وهــل للحــــب آمـــــال؟؟

**المزيوونه** · 04-08-04 ||, 03:40 PM

<?xml:namespace prefix = o ns = "urn:schemas-microsoft-com:office:office" /><o:p> </o:p>
في بيت بن مطرالعصر ....<o:p></o:p>
الغاليه وعمر يلعبون بلاي ستيشن .. و عليا وشما ايسولفون .. اما عبود يالس يلعب ويا مريم اونو.. ومايد وسلطان بعض يراكضون .. دخل عليهم محمد وروضه وظحكوا على اشكالهم .. كانوا يالسين في الملحق وملوثين الدنيا من الاكل .. قشور الحب في صوووب وغراش البيبسي في صوب<o:p></o:p>
الغاليه: عمووور والله انك غشاش ..<o:p></o:p>
عمر: ماغشيت ولاشي انتي شلقى ماتعرفين تسوقين <o:p></o:p>
الغاليه: شلقى حرمتك انزين <o:p></o:p>
عمر صد على عليا اللي كانت تشوفهم هي وشما : اكيه مب شلقى <o:p></o:p>
عليا استحت ونزلت راسها و عمر فطس من الظحك على شكلها .. <o:p></o:p>
ايييه غلوي شو هاا وين يالسين ؟ حتى ميالس الشباب مب جيه في هالوقت محمد دخل عليهم ويا روضه حرمته <o:p></o:p>
الغاليه: ههههه عادي عقب بينظفون ..<o:p></o:p>
محمد: انزين اسمعوني باجر بنسير المزرعه تراه الفله زهبت<o:p></o:p>
عمر: زييين يابوك .. بنتونس شوي .. عيل بودي البانشي اليوم اجيك عليه<o:p></o:p>
عبدالله: هيه حتى مالي انا بوديه<o:p></o:p>
الغاليه: هيه عبود وده اطالعه ابا اسوقه<o:p></o:p>
عمر: اطالعوا هذي.. وايد ماخذه مقلب في عمرج انتي .. شو تبين اتسوقين بعد<o:p></o:p>
محمد: ههههه اسميج انتي ياغلويه.. شوتبين محطيه راسج براس الصبيان ..<o:p></o:p>
الغاليه : شو اسوي يوم انا بنت بروحي بين 3 اولاد ..<o:p></o:p>
عبدالله: وين بنت بروحج بعد .. اكن عليا وشما وياج الا انتي مادري كيف طالعه غير عنهن <o:p></o:p>
برطمت الغاليه ويلسوا يظحكون عليها ...<o:p></o:p>
<o:p> </o:p>
اليوم الثاني .. العايله من الساعه 8 الصبح متجهزين عشان ايسيرون المزرعه ..<o:p></o:p>
البنات اركبن ويا عمر .. ومحمد شل عياله وحرمته .. والباجين اتوزعوا ويا بومحمد وبوعمر .. وصلوا المزرعه و نزلن البنات سيده صوب الفله حطن شنطهن في الغرفه.. وفصخن عبيهن و لبسن وقي بيض .. واطلعن يستكشفن المكان .. اما عمر و عبدالله يلسوا يعبلون في البانشيات.. كانت المزرعه وايد كبيره وحلوه .. تتوسطها الفله .. ومن وراها الحوض .. اللي كان يطل على صاله الفله ويفصله عنها جدار زجاجي .. تمشن الغاليه وشما وعليا .. وكانن وياهن هنوده وفطامي .. اما عمر وعبدالله يستعرضون بالدرجات جدام البنات .. عبدالله مشى من جدامهن وغبر عليهن .. <o:p></o:p>
الغاليه: عبوووود شو هالحركه والله انك سخيف<o:p></o:p>
عبدالله: طالع عليج <o:p></o:p>
الغاليه: وقف ايه ابا اركب <o:p></o:p>
عبدالله: مب احين باجر ,, <o:p></o:p>
الغاليه: عن المصاخه عبود الله يخليك <o:p></o:p>
عبدالله: ماتشوفين البيادير اهنه .. خلاف يوم بيروحون بخليج تركبين .. <o:p></o:p>
وسار يلحق عمر .. اما البنات مشن لين وصلن لبيت خشب صغير .. مبناي فوق الشير .. <o:p></o:p>
وركبن هنوده وفطامي يلعبن فيه .. <o:p></o:p>
عليا: الله ايه خلنا نركب وياهن فوق <o:p></o:p>
شما: بطيحين مايظمنا <o:p></o:p>
عليا: عاادي يظم صدقيني .. <o:p></o:p>
وفعلا فصخت عليا نعاله وبدت تركب الدري على الشيره .. وهي تركب طلعتلها حشره كبيره على الدري .. صرخت وهدت ايدها على طول وطاحت على الارض ..<o:p></o:p>
الغاليه: علايه علايه <o:p></o:p>
عليا: اييييي ايدي اتعورني <o:p></o:p>
شما: شو عقبج جيه <o:p></o:p>
عليا: طلعتلي حشره <o:p></o:p>
عمر اللي شافهم من بعيد ياهم <o:p></o:p>
عمر: هاه بلاكن <o:p></o:p>
الغاليه: عليوه طاحت من فوق <o:p></o:p>
عمر: شو عقبها ..<o:p></o:p>
شما: مب مهم احين نحن بنسير المطبخ شي هناك علبه اسعافات وانته ايب اليهال وياك <o:p></o:p>
ومشت عليا وياهن ونظفنلها اليرح ولفوا ايدها .. في هالوقت دخلت عليهن روضه المطبخ وشافت كلينكس الدم على الطاوله .. <o:p></o:p>
روضه شهقت : بسم الله شو صابكن ؟؟ حد من عيالي فيه شي <o:p></o:p>
شما: هيه بنتج عليوه ايدها تعورت <o:p></o:p>
تقربت روضه من عليا وشافت ايدها: علايه بلاج شو صابج <o:p></o:p>
الغاليه: ماشي طاحت عادي عادي خذوها بروح رياضيه <o:p></o:p>
عليا في الوقت اللي حطت فيه شما الديتول صرخت من الالم <o:p></o:p>
شما: سوري علايه بس شو اسوي <o:p></o:p>
دخل عمر يايب وياه هند وفطامي تصيح <o:p></o:p>
روضه: بلاها فطامي <o:p></o:p>
عمر: عشان يبتهن ماخليتهن يلعبن ..(وصد على عليا) هاه علايه اهون ايدج ؟<o:p></o:p>
عليا: الحمدالله .. <o:p></o:p>
وبعد مالفوا ايد عليا .. طلعن البنات وسارن يلسن ويا امهاتهن .. وعمر سار يسبح في الحوض ويا عبدالله وراشد اللي لحقهم ومحمد وسلطان ولده .. <o:p></o:p>
وروضه والبنات يالسات ويشوفن الشباب وهم يسبحون .. اما بومحمد و بوعمر كانوا توه ياين من التمشي صوب الزراعه .. <o:p></o:p>
روضه:ماشا الله عمي من وين ياي ؟<o:p></o:p>
بومحمد:ياي من صوب الزرع .. الله يرضى عليج بنتي هاتيلي ماي باارد حران .. <o:p></o:p>
صبت روضه لعمها ماي بارد من الدبه اللي كانت على الطاوله .. <o:p></o:p>
محمد: ابويه تعال اسبح ويانا جانك حران <o:p></o:p>
بومحمد: شو يقدرني انا <o:p></o:p>
بوعمر: خل عنك ياسلطان بعدك شباب .. اذا عني انا اتريوني دقايق ببدل وبيي وياك <o:p></o:p>
بومحمد: يالله عيل انا ناش ابدل وياك ..<o:p></o:p>
وشوي طلع بوعمر وبومحمد بالشورتات .. وقاموا عمر وعبدالله والبنات يصفقون على ابهاتهم .. اشكالهم كانت عجيبه .. وبوعمر وقف وتم يستعرض ..<o:p></o:p>
ام عمر: اندوج انتي سيف شو يسوي<o:p></o:p>
ام سلطان: فديتهم عيالي ربي يحفظهم ..<o:p></o:p>
ونزلوا الماي ويا العيال ويلسوا يتسبحون .. الغاليه تجدمت ويلست على طرف الماي ونزلت ريولها .. <o:p></o:p>
الغاليه: عمور بفر سلستي تحت واللي اييبها هو الفايز <o:p></o:p>
راشد: وشو الجايزه لكزس والا مليون؟<o:p></o:p>
الغاليه: هيهيهي ماتظحك .. قول انك ماتروم اتغوص ولاتتفلسف <o:p></o:p>
راشد: اروم يالله فريها اشوف .. <o:p></o:p>
الغاليه حطت ايدها في الماي ونزلوا عمر وعبدالله وراشد يغوصون .. وهي يالسه وتظحك .. <o:p></o:p>
روضه: بلاج غلويه <o:p></o:p>
الغاليه: ماعليه ان ماهلكتهم انا اليوم ماطلع بنت سلطان <o:p></o:p>
عمر وعبدالله وراشد كل شوي يغوصون ويرجعون يطلعون ياخذون نفس ويردون ..<o:p></o:p>
راشد هلك وويهه احمر من التعب وطلع: ماحصلتها سلستج وين نطرتيها انتي؟<o:p></o:p>
الغاليه سوت نفسها بريئه: وييييه اتصدق اكيه في ايدي نسيت افرها <o:p></o:p>
راشد اهنه غيض وشاف عمر ومطوا الغاليه وفروها في الماي وتموا يظحكون عليها .. <o:p></o:p>
روضه: هاه احين منو اللي ظحك على الثاني .. <o:p></o:p>
الغاليه وهي ترفع شعرها المبلول عن عيونها: على الاقل سبحت في الحوض اللي مب مخليني اسبح فيه .. هيهيهي .. <o:p></o:p>
<o:p> </o:p>
كلهم ويا بعض الحريم و الشباب و البنات  واليهال .. يشوون ذره و مرتبشين .. لين استوت الساعه 12 كل الحريم و الريايل ادخلوا يرقدون .. اما عمر فكان يترياهم يرقدون .. واتيمعوا الغاليه وشما و عليا و راشد وعبدالله وعمر كلهم صوب الحوض ..<o:p></o:p>
الغاليه: ها اتيمعنا شو عندك ؟ يالله انا نودانه فيه رقاد<o:p></o:p>
عمر: شو ارقاده ماشي ارقاد اليوم .. صبري شوي<o:p></o:p>
سار عمر صوب سيارته ورجع ويايب العووود وياه<o:p></o:p>
راشد: حسيب الله عدوك شو يايب انته<o:p></o:p>
شما: لو شافك ابويه بيعصب<o:p></o:p>
عمر: ماعليكم انتوا بس .. نحن يايين نستانس وابويه ما بيعرف<o:p></o:p>
ويلس عمر ايدق على العوود وارتبشوا كلهم وياه ... حتى شما نست مستحاها من راشد ويلست اتغني ويا عمر اللي اول اغنيه غناها ياعلايه .. اما راشد كانت يشوفها ويبتسم .. كانت حاسه بنظرته بس مطنشه لانها قررت تستانس في هاي السيره واطنش أي شي ممكن يعكرلها مزاجها او يوترها.. اسهروا كلهم لين 2 وعقب ساروا يرقدون ..<o:p></o:p>
دخلن البنات بدلن ملابسهن وعلى طول رقدن على سرير واحد كبير لانهن ناشات من الصبح .. اما الشباب دخلوا غرفتهم اللي كان فيها سرير عمر طاح على سرير وراشد على سرير .. اما عبدالله فياب السرير الهوائي ونفخه وحط فراشه عليه ورقد .. بعد مارقدوا كلهم ومر وقت .. عمر نش وطلع الدبوس وفش سرير عبدالله .. ورجع يرقد وعلى ويهه ابتسامه خبث .. <o:p></o:p>
<o:p> </o:p>
اما ام حمد فقضت عطلتها هاي ويا اهلها اللي يوها البلاد زياه .. امها واختها واخوها وعيالهم .. وكانت فرحانه بوجودهم .. <o:p></o:p>
ام حمد كانت يالسه في الصاله ويا اهلها .. وحمد كان في حجرته يتجلب مب رايم يرقد .. خاله اللي وياه راقد زاعجنه بنخيره .. وطلع من الحجره معصب من بعد محاولات فاشله في النوم .. <o:p></o:p>
شاف حصه اخته في الممر توها طالعه من غرفتها ..<o:p></o:p>
حمد: حصووه <o:p></o:p>
حصه: انته مارقدت ..؟؟<o:p></o:p>
حمد: وانا اروم ارقد .. دخليج بس وايجي طشونه .. <o:p></o:p>
حصه: اوايج وين ؟<o:p></o:p>
حمد: في حجرتي ..<o:p></o:p>
حصه افتحت الباب شوي شوي ودخلت راسها .. ونقعت من الظحك وماوعت الا حمد يسحبها من شعرها .. <o:p></o:p>
حمد: حسيبج الله عن اينش <o:p></o:p>
حصه: والله لو صاروخ سكووت يطيح حذاله مانش <o:p></o:p>
حمد: هيه والله صدق .. حصووه انا تعبان فيه رقاد وين ارقد <o:p></o:p>
حصه: انا اخس عنك .. طفشانه من حجرتيه والسبه يدوه ..<o:p></o:p>
حمد:تبين الشور؟<o:p></o:p>
حصه: شورك وهدايه الله <o:p></o:p>
حمد: طلعيلنا دواشق بنرقد في الميلس اللي برع .. <o:p></o:p>
حصه: رايك؟؟<o:p></o:p>
حمد: هيه يالله نشي ..<o:p></o:p>
وطلع حمد وحصه وافرشوا في الميلس اللي برع يرقدون .. بعيد عن الحشره ..<o:p></o:p>
<o:p> </o:p>
الصبح نشت عليا قبل البنات لانها مارامت ترقد زين من ويع ايدها .. وتغسلت وطلعت برع حصلت الامهات واعيات ويتريقن <o:p></o:p>
ام خالد: علايه شو منششنج من الصبح فديتج؟<o:p></o:p>
عليا: ماشي بس اايديه تعورني وغلوي راقده حذالي وكل شوي تلطمني <o:p></o:p>
ام محمد: انتن بروحكن راقدات ثلاثتكن على سرير بونفرين <o:p></o:p>
عليا: هههه لا خالوه متعودات بس عاد لانه اديه تعورني اليوم ماقهرت .. <o:p></o:p>
ام سلطان: تعالي انزين اتريقي كلي عسل يابوج غاديه يابسه <o:p></o:p>
<o:p> </o:p>
وشوي وطلع عبدالله من الغرفه ايصارخ : وينه انا بروايه <o:p></o:p>
ام محمد: منو؟<o:p></o:p>
عبدالله: عمور وين ؟<o:p></o:p>
ام عمر: طالع ويا ابوه وعمه من الصبح <o:p></o:p>
عبدالله: عموه تدرين ولدج شو مسوي ؟<o:p></o:p>
ام عمر: شو مسوي ؟<o:p></o:p>
عبدالله: فاش السرير الهوائي وانا راقد ومخلني راقد على السيرميك .. احين ظهري وجتفوي تعورني <o:p></o:p>
ام عمر حاولت تكتم ظحكتها لكن سمعوا عليا انفجرت من الظحك وكل الحريم ظحكوا على عبدالله اللي قام يحج راسه ويظحك وياهم .. <o:p></o:p>

<SPAN lang=AR-SA dir=rtl style="FONT-SIZE: 12pt; COLOR: black; FONT-FAMILY: Arial; mso-fareast-font-family: 'Times New Roman'; mso-bidi-language: AR-SA; mso-ansi-language: EN-US; mso-fareast-language: EN-US">كانت هذي ايام من عطله الربيع .. اللي انتهت بسرعه .. ورجع كل واحد على دوامه .. كانت الغاليه وحمد اكثر ناس متلهفين للدوامات .. كانت الغاليه تحس بشووقها لحمد .. احين اتاكدت انه اللي تحسبه مب مجرد اعجاب .. شوقها نابع من قلبها .. ادمنت على شوفته ..

آخـــر الــمــواضــيــع

الموضوع: وهــل للحــــب آمـــــال؟؟

أدوات الموضوع

عرض

مشاهدة المواضيع

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة