سوالف حيواناتكم

[نجمة دبي]

السلام عليكم ورحمة الله وبركاته ...

اشحالكم ؟ عساكم ابخير وسهاله ...

معظم الناس عندهم حيوانات أليفه ومفترسه

وحبيت اقدم لكم هالموضوع اللي من خلاله اتحطون صور حيواناتكم ومواقفهم الطريفه ...

وبكون انا اول وحده....

كان عندي ( قطو ) اسمه ( لولو ) نوعه شيرازي .. اول ما يبته البيت كان عمره 3 سنوات.. الوالده سوت عرس .. ماتبيه في البيت .. وكل يوم ضرابه انا وياها .. ولكن ابواسطة اخويه العود قدرنا نقنعها ..

كان واااااايد فوضوي .. ماخله شي ما كسره وخربه .. لا واكثر شي قاهرني انه مايرقد الا على سريري .. لاني امجبله المكيف والمكان بارد .. وحضرته الريال ( قصدي القطو ) مايبي مكان حار .. كل ما ادفره تحت .. ابكل بروده عفد وياه عندي فوق .. ولاني حبيته ما سويتله شي .. وتمينا على هذاك الموال ..

ومع تقدم السن عنده .. استوى بارد ومتهايز .. اتسويله حركات يسويلك طاااااااااااااااااااااف .. 24 ساعه متسدح وراقد ..

في يوم من الايام كنت يايه اعطيه اكله وهو عباره عن حبوب اصغار ( شكله مثل البسكوت بس صغير )
حطيته على الطاوله ورحت ادور عليه .. يوم رجعت شفت اخويه ياكل منه ويقول ( اول مره اشوف بسكوت بطعم السمج )
ههههههههههههههههههههههههه ههه

ضحكت عليه لين مانطريت .. قلتله هذا اكل القطو .. في البدايه ما صدقني .. بس يوم شاف القطو ياكل منه .. اتغير شكله وخاف .. بس انا طمنته وقلت ( هذا فيتامينات وسمج ) يعني مابيستوي شي ..

احيانا اخويه يطلع القطو برع البيت علشان يتمشى .. وهو اتعود على هذا .. فكل يوم يطلع ساعه او ساعتين ويرجع ..

في يوم من الايام كنا انعدل بيتنا ( انغير السراميك + انبدل الاثاث + نصبغ ..... الخ )
القطو كان برع .. اتأخر الوقت ولا رجع .. يوم اخويه طلع يدور عليه .. شافه طايح في الشارع .. سياره دعمته

شله اخويه ويابه جريب البيت .. كلنا زعلنا وصحنا ( عزا اسبوع ) صياح من الخاطر .. كل واحد ماد برطمه شبرين

مهما يكون هذا حيوان .. بس عشرة عمر .. ومحد ينسى بين يوم وليله ..
وللاسف صورته كانت موجوده بس ما تظهر ..


والحين عندي قطوه ( تركيه انغوليه ) بس حلووووووووووووووووه عجيبه .. اسمها ( روبي ) لان ربيعتي يايبنها تهريب من مصر

اول ما يبتها البيت كان عمرها 8 شهور .. كانت بريئه ولطيفه .. وكلها انوثه ..

بس بعد ما اتعودت على جو البيت .ز قامت تاخذ راحتها .. تتشاوح في الحوي وتنخش في اماكن مستحيل تي في بالكم ..

وايد احبها ..

وها صورتها




يلا ياه دوركم الحين .. راووني شطارتكم


نجــــــ دبي ـــــــمة

[المقاتل]

<font color='#000F22'><p align=center>كنت آكل شيبس وأقرا الموضوع وجنـــه فلــم عشتــه صححححححححححح<img src="http://oasis.bindubai.com/emoticons/fa37.gif" border=0>

إلا إني مسحت إيدي بوزاري<img src="http://oasis.bindubai.com/emoticons/fa35.gif" border=0> وجبرت عمري أرد عليـــــــج<img src="http://oasis.bindubai.com/emoticons/fa56.gif" border=0> لأن موضوعـــــــــــــــــــج <font color=#ff0000>غاوييييييييييييييي ييييييي</font>

وتسلم الأنامل المبدعه<img src="http://oasis.bindubai.com/emoticons/fa34.gif" border=0></p></font>

[تحفه]

<font color='#FF0000'><p align=center>الله .. موضوع مميز وايد ..

المشكله عندي فيديو بس اصوات و ضحك &nbsp;.. والصور ما تنفـذ المطلوب ..

واسمحي لي الغاليه .. ظهرت الصور عشان اتسهل عملية التصفح ..

تحياتي لج </p></font>

[لمّــاح]

<font color='#000000'><p align=center>ام خدود شو سويتي بموضوع البنـــــــــــــــــــت <img src="http://oasis.bindubai.com/emoticons/oo.gif" border=0>

اختيــه نجمة دبي . .

لي عـــودة ^_^ </p></font>

[تحفه]

<font color='#FF0000'><p align=center>الغاليه لا اتخافين .. بسوي صيانه وبرد <img src="http://oasis.bindubai.com/emoticons/blush.gif" border=0></p></font>

[نجمة دبي]

<font color='#000000'>المقاتل ...

مشكووور اخويه على المرور الحلو ..

والسموحه لوزارك اللي اتوصخ .. <img src="http://oasis.bindubai.com/emoticons/cool.gif" border="0" valign="absmiddle" alt=''>


ام خدود ...

شكرا على الرد الغاوي .. ومشكوره على المساعده الطيبه .. <img src="http://oasis.bindubai.com/emoticons/smile.gif" border="0" valign="absmiddle" alt=':)'>


لماح ...

شكرا على المرور .. وانتظر مشاركتك .. <img src="http://oasis.bindubai.com/emoticons/smile.gif" border="0" valign="absmiddle" alt=':)'>

تحياتي

نجمة دبي</font>

[مس شانيل]

<font color='#000000'><p align=center><font color=#6699ff>ييييي ما احب القطاوه
الجلاب احلى

حليله والله ما يستاهل مات بعز شبابه بس ما عليه شو بتسوين
هاي امانة ربج بتعترضين على حكمة الله

ها كلام العيايز فالعزا

miss chanel
</font></p></font>

[نجمة دبي]

<font color='#000000'>مشكوووووووووره اختيه على المشاركه الطبيه

تحياتي

نجمة دبي</font>

[اليازية]

<font color='#000F22'><FONT color=#000f22><FONT color=#000f22>
حليله و الله القطو <IMG src="http://oasis.bindubai.com/emoticons/laugh.gif" border=0>&nbsp;يبين من شكله انه باااارد ..
&nbsp;بس نهايته كانت تعيسه
زين والله تربون قطاوه


ذكرتيني بـ " جمّـوووووله" <IMG src="http://oasis.bindubai.com/emoticons/fa43.gif" border=0>

<IMG alt="" hspace=0 src="http://oasis.bindubai.com/download/uae_angel/jmoh.jpg" align=baseline border=0>

كنت ادلعها و اعطيها الي تباه
&nbsp;
(( ايام امتحانات الثنويه العامه &nbsp;كنت ااكلها اوراق الكتب <IMG src="http://oasis.bindubai.com/emoticons/fa46.gif" border=0>))

&nbsp;يعني ربع الكتاب في بطن هالمسكينه و هي يعني عايبنها و تبي بعد <IMG src="http://oasis.bindubai.com/emoticons/fa46.gif" border=0>&nbsp;..

&nbsp;لا تسبوني ما كنت اعرف انه مب زين <IMG src="http://oasis.bindubai.com/emoticons/fa52.gif" border=0>

احم .. اول مره ابووح بهذا السر <IMG src="http://oasis.bindubai.com/emoticons/rock.gif" border=0>

والله كنت اترياها تكبر .. عسب ابيعها عقب <IMG src="http://oasis.bindubai.com/emoticons/fa56.gif" border=0>

بس الله ما اراد .. وماتت عنزتي ((جميله)) &lt;&lt; اسم على مسمى<IMG src="http://oasis.bindubai.com/emoticons/fa30.gif" border=0>

و شكرا <IMG src="http://oasis.bindubai.com/emoticons/fa31.gif" border=0>
</FONT></FONT></font>

[نجمة دبي]

<font color='#000000'>مشكووووووره اختيه على المشاركه الغاويه ... <img src="http://oasis.bindubai.com/emoticons/smile.gif" border="0" valign="absmiddle" alt=':)'>

كسرت خاطري (( جموووووووووله )) ..

بس يلا الله يرحمها ويرحم الجميع.><img src="http://oasis.bindubai.com/emoticons/down.gif" border="0" valign="absmiddle" alt=':down:'>

ان شاء الله اتعوضينها ابوحده ( شوي ) احلى منها ..:d

تحياتي

نجمة دبي</font>

[تحفه]

<font color='#FF0000'><p align=center>ها ها هااااي ..
ذكرتوني بعنزه بيييييييضه في زريبة قوم يدتي ..
امسمينها عزيزه <img src="http://oasis.bindubai.com/emoticons/tounge.gif" border=0>

لي عوده </p></font>

[لمّــاح]

<font color='#000000'><p align=center>قولو شكرا لأني عدلت الموضوع

عفانا الله <img src="http://oasis.bindubai.com/emoticons/glare.gif" border=0>

</p></font>

[تحفه]

<font color='#FF0000'><p align=center>&nbsp;مشكور لمـاح .. من طيب اصلك اخوي <img src="http://oasis.bindubai.com/emoticons/biggrin.gif" border=0></p></font>

[نجمة دبي]

<font color='#000000'>ام خدود...

مشكوووووووره اختيه على المرور ..

انتظر مشاركتج بفارغ الصبر..



لماح ...

مشكووووووور الغالي على هذي المساعده الطيبه..

نخدمك في الافراح ان شاء الله

انتظر مشاركتك ..

تحياتي</font>

[أحلى منصوري]

<font color='#000000'><p align=center>حيوانات أليفــه <img src="http://oasis.bindubai.com/emoticons/fa40.gif" border=0>&nbsp;’’
بشوف لكم بعيــر ، ناقة ، بقـرة ومن هذا القبيل ويمكن ارد <img src="http://oasis.bindubai.com/emoticons/fa34.gif" border=0>..
تسلمين الغاليـه على الموضوع الحلــو ’’
قلتي ليه أخوج ياكل أكل القطاوة <img src="http://oasis.bindubai.com/emoticons/fa30.gif" border=0>

..
</p></font>