<font color='#000000'>السلام عليكم ورحمة الله وبركاته
مرحبا أختي لحظة صمت
الصراحة الموضوع رااائع
بس انا بذكر لش قصة لأعز بيعة لي
الله يسلمش خطبها شاب في العشرينات .. و كان مدمن مخدرات سابقا .. و الحمدلله ربنا هداه و الرجال صلح حاله و حج و اعتمر كذا مرة ولله الحمد .. و كل الناس عرفوا بأن الشاب اهتدى .. لأنه ابن ناس معروفين
و الرجال قال بكمل نص ديني و خطب ربيعتي هذي .. بس ويش اللي صار .. أهل البنت رفضوا و ردوا الولد مع انهم عارفين انه تاب و ترك هالامور الخايسه بس مع ذلك ما بغوه ياخذ بنتهم .. و السبب إنه كان مدمن مخدرات .. بس البنت أصرت و حاولت تفهمهم وجهة نظرها ... و ساءت الأمور أكثر و وصلت لدرجة أن أخوها الكبير يضربها لانها فكرت تاخذ هالشاب <img src="http://oasis.bindubai.com/emoticons/down.gif" border=0>
و للاسف ما حصل نصيب .. و الولد الى الآن ما تزوج لنفس السبب .. كل الناس يرفضوه
تخيلي يعني شاب في مقتبل العمر ما يحصل التشجيع من أهله و ناسه ... ايش ممكن يسوي ؟؟؟
إلا إنه يتزوج أجنبية
يعني اللوم كله يقع على المجتمع و التفكير الخاطئ اللي نتبعه في حياتنا
كل إنسان يخطئ ومحد معصوم عن الخطأ .. بس وين اللي يقدر يختي
و أنا أشارك أخوي لماح في كل اللي ذكره <img src="http://oasis.bindubai.com/emoticons/smile.gif" border=0>
مشكورة على الموضوع الطيب أختي</font>
رد مع اقتباس
مواقع النشر (المفضلة)