يــا مرحـبـــا ملاااااااااين ولايسدن وإن سدن لاباس
شحالكم كلن بحاله .؟؟!!
...
أشكرج عزيزتي سويرة على هالمقدمـه الحلوه وعلى مجهودج الطيب
وخليني أنا أكمل عنج الي أعرفه عن اللؤلؤ الغـاوي
والصراحه أول موضوع إلـنا بـ هالواحه وان شاءالله هب آخر واحد
وإن شاءالله نحصل علـى التشجيع منكم للمواصله
...
بسم الله نبدأ
أولاً بتكلم عن
أشكال اللؤلؤ
طبعاً اللؤلؤ له أشكال مختلفه كما نعرف عقولتهم
وانا بخبركم الي أعرفه
النـوع الأول :
البطـن
هو نوع من أنواع اللؤلؤ ويســمـى بـ قول – و – هـ ،،، يعني أنتوا اجمعوا هالكلمات ويصير
قول وهو ،، وإذ كان الشــكل مفعـوص قصدي مفلطحاً طشووونه بس أو يكون
ع شكل نص كوره أو بيضه يكون إسمـه ( بطــن ) هب بطنك يالاستــاذ ،،
ولـه تسميات أخرى من مثـل :
المضـرس والغلامي والمزير والشعيري والزيتون هب زيت الزيتون
والمدحرجه سامعتبها هالكلمه بس وين الله العالم
:kkk:
،،،
النوع الثاني :
السجني
( هب سجن الدوله لول )
وهو
البيضاوي من اللؤلؤ
والتمبول- تنبـول اللؤلؤ الكمثري الشكل وجمعـه تنـابيـل .
بس تصدقون أسامي غريبه عجيبه
ربياني مب العيش خخخ : أي تشـبه الربيـان .
البيـض : اممم شرات البيض
الخنجي : يكون شرات حبة الحمص جان شفتوها
دانـة حـوري : هي اللؤلؤتان المتشابهتان باللون والوزن
( شرايكم بالفصحى brgll: )
كان هذا بالنسـبه لـ
أشـكال اللؤلؤ
،،،،
إما الأن لنذهب لـ
مثاقيل اللؤلؤ
فهو يختلف طبعاً وكما نعرف طبعاً وطبعاً بقولكم
هي ما يوضع في كفة الميزان لتحديد وزم الأشياء الموضوعة في الكفة الأخرى . وإذا كانت الموازين العادية تستخدم الجرام والأوقية و الكيلو جراما وغيرها من الأوزان المعروفة ، فإن موزاين اللؤلؤ لها مثاقيل خاصة ، وضعها التجار ، وصـارت معترفاً بها من قبل من يتعاملون في هذه التجـارة .
المثاقيل المعروفة في الخليج :
1- مثقال البحرين ، يساوي 150 قمحـة . ( ادري هب غريبه 
)
2- مثقال قطـر ، ويساوي 160 قمحـة .
3- مثقال بومباي ، ويساوي 074 قمحـة .
والمثقال يسـاوي 4.900 جرام .
وكانوا يحطون تحت المثقال – وحده للوزن – وأوزان ثانيه هي نصف مثقال وربع مثقال ،
وربع كو ، و ورتي ( هب روتي )
و آنه والأنه شرات حبة العيش أو الارز ولاتزعلون.
والي يبي يـشـتري للؤلؤ لايتتردد ويي نحن بنختارله لول
،،،
وســلمــتم وسمحـولـنـا على القـصـور
ولـكم جزيـل الشــكرللوصـل إلـى هنــا
ونتـمنـى أنا نلـنا علــى رضــاكم
(فرضـاكم هو هدفــنا عقولت الناس :puppyeyes: )
،،،
ونــبــا التعليــقـات والردود الحلوه
هب تسولــنـا أكبــر طافين
رد مع اقتباس
مواقع النشر (المفضلة)