الشبريه وودعت لأحلامها الورديه .. خذتها الرقده لين العصر ويوم انتبهت للساعه نشت بسرعه وهيه زايغه صلت العصر ونزلت تحت وهيه مستغصه ليش محد وعاها..دشت المطبخ التحضيري تحس بعمرها بتموت من اليوع ولقت البشكاره..<o:p></o:p>
الغاليه: لييش محد يا يوعيني ..؟؟<o:p></o:p>
الشغاله: ماما قول انتي في تعبان خلي نوم ..<o:p></o:p>
الغاليه يلست على الكرسي: انزين انا يووعانه .. على الاقل جان وعيتوني بتغدى وبرد ارقد<o:p></o:p>
الشغاله: اوهو غاليه مافي سوي قرقر زياده .. ماماه خلي حق انتي غدى .. شوفي داخل حراره ..<o:p></o:p>
الغاليه: هييه .. زين عيل ..<o:p></o:p>
وكلتلها لقمتين تسد يوعها وردت حجرتها تبى تدرس وهيه تحس بالام فحلجها .. بدت تذاكر ورصت على عمرها فها اليوم لين تخلص الجزء الاول من الفيزيا وفليل رقدت متأخر .. ووعت من زيغتها من وقت وكملت دراسه وهيه تحس بجسمها منهد ومتكسر ومصرطها يعورها .. وعلى المغرب طاحت عليهم مارامت تتوازن .. ودوها المستشفى وكانت حرارتها مرتفعه وها كله بسبب الدش البارد والمكيف .. عطوها ابره وردت البيت عقب الحاح منها عشان تكمل دراسه ماشي عندها وقت .. يوم وصلت لقت هناك شما تترياها اللي وصلها الخبر وتمت زايغه على الغاليه .. سارت وياها حجرتها ...<o:p></o:p>
شما: انتي بعد غير شكل.. حد اييب لعمره العوق وهو فالامتحانات؟؟<o:p></o:p>
الغاليه: شدرااني .. شموه والله بصيح باقلي وحدتين ماخلصتهن ..<o:p></o:p>
شما: سمي بالرحمن انتي وتوكلي عليه .. الحينه خذيلج راحه شويه وعلى الساعه تسع ابدي ذاكري وجان تبيني اتم عندج بتم ..<o:p></o:p>
الغاليه اطالعه بنظره توسل: هيييه تمي .. انا اخاف بروحي يوم يكون باجلي وايد<o:p></o:p>
شما: خلاص ولايهمج بسير ادق لامي وبقولها اني ببات عندج .. وبساعدج على اللي اقدر عليه ..<o:p></o:p>
الغاليه: مشكووووره غناتي<o:p></o:p>
شما: يلا بلا ها الرسميات .. ماسوي غير الواجب انا ..<o:p></o:p>
وطلعت شما وسارت تتصل بامها .. وردت عقب عند الغاليه اللي بدت تدرس وشما تمت حارستنها طول الوقت لين خلصت غاليه الكتاب .. وعقب رقدن ثنتيناتهن ..<o:p></o:p>
والصبح نشت الغاليه من غبشه راجعتلها كم ملاحظه كانت مسجلتنهن .. وبندت الليت عن شما وخلت الباب شوي مفتوح عشان بنتبهون انه حد راقد ومايسولها ازعاج الصبح .. سلمت على امها وابوها وتريقت وشربت دواها ووصلها محمد المدرسه..<o:p></o:p>
<o:p> </o:p>

آخـــر الــمــواضــيــع

الموضوع: وهــل للحــــب آمـــــال؟؟

أدوات الموضوع

عرض

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة