<font color='#000000'><FONT color=#000000><FONT color=#000000><FONT color=#000000><FONT color=#000000>
<P align=center>
<FONT color=#0000cc>البطل : راشد عبيد حميد
الشهرة : رشّــووود صالونه
السبب : ما يعرف أيعيش يوم من غير ما ياكل صالونه ، صالونة لحم والا دجاج المهم صالونة ، رشـّـود حتى الصبح ممكن
أيكون اريوقه ، الترويقة صالونة ، وراسين بصل وكم حبة رووويد ، وفيمتو معاه مكعبات الثلج
ورشـّـود معروف بين شلته ، برشود صالونه والا رشود جدر ، لأنه الحبيب دومه أمطيح عند لجودر
رشـّـود صغير ، عمره 20 سنه ، لكن الكرشه سبقت عمره ، والحبيب يفتخر
بالكرشة أيقول : أنها دليل على الراحة
رشـّـود في المدرسة
تبغي أتفرح رشـّـود قوله : فيه عرس ، والا عازمنك في المطعم الشعبي ، شرات مطعم زمزم ، هريس وعيش ومندي ومجبوس وبلاليط وبيض
تبغي أتنرفز رشـّـود وترفع ضغطه ، ذكره بحصـّة اللغة العربية في المدرسة
وبخاصة مادة النحو ، ويااااااااالله يوم يتذكّر هاك اليوم
المر ، اللي طلب منه المدرّس أنه يعرب ثلاث جمل ، ورشـّـود دمه خفيف شرات أصحاب الكروش عموما ً
</FONT><FONT color=#cc0066>اعرب ما يلي ياراشد
1- اللي في الجدر يطلعه الملاس
2- اللي ما يطول العنب يقول حامض
3- أكل زيد ٌ الفلافل - ورشوّد ايجوف بدل زيد اسم راشد <IMG src="http://oasis.bindubai.com/emoticons/fa37.gif" border=0>
</FONT><FONT color=#0000ff>راشد صالونة يبغي يعرب الجمل ، وأيده على كرشته
وشلته تضحك من تحت لتحت ويتناغزون
o اللي : أسم من أخوات نيلي ، ونيلي رقاصة ماصخة ، عيوز وسوّت كم عملية تجميل ، وطاح سوقها الحين ، وسوت فوازير رمضان ، ورمضان غني عن فوازيرها
ما : زايدة رازه ويهه أمضيعه
يطول : فعل مضارع يختص بالمسافات والأوزان من طال يطول
العنب : مفعول به ، يوصل للكرشة ، فيه أنواع الأحمر والأخضر - ورشـّـود ايروّن واااااااع - والأسود ، منه حلو وشيء منه حامض وشيء منه حامض حلو
على أغنية حامض حلو .. ياللومي ياللومي
يقول : فعل مضارع شرات يطول ، لكن هذا مختص بالهذربة واللسان الطويل
حامض : الحا ، نداء للحمار ، يستخدمها الراعي لما يبغي الحمار يمشي حاااا ياحمار
مض : أصلها موضي وهو اسم ايلوع الجبد ، فيه حموضه <IMG src="http://oasis.bindubai.com/emoticons/rock.gif" border=0> فحذف الكوفيون الواو والياء عشان يخففون من حموضته
o اللي في الجدر يطلعه الملاس
اللي : شرات اللي قبلها من أخوات نيلي الرقاصة اللي ما تستحي ولا اتخيّل
في : حرف جدر ، عفوا جر يعني داخل تفيد المكان
الجدر : أصلها قـِدْر ، انجلبت القاف جيم لأنه الإماراتيين ألسانهم ثجيل ، وسنعيين ، وهاي قدر مال الدلع ، وهي على وزن
ســِدْر ، شجرة معروفة في الإمارات ناكل منها النبج <IMG src="http://oasis.bindubai.com/emoticons/fa56.gif" border=0> وهي من الشجر المعمرات
ايطلعه :
اي : كلمة أفرنجية الحرف الخامس من لغتهم
وبالكويتي يعني نعم ، أتقول للكويتي رحت المطعم ايقولك : اي ، وإذا يوعااااااان وايد بيقول : ايه بزيادة الهاء ، هاء الجوع
طل : كلمة تقال وقت النرفزة ، ويوم اتعصب ودايما ساكنه طل ْ ،
والهاء نفس أي ، يوم أمعصب وايد اتقول أيطلعه ، ويوم نص ونص اتقول : ايطلع وتصرط الهاء <IMG src="http://oasis.bindubai.com/emoticons/rock.gif" border=0>
الملاس ، آلة معروفة حق الغرف ، حق لبطون اللي اتصاوي
ال : زايدة دودية ، داخلة غلط وإذا تبغي اتنقع أتقول : داخلة مالغلط <IMG src="http://oasis.bindubai.com/emoticons/fa48.gif" border=0>
لاس : جزء من ولاية أميركية ، معروفة بسواد ويهها أسمها لاس فيجاس
وللافائدة
جمع ملاس : ملالــيس على وزن مهاريس
طبعا ً رشـّـود ذكي خل ّ الجملة الأولى هي الثانية علشان ما ايعيرونه
o أكل زيد ٌ الفلافل
أكل : فعل ماضي ويمكن يكون مضارع <IMG src="http://oasis.bindubai.com/emoticons/fa56.gif" border=0>وهو من أفعال الكروش بمعن ترس وزجّ
زيد : مغلوب على حال مرة بين البصريين ومرة بين الكوفيين كل ما بغوا مثال يروا زيدوه من شعره الياعدة
الفلافل
أصلها
فل ا فل
الفل : له معنيان الفل نبات زهري له رائحة عطره وقوية وجميلة
الفل : اتكون بمعني متروس يعني البطن متروش ، ويوم تبغي أتعبـّي وقود ( يعني بترول ) اتقوله : فل يعني
الحبيب جيبه مليان فلوس هذا على اول الشهر <IMG src="http://oasis.bindubai.com/emoticons/fa34.gif" border=0>
ا : حرف ٌ مهم يدخل في كلمات كثيرة ودومه واقف على ريله
فــِـل : هاي الثانية غير عن الأولى ، هاي معناها يوم تبغي تشرد عن حد ، والا تبغي اتهفسن من المدرسة اتقول حق الشلة
فلة
ايقولون لك
: فلة يعني وافقوا على الشرده
رشـّـود بوكرشة ، ورشـّـود صالونه ، ورشـّـود جدر
صدى الونه
</FONT></P></FONT></FONT></FONT></FONT></font>
رد مع اقتباس
مواقع النشر (المفضلة)