وهــل للحــــب آمـــــال؟؟

**المزيوونه** · 17-08-04 ||, 01:54 AM

يبالكم جزء يديد<img src="http://oasis.bindubai.com/emoticons/blush.gif" border=0>.................


 <?xml:namespace prefix = o ns = "urn:schemas-microsoft-com:office:office" /><o:p></o:p>
(الجزء السابع عشر) <o:p></o:p>
 <o:p></o:p>
اليوم الثاني راشد مر على حمد .. وقف سيارته جدام بيت حمد وضربله هرن عشان يطلعله <o:p></o:p>
طلع حمد وراشد نزل من سيارته وسلم عليه <o:p></o:p>
راشد: حيا الله بوشهاب .. <o:p></o:p>
حمد: حياك الله .. اقرب بنيلس في الميلس .. بتتفول <o:p></o:p>
راشد: لا تسلم .. قوم اركب بنطلع <o:p></o:p>
حمد: خلاص تم <o:p></o:p>
سار حمد صوب باب البيت وسكره ورجع ركب السياره ويا راشد وبدوا عاد يتمشون ويسولفون <o:p></o:p>
وفي لحظه صد راشد على حمد ورجع يشوف الدرب<o:p></o:p>
راشد: حمد <o:p></o:p>
حمد: آمر <o:p></o:p>
راشد: الاهل خبروني عن خطبتك للرضيعه <o:p></o:p>
حمد قال بدون نفس: هيه بس عاد ماشي نصيب <o:p></o:p>
راشد: والله ياحمد متلوم منك .. بس تعرف كل شي مكتوب .. والا انته ريال ماتنعاب والف من يتمناك <o:p></o:p>
حمد بابتسامه برود يحاول ايبين فيها انه مب متظايج: يالله بندور في 999 اللي باجيات <o:p></o:p>
راشد: ههههه والله انك ماتيوز .. وين احين ؟ وين انسير <o:p></o:p>
حمد: بنسير ستاربكس الشباب متيمعين اهناك<o:p></o:p>
راشد: يالله زين بعد <o:p></o:p>
 <o:p></o:p>
مرت الايام والغاليه كل ماياها تضعف والتعب بدا على وييها .. عاشت ايامها حبيسة غرفتها مع فرشاتها .. ترسم طول الوقت وتعبر عن هم في داخلها يجول ..<o:p></o:p>
اعتزلت عن اهلها وصارت نادر اذا تشوفهم او تيلس وياهم على وجبه ..<o:p></o:p>
 في يوم من الايام وكعادة الغاليه رافضه تيلس ويا اهلها على الغدى ..<o:p></o:p>
محمد يوجه سؤاله لامه: غاليه فوق ؟<o:p></o:p>
ام محمد: وين بتكون يعني ؟ يا منزبنه في حجرتها فوق يا في بيت عمها <o:p></o:p>
روضه: بلاها الغاليه من ردينا من لبنان وخطبها خالد ماتنشاف <o:p></o:p>
ام محمد: تعرفين انتي عاده غلويه تدلع<o:p></o:p>
روضه: اخافها الا ماتبى خالد<o:p></o:p>
ام محمد: لا لا شو ماتباه الا البنت جيه يوم تنخطب تتلوم وتستحي <o:p></o:p>
روضه: عاد كم بتم مستحيه جدامها ولا 3 سنين ... البنت تتلوم بس عاده مب جيه مول ماتنشاف <o:p></o:p>
ام محمد: عاد غلوي دلوعه كل شي عندها بزياده <o:p></o:p>
روضه: هيه خالوه الا على طاري خالد تراه ورا باجر بيوصل <o:p></o:p>
ام محمد: ويه فديته الله يرده بالسلامه <o:p></o:p>
 <o:p></o:p>
بدت السنه الدراسيه واحين عليا وشما والغاليه كلهن في نفس الكليه .. الغاليه بدت ترتاح شوي لانها كانت تشوف حصه وتسمع عن حمد واخباره .. وتشوفه وهم طالعين اخر الدوام .. وخالد احين من 3 ايام من وصل من السفر .. زار بيت خالته لكنه يوم سأل عن الغاليه قالوله انها راقده .. مع انها كانت واعيه بس رافضه تشوفه .. <o:p></o:p>
 <o:p></o:p>
يوم الاربعا ومن بعد مارجعوا من دواماتهم .. الغاليه دخلت من ورا صوب المطابخ عشان ماتشوف خالتها وولدها اللي ياين يتغدون عندهم .. دخلت غرفتها .. فرت شنطها على السرير .. وتسبحت وطلعت يلست على كرسيها تنشف شعرها .. كانت لابسه بجامتها لانها ناويه ترقد وتشرد من امجابل خالتها كالعاده .. يلست على الكرسي الهزاز وتمت طايحه تفكر في نظره حمد اليوم .. اااه ياحمد الله يسامح اللي كان السبب .. <o:p></o:p>
قطع افكارها صوت الباب وهو ينفتح .. <o:p></o:p>
الغاليه التفتت للباب : اميه !!!<o:p></o:p>
ام محمد: ممكن اعرف لين متى بتمين حابسه عمرج في حجرتج ؟؟<o:p></o:p>
الغاليه ببرود: انا مرتاحه جيه <o:p></o:p>
ام محمد: حركاتج هاي مابتغير راينا .. فاحسلج يوزي عن هاي الحركات وغدي حرمه <o:p></o:p>
الغاليه حاست بوزها وركزت نظرها على امها <o:p></o:p>
ام محمد: لاتحيسيلي بوزج .. وقومي بدلي هاي البجامه اللي لابستنها ونزلي سلمي على خالتج <o:p></o:p>
الغاليه: مب نازله اسلم على حد.. برقد <o:p></o:p>
ام محمد تقربت من بنتها ومسكتها من جتفها ويرتها صوبها : غلوي عندج 10 دقايق تتلبسين فيها وتنزلين تسلمين على ولد خالتج .. تسمعين<o:p></o:p>
قالت تهديدها هذا وطلعت من الغرفه <o:p></o:p>
الغاليه بقهر : ماعليه يا عوشه بنزل وبسلم على ولد اختج لكن تحملوا اللي بييكم .. <o:p></o:p>
بدلت البجامه ولبست جلابيه عاديـــه وايد .. ولبست وقايتهاالبيضاا ونزلت .. <o:p></o:p>
نزلت على الدري وهي تشوف امها مجابلتنها من بعيد وتتبادل وياها نظرات التحدي..<o:p></o:p>
ام محمد: هذي الغاليه يت .. تعالي الغاليه سلمي على خالتج و ولدها <o:p></o:p>
خالد اول ماشاف الغاليه يايه وقف وابتسملها .. رغم انه انتبه لشكلها التعبان بس بعدها حلاتها ماتغيرت .. وفوق هذا نظره كبرياء كانت على ويها .. حلتها وايد .. <o:p></o:p>
وصلت الغاليه صوب خالد ولما مد ايده ايسلم عليها طنشته وسارت صوب خالتها وسلمت عليها <o:p></o:p>
ام خالد: هلا فديتج الغاليه وين ماتنشافين ؟؟<o:p></o:p>
الغاليه: موجودين <o:p></o:p>
وصدت لخالد ببرود: الحمدالله على السلامه<o:p></o:p>
خالد: الله يسلمج .. اشحالج الغاليه؟<o:p></o:p>
الغاليه تقولها من ورا نفس: بخير وانته ؟<o:p></o:p>
رمست رمستها هاي وعطته ظهرها و سارت ويلست حذال امها<o:p></o:p>
 خالد: بخير الله يسلمج<o:p></o:p>
ام محمد : قومي الغاليه قهوي خالتج وخالد <o:p></o:p>
نشت الغاليه وسارت صوب الدلال .. ام محمد كانت على اعصابها حاسه انه الغاليه مابتعدي ها اليوم على خير مدام هاي حركاتها من اولها .. <o:p></o:p>
وقفت الغاليه جدام الدلال وبنظرة تحدي لامها شلت الدله باليمين والفنايل باليسار .. <o:p></o:p>
ام محمد شافته وكانت تحاول بحركه في عيونها تنبه الغاليه انها شاله الدله غلط .. <o:p></o:p>
لكن الغاليه معانده وشكله متعمده اتسويها .. <o:p></o:p>
سارت لخالتها وصبتلها القهوه وناولتها الفنيال باليسار .. ولما وصلت لخالد وصبتله القهوه ويت بتعطيه اياها اختظ الفنيال وانصبت القهوه على ثيابه <o:p></o:p>
الغاليه: اوووه اسمحلي ماكنت اقصد <o:p></o:p>
خالد وهو ينفض ثيابه:لا عادي .. حصل خير <o:p></o:p>
ام خالد: لو شاله الدله صح مابتصبين القهوه <o:p></o:p>
الغاليه: وانا شعرفني شقى ايشلونها <o:p></o:p>
ام محمد بدت اعصابها تفوور خلاص مب متحمله حركات بنتها : نشي ايبي كنوره من كبت راشد لخالد يالله بسرعه<o:p></o:p>
خالد: لاخالوه مايحتاي .. بغسلها واحين مروحين البيت <o:p></o:p>
ام محمد: تراكم يالسين وين بتسير بعد ؟؟<o:p></o:p>
خالد: مره ثانيه ان شا الله ... يالله امي نشي <o:p></o:p>
الغاليه ابتسمت ابتسامه انتصار .. وصعدت غرفتها وهي تراكض من الفرحه انها قدرت اطلع  ولوشوي من حرتها ..

 <o:p></o:p>
دخلت غرفتها وعقت وقايتها على السرير .. وبدلت ثيابها ولبست بجامتها وطاحت عشان ترقد<o:p></o:p>
 <o:p></o:p>
ام خالد طلعت من البيت و ولدها وراها .. ركبت السياره قبله .. ركب خالد وياها وكان ساكت ..<o:p></o:p>
ام خالد: اخ عليها .. صدق انه عوشه ماعرفت اتربي<o:p></o:p>
خالد: امي ليش انتي معصبه ؟؟<o:p></o:p>
ام خالد: عيل ماريتها شقى تطالع والا مشيتها واخر شي تيودلي الدله باليمنى ..<o:p></o:p>
اخ عليها والله عوشه ماعرفت اتربيها .. بزوووها لين اركبت فوق روسهم ...<o:p></o:p>
 <o:p></o:p>
خالد: امي بروحج اللي رمستي قلتلج لاترمسين احين وبعدين ماكنت اتحرى غلوي جيه<o:p></o:p>
 <o:p></o:p>
ام خالد: هيه برمس مابغيتها اتم في خاطرك مادريتبها بتتمرد علينا .. لكن على منو ؟ <o:p></o:p>
 <o:p></o:p>
خالد هز راسه .. يعرف لو رمس مابيقدر ايسكت امه موول .. <o:p></o:p>
 <o:p></o:p>
انفتح باب غرفه الغاليه بطريقه همجيه وكانت امها هي اللي يايه <o:p></o:p>
الغاليه التفتت للباب: بسم الله <o:p></o:p>
ام محمد بصراخ والشرار كان طالع من عينها: غلوووي اللي سويتيه اليوم صدقيني بتندمين عليه .. انا ماعلمتج كيف اتقهوين وكيف تشلين الدلال .؟.<o:p></o:p>
وفوق هذا متعمده اتصبين القهوه على ثياب ولد خالتج ؟.. لكن صدقيني لو عدتي حركاتج هاي مابتومين الا نفسج ... <o:p></o:p>
الغاليه كانت نيران في داخلها بس تصطنع البرود: شو بتسوون يعني ؟ بتجتلوني ؟ ابرك واخير ولا اكون حرمة ولد اختج <o:p></o:p>
ام محمد: غير خالد مابتاخذين ,, طال الزمن والا قصر .. ولاتعاندين لاني ممكن اخليه الحين يملج عليج وايشلج وياه .. غصبن عنج <o:p></o:p>
الغاليه وهي تلعب بتلفونها : كله واحد .. <o:p></o:p>
 <o:p></o:p>
ام محمد طلعت من الغرفه ورضت بالباب وراها من الغيض .. اما الغاليه اللي كانت تصطنع البرود .. براكين تغلي في داخلها .. لكنها ساكته وصابره .. وبعدها مستعده اتخوض تحدي ويا امها .. <o:p></o:p>
 <o:p></o:p>
طلعت ام محمد من غرفه الغاليه ولاقاها عبدالله في ويهه على الدري<o:p></o:p>
عبدالله : امي بلاج جيه مستويه طماطه ؟؟<o:p></o:p>
ام محمد: اسكت عني انتي الثاني <o:p></o:p>
عبدالله ببرود : انا الثاني ليش منو الاول ؟<o:p></o:p>
ام محمد: اوووف هاذيل اللي بيجتلوني قاصره عمر <o:p></o:p>
عبدالله: امي بلاج .. اتعوذي من ابليس <o:p></o:p>
ام محمد تصارخ: عوذ بالله منك<o:p></o:p>
ودزت ولدها على طرف ومشت  وهي نازله تتحرطم <o:p></o:p>
عبدالله : بسم الله بلاها ؟ محد غيرها غلوي . محد يسوي بامايه جيه الا هيه <o:p></o:p>
مشى عبدالله ودخل غرفه اخته وحصلها تصلي العصر .. <o:p></o:p>
يلس يترياها لين خلصت وسلمت <o:p></o:p>
عبدالله: تقبل الله <o:p></o:p>
الغاليه: منا ومنك <o:p></o:p>
عبدالله: غلوي امي بلاها ؟<o:p></o:p>
الغاليه: شو بلاها بعد<o:p></o:p>
عبدالله: لاقيتها على الدري تتحرطم ومعصبه <o:p></o:p>
الغاليه: شي يديد يعني؟<o:p></o:p>
عبدالله: لا والله هو مب شي يديد عليها .. انزين غلوي انتي بلاج ليش جيه مصفره شكلج تعبان؟<o:p></o:p>
الغاليه سحبت نفس ووخت تطالع سيادتها <o:p></o:p>
عبدالله: مظايجه لانج بتعرسين ؟<o:p></o:p>
الغاليه: لاتشغل بالك في هاي السوالف انته .. انتبه لدروسك وبس <o:p></o:p>
عبدالله: غلوي لاتتحروني ياهل .. انا اعرف كل شي يستوي <o:p></o:p>
الغاليه: يوم اتعرف ليش تسألني عيل <o:p></o:p>
عبدالله: اليوم سمعت امي وابويه يرمسون عنج .. ابويه يقول لامي انها ماتغصبج بس هي معنده <o:p></o:p>
الغاليه: فديت ابويه والله .. عاد امي بتسوي سالفه لرمسته<o:p></o:p>
عبدالله: ابويه قال السالفه جدامها 3 سنين ليش تستعيلون الامور <o:p></o:p>
الغاليه: هذا اللي مطمنني .. سنه بس تكفيني عشان اطفر بخالتك وولدها واخليهم يغيرون رايهم <o:p></o:p>
عبدالله: حسيب الله عدوج شو بتسويلهم <o:p></o:p>
الغاليه: اصبر وشوف .. <o:p></o:p>
عبدالله: ابويه انا بسير عنج والله احس يالس ويا زعيمه عصابه مب اختي <o:p></o:p>
الغاليه: ههههههه ..<o:p></o:p>
 طبعا تظحك من ورا خاطرها ..<o:p></o:p>
 <o:p></o:p>
مرت الايام وهذا حالهم .. الكل يلاحظ غياب الغاليه واللي يباها يعرف انها في الغرفه .. <o:p></o:p>
علاقتها كلما ياها تبتعد عن امها .. حتى شما وعليا عيوا مايرمسونها ويهونون عليها .. <o:p></o:p>
وخطبتها صارت رسميه من خالد اللي خطبها رسمي ورجع سافر.. <o:p></o:p>
 <o:p></o:p>
اليوم هو الاربعا .. طلعت الغاليه من الكليه وكعادة كل يوم تشوف حمد جدامها .. يعني مستحيل تقدر تنسى .. كان عمر ياي ياخذها .. وشما وعليا سابقينها في السياره ..<o:p></o:p>
دخلت الغاليه السياره ويلست ورا شما اللي كانت يالسه جدام حذال عمر .. <o:p></o:p>
الغاليه: آسفه اتأخرت عليكم <o:p></o:p>
عمر: لا عادي افا نحن كم غاليه عندنا <o:p></o:p>
الغاليه: تسلم <o:p></o:p>
وكالعاده التزمت الصمت <o:p></o:p>
شما: عمر حوطنا ,, (وغمزت بعينها لعمر عشان يفهم انهم يبون يغيرون جو للغاليه اللي مول ماصارت تطلع ولا حتى تيلس وياهم برع على المنامه يوم يتيمعون ..)<o:p></o:p>
عمر: فالكم طيب <o:p></o:p>
الغاليه: ردوني البيت وعقب سيروا مكان ماتبون انا مالي خاطر اسير مكان <o:p></o:p>
عمر بلهجه يحاول يغري فيها الغاليه: بودييييكم البحر <o:p></o:p>
الغاليه: ردني البيت وعقب ودهم .. انا مابا اسير <o:p></o:p>
عليا: غلويه بلاج جيه معيزه بعمرج .. تعالي استانسي <o:p></o:p>
الغاليه اللي بدت تتنرفز: مب غصب .. قلت مابا اسير <o:p></o:p>
شما: خلاص عمر رد البيت .. <o:p></o:p>
تموا كلهم ساكتين يتبادلون النظرات بينما الغاليه تطالع من الدريشه وحزنانه .. <o:p></o:p>

**المزيوونه** · 17-08-04 ||, 01:56 AM

<?xml:namespace prefix = o ns = "urn:schemas-microsoft-com:office:office" /><o:p></o:p>
وصلت البيت ودخلت غرفتها كالعاده من الباب اللي ورا ماتبا اتشوف حد ..<o:p></o:p>
فرت شنطتها وبدلت ملابسها وشغلت المسجل وطاحت على السرير ..<o:p></o:p>
قطع افكارها صوت تلفونها وهو يرن .. طلعته من الشنطه وردت على حصه <o:p></o:p>
الغاليه: هلا والله <o:p></o:p>
حصه: اهلين . شو اتسوين ؟<o:p></o:p>
الغاليه: ماشي طايحه يمكن ارقد <o:p></o:p>
حصه: لا لاترقدين .. عقب الصلاه اسمعي برنامج الشعرا في الاذاعه <o:p></o:p>
الغاليه: ليش؟<o:p></o:p>
حصه: حمد بيعد قصيده لج <o:p></o:p>
الغاليه: قولي والله <o:p></o:p>
حصه: والله .. <o:p></o:p>
الغاليه: انزين عيل .. سلمي عليه <o:p></o:p>
حصه: الله يسلمج مع السلامه<o:p></o:p>
الغاليه : مع السلامه <o:p></o:p>
 <o:p></o:p>
سارت الغاليه وطلعت شريط عشان تسجل البرنامج .. وشغلت المسجل على الاذاعه .. <o:p></o:p>
ووطت على الصوت لين اتصلي ,, ورجعت طولت عليه ,,<o:p></o:p>
بدا البرنامج وسجلته .. ويلست تسمعه .. لين اتصل حمد بالبرنامج ..<o:p></o:p>
 <o:p></o:p>
المذيع : الحين ويانا اتصال من الشاعر الشاب حمد بن خلفان .. مرحبا <o:p></o:p>
حمد: مرحبتين ياهلا والله <o:p></o:p>
المذيع: مرحبا فيك اخويه الشاعر حمد .. شو جديدك؟<o:p></o:p>
حمد: والله انا عندي قصيده واهديها لشخص غالي عليه <o:p></o:p>
(الغاليه تسمع ولازقه في المسجل وعيونها تلمع من سمعت صوته)<o:p></o:p>
المذيع: تفضل اخويه <o:p></o:p>
حمد: قصيدتي تقول <o:p></o:p>
 <o:p></o:p>
ودي بوصف الحزن يوم يرحل .. وكيف السعاده تعود نبع في مجاريها<o:p></o:p>
منظر العين مدلول سعدِ بالتكحل ,, الا البكاء والحزن لابد يأذيها<o:p></o:p>
فمن يجهل الحب للاحزان يجهل .. ومن يعرف الحب فالاحزان يرويها<o:p></o:p>
ومن عاشر الظلم فالنكران يسهل .. ماهمته الدنيا تعيسه لياليها<o:p></o:p>
ومن عاشر الاكرام بالخير ينهل ,, يروي الفيافي و زهرِ نبت فيها<o:p></o:p>
 <o:p></o:p>
وسلامتكم .. <o:p></o:p>
 <o:p></o:p>
المذيع: صح السانك ياشاعرنا وتسلم على هاي المشاركه ..<o:p></o:p>
حمد: صح بدنك و الله يسلمك <o:p></o:p>
سكر حمد التلفون وهو يفكر في شعورها وهي تسمع قصيدته .. ومسح دموعه اللي نزلت منه وهو ايفكر في الغاليه اللي اصبحت مثل القمــر بالنسبه له .. ايشوفه من بعيد وايعرف انه مب له .. <o:p></o:p>
 <o:p></o:p>
اما الغاليه فمن اسمعت القصيده وهي مب على حالها .. تمت اتصيح وكل شوي تعيد التسجيل .. <o:p></o:p>
نشت من مكانها وهي تحس بصداع .. غسلت ويها وسارت يلست على الكرسي ومسكت ورقتها وفرشاتها وبدت ترسم .. بدت في لوحاتها اللي كانت الالوان الغامجه تطغي عليها من بعد ماكانت لوحاتها تضج بالحياه والالوان الباهيه .. <o:p></o:p>
بعد اذان المغرب وبعد ماصلت الغاليه رجعت تكمل لوحتها .. <o:p></o:p>
ومشغله المسجل .. <o:p></o:p>
اندق الباب واول مانفتح .. طلع بس راس اخوها محمد .. <o:p></o:p>
ابتسمت الغاليه على شكل اخوها .. وبندت المسجل اللي كان حذالها .. <o:p></o:p>
الغاليه: هلا محمد <o:p></o:p>
دخل محمد وعقد حياته يوم شاف عيون اخته المنتفخه <o:p></o:p>
وقف ورا الكرسي يتأمل اللوحه اللي راسمتنها اخته <o:p></o:p>
رفع حاجب ووجه كلامه لاخته: ليش جيه الوانها كئيبه <o:p></o:p>
الغاليه: هذا اللي في خاطري <o:p></o:p>
وقف جدامها ومسح على شعرها: لين متى ؟ <o:p></o:p>
الغاليه: ماعرف <o:p></o:p>
محمد: غاليه عشان خاطري لاتمين جيه ماحب اشوفج ظايجه <o:p></o:p>
الغاليه: لاتخاف مافيني شي <o:p></o:p>
محمد: انزين كلهم يالسين برع على المنامه تعالي يلسي وياهم <o:p></o:p>
الغاليه: لا لامالي بارض <o:p></o:p>
محمد: عشان خاطري .. وانا بسير بييبلكم عشا <o:p></o:p>
الغاليه: ان شاء الله <o:p></o:p>
محمد: يالله اشوفج نشي جدامي .. <o:p></o:p>
الغاليه: لا لا اتجدم انته ببدل ثيابي وبيي <o:p></o:p>
محمد: مابنزل لين تنزلين ويايه .. بدلي بترياج <o:p></o:p>
الغاليه: ان شاء الله .. نشت من على الكرسي وطلعتلها كندوره ودخلت غرفه تبديل الملابس .. <o:p></o:p>
محمد يلس على كرسي الغاليه وقبض فرشاه صغيره <o:p></o:p>
في هالوقت الغاليه خلصت لبس وطلعت ..<o:p></o:p>
شافت اخوها قابض فرشاه ..سارت صوبه وشافته موقع على الصوره بلون ابيض <o:p></o:p>
الغاليه: هههههه يالحرامي انا ارسم وانته توقع <o:p></o:p>
محمد: احلى شي .. اصلا الرسمه ما احلوت الا من عقب توقيعي<o:p></o:p>
الغاليه:ههه يالله انزين انا خلصت <o:p></o:p>
محمد: يالله <o:p></o:p>
لبست وقايتها ونزلت ويا اخوها ..  هو سار يشتري العشى وهي سارت صوب المنامه <o:p></o:p>
عليا وشما وعمر وعبدالله ومريم ميلسين برع <o:p></o:p>
اول ماشافوا الغاليه كلهم فرحوا ماتوقعوا تطلع تيلس وياهم .. <o:p></o:p>
عمر: اوه الغاليه بنت سلطان اخيرا تكرمت على الشعب العربي وانزلت <o:p></o:p>
الغاليه ابتسمت لعمر وسلمت عليهم وايلست وياهم يسولفون .. <o:p></o:p>
 <o:p></o:p>
في كندا اتجلب خالد على سريره وهو يحاول يقاوم النشه .. كان يسمع صوت الجرس بس متكسل .. فر اللحاف ونش .. مشى للباب وفتحه .. وهو يشوف مغمض عين وفاتح عين .. <o:p></o:p>
علي: حشى مابغيت تفتح الباب .. مخلف عليك رقاد اهل الكهف <o:p></o:p>
خالد قال بكسل : تعال ادخل <o:p></o:p>
دخل خالد ولحقه علي وسكر الباب وراه .. <o:p></o:p>
علي: ليش ماداومت <o:p></o:p>
خالد: فيني رقاد <o:p></o:p>
علي: شو تتمصخر انته <o:p></o:p>
خالد: علي البيت بيتك .. ايلس انا بتسبح وبيي <o:p></o:p>
علي يلس على الكرسي .. يتريا خالد .. لكنه قرر ايسير المطبخ ايسوي جاهي <o:p></o:p>
دخل المطبخ .. صب ماي في الغوري وخلاه يفور .. اتلفت ايدور الجاهي ماحصله .. فتح السدات سده سده يدور .. فتح السده اللي فوق ولفتته الغرشه الخضرا اللي موجوده اهناك .. <o:p></o:p>
" خمر" <o:p></o:p>
خالد في شقته خمر .. <o:p></o:p>
وقف وهو مستغرب .. طلع الغرشه وسوى الجاهي .. <o:p></o:p>
حطه في صينيه ويا خبز وجبن وحط غرشه الخمر بعد .. <o:p></o:p>
طلع الصاله ويلس الصينيه على الطاوله <o:p></o:p>
طلع خالد من الحجره وهو ينشف راسه بالفوطه ومب منتبه ..: علي شو سويت بخصوص ..<o:p></o:p>
ووقف كلامه وقت مانزل الفوطه وشاف الصينيه <o:p></o:p>
نقل نظره من الصينيه لعلي ورجع يشوف الصينيه .. <o:p></o:p>
وقف ومب عارف شو يقول والا شو ايسوي وشو يتصرف .. <o:p></o:p>
علي بنظرة حاده ولهجه احد: تعال ايلس <o:p></o:p>
يلس خالد مب لانه سمع كلام علي بس لانه مب قادر يوقف على ريوله <o:p></o:p>
علي بنظره عتاب: هذا شو؟؟<o:p></o:p>
خالد: شش ..  شوو <o:p></o:p>
علي: هذي الغرشه شوووو<o:p></o:p>
خالد: مب مالي <o:p></o:p>
علي: عيل <o:p></o:p>
خالد: ماعرف <o:p></o:p>
علي: يعني هي بروحها يت الشقه وانخشت في الكبت <o:p></o:p>
خالد وقف : انا ماسمحلك ترمسني بهذا الاسلوب الاستفزازي <o:p></o:p>
علي: خالد شو ها ؟ انته من متى تشرب؟<o:p></o:p>
خالد: من زمان <o:p></o:p>
علي وقف وصرخ في ويه خالد: جذااااااااااااااااااااااب .. ماعرفت الخمر الا من عرفت ناصر وربعه الخياس .. <o:p></o:p>
خالد: ناصر ماله شغل <o:p></o:p>
علي: اسمعني .. انا مالي رمسه وياك .. ولا لساني يطيح على لسانك مدام انك على علاقه ويا هالخمه <o:p></o:p>
وطلع من الشقه معصب وصك الباب وراه صكه زين ماطاح الباب من وراها.. اما خالد انهار على الكرسي وحط ويهه بين ايده وهو يحس بالخساره الكبيره انه خسر اعز ربعه علي ..  <o:p></o:p>
 <o:p></o:p>
في بيت بن مطـــــــر .. ..<o:p></o:p>
الغاليه يالسه تسولف ويا شما والباجين بروحهم مرتبشين بالسوالف بعد,, <o:p></o:p>
شما: رسمتي شي يديد؟<o:p></o:p>
الغاليه: هيه اليوم.. تعالي براويج اياها وبسمعج القصيده بالمره<o:p></o:p>
شما: يالله .. <o:p></o:p>
نشن شما والغاليه سايرين صوب الفله <o:p></o:p>
شافن سياره راشد داخله .. ووقفن <o:p></o:p>
الغاليه: هذا اكيد محمد ياب العشى<o:p></o:p>
شما: لاهذا راشد<o:p></o:p>
نزل راشد من سيارته وسفرته على جتفه .. <o:p></o:p>
اتجدمت الغاليه صوب راشد وشما وراها بس بعيد شوي عنها <o:p></o:p>
اتقربت الغاليه من راشد وشافت في عيونه دمووع .. اول مره اتشوفهن في عيونه <o:p></o:p>
نزلت نظرها لكندورته وشافت بقع دم عليها .. <o:p></o:p>
الغاليه وهي تنقل نظرها بين بقع الدم و ويهه: راشد شوفيك ليش جيه شكلك .. وشو هالدم اللي على ثيابك ؟؟ <o:p></o:p>
نزل راشد راسه وبس ماقدر يتحمل وبدت دموعه تنزل ويمسحهن بغترته ..<o:p></o:p>
شما اتقربت اكثر يوم شافته جيه .. <o:p></o:p>
الغاليه: راشد ارمس شو فيك شو مستوي ؟؟<o:p></o:p>
راشد: محمد <o:p></o:p>
الغاليه: اخويه؟<o:p></o:p>
راشد هز راسه بالايجاب <o:p></o:p>
الغاليه: طلع يشتري عشى بلاه !!<o:p></o:p>
راشد: خلاص محمد مابيرجع <o:p></o:p>
شما كانت تشوف عيون راشد وفاهمه وعلى طول غطت شفايفها بايدها وتمت اتصيح بصوت عالي .. <o:p></o:p>
غاليه تجمدت الدموع في عينها .. شو يقصد محمد مابيرجع؟ وين بيسير يعني؟ قالي بييب عشى وبيرجع؟ انا نازله عشانه اصلا .. وكلنا نترياه <o:p></o:p>
غاليه شدت كندورة راشد: قووول وين محمد ؟ <o:p></o:p>
راشد : محمد مات في حادث ياغاليه خلاص محمد راح <o:p></o:p>
شهق راشد وصاح بصوت عالي ومشى عنها ودخل الفله<o:p></o:p>
.. اما الغاليه كان وقع الخبر عليها مب طبيعي .. حست ريلها ماتشلها ويلست على الارض وبدت دموعها تنزل وهي مب مستوعبه وحيرانه.. <o:p></o:p>
وفجأه تذكرت الدم اللي على ثياب راشد .. بقع الدم قطعت الشك باليقين .. <o:p></o:p>
 يعني صدق اللي صار في محمد!!!<o:p></o:p>
محمــــــــد مـــــــــــــات .. <o:p></o:p>
 <o:p></o:p>
عليا اللي كانت تراقبهن نشت من مكانها وشافوها الباجين وساروا وياها صوب الغاليه<o:p></o:p>
اتقربت عليا منها ويلست على الارض مجابلتنها : غلويه بلاج راشد زعلج؟ قالج شي؟ <o:p></o:p>
الغاليه تنتفض ..حاولت تتكلم لكن صوتها كان مبحوح وبعد جهد طلعت كلمه: محمد <o:p></o:p>
عبدالله: أي  محمد<o:p></o:p>
الغاليه: اخويه <o:p></o:p>
عليا: شوفيه <o:p></o:p>
الغاليه: ماااااااات<o:p></o:p>
عمر اتسند بالسياره وهو يفرك يبهته يبا ايركز في اللي سمعه وبدت دموعه تنزل ..<o:p></o:p>
اما عبدالله يلس على الارض وحظن عمره وهو مصدوووم وبدى يصييح بصوت يقطع القلب<o:p></o:p>
 عليا صرخت وركضت صوب بيت اختها ..<o:p></o:p>
ركض عمر وراها ويودها من ايدها <o:p></o:p>
عليا: عمر هدني بسير بشوف اختي <o:p></o:p>
عمر: عليا لاتتهورين يمكن روضه ماتدري بعدها .. سيري بيت عمي<o:p></o:p>
هزت عليا راسها وسارت بيت خالتها وهي تصيح <o:p></o:p>
دخلت عليا البيت بينما بومحمد طلع ولابس الغتره على راسه بدون عقال .. وساير بيت محمد .. ووراه ام خالد اللي يلست على دجات بيت محمد .. تتريا يطلع عشان تدخل على بنتها .. <o:p></o:p>

**المزيوونه** · 17-08-04 ||, 01:59 AM

دخل بومحمد بيت ولده .. وانقبض قلبه اول ماشاف بيته من داخل .. مشى في الصاله وماشاف حد .. اتجدم لين الغرف وبدى ينادي : روضه .. روووضه <?xml:namespace prefix = o ns = "urn:schemas-microsoft-com:office:office" /><o:p></o:p>
طلعت روضه من الغرفه وهي لابسه وقايتها مال الصلاه: هلا عمي <o:p></o:p>
بومحمد: تعالي الصاله اباج ,,,, ومشى عنها ..<o:p></o:p>
سكرت باب الغرفه ومشت وراه وعلى ويها الف علامه استفهام .. <o:p></o:p>
يلس هو على الغنفه ويلست مجابلتنه .. <o:p></o:p>
روضه: عمي شو فيك شو صاير ؟ <o:p></o:p>
نزل بومحمد عيونه المحمره وقال بتعب : محمد سوى حادث؟<o:p></o:p>
روضه(بسرعه): وين هو احين ؟ شو استواله ؟ ودني عنده عمي الله يخليك <o:p></o:p>
بومحمد: روضه محمد خلاص راااح .. <o:p></o:p>
سكتت روضه وهي مصدومه .. شافت عمها وهو يمسح دموعه .. <o:p></o:p>
وقامت من مكانها سايره صوب الغرف ادخلت غرفتها وارجعت شاله عباتها <o:p></o:p>
بومحمد وقف وسار صوبها: وين سايره يابنتي ؟؟<o:p></o:p>
روضه: عمي ودني عند محمد <o:p></o:p>
بومحمد: مايحتاي اوديج احين بيي البيت <o:p></o:p>
روضه: عمي كنت اتقص عليه صح .. انا اعرف محمد قالي ارقد اليهال لين اييب العشى ويرجع ؟ احين بيي عمي صدقني <o:p></o:p>
بومحمد: محمد مات ياروضه وانا ساير استلم الجثه وبييبها البيت <o:p></o:p>
سكتت وهي تحس بالم في صدرها .. وغطت شفايفها بايدها وايدها الثانيه على قلبها<o:p></o:p>
بومحمد مسكها من جتفها: اذكري الله وادعيله بالرحمه <o:p></o:p>
طلع بومحمد ودخلت على طول ام خالد اللي اول ماحظنت بنتها طاحت في ايدها .. <o:p></o:p>
حاولت ترش عليها ماي وتضربها على ويها عشان تنش ..  واول مانشت روضه قالت بتعب: وين عيالي؟<o:p></o:p>
ام خالد: في حجرتهم رقود <o:p></o:p>
نشت روضه وسارت على طول غرفه عيالها ..<o:p></o:p>
 <o:p></o:p>
الغــاليه دخلت غرفه امها تبى تشوفها لكنها كانت تصلي <o:p></o:p>
يلست على السرير وهي تنتفض .. واول ماسلمت امها صدت لبنتها بنظره مكسوره <o:p></o:p>
: غاليه سيري ويا شما قولوا للشغالات يبطلن الميالس ويشغلن المكيفات .. <o:p></o:p>
هزت راسها غاليه جنها تقول ان شاء الله وهي مب مستوعبه طريقه امهااا في الكلام <o:p></o:p>
(احين محمد مات وامي بكل برود تقولي بطلي الميالس .. اكيد ماتعرف ماخبروها والا مستحيل ترمس جيه )<o:p></o:p>
مشت الغاليه وهي اتمتم كلام مب مفهوم .. ونفذت اللي قالتلها اياه امها وشما وياها لكن ولا وحده منهن ترمس ويا الثانيه .. الصمت كان سيد الموقف ونظارتهم كلها حايره .. رجعن وحصلن ام عمر يايه واول ماشافتها الغاليه على طول طاحت في حظنها وتمت اتصيح .. <o:p></o:p>
ام عمر: انا لله وانا اليه لراجعون .. شما خذي سلطان وفطامي وديهم رقديهم عند قوم مايد وقولي حق مريم ترقد عندهم<o:p></o:p>
شما: ان شاء الله <o:p></o:p>
 <o:p></o:p>
طلعت شما وخذت عيال محمد وودتهم البيت ورجعت بيت عمها <o:p></o:p>
الغاليه صعدت غرفتها وشافت عليا هناك اللي كانت متكوره باللحاف وتصيح ..<o:p></o:p>
مارمست وياها مول ..  صلت ركعتين ونزلت تحت ..<o:p></o:p>
شافت يدتها يالسه في الصاله محطيه ايدها على خدها و وياها بعض حريم يرانهم ..<o:p></o:p>
دخلت غرفه امها وشافته تعطر خلقه بيضا .. هي وام عمر .. كانت الكـــــــــــفـن ..<o:p></o:p>
 الغاليه كانت تشوف امها وخانقتها العبره توقعت انه امها تنهار مب اتم ساكته جيه .. <o:p></o:p>
الغاليه : اميه ليش اتسوين جيه؟ ليش ساكته لييييييش؟ماتعرفين انه محمد مات؟  <o:p></o:p>
ام محمد كانت تحاول تقوي عمرها قد ماتقدر : اعرف <o:p></o:p>
الغاليه: عيل ليش ماتصيحين ؟ <o:p></o:p>
ام محمد: مثل ما الله عطاني اياه .. الله خذاه <o:p></o:p>
الغاليه ترمس وتهز الكفن بين ايدها: ليش اتعطرين كفنه وانتي تعرفين انه هاي الخلقه بتبعد ولدج عنج ومابتشوفينه مره ثانيه؟ ليييييييييييش؟<o:p></o:p>
 <o:p></o:p>
الغاليه انهارت ويلست على ركبها تصيح وخذتها ام عمر وطلعت وياها برع الغرفه <o:p></o:p>
.. اما ام محمد بعدها ساكته .. صحيح كانت مؤمنه بقضا الله لكن سكوتها كان لعدم استيعابها للموضوع .. <o:p></o:p>
 <o:p></o:p>
روضه من بعد ماصلت طاحت على سريرها في غرفتها وحظنت مخده محمد وتمت تصيح <o:p></o:p>
ام خالد: يا اميه لاتسوين بعمرج جيه قومي اقريلج قران <o:p></o:p>
روضه: محمد راح يا اميه راااح .. <o:p></o:p>
ام خالد: اذكري الله يابنتي <o:p></o:p>
تمت روضه تفكر في زوجها .. اللي حبته وعاشت وياه سنينها .. اللي عوضها حنان ابوها وماقصر عليها في شي .. تفكر كيف ممكن تنش الصبح وماتقوله صباح الخير ؟ او ينشون عياله ومايوديهم المدرسه .. فكرت في لقب يتامى اللي اتعلق في عيالها ..<o:p></o:p>
 والتفتت لامها وكأنها تذكرت شي : امي وين عيالي؟<o:p></o:p>
ام خالد: بيت سيف لاتحاتينهم <o:p></o:p>
روضه: ليش اتودونهم ايبوهم اباهم <o:p></o:p>
ام خالد: مب زين الدنيا بتمتزر حريم بيتروعون <o:p></o:p>
روضه: ليش الحريم ايون بعد ,, محمد خلاص روح .. شو اييبهم بعد.. شو اييبهم<o:p></o:p>
ام خالد ماقدرت اتيود عمرها حظنت بنتها وتمن ايصيحن <o:p></o:p>
 <o:p></o:p>
بعد حوالي ساعتين على الساعه 10 فليل .. وصلت سياره الاسعاف اللي يايبه محمد ..<o:p></o:p>
 نزلوه في الميلس اللي داخل ..<o:p></o:p>
شما سارت غرفه الغاليه وحصلتها تقرا قران : غاليه .. محمد يابوه تعالي سلمي عليه بسرعه <o:p></o:p>
وطت الغاليه مصحفها .. ونزلت .. كان تمشي على الدري بخطوات متهاونه .. وفي كل خطوه تخطيها كانت تحس بدقات قلبها تزيد وتزيد وانفاسها بصعوبه تاخذها لين وصلت الميلس اللي فيه اخوها .. دخلت وحصلت الليتات اغلبها مبنده ومكتفين بنور خفيف .. شافت شي ابيض ممدد على الارض تقربت منه .. كان ملفوف بكبره بشراشف بيض .. بس ويهه طالع ..وعلى   راسه رضه ومغطينها بشاش .. يلست احذاله وباسته على راسه .. وتمت تتامله ..  وهي تفكر فيه .. كيف سوى الحادث ؟ تألم وايد ؟ راسه يعوره؟ مات على طول والا شو ؟<o:p></o:p>
لحظـــــــه .. يمكن ما مات بعده؟ <o:p></o:p>
 حطت ايدها على ايده اللي كانت مغطايه .. وهزتها : محمد انته راقد صح ؟ محمد عن هاي الحركات قوم يالله .. اعرف احين بتنش وبتظحك .. <o:p></o:p>
.. دخيلك رد عليه محمد .. مـــحــمــــــد ..( وتبوس ايده) ابوس ايدك ابوس ريولك رد .. لاتخليني بروحي انا احتاجك .. محمــــــــــــــــــــــ ــــــــــد ..<o:p></o:p>
 وطاحت على صدره اتصيح <o:p></o:p>
سارتلها ام عمر وحاولت تخوزها من المكان اللي هي فيه .. وودتها غرفه امها .. <o:p></o:p>
دخلوا الريايل وشلوه عشان يغسلونه .. <o:p></o:p>
الغاليه رجعت الميلس ويا شما وعليا .. يلست تراقب السياده  اللي عليها دم اخوها .. وتراقب الريايل من الدريشه .. شافت سياره كبيره تدخل البيت .. والريايل طالعين بالنعش من الميلس وحطوه على السياره عشان يدفنونه .. كان ينزف من راسه لدرجه انهم ماقدروا يتريون لين الفجر عشان يدفنونه .. <o:p></o:p>
ولما بدت السياره تتحرك <o:p></o:p>
الغاليه استوعبت انه اللي جدامها حقيقه وانه محمد بياخذونه ومابترجع اتشوفه .. <o:p></o:p>
طلعت من الميلس تركض و وراها شما .. ركضت في الحوي تصارخ <o:p></o:p>
( هاتوه وين مودينه ؟ هاااتو اخويه .. هو ما مااااااات ردوووه ) <o:p></o:p>
طاحت على الارض وهي تركض .. ويوم يت بتنش <o:p></o:p>
عمر كان جدامها وحظنها وتمت اتصيح وياه <o:p></o:p>
شما يلست على ركبها وغطت ويها بايدها وبدت تصيح .. <o:p></o:p>
خلاص استوعبوا انه اخوهم راح بلارجعه .. <o:p></o:p>
راشد وحمد كانوا يشوفونهم من بعيد .. راشد شاف اخوانه وخذا نفس عميق  ورجع يركب سيارته عشان يلحقهم <o:p></o:p>
اما حمد هز راسه باسف على حالهم قلبه كان يتقطع ومب متحمل اشكالهم  .. ودخل وراه .. <o:p></o:p>
 <o:p></o:p>
رجعت الغاليه وطاحت في حظن امها وبدوا ايصيحون هم الاثنين .. <o:p></o:p>
اما شما يلست ويا يدتها في غرفتها لانها كانت تعبانه .. <o:p></o:p>
رجعوا الريايل .. وثيابهم كلها دم وتراب .. اتوجه كل منهم لغرفته <o:p></o:p>
والغاليه سارت غرفتها عشان تنام هي وشما .. وعليا باتت بيت محمد<o:p></o:p>
تسبحت وتمت طايحه على السرير .. شما عاطتنها ظهرها وكل وحده ساكته ..<o:p></o:p>
 تقريبا بعد مرور نص ساعه .. شما نامت .. اما الغاليه شلت لحافها وطلعت من الغرفه <o:p></o:p>
سارت غرفه عبدالله .. حصلته متلحف ويتجلب .. وانتبه اول ماتبطل الباب <o:p></o:p>
عبدالله اعتدل في يلسته : غاليه <o:p></o:p>
دشت الغاليه وهي تير لحافها وراها <o:p></o:p>
عبدالله: بلاج <o:p></o:p>
فرت لحافها على الغنفه ويلست حذاله: اقدر ارقد عندك؟<o:p></o:p>
عبدالله: هيه اكيد .. بس ليش؟<o:p></o:p>
الغاليه: بس ابا اتم عندك <o:p></o:p>
عبدالله: انزين تعالي انتي على السرير وانا برقد على الغنفه <o:p></o:p>
الغاليه: لاتم انته انا برقد على الغنفه <o:p></o:p>
نشت ويلست على الغنفه وتلحفت وطاحت على ينب وهي اتشوف اخوها <o:p></o:p>
عبدالله: غاليه <o:p></o:p>
الغاليه: هاه <o:p></o:p>
عبدالله: ما برجع اشوف محمد !!<o:p></o:p>
الغاليه اهنه انفجرت من الصياح وعبدالله بعد .. تمت ماسكه ايده وترص عليها بقوو .. تحاول تواسيه لين هدهم التعب ورقدوا .... <o:p></o:p>
 <o:p></o:p>
بالنسبه لراشد .. حياته انتهت بموت اخوه .. <o:p></o:p>
كان طايح على سريره وحبيس افكاره .. يحس بالم في قلبه ووحده فظييعه .. انجلب على ينب<o:p></o:p>
 و يتذكر محمد بين ايده وهو يلفظ انفاسه الاخيره كانت راشد مع حمد رادين البيت وشافوا الحادث .. سياره محمد اخترقتها سياره ثانيه عند اللفه .. وقصتها من النص .. <o:p></o:p>
راشد كان حاظن محمد ومحمد يقول : راشد وصاتك عيالي ..<o:p></o:p>
صوته .. صوت محمد كان يخترق اذنه كل شوي وطيفه جدامه  .. <o:p></o:p>
وجه نظره لايده وتم يشوفها <o:p></o:p>
( في ايدي مات اخويه .. وبايدي هاي انا دفنته .. انا بايدي اكدت نهايه حياته .. ااااخ يامحمد صورتك وانته تشهق وروحك تطلع جدامي احين ماغابت عن نظري) <o:p></o:p>
شهق راشد وبدى ايصيح بصووت عالي ويطلع اللي كتمه كله ,. خلاص ماقدر يتحمل اكثر .. <o:p></o:p>
<A target=_blank href="http://www.enshad.net/audio/Al-Thorayaa/Al-Thorayaa_-_08_-_Al-Wadaa3.ram">( اضغطــــوا هنــــه )</A> <o:p></o:p>
 <o:p></o:p>
حمد دخل البيت وشاف ليت غرفه حصه مفتوح .. دق الباب وشافها طايحه <o:p></o:p>
حمد: حصه <o:p></o:p>
اول ماشافته حظنته وتمت تصيح <o:p></o:p>
حصه: حمد لاتخلينا وتسير مثل ماسار اخو الغاليه <o:p></o:p>
حمد : انا وياج ياحصه ومحد بيموت قبل يومه <o:p></o:p>
حصه: حمد ابا اشوف الغاليه<o:p></o:p>
حمد: بوديج باجر ان شاء الله .. بس قومي احين غسلي ويهج وارقدي <o:p></o:p>
حصه : ا ن شاءا الله .. <o:p></o:p>
طلع حمد من الغرفه وتوجه لغرفته .. دخل اتسبح وطول هالمره في السبوح وهو يفكر في الغاليه وشكلها .. كيف كانت تصيح .. وشكل راشد يوم انهار عليهم بعد الدفن .. <o:p></o:p>
خلص سبوح وطاح على سريره يحاول يرقد وراه نشه من الصبح بيسير العزا .. <o:p></o:p>
 <o:p></o:p>
نشت روضه الساعه 7 على صوت عيالها داخلين البيت .. فتحوا باب غرفتها ونطوا على السرير .. فطامي سارت عند امها على طول وسلطان وقف على السرير يتلفت <o:p></o:p>
شاف حد راقد على الارض ووجه سؤاله لامه: هذا بابا <o:p></o:p>
روضه اتجمعت الدموع في عينها: لا حبيبي هذي ماما امنه <o:p></o:p>
يلس سلطان حذال امه : عيل بابا وين؟<o:p></o:p>
سكتت روضه وهي تفكر كيف تشرحلهم انه ابوهم مات وهم خلاص تيتموا .. <o:p></o:p>
فطامي: وين باباتي ؟<o:p></o:p>
روضه حست بقوه في داخلها ماتعرف من وين استمدتها بس حست انها لازم تكون قويه جدام عيالها ..<o:p></o:p>
روضه: بابا سار عند الله .. وخلاص نحن مابنشوفه<o:p></o:p>
سلطان بطل حلجه وعيونه متعلقه بامه <o:p></o:p>
فطامي: وين الله <o:p></o:p>
روضه: الله فوق في السما .. <o:p></o:p>
سلطان اغتبن : ليش بابا ماوداني وياه <o:p></o:p>
روضه سكتت شوي ورجعت كملت: حبيبي احنا كلنا بنسير عند بابا بس مب احين .. <o:p></o:p>
فطامي: بابا يشوفنا ؟<o:p></o:p>
روضه: هيه يشوفنا <o:p></o:p>
سلطان: بس ليش نحن مانشوفه <o:p></o:p>
روضه: عشان هو بعيد عنا وايد <o:p></o:p>
فطامي صدت لاخوها ترمسه: اشرب نيدو سوبر كدز عشان تستوي قوي واطير عند بابا <o:p></o:p>
روضه حظنت فطامي وبدت دموعها تنزل براءه الطفوله تخليهم يعجزون عن فهم معنى الموت و الفراق .. اما سلطان يلس يتامل في امه <o:p></o:p>
وهي كل ماشافته تذكر محمد .. كان نسخه عن ابوها .. شكله وحركاته حتى طريقه كلامه .. <o:p></o:p>
 <o:p></o:p>
نشت الغاليه الساعه 8 الصبح .. <o:p></o:p>
حاولت تفتح عيونها المنتفخه .. صدت حواليها تبى تستوعب هي وين .. <o:p></o:p>
واتذكرت انها عند عبدالله .. نشت شوي شوي .. عشان ماتسوي صوت وتزعجه .. مابغت توعيه .. شكله تعبان .. طلعت من الغرفه .. وسكرت الباب وراها .. سارت غرفتها وماحصلت شما في الفراش .. تغسلت وبدلت ملابسها ونزلت .. شافت الصاله مليانه حريم .. دخلت غرفه امها وكانت محد .. ودخلت غرفه يدتها وحصلت شما اهناك .. يالسه ويا يدتها اللي كانت طايحه وتصيح .. الغاليه تقربت من يدتها وباستها على راسها ويلست حذال شما <o:p></o:p>
شما: قفلي الباب <o:p></o:p>
الغاليه: ليش؟<o:p></o:p>
شما: الحريم يدخلون على يدوه وكل ماسلمت عليهم صاحت وهي تعبانه لازم ترقد شوي السكر مرتفع عندها <o:p></o:p>
الغاليه وهي تشوف يدتها بحسره: الله يعافيها <o:p></o:p>
شما: مابتسيرين عند روضه ؟ <o:p></o:p>
الغاليه: لا لا ماقدر .. ماقدر ادخل بيته والله <o:p></o:p>
شما: هيه والله انا يوم دخلت قلبي عورني وانا اشوف اغراضه وكرسيه اللي دوم ييلس عليه <o:p></o:p>
الغاليه: بس بس لاتكملين دخليج .. كافي ندمي اني مايلست وياه في ايامه الاخيره .. ابتعدت عنهم وعنه كله والسبه خالد .. اكرهه والله اكرهه<o:p></o:p>
شما: غاليه هذا قضا الله وقدره لاتردين اللي استوى على حد <o:p></o:p>
وخت الغاليه راسها وبدت دموعها تنزل وهي تذكر اخوها اللي البارحه بس كان يحاول يهون عليها ويطلعها من ظيجتها .. <o:p></o:p>
 <o:p></o:p>
العصر سارت حصه ويا امها بيت الغاليه .. دخلوا الميلس وسلموا على الموجودين لكن حصه ماشافت الغاليه ولاشما .. يلست وبعد فتره شافت عليا .. وسلمت عليها <o:p></o:p>
حصه: عظم الله اجركم <o:p></o:p>
عليا: اجرنا واجرج <o:p></o:p>
حصه: غاليه وين ؟<o:p></o:p>
عليا: تعالي بنسيرلها <o:p></o:p>
مشت حصه ورا عليا لين غرفه امها .. اول مادخلت حصه وشافتها الغاليه حظنتها وتمت تصيح .. اما عليا وشما اطلعوا عنها .. <o:p></o:p>
حصه: اذكري الله يالغاليه <o:p></o:p>
الغاليه تصيح <o:p></o:p>
حصه مسكت ايد غاليه: ادري اللي تمرين فيه مب سهل .. بس هذا ابتلاء من الله <o:p></o:p>
الغاليه: والنعم بالله <o:p></o:p>
حصه: سمعي ياغاليه في خاطري كلام ابغي اقوله لج .. هالكلام كان حمد قايللي اياه يوم كنت اصيح وايد على ابوويه الله يرحمه .. قالي بقولج كلام غير عن باجي اللي يقولونه الناس <o:p></o:p>
قالي انا مابقولج لاتصيحين ولاتحزنين .. بالعكس صيحي واحزني لكن لاتوقفين كملي حياتج وشلي حزنج وياج .. <o:p></o:p>
سكتت الغاليه لها الكلام اللي ريحها شوي .. ومسحت دموعها .. <o:p></o:p>
 <o:p></o:p>
مرت ايام العزا ثقيله وايد .. حصه مافارقت الغاليه طول الفتره هاي .. و روضه حالتها وايد تعبانه .. اما راشد فمن وفاه اخوه منهار ومايقدر يرمس حد  وحمد مايودره دقيقه وحده .. <o:p></o:p>
 <o:p></o:p>
---------------------------<o:p></o:p>
بعد مرور اسبوع على العزا<o:p></o:p>
----------------------------<o:p></o:p>
بعد المغرب روضه كانت في بيتها .. يالسه في الغرفه و فطامي بنتها في الصاله تلعب .<o:p></o:p>
بطلت وحده من السدات وحصلت قطعه خشب من شجره الارز .. منحوته عليها صوره محمد وعيالها .. سووها يوم كانوا في لبنان .. <o:p></o:p>
ضمت الصوره لصدرها .. وبدت ترجع بذاكرتها لقبل وفاته بيوم.. وهو طالع من الدوام وماخذ روضه من المدرسه .. محطي اغنيه ميحد .. <o:p></o:p>
 <o:p></o:p>
(يا حبيب الروح بكتب لك وصاتي .. ان غديت اليوم في حبك جتيل .. انشدك بالله لي طفت برفاتي لاتخلي دمعه عيونك تسيل .. ) <o:p></o:p>
 <o:p></o:p>
كان محطي الاغنيه ويدندن وياه .. <o:p></o:p>
روضه: محمد شو هالنكد غيره <o:p></o:p>
محمد التفت لها ورجع يسوق : ولا يهمج يا ام سلطان ..<o:p></o:p>
بطل السده وبدى يدور شريط .. وحط اغنيه مذهله لمحمد عبدو ..<o:p></o:p>
محمد: هاي اهداء ولاتزعلين <o:p></o:p>
روضه ابتسمت: هيه هاي الاغاني .. <o:p></o:p>
مسك ايدها وباسها .. <o:p></o:p>
فجأه فاقت من ذاكرتها على صوت فطامي تصرخ وتقول : اكوه بابا اكووه بابا <o:p></o:p>
ركضت روضه لبنتها : بلاج فطامي<o:p></o:p>
فطامي: اكوه بابا <o:p></o:p>
رفعت روضه نظرها لاتجاه ايد بنتها وشافت القمر <o:p></o:p>
فطامي: انتي قلتي بابا اهناك .. <o:p></o:p>
لوت على بنتها وتمت دموعها تنزل من ورا ظهرها  ..<o:p></o:p>
 <o:p></o:p>
راشد كان يالس على الدجات برع البيت .. يشوف سلطان وهو يلعب بسيارته اللي تشتغل بالشحن .. كان يشوفه ويشوف اخوه في ولده ..<o:p></o:p>
.. حط ايده بين ويهه وتم يذكر ايامه ويا محمد .. الحنون .. اللي عمره مازعل حد .. حياتها كلها سخرها لاهله ورضاهم وسعادتهم .. <o:p></o:p>
حس بدق على جتفه .. رفع راشد راسه وشاف سلطان فتح ايده وضمه ..<o:p></o:p>
راشد: هاه حبيبي شوفيج <o:p></o:p>
سلطان: عمي ليش زعلان ؟<o:p></o:p>
راشد: ماشي حبيبي <o:p></o:p>
سلطان: انا اعرف .. عشان بابا صح ؟ انا بعد زعلان عشان بابا .. بس انته مثل بابا بعد وانا احبك وايد <o:p></o:p>
راشد لوى على سلطان وهو يحاول يتمالك نفسه: هي حبيبي انا بكون مثل بابا .. أي شي تباه انا بسويه <o:p></o:p>
سلطان: بتوديني المدرسه بعد ؟ <o:p></o:p>
راشد: هي حبيبي انا بوديك وبييبك كل يوووم .. وكل اسبوع بوديك الالعاب <o:p></o:p>
سلطان: شكرا بابا ..اوه نسيت .. شكرا عمي <o:p></o:p>
وركض يلعب اما راشد مسح دمعته على كلمه بابا اللي انحرم منها سلطان .. <o:p></o:p>
 <o:p></o:p>
في بيت محمد .. دخلت ام خالد على روضه الغرفه وكانت يالسه تقرا قران <o:p></o:p>
ام خالد: روضه <o:p></o:p>
روضه: صدق الله العظيم .. هلا امييه <o:p></o:p>
ام خالد: في حد في الميلس يباج <o:p></o:p>
روضه: منو <o:p></o:p>
ام خالد: تعالي شوفي <o:p></o:p>
طلعت ام خالد من الغرفه وروضه لبست وقايتها وطلعت .. <o:p></o:p>
سارت عند الميلس وافتحت الباب .. انصدمت <o:p></o:p>
روضه: ابوووويه <o:p></o:p>
ابوها فتح ايده لها بحنان وركضت وطاحت في حظنه تصيح : شفت شو استوابي يابويه ؟ بنتك اتيتمت وانته عايش ويوم لفها ريلها .. مات واترملت .. <o:p></o:p>
بوخالد دمعت عيونه ولاول مره على عياله: بس يابنتي لاتقولين هالكلام <o:p></o:p>
خازت روضه عنه ورجعت لورى شوي ويلست : في حياتك مادخلت بيتي هذا ولاعرفت عيالي ولاشفتهم ولا حظرت عرسي واليوم يوم ريلي ايموت اشوفك ؟ ليش؟ ليش يابويه جيه تسويبنا؟ <o:p></o:p>
بوخالد: انا اعرف اني قصرت في حقكم وايد <o:p></o:p>
روضه: شو فايده هالكلام .. خليت عيالك يدورون الحنان عند غيرك .. يتمت عيالك وانته عايش.. <o:p></o:p>
بوخالد كان يصيح مثل اليهال : بس ياروضه بس قطعتي قلبي .. انشا الله بعوضكم اللي طاف كله <o:p></o:p>
روضه مسحت دموعها ولوت عليه .. وسارت تيب عيالها عشان يشوفون يدهم لاول مره في حياتهم .. اما عليا رفضت تماما انها تقاابل ابوها ..<o:p></o:p>
 <o:p></o:p>
مرت الايام عليهم صعبه وايد .. غابت بسمه البيت .. وساد الحزن بينهم <o:p></o:p>
ام خالد شلت اغراضها و يت تعيش ويا بنتها على طول .. <o:p></o:p>
راشد كان وايد يحاول يتقرب من اخوانه ومب مقصر في عيال اخوه .. متكفل فيهم ويودي سلطان المدرسه كل يوم .. <o:p></o:p>
الغاليه رغم انه حزنها كانت جديم الا انه حزن اخوها استوطن في قلبها وماعادت تفكر لنفسها ومالها خاطر في شي .. ورضخت لواقعها ..<o:p></o:p>
عمر ودر السكن الجامعي .. وصار كل يوم ايسير الشارجه ويرجع .. وطول وقته في بيت عمه ويبات ويا عبدالله في الغرفه .. ويحاولون طول الوقت ييلسون ويا امهم .. ويخففون عنها .. <o:p></o:p>
اما شما وعليا كانن دوم ويا بعض وياحاولن يخففن ويهونن على الغاليه وروضه .. <o:p></o:p>
 <o:p></o:p>
<SPAN lang=AR-SA dir=rtl style="FONT-SIZE: 12pt; COLOR: windowtext; FONT-FAMILY: Arial; TEXT-DECORATION: none; mso-bidi-language: AR-SA; mso-fareast-font-family: 'Times New Roman'; mso-fareast-language: EN-US; mso-ansi-language: EN-US; text-underline: none">حمد وعايلته ماقصروا في اهل الغاليه .. كل خميس يزورونهم .. وام حمد علاقتها زادت بام محمد .. كانت تيلس وياهم وتسولف وتنكت وتحاول تخفف من همهم ..

**المزيوونه** · 17-08-04 ||, 02:48 PM

وينكم !!!

يلا متأثرين ادريبكم .. تقولكم عشوقه السمووحه .. ولاتحطون عليها ..لانه الاحداث اطلبت ها الشي..
والسمووحه ..

خويتكم المزيوونه<img src="http://oasis.bindubai.com/emoticons/blush.gif" border=0>

**همس الاحبابي** · 17-08-04 ||, 04:48 PM

يلا حرام عليج كمليها بلا مصاخة



<IMG src="http://oasis.bindubai.com/emoticons/fa41.gif" border=0>لو يكون صدرك كفن يا ليتني اليوم اموت عشان بقلبك اندفن واعيش باحلى تابوت<IMG src="http://oasis.bindubai.com/emoticons/fa41.gif" border=0>

**الولع** · 17-08-04 ||, 07:06 PM

والله قطعتوا قلوبنا
أحسن الشباب راح عنهم <img src="http://oasis.bindubai.com/emoticons/sad.gif" border="0" valign="absmiddle" alt=':('>

تسلمي المزيونة على التكملة
بس فديتش كملوا الباقي ننتظركم

**الدلووووعة** · 17-08-04 ||, 10:13 PM

مشكورة اختيه على التكملة
وتريا الباقي لا تبطين
والسموحة

**شمه** · 18-08-04 ||, 12:36 AM

**الدلووووعة** · 18-08-04 ||, 02:19 AM

والله كسرت خاطري الغالية
ولا النشيد وايد عيبني  لوسمحتي
ابا اسم المنشد والموقع
بس لا تتاخرين نزلي اتكملة ابسرعة
والسموحة
<img src="http://oasis.bindubai.com/emoticons/fa43.gif" border=0><img src="http://oasis.bindubai.com/emoticons/fa43.gif" border=0>

**المزيوونه** · 18-08-04 ||, 03:59 PM

همس الأحبابي.. <IMG src="http://oasis.bindubai.com/emoticons/oo.gif" border=0><IMG src="http://oasis.bindubai.com/emoticons/oo.gif" border=0> انشالله عمتي ..

الولع .. الله يسلمج الغاليه .. وانشالله نحط التكمله قريب .. وان انا ماحطيتها ترا عشوقه بتكمل وياكم
لاني بالسبت مغادره العين(الجاااامعه) ..<IMG src="http://oasis.bindubai.com/emoticons/smile.gif" border=0>

شمووه.. <IMG src="http://oasis.bindubai.com/emoticons/down.gif" border=0><IMG src="http://oasis.bindubai.com/emoticons/down.gif" border=0>

الدلوووعه .. انشالله اختيه .. واسم المنشد ابراهيم الجبرين وها الموقع..


<A target=_blank href="http://www.alshamsi.net/islam/islamsong/index.html" target=_blank>http://www.alshamsi.net/islam/islamsong/index.html</A>



والسمووحه<IMG src="http://oasis.bindubai.com/emoticons/smile.gif" border=0>

**هتان المنتدى** · 18-08-04 ||, 05:29 PM

السلام عليكم ورحمة الله وبركاته.....

مشكورة اختيه المزيونه ع القصه .....

الصراحه القصه وايد مؤثره ........

تسلم يمناج ع القصه ........

اللي كلمه روعه شويه عليها ....

نتريا التكمله حبوبه .........

لاتبطين علينا ترانا اندمجنا خلاص ....

تحياتي ....."هتونه"

**مهاوي** · 18-08-04 ||, 07:34 PM

تسلمين يالغلاااا على القصه ...
والله يعطييج العافيه ...
نتريااااج يالغلااا  لاتبطين عليناا...
مع السلاااااامه...<img src="http://oasis.bindubai.com/emoticons/grinning.gif" border=0>

**شمه** · 19-08-04 ||, 01:30 AM

المزيوونـــــــه
وين التكملــــــــه..؟؟
و بعدين انا ما قلت لج لا تجتلون حــــــــــد..
<img src="http://oasis.bindubai.com/emoticons/fa43.gif" border=0>
اليوم صوب المطار شفت حادث و شكلها السياره موووول رايحــه فيها..
اتمنـــــى الريال ما يكون فيه شي.. ع الاقل كدمات او كسر..اهون يعني بس شكلها السياره الله يعين اللي كان فيها..
و جان اتذكر محمد.. و الله اني تميت متضايجـــــه و لو حد رمسني ذاك الوقت عادي اصيح..

<img src="http://oasis.bindubai.com/emoticons/down.gif" border=0>
المزيوونـــــــه تقدرين اطرشين الجزء السابع ع الرسايل الخاصــــه
لان اختي تبا تقراه و النت مول بطيء و ما يظهر الجزء السابع..

<img src="http://oasis.bindubai.com/emoticons/down.gif" border=0>

**المزيوونه** · 19-08-04 ||, 01:44 AM

هتان المنتدى .. وعليكم السلام والرحمه اختيه  .. الله يسلمج الغاليه .. والقصه تستاهل
الاندماج وزود .. ماعليها كلاميشن<img src="http://oasis.bindubai.com/emoticons/grinning.gif" border=0> ..

مهاوي .. الله يسلمج غناتي .. انشالله مانبطي <img src="http://oasis.bindubai.com/emoticons/smile.gif" border=0> .. سي يوو ..

شمــــــه <img src="http://oasis.bindubai.com/emoticons/cool.gif" border=0> ..
فديت عنونج .. غصبن عنا .. وانتي لو كتبتي قصه .. بتحسين انه ايي فبالج انج تموتين حد اذا اطلبت احداث
وحبكة القصه .. وها اللي صار ويانا نحن ..
والله يعينه من كان فها الحادث.. صعب انج اتشوفين حادث بعينج .. انا قلبي يفتر عليه ويعورني يوم اشوف حوادث<img src="http://oasis.bindubai.com/emoticons/down.gif" border=0> ..
فالج طيب غناتي .. بطرشلج اياه الحينه ..

<img src="http://oasis.bindubai.com/emoticons/smile.gif" border=0>