وهــل للحــــب آمـــــال؟؟

[المزيوونه]

<font color='#000000'><p align=center><font color=#48d1cc>في سراب ليل دنيانا العجيبه يتسيد الأخ أخاه والأبن أباه.. في دنيا عن نفسها غريبه .. فيها قلوب تحابت وعيون تلاقت .. واوقدت فيها شموع المحبة..بين رياح الماده والنسب .. فهل تنطفئ الشموع؟ .. وهل يبقى للحب آمال ؟؟؟


</font><font color=red>(الجزء الثاني والعشرين – الاخيــــــــر)</font>

مرت ثلاث ايام والغاليه ما ابدت أي موافقه على الامر ومحد رجع ايكلمها فيه .. مابغوا يظغطون عليها وفوق هذا مخلينها على راحتها ..
حمد المسكين كل هاي الايام متلخبط ومأذي اخته بالاتصالات .. ماعنده غيرها خصوصا انه ماخبر امه عشان مايرجع يجرحها لو رفضوه للمره الثانيه ..

شما كانت يالسه في الصاله ويا عمها بومحمد العصر يتقهويون ..
وراشد كان ساير البحر ويا عيال محمد اخوه ..
بومحمد: شما وين الغاليه ؟؟
شما: اظنها فوق
بومحمد: انزين راشد خبرج عن الغاليه؟؟
شما: عن خطبتها؟
بومحمد: هيه
شما وهي تبتسم: هيه خبرني والله فرحتلها
بومحمد: بس هي ماردت علي لين احين .. انا اول ماعرضت عليها الموضوع رفضت
شما استغربت : رفضـــــت؟
بومحمد: هي رفضت اتقول ماتبى اتزعل قوم خالتها وخلاص شاله العرس من راسها .. شما رمسيها فديتج شوفيها .. ليش ماردت خبر لين احين ..
شما: ان شاء الله.. اسير اطالعها احين ؟
بومحمد: هي فديتج سيريلها انا بترياج .. والا اقولج بسير المزرعه واتصليبي
شما وهي تقوم: ان شاء الله عمي ..
بومحمد: الله يرضى عليج ..

الغاليه يالسه في غرفتها مجابله الكمبيوتر ويا عبدالله اخوها .. يلعبون .. وقت مادقت عليها شما الباب ..
الغاليه: مفتوووح
دخلت شما: انته اهنه
عبدالله: لا هناك
شما: عن الاستعباط عبود .. عمر اخويه وين ؟؟
عبدالله: ساير الشارجه عند حمدان ربيعه
شما: وليش ماسرت وياه ؟؟
عبدالله التفت لها ورجع يشوف الشاشه: تراج وايد تسالين .. ليكون انتي حرمتي مب حرمه رشود
شما: رشوود في عينك ..
الغاليه: عبووود اظرب
شما اتقربت و وقفت وراهم : شو تلعبون ؟؟
عبدالله : مب شغلج
شما: انزين غلوي تعالي اباج
عبدالله بعناد: غلوي ايلسي اباج
شما: عبوووووود لاترفع ظغطي
عبدالله: شموووووه انا مارفع ظغطج
الغاليه:ههههه عبود بس اسكت شو ياينك عليها ..
عبدالله يشوفها بطرف عينه: هي تعرف شو سوت
الغاليه: شمووه شو مسويه؟؟؟
شما: هذا كله عشان البارحه انا وراشد انعلق عليه يوم شفناه واقف يسولف ويا مريوم
عبدالله: شموووووووه
الغاليه: هههههههههاي هذا العوق هو ..
شما: المهم انا اترياج في قسمنا
وطلعت شما ولحقتها الغاليه ..

شما يالسه في مطبخها التحظيري تصب لغلوي عصير .. وحطلها من الكيك اللي عندها .. والغاليه يالسه تشوف حوض السمج وتحط اكل لهم..

شما اتقربت من الغاليه وحطت الصحن جدامها وناولتها العصير ويلسن على الكرسيين جدام الكورنر اللي راسمتنه الغاليه ..
شما: غلوي
الغاليه: هممم
شما: ليش لين احين مارديتي على سالفه الخطبه ؟؟
الغاليه سكتت وتمت تطالع الصحن وتلعب الشوكه ..
شما: غلوي هذا اللي تمنيتيه ليش ترفضينه ؟
الغاليه: انا مب مستعده اخسر اهلي عشان قلبي .. خلاص اللي خسرتهم كفايه
شما: غلوي شو تفكير اليهال هذا .. انتي مابتمين جي على طول .. لازم بيي يوم بتعرسين .. انتي مب عوده .. صغيره وماشا الله عليج شرا الورده المتفتحه .. ليش بيديج تخلين هالورده تذبل .. حرام عليج .. احين حتى المترملات والمطلقات يعرسن ..
الغاليه: شما فكري شو موقف خالوه والا عليا وروضه .. بيقولن ماصدقت .. انا امبوني ظميري ايأنبني .. اسير اسوي شي زياده عشان اتم طول عمري عايشه في هذا الظيج ..

في هالوقت اندق الباب وكانت عليا اللي شما اتفقت وياها عشان اتي ويقنعون الغاليه ..
الغاليه انصدمت انه عليا يايه .. ويلست وياهم
شما:غلوي يعني انتي مب موافقه احين؟
الغاليه شافت شما بنظره عتاب ماتباها ترمس جدام عليا
عليا: شو بتقول بعد .. لازم توافق
الغاليه باندهاش : اوافق على شو ؟؟
عليا: على حمد ..
الغاليه: عليا انتي شو تقولين ؟؟
عليا: غلوووي ترا راسي منتفخ من اسوم اختي توه لاتزيديني انتي بعد
شما: بلاها اسوم ؟؟
عليا: خطبها سعيد ولد عمي
شما: هييييه عريس الغفله السابق
عليا: فكينا انتي الثانيه .. .. اسمعي غلوي نحن عرفنا بالسالفه وكلنا فرحنالج .. صح كنا نتمناج لخالد الله يرحمه(ونزلت راسها) بس والله ياغلوي نحن نتمنالج الخير والله وحمد يستاهلج صدقيني ..

الغاليه سكتت انصدمت من رمستها ..
شما: غلوي لو روضه ماكان عندها عيال .. وبعدها صغيره .. وتوفى محمد .. تتمنين انها اتم عايشه جيه على ذكراه والا تتزوج ؟؟
الغاليه: اكيد تتزوج مهما كان انا مب انانيه
عليا: ونحن مب انانيين ياغاليه ..
الغاليه وايد ارتاحت من كلامهم .. وحست انه مثل الهم وانزاح من قلبها ..
شما: انقول مبروك ؟؟
الغاليه ابتسمت لهم .. وتوردت خدودها
عليا: يالله بسرعه شمووه اتصلي براشد وانا بسير اخبر امايه وروضه ..
عليا اتجدمت واحظنت الغاليه وباستها بقوو على خدها واطلعت تركض ..
والغاليه تظحك على شكلها وشما على طوووول على التلفون تبشر راشد وعمها ..

راشد اللي كان على البحر ويا عيال اخوه .. اول ماعرف استانس وايد .. فرحلها من خاطره واتصل بحمد يبشره ..
حمد اللي كان يالس ويا امه يلعب ورقه من الملل .. مايبى يخليها بروحها ..
اول ماشاف رقم راشد قام قلبه يدق .. ورد عليه
حمد: هلا والله
راشد: اهليـــــــــــــن .. حيا الله بوشهاب شالحال؟
حمد: ايسرك الحال الشيخ وانته اشحالك ؟
راشد: بخير الله يلسمك .. بوشهاب
حمد قلبه دق زياده: آمر
راشد: نترياك انته وعمك.. مبروك ياعم صبرت ونلت
حمد: في ذمتك ؟.. رشود لاتلعب باعصابي ..
راشد: والله ياحمد مالعب باعصابك .. موافقين ومابنحصل احسن عنك
حمد: الله يبشرك بالجنه ..
راشد: يالله عيل بخليك
حمد: الله وياك ..

حمد سكر التلفون واطالع امه اللي معلقه عينها عليه .. وجدم ايده وير راسها صوبه وباسه عليه : احبــــــج يا احلى ام في الدنيا
ام حمد: آآآي ياراسي .. حمود شو بلاك شذيييه تخبلت .. يالله العب انا عارفه الجوكر عندك
حمد: أي جوكر الله يهداج .. امي انا بعرس
ام حمد اطالعته وهي مب مصدقه: تعرس&#33;&#33;
حمد: هيه خطبت الغاليه و وافقوا .. اخيرا امي بخذها
ام حمد فرت الورقه اللي في ايدها واتجدمتله تحظنه واتصيح .. وهو بعد ماينكر انه نزلت دموعه ..
ام حمد: فديت روحك ياحمد والله فرحتني وايد ..
حمد: انا عيل شو اقول والله ماكنت اتوقع انه الدنيا ترجع تظحكلي
ام حمد: الحمدالله على كل حال .. راشد شو قالك ؟؟
حمد: يتريوني ويا عمي
ام حمد: انزين يالله رمس عمك
حمد: بنش بتسبح وببدل ثيابي وبطلع وبرمسه عقب ان شاء الله
ام حمد: الله يوفقك .. بتصل بحصه بخبرها
حمد: ويييه حليلها حصوه نسيتها وهي تتريا
ام حمد: يعني انتوا متفقين ؟؟
حمد: هيه .. يالله عيل بترخصج .. اتفاهمي وياها ..

الكل كان في بيتهم فرحان ومتحاوطيبها .. فرحتهم عشان الغاليه ماتساويها فرحه .. كانت وحيدتهم .. وكلهم ايدلعونها في البيت .. ظحكاتها وشطانتها .. خجلها وجمالها .. كل شي فيها كان ملفت .. ومحد فيهم كان متحمل الحاله اللي مرت فيها وتمنوا اتكون فتره واتعدي .. والحمدالله شكلها الايام بترد تبتسملهم وترجع الظحكه للبيت مثل قبل ..

في اليوم الثاني .. بعد صلاة العشا .. حمد كان ساير لبيت عمه مانع ساير والافكار ترضبه من صوب لصوب ويفكر بأسوأ النتايج.. وصل وماحصل حد يستقبله دخل الميلس وشاف ولد عمه وياه مصبح ولد عم ابوووه رحبوبه ويلسوا يسولفون ونش ولد عم حمد يوم شاف ابوه بطى عسب يزقره وبطى بعد لين مارضى ايي ..
مانع اللي واقف على باب الميلس : نعم خير شو تبى؟؟
حمد اللي كان واقف احترام لعمه: وعليكم السلام ورحمة الله
مانع : شوف دش فالموضوع ولا تسويلي هالخربطان شغل المصاروة مايمشي عليه
حمد يبلع ويسكت بس من داخل لابق ضو : لاحول ولاقوه عمي اسمع انا بغيت اكمل نص ديني وبعرس ورمسنا اهل العروس وموافقين وبغيتك تيي ويايه نخطب رسمي..
مانع: هذا اللي قاصر بعد .. انا اسير اخطب حق ولد المصريه .. لقعني الله عليهم اللي وافقوا على هالاشكال
حمد خلاص مب قادر يتحمل من الصبح وعمه طايح فيه اهانات : ولد المصريه هذا ولد اخوك ياعمي
مانع: انا اتبريت من اخويه من يوم خذ امك
حمد اتنهد خلاص شكله عمه عنيد ومابيطيع يوافق ,, مصبح كان يشوفه وساكت اول مره ايشوف حمد .. وبصراحه مب هاين عليه ..
مانع: عندي شرط جانك تباني اسير اخطب وياك
حمد: شو هو؟؟
مانع: عطني الارض
حمد وقف وهو معصب : لو اتم عازب طول عمري حق اختي وامي مابفرط فيه
مانع: عيل اقبض الباب ..
حمد شاف عمه بنظره حاااده ولو كان الغضب يتجسد .. كان حمد بيكون تجسيد للغضب والغيظ في هذا الوقت .. وطلع من الميلس ورض الباب وراه ..
مانع : باللي مايحفظك
مصبح: مانع شو ياك على الصبي ؟..
مانع: ماتعرفه انته هذا .. عنيــد وراسه يابس ونفسه وصخه .. تربيت سعادووه لازم بيكون جيه
مصبح هز راسه باسف وقال : لاحول ولا قوه الا بالله .. الله يهديكم انشا الله

كان في سيارته يالس .. وقابض السكان بما عطاه الله من قوه .. كان معصب وحاس انه بيختنق .. عق سفرته وعقاله على السيت اللي حذاله .. وفتح عقمه كندورته .. وحاول ياخذ نفس .. شغل سيارته وحركها بعيد عن بيت عمه .. ليش ياربي بس ,, ليـــــش؟؟ ليش كل مانفتح لي باب يسدونه في ويهي ؟؟
.. حس انه في وسط زنزانه اسير بين قيود الياس ..
فرك يبهته وهو يحاول يركز على الطريق جدامه ..
وقف جدام بيتهم .. واتصل لحصه اخته ..
وقالها عن اللي استوى وهي بدورها عصبت وايد من حركة عمها ..
وحاولت تقنعه انها مب محتاجه لنصيبها من الارض ولا حتى امها .. لكن حمد رفض هالشي .. وسكر عنها وهو يعرف انه ماله حل .. واحد من اثنين
الارض او الغاليه &#33;&#33;
الارض ولا شي جدام الغاليه .. لكن مهما كان هذا حق اهله مب حقه هو بروحه ..

في هالوقت اتصلبه راشد .. حمد رفع التلفون شافه ورجع يلسه .. ماكان قادر ايرمسه ..
ماله مكان يروحله .. لازم يرجع البيت .. امه بروحها اهناك ,,

رجع البيت وكانت امه يالسه في الصاله .. وشكلها حصه خبرتها عن اللي استوى.. بدل ملابسه واتسبح .. كان ايحس بالظيج يزيد مع كل نبضه من نبضات قلبه .. مايعرف كيف يتصرف والا شو بيسوي ..
يدري انه امه وحصه بيتنازلون عن الارض المهم هو مايظايج لكن حمد كان مستحيل يرضي بها الشي ومستحيل ايفرط بحق اهله وحق منو حق عمه اللي ماخلى شي ماخذه عنهم وهم صغار .. اتنهد وحاول يكتم ظيجه واتوسد يمناه ورقد
</p></font>

[المزيوونه]

<font color='#000000'><p align=center>بعد يومين .. كانت يالسه في غرفتها .. تجلب الالبوم اللي في ايدها .. كان البوم عرسها .. شما كانت تشوووف نفسها في الصور .. وتستعيد ذكريات هذا اليوم اللي كان من اسعد ايام حياتها .. تذكرت الملجه اللي كانت قبل العرس باسبوع .. ومع هذا مارمست راشد لين يوم العرس ..
وحمدت ربها الف مره انه راشد هو زوجها .. وانه الرب حقق امنيتها ..
في غمرة سرحانها .. حست بايد تغمض على عيونها .. ويوم صدت كان راشد اللي بطل ايده ويا يلس حذالها
شما: متى ييت حبيبي ؟
( قالها وهو يالس حذالها ولاوي عليها من طرف)
: توه وانتي سرحانه .. شو ها ؟
شما ابتسمت: البوم العرس
راشد: والله &#33;&#33; متى يابوه ؟
شما: امي اليوم يابته
راشد: فديتج شماني .. ذكرت هذاك اليوم .. بغيت اتخرطف على الستيج ..
شما: هههه هيـــــــــه احيد ..
راشد: شو اسوي اتخبلت اول ماشفتج وقلت بطييير .. نسيت حتى عمر وعمي وابويه
شما بدلع: يالله لها الدرجه كنت حلوه
راشد: اصلا لو كنتي مب حلوه ماكنت اباج ,,
شما اظربته على جتفه : احلف انته بس
راشد وهو مقرب خده منها : شمووه تحبيني ؟؟
شما: وايد
راشد: قوليها انزين ..
شما بدلع: أحبـــــــــك
راشد ابتسم ابتسامه عريضه وغنى : قالت احبك ياراشد قلت من قدي هالكلمه هذي تموتني وتحيني ..
شما اظحكت عليه.. كان الحنان اللي في نظراتها مرسل من اعماقها ..
الحب اللي بينهم لو كان له قياس .. ماكانت الارض وازت ذره من مواثيقه ..


ام حمد كانت من الصبح وهي تزن على راس ولدها وتحاول تقنعه ..
حمد: امي قلتلج للمره المليون انا مب مستعد اتنازل عن نصيبكم وبالذات لعمي الطماع ..
ام حمد: حموود انا تعبت منك خلاص قلتلك اتنازل عن الارض والله انها ماتساوي الغاليه
حمد: يــــــــالله.. امي افهميني شوي ..
ام حمد: شوو افهم بالله عليك .. يعني تبغي اتفهمني انك مش عاوز الغاليه خلاص
حمد: شو مش عاوزنها الله يهداج .. امي انا مابغيت اعرس الا بها .. ورغم اني كنت اعرف انها مب لي بس بعد صبرت رغم انه عمري طاف 27 ,,
ام حمد: حموود انا عيزت منك .. عندك حصووه واتفاهم معاها ..
حمد: حصووه بعد مادري كيف اتفكر تباني اقول لراشد واونه هو بيتفهم ..
ام حمد: حصه معاها حق ..
حمد وهو يظرب على ريله: لاحوووووووول ..

في هالوقت دق جرس بيتهم ..
حمد: منو ها اللي ياي احين بعد؟؟
ام حمد: يمكن وحده من اليران روح شوف مين ؟
حمد نش عند الباب و ويهه احمر من كثر ما اشتد بالكلام ويا امه ..
فتح الباب وانصدم من الشخص اللي كان موجود .. يحس شايفنه .. بس مايعرف وين ..
......... : السلام عليكم
حمد: وعليكم السلام
............: حمد
حمد: هيه نعم حمد .. منو الوالد ؟؟
مصبح : انا ولد عم ابوك خلفان الله يرحمه .. اللي كنت في ميلس عمك مانع قبل كم يوم ..
حمد: هيه ذكرت .. هلا والله حياك عمي .. اتفضل اقرب
مصبح: قريب ياحمد .. بس انا مستعيل وبسير لكني ماعرف رقمك وخانتني الذاكره وانا ادور بيت المرحوم .. وسالت صبي في اول السكه وخبرني عنه .. انا ياينك في موضوع سريع وبروح ..
حمد: عمي مانع مطرشنك ؟
مصبح: لا مب عمك .. ولا ايعرف اني اهنه ولا اباه ايعرف ..
حمد عقد حاجبه: عيل
مصبح: ياحمد انا شهدت كل اللي دار في ميلس عمك هذاج اليوم .. واللي استوى شي مايرضيني .. وحاولت اقنعه لكن عمك راسه يابس.. والتفاهم وياه صعب ..
حمد: اعرفه من استوى وهو مايدانينا
مصبح: مب هذا المهم .. المهم متى بتسير تخطب
حمد: اخطب &#33;&#33;
مصبح: هيه .. انا اللي بسير وياك .. انا حسبة عمك .. وبسير اخطب وياك
حمد انصدم .. ماعرف شو يسوي .. هوى على ايد مصبح وباسها وباس راسه وهو يحس بالفرحه ..
حمد: مشكور ياعمي والله ماقصرت ..
مصبح: هذا اقل شي اجدمه لعيال المرحوم .. هذي بطاقتي وفيها رقمي .. ومتى مارمست اهل البنت عشان تسيرلهم اتصلبي ..
حمد: تسلم ياعمي والله .. انزين اقرب شوي بتتقهوي
مصبح: مره ثانيه انشا الله .. انا مستعيل احين ..االا ماقلتلي بنت منو بتخطب ؟؟
حمد: بنت سلطان بن مطر
مصبح: والنـــــعم .. والله وعرفت تختار .. ناس اياويد .. ويازين ماخترت
حمد ابتسم بفخر .. وسلم على مصبح وروح ..
كانت فرحه حمد ماتنوصف .. ويشكر ربه ويحمده على فضله ..
سمع صوت الاذان .. قبل مايدخل ايبشر امه .. سكر الباب .. وسار للمسيد يمشي ووهو يشكر ربه على كل خطوه خطاها ..
...

حمد كاشخ ومتزهب حق السيرة وحارق تلفونه كثر مايتصل حق عمه مصبح
حمد : السلام عليك عمي مصبح هاه وينكم ابويه تحيرتوا
مصبح وهوه يضحك: يالله شو تحيرنا جان تحيرنا الا من كثر ماتتصل مارمت البس منك بسرعه .. التلفون بيشتكي عليك لو فيه روح هههههه
حمد افتشل من عمه: السموحه منك والله
مصبح: مسموح بالحل ياولدي لازم معرس ماتنلام ههههه المهم انا عند باب بيتكم
ظهر حمد وسار صوب مصبح بيسلم عليه
نزل مصبح من السيارة ونزل وياه اللي كان يسوقها ريال طويل وجتوفه عريضه وهادي الملامح .. حمد شافه بهت فمكانه مب مصدق ان ولد عمه بيسير وياه
حمد منصدم: علي..
علي رافع حاجب ونزل الثاني وعلى ويهه ابتسامه: ههههه بلاك مبقق شو ماتباني أي وياك ولد عمي؟؟
حمد : لاو الله مب القصد بس ماتوقعت
علي: لاتوقع انته ولد عمي الوحيد والظفر مايظهر من اللحم يالله اركب تحيرنا
حمد: ان شاء الله وتسلم .. فيك المعاني والله ياولد عمي
وهم فالسيارة كانوا يدلون علي بالطريج لبيت العروس
علي : الا ماخبرتني من بنته بتاخذ؟؟
حمد : وصلنا هذوه بيتهم وقف..
علي انصدم مب مصدق بيت ربيعه خالد المرحوم ؟؟؟ ليكون اللي بياخذها هي نفسها .....
سبحان الله يالنصيب
علي: هذا بيت اهل المرحوم خالد ربيعيه
حمد: تعرفهم انته ؟؟؟ راشد ويايه فالدوام وربيعي
علي : هيه اعرفهم واعرف راشد امسات مريت عليهم .. والله خير من ناسبت اسميك مب شويه ولد عمي ههههههه
حمد: هههه اعجبك شو تتحرا انته
مصبح: بتمون تهذربون انتوا؟؟ يالله انزلوا
حمد: هههه ا ن شاء الله ..




<font color=red>بعد خمس شهور ...
---------------------------- </font>

( احلى عروس شفتها لحد الحين )
كانت هاي جملة راعيه الصالون وهي تحط الطرحه على راس الغالية ..
ابتسمت الغاليه بخجل .. كانت آيه من الجمال .. عيونها السودا وشعرها الكستنائي المرفوع اللي نازله منه شوي خصل على ويها ..
ورموشها الكثيفه .. وفستانها الاوف وايت .. خلها مثل الملاك اللي نازل من السما ..

دخلت عليها حصه: اوووه شو هالحلى .. فديته اخويه مالومه لو اتخبل ؟
الغاليه: حصووه صدق طالعه حلوه
حصه: الا قمر .. ماشا الله عليج ..
دخلت شما في هالوقت ويا عليا ..
شما اتجدمت ويلست على طول على السرير: آآآخ تعبت ..
حصه: بلااج ؟؟
شما: يعني مارمتوا تتريون لين اربي وعقب اتعرسون ؟؟
عليا: ماسمعج حمد جان عرف شو يسويبج ..
شما: اوف صدق منقهره من شكلي .. كنت ابا اكشخ في العرس لكن وين اكشخ وهالكرشه جدامي ..
الغاليه: والله انج غاويه حتى بكرشتج .. لاتغيرين ثيابج لين يشوفج بها راشد
شما: واخوج ايفوووت .. اصلا .. شاف خلص
الغاليه: ههههه معلوم هذا راشد ..

حمد كان برع القاعه .. كاشخ بالبشت .. ويالس ويا انسابه ..
وسالم ريل حصه وياهم .. ويشوفه ويظحك عليه
حمد: انا ابا اعرف انته ليش تظحك احين
سالم: نسيت شو سويتبي ؟
حمد: وانته ياي تتمصخر احين
عبدالله واقف ويصورهم بالفيديو
حمد: عبدالله سكر لاه شو اتصور
عمر: احسن احسن عشان انراويها .. قسم بالله شكلك نكته
حمد: راشد شوفهم
راشد: صدق ياخي والله جنه كاسرين تحتك غرشه .. ايلس مكانك يابويه ..
حمد: لاحوووووول اتحالفوا عليه .. انا بسير بوقف ويا عمي سلطان اخيرلي

عبدالله دق الباب الوراني لغرفة الغاليه .. عشان يدخل يصور ويا اخته ..
وقف عند الباب فتره لين عليا تغطت و حصه اطلعت .. وعبدالله ماذنهم من الدق
عبدالله: يالله عرقت
عليا: يعلك ماتنشف .. اصبر
لبست عليا وشما وقيهن .. ودخل عبدالله
عبدالله: الله الله غلوي شو هالجمال .. سبحان الله نسخه مني
عليا: بسم الله عليها هي احلى بوايد
الغاليه: ههههه بسكم عاد ..
عليا: شو تبى انته احين ؟؟ شفتها خلاص اطلع
عبدالله: بصور وياها
شما: صور انزين فكنا ..
اتصور عبدالله ولا فوق 10 صور وبعده تم يالس وياهن
عليا: خلاص صورت اظهر ابا اعق وقايتي
عبدالله: ترا مب من زينج
عليا: عبوووود

شوي و دخلت ام عمر وكانت مريم وياها ..
وقف عبدالله و سار جدام عليا وهو يظحك ويقولها: خلاص العروس وصلت وشفتها .. يالله باي
طلع و هو يظحك ظحكه شيطانيه وعليا انقهرت منه .. كان يبى يشوف مريوم بنت عمه ..
والله طلع مب سهل عبود .. من وين بييب هاي الحركات .. مب مرابع عمووور ..

ام عمر: ماشا الله.. هذا اللي يعتمد عليكن .. مطرشتنكن تقولولها تتزهب والا تتيلسن وتسولفن
ام عمر التفتت للغاليه وانبهرت بشكلها .. : فديتج ياغلويه محلاج .. لا يا امي لاتنزلين احين .. صبري خليني اقرى عليج ..
يلست ام عمر تقرا على الغاليه .. وشما وعليا نزلن تحت عشان يرتبون الاغنيه ويتريونها ..

انطفت الانوار .. واشتغلت الليزرات واتصطعت كلها على الملاك اللي كانت تنزل من الدري بخطواتها الواثقه والثابته .. ونظراتها اللي كلها كبرياء .. ووصلت لين الاستيج وهي تمشي بورحها و شما و حصه يساعدنها اذا احتاجت .... وكانت تمشي وتتلفت للناس وعلى شفايفها ابتسامه عذبه .. وكل من شافها سمى عليها ..

يلست على الكوشه وكل اهلها وقرايبها يوها يسلمون عليها .. من بين اللي يوا ايسلمون عليها .. كانت ام خالد يايه وتمشي بثقل كانه ريلها رافضه تتجدم ..
وقفت جدام الغاليه والغاليه وقفت احترام لها .. لوت عليها .. وام خالد باستها على راسها وهي تقول : الله يهنيج يابنتي .. هديتج عند امج .. واسمحيلي انا بروح احين ..
الغاليه: وين خالوه مايلستي ؟؟
ام خالد بين دموعها: يسد اني اشوفج ..
باستها وروحت ام خالد .. والغاليه ارتاحت لانه خالتها يتها ومب زعلانه منها ..
وانتبهت للصوت اللي كان حذالها ..
ام حمد من الفرحه تصفق واتزغرط
ام سلطان: انطبي الله يطبج .. حشى صميتي اذني
ام حمد: فرحانه بابني يا ام سلطان
ام سلطان: ضكي عني .. حشى دوا راسي منج ومن هالغناء .. سيري اهناك بعيد لعلعي وزغرطي ..
الغاليه اظحكت وهي تشوفهم .. من انخطبت وام سلطان نقره ويا ام حمد .. رغم انها اتحبها بس بعد مايوزون ..




اعلنوا عن وصول المعرس .. والغاليه وقفت.. ودخل حمد وراشد وعمر وعبدالله وسلطان ولد محمد ..
الغاليه اول ماشافتهم من عند الباب داخلين .. حست بايدها تنتفض .. وقلبها زادت دقاته .. حست انها مب متحمله وزنها..
كلهم ياين .. اخوانها كلهم الا هوووووو .. الا مـــحــمـد .. اخوها ماكان وياهم .. ماحظر عرسها ومافرح لفرحتها .. ماشافته داخل وياهم ..
حرقتها عينها .. وكان حمد متجدم منهاشاف عينها تلمع .. طبع بوسه بين عيونها ووقف حذالها .. اما راشد اللي كان وراه اول ماشافته الغاليه طاحت بحظنه ,, وحس بدموعها على جتفه .. باسها على راسها وهو يمسح ادموعها ..
راشد: لو كان عايش بيرفض يشوف دموعج هاي ..صدقيني كان بيزعل وايد .. يالله امسحيهن .. و هذا سلطان ياي بداله ..
مسح راشد دموع اخته وسلمت على عبدالله وسلطان .. اما عمر كان اخر واحد وصل وهو يمشي ويتلفت ..
عمر: بسم الله الرحمن الرحيم . ياناس هذا مب عرسنا .. عروسنا احيدها مب غاويه جيه
الغاليه: عمور يوووز
ظحك عمر واتجدم وباسها على راسها .. ووقفوا كلهم يتصورون وياها ..
ومن عقب طلع راشد ويا شما اللي كانت واقفه على طرف الستيج و وصلته وعبدالله وياهم.. وفي وقت اشتبكت فيه ايد الغاليه بايد حمد ..
كان عمر آخر واحد طالع من بين اخوانه .. ويمشى وهو متحسر انه ماشافها .. لكن فجأه شافها عند الباب .. صح عليا كانت بشيلتها وعباتها .. لكنها كانت حلوه .. فستانها مع المكيب البرتقالي كان وايد حلو طالع عليها ..
وقف حذالها وهو يبتسم ويطالعها بنظرات اعجاب .. وهي بادلته بنفس النظره ..
حاولت تكسر الحاجز وقالت : مبروك
عمر: الله يبارك فيج .. عقبالنااا
انمدت ايد احظنت عليا من صوب ودحت ظهر عمر من صوب وقالت ام عمر: جريب ان شاء الله ..

قال تعالى:

<font color=darkred>( ولــســـوف يعــطيــك ربـــك فتـــرضـــى)

</font>صدق الله العظيم


النـهـــــــــــــــ وهل للحب آمـــال &#33;&#33; ـــــــــــــــــــايه ..
&#60;&#33;-- / message --&#62;
تأليف المبدعة: عاشقة الشمال..

تحياتي لكم ..واتمنى اشوف آرائكم
اختكم: المزيوونه

</p></font>

[الـيـاه]

<font color='#000000'><p align=center><img src="http://oasis.bindubai.com/emoticons/fa34.gif" border=0>

<img src="http://oasis.bindubai.com/emoticons/fa34.gif" border=0>

<img src="http://oasis.bindubai.com/emoticons/fa34.gif" border=0>


<img src="http://oasis.bindubai.com/emoticons/fa34.gif" border=0>

يااااااي أحب النهايات السعيدة واللي تونس &#33;
بسنا ضيح وحزن

ألف ألف مبرووووك لـ ( <font color=#ff0000>الغاليه</font>&nbsp;<img src="http://oasis.bindubai.com/emoticons/fa41.gif" border=0> <font color=#ff0000>حمد</font> )
وعـقـبال عـمـوور وعلايــه <img src="http://oasis.bindubai.com/emoticons/fa41.gif" border=0>&nbsp;&nbsp;وعـقـبهم عـبـود ومريـووم <img src="http://oasis.bindubai.com/emoticons/fa41.gif" border=0>

وان شــاء الله شما تيب ولــد ويسمونــه " محمد <img src="http://oasis.bindubai.com/emoticons/inlove.gif" border=0>" ..


<font color=#ff9900>حبيبي المزيونــة :</font>
اشكر فنج غناتــي ع نقلج للقصــة اول بأول ..
مشكــوره وماقصرتــي <img src="http://oasis.bindubai.com/emoticons/fa31.gif" border=0>&nbsp;&gt; نخدمج في عرسج ان شاء الله .. ( قولي آمين <img src="http://oasis.bindubai.com/emoticons/fa35.gif" border=0>)

<font color=#ff9900>حبيبتي عاشقة الشمال :</font>
تسلملنا ايدج على هالإبداع .. قصة ولا أروع
وأجدتـي فـ حبك المواقف <img src="http://oasis.bindubai.com/emoticons/fa42.gif" border=0>..

القصة واايــد واايــد حلوه .. ولو ماكانت جي جان ما أثرت فينا <img src="http://oasis.bindubai.com/emoticons/down.gif" border=0>
تستاهلين اكبر صفقة منا <img src="http://oasis.bindubai.com/emoticons/fa47.gif" border=0>.. وعقبال مانقرا الياي ان شاء الله

<font color=#996600>والسموحـــه
</font></p></font>

[الولع]

<font color='#000000'>الله
والله نهاية حلوة و القصة رووووووووووعة
استانست والله حسيت نفسي حاضرة عرس الغاليه هههههههههههه <img src="http://oasis.bindubai.com/emoticons/biggrin.gif" border=0>
بصراحة المزيوووونة عاشقة الشمال لها حس مبدع جدا
و انتي ما قصرتي .. اذيناش معانا هههه <img src="http://oasis.bindubai.com/emoticons/blush.gif" border=0>
تسلمي و تسلم كاتبة القصة
يعطيكم الف عافية</font>

[المزيوونه]

<font color='#000000'>الياه.....العفو غنااتي وها واجبنا ...
وانا وياج فرايج للقصه .. وعشوووقه ماشالله ابدعت فالكتابه ..قصتها مرتبه
مختصره عند الاختصار وباسطه القصه عند البسط وها اسلوب الكاتب الجيد<img src="http://oasis.bindubai.com/emoticons/smile.gif" border=0>&nbsp;..


الولع....لا الغاليه لا اذيه ولاشي.. استانست بالنقل الكم.. <img src="http://oasis.bindubai.com/emoticons/smile.gif" border=0>
ويسلم غاليج ..




</font>

[شمه]

<font color='#000000'>يااااااااااااي
نهايه حلوه عقبالي انا بعــــد <img border=0 src=http://oasis.bindubai.com/emoticons/fa30.gif>

بس حرام محمد وخالد..الله يرحمــهم..

<img border=0 src=http://oasis.bindubai.com/emoticons/fa43.gif>
خلصت القصــــه..
حرااااااااام احس الجزئين الاخيرين مروا بسرعـــــه .ما يخصني كملوا القصــــه..</font>

[الدلووووعة]

<font color='#000000'>مشكورة اختيه على التكملة</font>

[الدلووووعة]

<font color='#000000'>مشكورة اختيه على التكملة</font>

[هتان المنتدى]

<font color='#728FCE'><p align=center>السلام عليكم ورحمه الله وبركاته .....

مرحبا الساع مليار وان زادن لا باس ....

حبييت اشكر الكاتبه المبدعه "عشوقه".....

وتسلم الانامل اللي خطت هالكلامات والاجزاء الموثرة واااااااااااايد........

والف شكر للمزيونه الغاليه اللي نقلت لنا القصه ع هالمنتدى......
&nbsp;
اللي&nbsp; من&nbsp;احلى القصص&nbsp;وكلمت روعه شوي عليها&nbsp;......

وانا اشهد انج مول ما قصرتي&nbsp; يا الغلا.....
&nbsp;
واقولج عساج ع القوة يا الغاليه&nbsp;....وعسانا ما نخلا منج ....

وباقه ورد معطرة اهديها لكل من قرا هالقصه ......

او مر عليها مرور الكرام......
&nbsp;
او رد عليها&nbsp; برده الحلو....وتسلمون&nbsp;&nbsp;....

السموحه ع الاطاله.....بس كان لازم اضهر اللي بقلبي....

تحياتي ....

اختكم "هتونه"</p></font>

[علايه]

<font color='#000000'>مرحبا
الصراحه القصه حلوه وااااااااااااااااااااايد

ومشكوريييين <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[المزيوونه]

<font color='#000000'>ثانكس للكل <img src="http://oasis.bindubai.com/emoticons/smile.gif" border=0>

برجعلكم بعدين</font>

[عاشقة الشمال]

<font color='#810541'><font face="tahoma, arial, helvetica, sans-serif" color=#ff0000 size=4>السلام عليكم ورحمه الله وبركاته

اختي المزيونه .. الله يعطيج العافيه يالغاليه .. وماقصرتي ابدا في النقل .. وعساج على القوه ان شا الله .. ونردها لج ..
وترانا في انتظار جديدج انتي بعد .. تسلمين يالغلا ماقصرتي والله ..


اخواتي واخواني القراء

تسلمون والله ماقصرتوا .. ردودكم و تفاعلكم واعجابكم بالقصه الصراحه اسعدني وايد ..
سعيده انه القصه اعجيبتكم .. وكنت حزينه لانه تسجيلي ماصار الا احين من بعد ماخلصت القصه ..
بس ان شا الله اني بتم وبتواصل وياكم ..
مشكوووورين&nbsp; لكل من قراء و علق و حتى لكل من مر على القصه وحتى لو دون تعليق ..

والسموحه منكم</font>


اختكم : عاشقه الشمال</font>

[المزيوونه]

<font color='#000000'>عاشقة الشمال....افا عليج الغاليه..اليديد ما بيكون الا وياج<img src="http://oasis.bindubai.com/emoticons/wink.gif" border=0>

وانا ابصملج انه الكل عيبتهم القصه .. لانها صدق تستاهل
استمري فالتميز عزيزتي<img src="http://oasis.bindubai.com/emoticons/smile.gif" border=0>&nbsp;

الله حيه</font>